¹Huan Jobin a dawnga, hichiin a chi a:

²Thilhihtheihna neilou amah bangchiin na panpihta a amai; hanta neilou ban bangchiin na hondamta a amai;

³Pilna neilou amah bangchin na thuhilha, huan nakpitaka theihna hoih na phuangkheta a;

⁴Kua kiangah ahia thute na genkhiak tak? Huan kua kha ahia nang akipan hongpai khia?

⁵Sisate tuite nuai leh huaia tengte nuaiah a ling uh.

⁶A maah Seol vuaktangin a oma, huan Abaddon in kikhuhna a neikei hi.

⁷Aman mal mun awng tungah a phalh khia a, huan bang mahlou tungah lei a khai hi.

⁸A meipi sahin tuite a tuna; huan huaite nuaiah meipi a kikek kei hi.

⁹Khapi mai a khuha, a tungah a meipi a phalh hi.

¹⁰Tuite tungah, khovak leh khomial kigitna ah, kawlmong a kaikual hi.

¹¹A salhna ah van khuamte a ling ua, lamdang a sa uh.

¹²A thilhihtheihnain tuipi a khawlsaka, huan a theihsiamna in Rahab a sat.

¹³A huin vante bawlhoihin a oma; a khutin gulpi man-gang tailai a sun hi.Ngaiin, hiaite a thilhih mong lel ahi uh. Ngatchika a huau siausiau lel! A thilhihtheihna Vanging kua ahia theisiam ding?

¹⁴Ngaiin, hiaite a thilhih mong lel ahi uh. Ngatchika a huau siausiau lel! A thilhihtheihna Vanging kua ahia theisiam ding?