¹Huchiin pingpei akipanin TOUPAN job a dawnga, hichiin a chi a:

²Theihna bei thutea thuhilh hihmial hiai kua ahia?

³Kipasalsakin tuin na kawng gakin; Hondong ding ka hi, ka kianga na gen ding ahi.

⁴Lei kingaknate ka koih laiin nang koiah na oma? Phuangin, theihsiamna nei na hih leh.

⁵Huaia tehnate kua bawl ahi, thei na hih leh! ahihkeileh a tunga tehna khau kua zan ahia?

⁶A nuai suangphumte kua phum ahia, ahihkeileh huai a ninga suang kua koih ahia;

⁷Jingsang aksiten la a sak khawm ua, Pathian tapate tengteng kipah jiaka a kikou lai un?

⁸Ahihkeileh kuan kongkhaktein tuipite a khak binga, gil akipan hongpawt khia banga, a hongpuahkhiak laiin.

⁹Huaia puansilh meipi leh, khomial bikbek, huaia dinga tuamna puan ka bawla,

¹⁰Huaia dinga ka thupiak bawla, kalhnate leh kongkhakte koiha,

¹¹Hiaitan na hongpai ding, himahleh a ban hilouin, ka chiha; huan hiailaiah a kiuangsak na tuikihotte lettangin a om ding uh, ka chih laiin?

¹²Na nite a kipat nungsiah jingsang thu na piain, phalvak a mun thei dingin na bawlta hia;

¹³Huchia lei tawpnate a mat theiha, huai akipana gilou sinkhiak a hihtheihna dingin?

¹⁴Chiamtehna nuaia tungmanlei bangin mel a kikhenga; huan puansilh bangin thil tengteng ze neiin a dingkhia hi:

¹⁵Huan gilou akipana a khovak uh lettang sak ahia, a ban liksang uh a kitan hi.

¹⁶Tuipi nakte sungah na lut ta hia? Ahihkeileh tuithuk tawpna ah na paita hia?

¹⁷Sihna kongpite na kiangah taklatin a omta hia? Ahihkeileh sihna limliap kongpite na muta hia?

¹⁸Lei zatdan na thei siamte hia? Phuang in, huai na theih vek leh.

¹⁹Khovak tenna zotna lampi koiah a oma, huan khomial omna mun koisan ahia;

²⁰Huchia huai a gamgi tana na tonpi theiha, huchia huai a in tana lampite na theihna dingin?

²¹Thei mah niteh maw, huailaia piangta lah hi ding china? Hhuan na nite tamdan lah thupi mahmah hi dia!

²²Vuk koihkhawmna ah na lut ngeita hia, ahihkeileh gial koihkawm na muta hia.

²³Buaina hun adia ka sit, kidou leh kisat nia dia?

²⁴Bang lampi ah ahia khovak a kikhen a, ahihkeileh leitunga suahlam huih a dalhjak?

²⁵Kuan ahia tui tampi luanna dinga tuilam khuak, ahihkeileh kekkia adia lampi;

²⁶Mihing om louhna mun gam tunga vuah zusak dingin; mihing om louhna, gamdai tungah;

²⁷Lei kisia leh segawpsa lungkimsak ding; loupa hing nou khangkhesak ding?

²⁸Vuahin pa a nei hia? Ahihkeileh daitui takte kua suan ahia?

²⁹Kua gil akipana tuikhal hongpai ahia? Huan van daituikhal ngou, kua suahsak ahia?

³⁰Suang bangin tuite a taka, tuithuk maite a khal hi.

³¹Siguk khaute na khihkhawm thei hia, ahihkeileh zuheisuktun khaute na phel thei hia?

³²Amah hunbi ah Aksilamvaka chiamtehnate na pikhe thei hia? Ahihkeileh Jangkhua leh tate na pi thei hia?

³³Van thusehte na thei hia? Huai lalna lei ah na dingkhesak thei diam?

³⁴Nang tui tampiin a khuh theihna dingin meipite kiangah na aw na suahkhe thei diam?

³⁵A pai theihna ding un khophiate na sawl khe thei hia?

³⁶Sunggil lamah pilna kuan a koiha? Ahihkeileh lungsim kiangah kuan theihsiamna a pia a?

³⁷Pilnain kuan meipite a sim thei dia? Ahihkeileh kuan van tuithawlte a bo khe thei dia.

³⁸A lompia leivui a luana, a sakte a kimat khawm ngiungeu lai un?

³⁹Humpinelkai adingin samat na betsak ding hia? Ahihkeileh humpinelkai noute gilkial na hihdam ding hia?

⁴⁰A kua ua a boh ua, buk dinga a bukna mun ua a om nilouh lai un?Vaak ading a an kuan a pia a? A noute Pathian kianga kikou a ann duh mana a vakvak lai un?

⁴¹Vaak ading a an kuan a pia a? A noute Pathian kianga kikou a ann duh mana a vakvak lai un?