¹TOUPA aw, vai hon hawmsakin, lungsim hoihtak puiin ka om ngala, ginglah louin leng ka muang hi.

²TOUPA aw, hon enchianin honsin inla; ka lungsim leh ka lungtang hihsiangthou in.

³Na chitna ka maah a om ngala, na thutak ah ka om jel sam hi.

⁴Mi bangmahlou phette kiangah ka tu ngeikeia; lepchiahte kiangah leng ka lut sam kei ding hi.

⁵Thil hoihlou hihte kikhawmte tuh ka mudaha, mi gilousaloute kiangah ka ut kei ding.

⁶Ka khutte gensiat beinain ka sil dinga, huchibangin, TOUPA aw, na maitam ka vel ding hi:

⁷Kipahthu genna ka hihging theiha, na thil lamdang hih tengteng thute ka hilh theihna dingin.

⁸TOUPA, na omna in ka ita, na thupina omna leng.

⁹Ka hinna mi khialte lakah lakhawm kenla, ka hinna leng sisan suahhatte lakah lakhawm sam ken.

¹⁰A khut uah ngaihtuah gilou a oma, a khut taklam uh golhnain a dim hi.

¹¹Himahleh kei jaw lungsim hoih puiin ka om ding: hontan inla, honhehpihin.Ka khe mun tam takah a dinga; kikhopna bangah TOUPA a phat ding hi.

¹²Ka khe mun tam takah a dinga; kikhopna bangah TOUPA a phat ding hi.