¹Ngkai toe-mi ompi' -ompi', ku'apui nono-ni: apa' wae-mi kabohe ahi' Alata'ala hi kita' -e, toe pai' kana nitonu woto-ni hi Alata'ala, niponcawa pepue' -ni to tuwu'. Tonu woto-ni hi Alata'ala, bona Hi'a to mpo'atoro' katuwu' -ni, pai' bona moroli' po'ingku-ni. Toe-hana ada mpepue' -ni to masipato', toe to mpakagoe' nono Alata'ala.

¹献上自己当作活祭

²Neo' nituku' kehi tauna to uma mpo'incai Alata'ala. Pelele' Alata'ala mpobalii' kehi-ni hi kanabo'ui-na pekiri-ni. Apa' ane hewa toe-damo, ni'inca mpu'u-mi patuju Alata'ala hi rala katuwu' -ni. Ni'inca kalompe' patuju-na toe, to mpakagoe' nono-na, pai' to uma ria kakuraa' -na.

²不要模仿这个世代，倒要借着心意的更新而改变过来，使你们可以察验出什么是　神的旨意，就是察验出什么是美好的、蒙他悦纳的和完全的事。

³Apa' lawi' nawai' -ama Alata'ala huraa jadi' suro-na, toe pai' kuparesai' -koi butu-butu dua-ni: neo' -ta mpomolangko nono-ta meliu ngkai kakono-na. Kana monoto nono-ta mpopekiri katuwu' -ta moto, ntuku' huka' pepangala' to nabagi-taka Alata'ala butu-butu dua-ta.

³信徒行事为人的准则我凭着所赐给我的恩典，对你们各人说，不可自视太高，高于所当看的，反而应该照着　神分给各人信心的大小，看得适中。

⁴Rapa' -na hi woto manusia' ria wori' bagia-na, aga hawoto lau-wadi, pai' butu bagia woto toe hore-hore ria bago-ra.

⁴就像一个身体有许多肢体，各肢体都有不同的功用；

⁵Wae wo'o kita' to mepangala' hi Kristus: wori' -ta, aga hawoto lau-ta-wadi hi posidai' -ta hante Kristus, pai' momedai' -tamo butu dua-ta hi himpau kita'.

⁵照样，我们大家在基督里成为一个身体，也是互相作肢体。

⁶Hore-hore ria kola' -ta to mosisala, ntuku' to nakolai' -taka Alata'ala. Tauna to ria kola' -na mpohowa' Lolita Alata'ala, kana mpopomako' bago-na toe ntuku' huka' pepangala' -na.

⁶照着所赐给我们的恩典，我们各有不同的恩赐：说预言的，就应当照着信心的程度去说；

⁷Tauna to ria kola' -na mpotulungi doo, kana metulungi mpu'u-i-hawo. Tauna to ria kola' -na metudui', kana metudui' mpu'u-i.

⁷服事人的，就应当照着恩赐去服事；教导的，就应当照着恩赐教导；

⁸Tauna to ria kola' -na mporohoi nono doo, bate tetu-mi-hawo bago-na. Hema-ta to ria kola' -ta mpowai' doo ba napa-napa, wai' -ramo doo-ta hante kamanara-ta. Hema to ria kola' -na jadi' pangkeni, kana mepakeni-i hante nono-na mpu'u. Pai' tauna to ria kola' -na mpewili' doo to mpe'ahii', pewili' -ramo hante nono to goe'.

⁸劝慰的，就应当照着恩赐劝慰；把财物分给人的要真诚；领导的要殷勤；行善的要乐意。

⁹Poka'ahi' mpu'u doo-ni, neo' rapo'ada-wadi. Tadi kehi to dada'a, kakamu kehi to lompe'.

⁹爱，不可虚伪；恶，要厌恶；善，要持守。

¹⁰Momepoka'ahi' -koi hewa pomepoka'ahi' to ntali ompi', pai' momeri'uu-uluhi-koi momebila' hadua pai' hadua.

¹⁰要以手足之爱彼此相亲，用恭敬的心互相礼让。

¹¹Baka' mobago hi Pue', neo' lose. Neo' tapelele' apu-ta mate, kakamu bago Pue' hante nono mpu'u.

¹¹殷勤不可懒惰，心灵要火热，常常服事主；

¹²Pakagoe' nono-ta, apa' moroho poncarumakaa-ta hi Pue'. Tari hi rala kasusaa'. Tida mosampaya.

¹²在盼望中要喜乐，在患难中要坚忍，祷告要恒切。

¹³Tulungi doo hampepangalaa' -ta to hi rala kakuraa' -ra. Jole' metorata.

¹³圣徒有缺乏的，就要接济；客旅要热诚地款待。

¹⁴Ane ria tauna to mpobalinai' -koi, merapi' -koi hi Alata'ala bona nagane' -ra. Gane' -ra, neo' nitipo' -ra.

¹⁴迫害你们的，要为他们祝福；只可祝福，不可咒诅。

¹⁵Goe' hangkaa-ngkania hante tauna to goe', geo' hante tauna to geo'.

¹⁵要与喜乐的人一同喜乐，与哀哭的人一同哀哭。

¹⁶Hintuwu' hante doo-doo-ta. Neo' mpokalangko nono-ta, agina pohintuwu' -raka tauna to dingki' tuwu' -ra. Neo' -ta mpopeliu kapante-ta ngkai doo-ta.

¹⁶要彼此同心，不可心高气傲，倒要俯就卑微的。不可自以为聪明。

¹⁷Ane ria to mpobalinai' -ta, neo' pehawai-ra. Babehi napa to lompe' hi poncilo hawe'ea tauna.

¹⁷不可以恶报恶。大家以为美的事，要努力去作。

¹⁸Ane ma'aa-ala, kita' kana mpohudukulei' mpopali' ohea-na bona momekalompei' -ta hante hawe'ea tauna.

¹⁸可能的话，总要尽你们的所能与人和睦。

¹⁹Ompi' -ompi' to kupe'ahi': neo' pehawai kadada'aa doo. Pelele' Alata'ala moto-hawo to mpohuku' -ra. Apa' hi rala Buku Tomoroli' Alata'ala mpo'uli': Aku' -damo to mpehawai. Aku' -damo to mpohuku'." Wae-mi ponguli' Pue'.

¹⁹亲爱的啊，不要为自己伸冤，宁可等候主的忿怒，因为经上记着，主说：“伸冤在我，我必报应。”

²⁰Jadi', tuku' -mi tudui' Buku Tomoroli' owi to mpo'uli': "Ane mo'oro' bali' -nu, pokoni' -ra-rawo. Ba ngkamara-ra, poponginu-ra. Ane hewa toe nubabehi, me'ea' huli' -ra mpai'."

²⁰相反地，“如果你的仇敌饿了，就给他吃；如果渴了，就给他喝。因为你这样作，就是把炭火堆在他的头上。”

²¹Neo' rapehawai kehi doo to dada'a hante kehi to dada'a wo'o. Ane hewa toe, madagi lau-tamo, apa' nadagi kada'aa-tamo. Agina hiwili kehi to dada'a hante kehi to lompe', bona tadagi kada'aa hante kalompea'.

²¹不可被恶所胜，反要以善胜恶。