¹Mala'eka toei mpotudo' wo'o-ka hancalu' halu', meringkila' -damo ue-na hewa watu loha. Ue halu' toe mpowai' katuwua'. Ulu-na mehuwu ngkai Pohuraa to napohurai Alata'ala pai' Ana' Bima toei,

¹天使又指示我一道明亮如水晶的生命水的河流，从　神和羊羔的宝座那里流出来，

²pai' mo'ili hilou hi laintongo' ohea ngata toe. Hi po'ole halu' toe ntimali-mali tuwu' kaju to rahanga' kaju katuwua'. Kaju toe mowua' hampulu' rongkani rala-na hampae, butu mula-na mowua'. Rau-na rapopokuli', mpaka'uri' tauna humalili' dunia'.

²经过城里的街道。河的两边有生命树，结十二次果子，每月都结果子；树叶可以医治列国。

³Hi rala ngata toe uma-pi ria to ratotowi. Pohuraa Alata'ala pai' Ana' Bima, ria hi rala ngata toe. Pai' hawe'ea batua-na mpopue' -i,

³所有咒诅都不再有了。城里有　神和羊羔的宝座，他的仆人都要事奉他，

⁴pai' hante mata-ra moto mpohilo lence-na. Hanga' Alata'ala te'uki' hi wingke-ra.

⁴也要见他的面。他的名字必写在他们的额上。

⁵Bengi uma-pi ria, pai' pue' ngata toe uma mparaluu lampu ba pehini eo, apa' Pue' Alata'ala moto-mi to mpohinii-ra. Moparenta-ra hewa magau' duu' kahae-hae-na.

⁵不再有黑夜了，他们也不需要灯光或日光了，因为主　神要光照他们。他们要作王，直到永永远远。

⁶Oti toe, pai' na'uli' -ka mala'eka: "Hawe'ea lolita toe we'i makono pai' bate madupa' mpai'. Pue' Alata'ala to mpowai' Inoha' -na hi hawe'ea nabi, Hi'a-mi to mpohubui mala'eka-na tumai mpopo'incai batua-batua-na napa to kana sohi' madupa'."

⁶耶稣再来天使对我说：“这些话是可信的、真实的！主，就是众先知之灵的　神，差遣了他的天使，把那快要发生的事，指示他的仆人。”

⁷Na'uli' Pue' Yesus: "Neo' rata-amae'! Marasi' -ra tauna to mpotuku' paresa' to te'uki' hi rala sura pelowa toi."

⁷“看哪！我必快来！那遵守这书上预言的人是有福的！”

⁸Aku' Yohanes, ku'epe pai' kuhilo-mi-kuna hawe'ea to natudo' -maka mala'eka toe. Ka'oti-na ku'epe pai' kuhilo, kamotumpa-kumi hi nyanyoa-na, ke mponyompa-i.

⁸听见又看见了这些事的，就是我约翰。我听见又看见了之后，就俯伏在指示我这些事的天使脚前要拜他。

⁹Aga natagi-a, na'uli': "Neo'! Neo' menyompa hi aku'! Nyompa-imi Alata'ala. Apa' aku' wo'o-kuwo batua Alata'ala, hibalia iko pai' hibalia hingka nabi-nu pai' hawe'ea tauna to mpotuku' lolita to te'uki' hi rala sura tohe'i."

⁹他对我说：“千万不可以这样！我和你，以及你的弟兄众先知，还有那些遵守这书上的话的人，都是同作仆人的。你应当敬拜　神。”

¹⁰Pai' na'uli' tena-ka: "Neo' nuwunii' lolita pelowa to hi rala sura toi, apa' neo' rata-mi kadupa' -na.

¹⁰他又对我说：“不要封住这书上的预言，因为时候近了。

¹¹Tauna to dada'a, pelele' -ramo mpobabehi to dada'a. Tauna to mojeko', pelele' -ramo mojeko'. Tauna to monoa', pelele' -ramo mpobabehi to monoa'. Tauna to moroli', pelele' -ramo mpobabehi to moroli'."

¹¹不义的，要他仍旧不义；污秽的，要他仍旧污秽；行义的，要他仍旧行义；圣洁的，要他仍旧圣洁。”

¹²Na'uli' Pue' Yesus: "Neo' rata-amae', pai' -a mpohiwili kehi butu dua tauna ntuku' napa to rababehi.

¹²“看哪，我必快来！赏赐在我，我要照着各人所行的报应他。

¹³Aku' -mi to Lomo' -na pai' to Ka'omea-na. Aku' Pontepu'ua-na pai' Kahudua-na."

¹³我是阿拉法，是俄梅格；我是首先的，也是末后的；我是创始的，也是成终的。”

¹⁴Marasi' tauna to mpo'uja' pohea-ra duu' -na me'itu', apa' hira' -mi to rapiliu ngkoni' wua' kaju katuwua'. Hira' to rapiliu mesua' hi rala ngata toe ntara hi wobo' -na.

¹⁴那些洗净自己袍子的人是有福的！他们可以有权到生命树那里，也可以从门进到城里。

¹⁵Aga tauna to dada'a, topedoti, to mogau' sala', to mepatehi, to mepue' hi pinotau, tauna to moboa' pai' tauna to mpokono to boa'-- hawe'ea tauna toera, uma-ra rapiliu mesua' hi rala ngata toe.

¹⁵在城外，有那些狗，那些行邪术的、淫乱的、杀人的、拜偶像的，以及所有喜爱说谎的和实行说谎的人。

¹⁶"Aku' Yesus mpohubui mala'eka-ku tilou mpoparata lolita paresa' -ku toi hi koi' to mpotuku' -a. Aku' muli Magau' Daud, Aku' Betue' Pompoka-eo to mehini."

¹⁶“差遣了我的使者、为众教会向你们证明这些事的，就是我耶稣。我是大卫的根，又是他的后裔，我是明亮的晨星。”

¹⁷Inoha' Tomoroli' pai' tobine to napemuai' Ana' Bima mpo'uli': "Tumai-mokoi!" Butu dua tauna to mpo'epe lolita toi, kana mpo'uli': "Tumai-mokoi!" Hema to ngkamara, tumai-mokoi! Hema to dota, mai-mokoi nginu ue to mpowai' katuwua', uma mingki' ni'oli.

¹⁷圣灵和新娘都说：“来！”听见的人也要说：“来！”口渴的人也要来！愿意的人都要白白接受生命的水！

¹⁸Hi butu dua tauna to mpo'epe lolita pelowa to hi rala sura toi ku'uli': Ane ria to mpodonihii napa-napa hi lolita sura toi, Alata'ala wo'o mpai' mpodonihii huku' -ra hante pesesa' to te'uki' hi rala sura toi.

¹⁸我警告所有听见这书上预言的人：如果有人在这些预言上加添什么，　神必把写在这书上的灾难加在他身上。

¹⁹Pai' ane ria tauna to mpokurai' ba napa-napa ngkai lolita sura toi, Alata'ala wo'o mpai' mpokurai' bagia-na: uma-ra mpai' ma'ala ngkoni' wua' kaju katuwua', pai' uma-ra ma'ala mesua' hi rala ngata to moroli' toe, hewa to te'uki' hi rala sura toi.

¹⁹如果有人从这书上的预言删减什么，　神必从这书上所记的生命树和圣城删去他的分。

²⁰Yesus mposabii' hawe'ea lolita toi, pai' na'uli': "Makono! Neo' rata-ama." Amin! Tumai-moko, Pue' Yesus!

²⁰证明这些事的那一位说：“是的，我必快来！”阿们！主耶稣啊，请你来吧！

²¹Pue' Yesus mpogane' hawe'ea topetuku' -na ngkai kabula rala-na. Amin

²¹愿主耶稣的恩惠与所有的圣徒同在！阿们！