¹Mohu' -mi eo bohe to Yahudi to rahanga' Posusa' Roti to Uma Raragii, to rahanga' wo'o Eo Paskah.

¹商议怎样杀害耶稣（太26:1-5；可14:1-2、10-11。参约11:45-53）

²Nto'u toe, imam pangkeni pai' guru agama mpali' ohea-ra ke mpatehi bongo Yesus, apa' me'eka' -ra mpoka'eka' ntodea.

²祭司长和经学家设法怎样杀害耶稣，因为他们惧怕群众。

³Ngkai ree, Magau' Anudaa' mesua' hi rala nono Yudas, to rahanga' wo'o Iskariot, hadua ngkai ana'guru-na Yesus to hampulu' rodua.

³那时，撒但已经进入加略人犹大的心，他原是十二门徒中的一个。

⁴Toe pai' hilou-imi mpololitai imam pangkeni hante kapala' polisi Tomi Alata'ala, ba beiwa akala-na mpobalu' Yesus hi hira'.

⁴他去与祭司长和守殿官商量怎样把耶稣交给他们。

⁵Goe' -ramo mpo'epe lolita Yudas toe, ra'uli' -ki: "Ane nutonu Yesus hi kai', kiwai' -ko doi."

⁵他们很高兴，约定了给他银子。

⁶Na'io' -mi Yudas, pai' ngkai ree napali' loga to lompe' mpobalu' Yesus hi bali' -na hante uma ra'incai ntodea.

⁶他答应了，就寻找机会，要趁群众不在的时候，把耶稣交给他们。

⁷Rata-mi tempo-na Posusa' Roti to Uma Raragii. Pai' eo to lomo' -na hi rala posusa' tohe'e, eo posumalea' bima to rakoni' hi Eo Paskah.

⁷预备逾越节的筵席（太26:17-19；可14:12-16）除酵日到了，在这一天应当宰杀逾越节的羊羔。

⁸Yesus mpohubui Petrus pai' Yohanes, na'uli' -raka: "Hilou-mokoi mporodo-taka pongkoni' Paskah-ta."

⁸耶稣差派彼得和约翰，说：“你们去为我们预备逾越节的晚餐给我们吃。”

⁹Rapekune' -i: "Hiapa Pue' nupokono kipomporodoi-e?"

⁹他们说：“你要我们在哪里预备呢？”

¹⁰Na'uli' -raka: "Ane mesua' -koi mpai' hi rala ngata, hirua' -koi hante hadua tomane to ngkeni pontomua' oti ntomu'. Tuku' -i rata hi tomi pesuaa' -na.

¹⁰他说：“你们进了城，必有一个人顶着水罐，迎面而来，你们就跟着他，到他所进的那一家，

¹¹Rata hi tomi pesuaa' -na, uli' -ki pue' tomi hewa toi: `Na'uli' Guru: Hiapa-kuwo pobabehia-ku Posusa' Paskah hante ana'guru-ku?'

¹¹对家主说，老师问你：‘客厅在哪里？我和门徒好在那里吃逾越节的晚餐。’

¹²Pue' tomi toei mpai' mpotudo' -kokoi hameha' kamar to bohe hi lolo-na. Kamar toe teporodo ami' -mi, hono' -mi rewa-na. Hi retu-mi mpai' niporodo pongkoni' Paskah-ta."

¹²他必指示你们楼上一间布置整齐的大房子，你们就在那里预备。”

¹³Hilou mpu'u-ramo Petrus pai' Yohanes, pai' rarata mpu'u-mi hewa to na'uli' -raka Yesus, pai' -ra mporodo-mi pongkoni' Paskah.

¹³他们去了，所遇见的正像耶稣所说的一样，就预备好了逾越节的晚餐。

¹⁴Karata-na mpu'u-mi tempo ngkoni' pongkoni' Paskah tohe'e, mohura-imi Yesus hante suro-na hi tomi toe.

¹⁴最后的晚餐（太26:20-24、26-29；可14:17-21；约13:21-30。参林前11:23-25）到了时候，耶稣和使徒一同吃饭。

¹⁵Na'uli' -raka: "Doko' lia-a ngkoni' dohe-ni hi Eo Paskah toi, kako'ia-ku mporata kaparia.

¹⁵他说：“我十分愿意在受难以前，跟你们吃这逾越节的晚餐。

¹⁶Apa' bona ni'inca: uma-apa ngkoni' pongkoni' Paskah to hewa toi, duu' -na madupa' mpu'u-mi batua-na posusa' toi nto'u Alata'ala jadi' Magau' hi dunia'."

¹⁶我告诉你们，我决不再吃这晚餐，直到它成就在　神的国里。”

¹⁷Oti toe, Yesus mpo'ala' sangkiri' to ihia' anggur, na'uli' tarima kasi hi Alata'ala, pai' na'uli' -raka ana'guru-na: "Ala' -mi tohe'i pai' nibagi-bagi.

¹⁷耶稣接过杯来，感谢了，说：“你们拿这个，大家分着喝。

¹⁸Apa' bona ni'inca: ntepu'u ngkai wae lau, uma-apa nginu anggur duu' -na rata mpu'u-mi tempo-na Alata'ala jadi' Magau' hi dunia'."

¹⁸我告诉你们，从今以后，我决不再喝这葡萄酒，直到　神的国来临。”

¹⁹Oti toe, na'ala' -mi roti, pai' ka'oti-nai mpo'uli' tarima kasi hi Pue' Ala, napihe-pihe pai' natonu-miraka, na'uli': "Roti to kutonu-kokoi toi, toi-mi woto-ku ((to kutonu mpotolo' -koi. Babehi-mokoi ada toi bona mpokiwoi-a."

¹⁹他拿起饼来，感谢了，擘开递给他们，说：“这是我的身体，为你们舍的，你们应当这样行，为的是记念我。”

²⁰Wae wo'o, ka'oti-ra ngkoni', na'ala' sangkiri' to ihia' anggur pai' na'uli' -raka: "Ihi' sangkiri' toi mpobatuai pojanci Alata'ala to bo'u, to mpoposidai' Alata'ala pai' manusia'. Pojanci toe, rapadupa' hante raa' -ku, to rabowo mpai' ane mate-a mpotolo' -koi.))

²⁰饭后，他照样拿起杯来，说：“这杯是用我的血所立的新约，这血是为你们流的。

²¹"Aga hilo pe', tauna to mpobalu' -a mpai', ria-imi hi rehe'i lau, ngkoni' dohe-ku toi-e!

²¹你看，出卖我的人的手和我一同在桌子上，

²²Aku' Ana' Manusia' bate kana mate hewa to napakatantu Alata'ala. Aga mpe'ahii' tauna to mpobalu' -a tetui!"

²²人子固然要照所预定的离世，但出卖人子的那人有祸了！”

²³Kara'epe-na ana'guru-na toe, momepekune' -ramo ba hema-ra mpai' to mpobabehi hewa toe.

²³于是，门徒彼此对问，他们中间谁要作这事。

²⁴Ngkai ree, momehono' -ramo ana'guru-na Yesus, ba hema-ra to meliu kabohe pangka' -ra.

²⁴门徒再争论谁最大门徒中间又起了争论：他们中间谁是最大的。

²⁵Toe pai' Yesus mpo'uli' -raka: "Ane hi tauna to uma mpo'incai Alata'ala, uma mowo kasoa-na magau' mpohawai' ntodea. Pai' tauna to bohe pangka' -ra doko' rahanga' `to mpotiroi ntodea.'

²⁵耶稣对他们说：“各国都有君王统治他们，他们的掌权者称为恩主，

²⁶Aga koi', neo' hewa tetu! Timali-na lau-di. Hema-koi to meliu kabohe pangka' -na kana mo'ingku hewa to kedi' lia tuwu' -na. Pai' tauna to mehawai' kana mo'ingku hewa hadua pahawaa'.

²⁶但你们却不要这样；你们中间最大的，应当像最小的；作首领的，应当像服事人的。

²⁷Kupekune' -koi ulu: hema to meliu kabohe pangka' -na? To mohura ngkoni' -di, ba to metonui-di? Tantu tauna to mohura. Hiaa' ohe'i-a hi laintongo' -ni hewa tauna to mpotonui-koi.

²⁷哪一个大呢？是坐着吃喝的还是服事人的呢？不是坐着吃喝的吗？然而我在你们中间，如同服事人的。

²⁸"Koi' tohe'i-e lau, ria oa' -koi dohe-ku hi rala hawe'ea kasusaa' -ku.

²⁸我在磨炼之中，常常和我同在的就是你们。

²⁹Jadi', hewa Tuama-ku mpowai' -a kuasa moparenta, wae wo'o Aku' mpowai' -koi kuasa moparenta.

²⁹父怎样把王权赐给我，我也照样赐给你们，

³⁰Toe pai' goe' wo'o-ko-koiwo mpai' ngkoni' pai' nginu dohe-ku hi rala Kamagaua' -ku ane jadi' Magau' -apa mpai'. Pai' mohura moto-koi mpai' hi pohuraa to hampulu' romeha', mpoparentai to Israel to hampulu' rontina."

³⁰叫你们在我的国里坐在我的席上吃喝，又坐在宝座上审判以色列的十二支派。

³¹Oti toe, Pue' Yesus mpololitai Simon Petrus, na'uli': "Ee', Simon! Epe: Magau' Anudaa' rawai' loga mposori-koi omea. Hewa pae to ratapi, hewa toe wo'o mpai' kagaga-na pesori to mporumpa' -koi.

³¹预言彼得不认主（太26:31-35；可14:27-31；约13:36-38）“西门，西门，撒但设法要得着你们，好筛你们像筛麦子一样；

³²Aga kuposampayai ami' -moko Simon, bona neo' lelu' pepangala' -nu. Jadi', ane monoto nculii' mpai' nono-nu, iko kana mporohoi nono doo-nu."

³²但我已经为你祈求，叫你的信心不至失掉。你回头的时候，要坚固你的弟兄。”

³³Na'uli' Petrus: "Pue', nau' ratarungku' -a mpai' ba paiana rapatehi-a dohe-nu, sadia moto-a mpotuku' -ko!"

³³彼得说：“主啊！我已经准备好要跟你一同下监，一同死。”

³⁴Na'uli' Yesus: "Petrus, bona nu'inca: kako'ia-na turua' manu' bengi toe mpai' lau, mpolia' tolu ngkani-moko mposapu kanu'inca-ku."

³⁴耶稣说：“彼得，我告诉你，今天鸡叫以前，你会三次说不认得我。”

³⁵Oti toe Yesus mpololitai-ra, na'uli': "Nto'u kakuhubui-ni wengi hilou ngkeni Kareba Lompe', uma-koi kupiliu mpokeni karepe' doi ba boku ba sapatu'. Ha ria-mokoi nakakurai' ba napa-napa-e?"

³⁵要带钱囊、口袋和刀耶稣又对他们说：“从前我差你们出去，没有带钱囊、口袋、鞋子，你们缺乏什么没有？”他们说：“没有。”

³⁶Ratompoi': "Uma-hawo." Na'uli' Yesus: "Aga hewa toe lau, hema-koi to ria doi-ni ba boku-ni kana nikeni. Pai' hema-koi to uma ria piho' -ni, pobalu' baju-ni nipope'oli piho'.

³⁶耶稣说：“但现在，有钱囊的应当带着，有口袋的也是这样；没有刀的，要卖掉衣服去买刀。

³⁷Apa' ria lolita Buku Tomoroli' to mpo'uli': `Magau' Topetolo' mpai' rapohewa tauna to dada'a.' Pai' napa to te'uki' toe kana madupa' hi Aku'. Apa' napa to te'uki' hi rala Buku Tomoroli' to mpolowa-a, neo' madupa' mpu'u-mi wae lau."

³⁷我告诉你们，‘他被列在不法者之中’这句经文，必定应验在我身上，因为关于我的事必然成就。”

³⁸Ra'uli' ana'guru-na: "Pue', ohe'i moto piho' romata." Na'uli' Yesus: "Wae-mi."

³⁸他们说：“主啊，请看，这里有两把刀。”耶稣说：“够了。”

³⁹Oti toe, malai-imi Yesus ngkai rala ngata, pai' hewa kabiasaa-na hilou-imi hi Bulu' Zaitun, pai' ana'guru-na hilou wo'o dohe-na.

³⁹在客西马尼祷告（太26:36-46；可14:32-42）耶稣照常到橄榄山去，门徒也跟着他。

⁴⁰Karata-ra hi ria, na'uli' mpo'uli' -raka: "Mosampaya-mokoi bona neo' -koi mporata pesori."

⁴⁰到了那里，他对门徒说：“你们应当祷告，免得陷入试探。”

⁴¹Oti toe, pai' hilou-i molaa hala' ngkai hira', pai' -i mowilingkudu mosampaya.

⁴¹于是耶稣离开他们约有扔一块石头那么远，跪下祷告说：

⁴²Na'uli': "Tuama-ku, ane dota-ko, wi'iha-ka-kuwo kaparia to neo' mporumpa' -a tohe'i. Aga bela konoa-ku Aku' to jadi', agina konoa-nu Iko moto." ((

⁴²“父啊，如果你愿意，就把这杯拿走！但不要成就我的意思，只要成就你的旨意。”

⁴³Ngkai ree, mehupa' -mi hadua mala'eka ngkai suruga mporohoi-i.

⁴³（有些抄本有第43、44节：“有一位天使从天上显现，加给他力量。耶稣非常伤痛，祷告更加恳切，汗如大血点滴在地上。”）

⁴⁴Hangkedi' kanahuduwukui-na mosampaya, apa' pepa mpu'u na'epe. Ini' -na tudo' hi tana' hewa raa'.))

⁴⁴

⁴⁵Oti mosampaya, mokore-imi hilou nculii' hi ana'guru-na. Narata-ra bula-ra leta', nakeni kasusa' nono-ra.

⁴⁵他祷告完了，就起来到门徒那里，看见他们因为忧愁都睡着了，

⁴⁶Na'uli' -raka: "Napa-di pai' leta' -koie! Memata-mokoi pai' mosampaya bona neo' -koi mporata pesori."

⁴⁶就说：“你们为什么睡觉呢？起来祷告！免得陷入试探。”

⁴⁷Bula-na Yesus mololita-pidi, muu-mule' rata-mi tauna hampodooa. Yudas, hadua ngkai ana'guru-na to hampulu' rodua, hi'a-mi to mpakeni-ra. Karata-ra hi ree, hilou-imi Yudas mpomohui' Yesus, doko' natabe-i hante me'eki ntuku' ada-ra to Yahudi.

⁴⁷耶稣被捕（太26:47-56；可14:43-50；约18:3-11）耶稣还在说话的时候，来了一群人，十二门徒中的犹大走在前头，到了耶稣跟前要用嘴亲他。

⁴⁸Aga Yesus mpo'uli' -ki: "Ee' Yudas, ha hante petabe-nu tetu-tanoe nupobalu' -a, Aku' Ana' Manusia' -e!"

⁴⁸耶稣对他说：“犹大，你用亲嘴作暗号出卖人子吗？”

⁴⁹Karahilo-na ana'guru-na napa to neo' jadi', ra'uli': "Pue', ki'ewa-ramo hante piho'!"

⁴⁹左右的人见了，就说：“主啊，我们用刀砍好吗？”

⁵⁰Ngkai ree, hadua ngkai ana'guru-na mpotime batua Imam Bohe, bela mpoholu tilinga ka'ana-na.

⁵⁰他们中间有一个人砍了大祭司的仆人一刀，削掉他的右耳。

⁵¹Na'uli' Yesus: "Neo' -pi!" Pai' najama tilinga-na napaka'uri' -ki.

⁵¹耶稣说：“由他们吧！”就摸那人的耳朵，医好了他。

⁵²Oti toe, Yesus mpololitai-ra imam pangkeni pai' polisi Tomi Alata'ala hante pangkeni to Yahudi to tumai mpohoko' -i. Na'uli' -raka: "Ha toperampaki-a toi-e, pai' mingki' tumai-koi ntali piho' pai' sumampu-e!

⁵²耶稣对那些前来捉拿他的祭司长、守殿官和长老说：“你们带着刀棒出来，把我当作强盗捉拿吗？

⁵³Butu eo-na ria lalau-a dohe-ni hi Tomi Alata'ala, tapi' uma-koi hema to dungku pale-ni hi Aku' nto'u toe. Tempo mobengi-damo pai' lako' daho' -koi mpohoko' -a. Toi-mi tempo-ni koi', pai' tempo-na magau' kabengia!"

⁵³我天天跟你们在殿里，你们不向我下手；但现在是你们的时候了，也是黑暗掌权的时候了。”

⁵⁴Ngkai ree, rahoko' mpu'u-imi, pai' -i rakeni hilou hi tomi Imam Bohe. Petrus metuku' ngkawao-wadi.

⁵⁴彼得三次不认主（太26:57-58、69-75；可14:53-54、66-72；约18:12-18、25-27）他们拿住耶稣，押到大祭司家里，彼得远远地跟着。

⁵⁵Hi laintongo' berewe, rapobaa apu raponerui, pai' Petrus hilou wo'o-hawo mohura dohe-ra mpotololiki apu.

⁵⁵他们在院内生了火，一同坐着，彼得也坐在他们中间。

⁵⁶Hadua tobine topobago hi tomi Imam Bohe mpohilo Petrus bula-na moneru. Napelence pai' na'uli': "Tau tetui, hadua doo-na Yesus!"

⁵⁶有一个使女，见他面向火光坐着，就注视他，说：“这人是和他一伙的。”

⁵⁷Nasapu Petrus, na'uli': "Uma-kuna ku'incai-i!"

⁵⁷彼得却否认，说：“你这个女人，我不认得他。”

⁵⁸Uma mahae ngkai ree, kahadua-na mpohilo Petrus pai' na'uli' -ki: "Iko wo'o-mi hadua doo-ra ngone!" Na'uli' wo'o Petrus: "Uma! Bela aku'."

⁵⁸不久，另一个人看见他，就说：“你也是他们中间的一个。”彼得说：“你这个人，我不是。”

⁵⁹Ba ria hajaa ngkai ree, hadua wo'o-mi mpo'uli': "Bate hi'a mpu'u-di doo-nae, apa' to Galilea wo'o-i-hawo!"

⁵⁹大约过了一小时，又有一个人肯定地说：“这人真是和他一伙的，因为他也是加利利人。”

⁶⁰Na'uli' Petrus: "Napa to nu'uli' tetu, uma-kuna ku'incai!" Bula-na Petrus mololita-pidi, turua' -mi manu',

⁶⁰彼得说：“你这个人，我不知道你说的是什么！”他还在说话的时候，鸡就叫了。

⁶¹pai' Pue' me'ili' mponaa-i. Ngkai ree, nakiwoi-mi lolita-na Pue' to mpo'uli' -ki: "Kako'ia-na turua' manu' bengi mpai', mpolia' tolu ngkani-moko mposapu kanu'inca-ku."

⁶¹主转过身来看彼得，彼得就想起主对他说过的话：“今天鸡叫以前，你要三次说不认得我。”

⁶²Palai-nami Petrus hilou hi mali-na, pai' -i geo' ngkai kapeda' nono-na.

⁶²他就出去痛哭。

⁶³Tauna to mpodongo Yesus mpopo'ore' -i pai' mpohopo' -i.

⁶³公议会审问耶稣（太26:59-68；可14:55-65；约18:19-24）看管耶稣的人戏弄他，

⁶⁴Raputu' lio-na bona neo' -i pehilo, pai' -i rapekune': "Ee nabi! Pe'uli' pe' ba hema to mpohopo' -koe!"

⁶⁴蒙住他的眼睛问他：“你说预言吧，说打你的是谁。”

⁶⁵Wori' wo'o-pidi lolita peruge' -ra mporuge' -i.

⁶⁵他们还说了许多别的辱骂他的话。

⁶⁶Kamobaja-na, hawe'ea imam pangkeni pai' guru agama hante pangkeni to Yahudi ntani' -na moromu, pai' Yesus rakeni hi nyanyoa-ra.

⁶⁶天一亮，民间的长老、祭司长和经学家就都聚集，把他带到他们的公议会里，说：

⁶⁷Ra'uli' topohura toera mpo'uli' -ki Yesus: "Uli' -kakai hi rehe'i, ha Iko mpu'u-mi Magau' Topetolo' -e?" Na'uli' Yesus: "Nau' ku'uli' -kokoi, bate uma-le nipangalai' -e.

⁶⁷“你若是基督，就告诉我们吧。”耶稣说：“就算我告诉你们，你们也决不相信。

⁶⁸Pai' ane Aku' mepekune' hi koi', bate uma-le nitompoi' -ae.

⁶⁸如果我问你们，你们也决不回答。

⁶⁹Aga ngkai wae-e lau, Aku' Ana' Manusia' mohura pai' moparenta hi mali ngka'ana Alata'ala to Mobaraka'."

⁶⁹从今以后，人子要坐在　神权能的右边。”

⁷⁰Ra'uli' wo'o-mi topohura toera: "Ane wae-di, Ana' Alata'ala mpu'u-ko?" Na'uli' Yesus: "Wae mpu'u-di, hewa to ni'uli' tetu-e."

⁷⁰他们说：“那么你是　神的儿子吗？”耶稣说：“你们说了，我是。”

⁷¹Ngkai ree, ra'uli' -mi: "Uma-pi mingki' ria sabi'! Ta'epe moto-mi ngkai wiwi-na kasalaa' -na!"

⁷¹他们说：“我们还需要什么证供呢？我们亲自听见他所说的话了。”