¹Masters, give to your servants that which is just and equal, knowing that you also have a Master in heaven.

¹Mga agalon, buhata ninyo ang angay ug matarung sa inyong mga sulogoon, sa hingbaloan ninyo nga kamo adunay Agalon usab sa langit.

²Continue steadfastly in prayer, watching therein with thanksgiving;

²Sa malig-on managpadayon kamo sa pag-ampo, nga magatukaw niini nga may pagpasalamat;

³praying together for us also, that God may open to us a door for the word, to speak the mystery of Christ, for which I am also in bonds;

³Nga magaampo sa mao nga panahon alang kanamo usab, aron ang Dios magaabli kanamo ug usa ka pultahan alang sa pulong, sa pagsulti sa tinago ni Cristo, nga tungod niini ania usab ako nagapus:

⁴that I may reveal it as I ought to speak.

⁴Aron ako makapahayag niini ingon sa kinahanglan ko igasulti.

⁵Walk in wisdom toward those who are outside, redeeming the time.

⁵Managgawi kamo sa kaalam sa atubangan sa mga anaa sa gawas, nga pahimuslan ninyo ang panahon.

⁶Let your speech always be with grace, seasoned with salt, that you may know how you ought to answer each one.

⁶Ang inyong pagsulti paubani ka nunay sa gracia, nga naasinan sa asin, aron inyong hibaloan kong unsa ang kinahanglan igatubag ninyo sa tagsatagsa.

⁷All my affairs will be made known to you by Tychicus, the beloved brother, faithful servant, and fellow bondservant in the Lord.

⁷Ang tibook ko nga kahimtang igapadayag kaninyo ni Tychico, igsoon nga hinigugma, ug matinumanon nga ministro ug masigkasulogoon sa Ginoo;

⁸I am sending him to you for this very purpose, that he may know your circumstances and comfort your hearts,

⁸Nga gisugo ko siya tungod niini gayud nga tuyo, aron masayud kamo sa among kahimtang, ug aron pagalipayon niya ang inyong mga kasingkasing:

⁹together with Onesimus, the faithful and beloved brother, who is one of you. They will make known to you everything that is going on here.

⁹Uban kang Onesimo, ang matinumanon ug hinigugma nga igsoon, nga taga-inyo. Sila magapahibalo kaninyo sa tanang mga butang nga ginahimo diri.

¹⁰Aristarchus, my fellow prisoner, greets you, and Mark, the cousin of Barnabas (concerning whom you received commandments, “if he comes to you, receive him”),

¹⁰Si Aristarco, masigkabinilanggo ko, nangumosta kaninyo ug si Marcos, nga ig-agaw ni Bernabe (nga mahatungod kaniya nakadawat kamo ug mga sugo; kong moanha kaninyo, dawata ninyo siya),

¹¹and Jesus who is called Justus. These are my only fellow workers for the Kingdom of God who are of the circumcision, men who have been a comfort to me.

¹¹Ug si Jesus, nga ginganlan Justo, nga sa mga taga-circuncicion. Kini sila mao lamang ang mga masigkatabang nako alang sa gingharian sa Dios, mga tawo nga maoy kalipay ko.

¹²Epaphras, who is one of you, a servant of Christ, salutes you, always striving for you in his prayers, that you may stand perfect and complete in all the will of God.

¹²Nangumosta kaninyo si Epafras, nga taga-inyo, ulipon ni Cristo Jesus, nga sa gihapon nagasingkamot tungod kaninyo sa iyang pag-ampo, aron kamo magabarug nga hingpit ug matino gayud sa bug-os nga kabubut-on sa Dios.

¹³For I testify about him, that he has great zeal for you, and for those in Laodicea, and for those in Hierapolis.

¹³Kay ako nagapamatuod alang kaniya, nga siya may daku nga kahago alang kaninyo, ug alang sa mga anaa sa Laodicea, ug sa mga anaa sa Hierapolis.

¹⁴Luke, the beloved physician, and Demas greet you.

¹⁴Nangumosta kaninyo si Lucas, ang mananambal nga hinigugma, ug si Demas.

¹⁵Greet the brothers who are in Laodicea, and Nymphas, and the assembly that is in his house.

¹⁵Pangumostaha ninyo ang mga igsoon sa Laodicea, ug si Nimfas, ug ang iglesia nga anaa sa ilang balay.

¹⁶When this letter has been read among you, cause it to be read also in the assembly of the Laodiceans; and that you also read the letter from Laodicea.

¹⁶Ug sa human mabasa kini nga sulat sa taliwala ninyo, buhata ninyo, nga mabasa usab sa iglesia sa mga taga-Laodicea; ug kamo usab magbasa niadtong sulat nga gikan sa Laodicea.

¹⁷Tell Archippus, “Take heed to the ministry which you have received in the Lord, that you fulfill it.”

¹⁷Ug igasulti ninyo kang Arquipo: Bantayan mo ang pagka-ministro nga gidawat mo sa Ginoo, aron pagatumanon mo kini.

¹⁸The salutation of me, Paul, with my own hand: remember my bonds. Grace be with you. Amen.

¹⁸Ang pagpangumosta nako, si Pablo, sa akong kaugalingong kamot. Hinumdumi ninyo ang akong mga gapus. Ang gracia magauban kaninyo. Amen.