¹Huchiin Bildad Sua miin a dawnga, hichiin a chi a:

²Bangtan hiai thilte gen ding na hia? huan bangtan na kama thute huih hat bang ding ahi ua?

³Pathianin vaihawmna a hekkawi ahia? ahihkeileh Thilbang-kimhih theiin dikna a hekkawi ahia?

⁴Na tate a tunga a khelh ua, hua a tatlekna uh khuta amaute a pikhiak a leh:

⁵Pathian lam kuhkaltaka na zona, hua Thilbangkimhihthei kianga na thilnget na bawl leh;

⁶Na siangthoua na dik leh; nang jiakin tuin ka khanglou mahmah dia, huan na diktatna omna a lohching sak ding hi.

⁷Huan na kipatna neu mahleh, ahihhangin na tawpna na nunglam nakpiin a khang ding hi.

⁸Huai jiakin ka honngen ahi, hun masa thu kan inla, a pipute un a na zonkhiak uh lamah kisuk in:

⁹(Ei lah jana lel i hi ua, bangmah i theikei uh, leitungah i nite uh lah limliap ahi a: )

¹⁰Amauten nang a honsinsak un, a honhilh un, a lungtang ua kipanin thute a gen kei ding ua hia?

¹¹Buannawi louin phaipek a khang khe thei ahia? tui louin loupa a khangthei ahia?

¹²Hinga a oma, sat puk louh a hihlaiin, loupa dangte main a vuai nak hi.

¹³Huaibangmahin Pathian manghilhte tengteng lampi ahi; huan pathianlimsaklou mi lametna a mangthang ding:

¹⁴A muanna a kitam dinga, a kingakna maimomlen ahi hi.

¹⁵A intung a ngai dia, himahleh a ding kei ding: huaiah a lenchinten dia, himahleh a pangsawt kei ding hi.

¹⁶Ni suah main a hinga, huan a selte a huan tuamin a meng khia uh.

¹⁷A zungte leivum kimah a jam ua, suangte omna mun ah a hing hi.

¹⁸A mun akipan lakmang hi leh, huchiin amah a kitheihmohbawl dinga, Ka honmu ngeikei, chiin.

¹⁹Ngaiin, hiai a lampi kipahna ahia, huan lei akipanin adangte a hongsuak ding uh.

²⁰Ngaiin, Pathianin mi hoihkim a paikhe kei ding, gilouhihmite leng a tungding sam kei ding hi.

²¹Na kam nuihin a hondimsak lai lai dia, na mukte kikounain.Nang honmudahte zumnain akhuh dinga; huan gilou puanin omta kei ding hi.

²²Nang honmudahte zumnain akhuh dinga; huan gilou puanin omta kei ding hi.