¹For the law, having a shadow of the good to come, not the very image of the things, can never with the same sacrifices year by year, which they offer continually, make perfect those who draw near.

¹Kay ang Kasugoan nga may landong sa mga maayong butang nga palaabuton, dili ang matuod nga dagway sa mga butang, uban sa mao gihapong mga halad sa tuig-tuig nga kanunay ilang gihalad, dili gayud makahimo sa paghingpit kanila nga nagaduol.

²Or else wouldn’t they have ceased to be offered, because the worshippers, having been once cleansed, would have had no more consciousness of sins?

²Kondili, wala ba unta sila moundang sa paghalad? kay ang mga magsisimba, sa tapus mahinloi sa nakausa, wala na untay pag-ila sa sala.

³But in those sacrifices there is a yearly reminder of sins.

³Apan niadtong mga halara adunay handumanan nga gihimo mahitungod sa mga sala sa tuig-tuig.

⁴For it is impossible that the blood of bulls and goats should take away sins.

⁴Kay dili gayud mahimo nga ang dugo sa mga vaca ug sa mga kanding makapala sa mga sala.

⁵Therefore when he comes into the world, he says, “Sacrifice and offering you didn’t desire, but you prepared a body for me;

⁵Tungod niana, sa pagsulod niya sa kalibutan, miingon siya: Ang halad ug gasa wala mo pagdawata, kondili giandaman mo ako ug usa ka lawas;

⁶Sa tibook nga mga halad-nga-sinunog ug halad alang sa sala wala mo mahimut-i:

⁷Then I said, ‘Behold, I have come (in the scroll of the book it is written of me) to do your will, O God.’” Psalm 40:6-8

⁷Unya miingon ako: Ania karon, mianhi ako (Sa padron sa basahon nahisulat mahitungod kanako) sa pagbuhat sa imong kabubut-on, Oh Dios.

⁸Previously saying, “Sacrifices and offerings and whole burnt offerings and sacrifices for sin you didn’t desire, neither had pleasure in them” (those which are offered according to the law),

⁸Sa giingon sa itaas: Sa mga halad ug mga gasa ug tibook mga halad-nga-sinunog ug mga halad alang sa sala dili ka modawat, wala ka usab ing kahimuot kanila (kini nga gihalad sumala sa Kasugoan).

⁹then he has said, “Behold, I have come to do your will.” He takes away the first, that he may establish the second,

⁹Unya miingon siya: Ania karon, mianhi ako sa pagbuhat sa imong kabubut-on. Gikuha niya ang nahauna aron matukod niya ang ikaduha.

¹⁰by which will we have been sanctified through the offering of the body of Jesus Christ once for all.

¹⁰Nga tungod niini nga kabubut-on gipanagputli kita pinaagi sa halad sa lawas ni Jesucristo sa nakausa nga sa gihapon.

¹¹Every priest indeed stands day by day serving and often offering the same sacrifices, which can never take away sins,

¹¹Ug ang tagsatagsa ka sacerdote sa pagkamatuod nagatindog sa matag-adlaw nga nagaalagad ug nagahalad sa masubsub sa maong mga halad, nga dili gayud makapala sa mga sala;

¹²but he, when he had offered one sacrifice for sins forever, sat down on the right hand of God;

¹²Apan siya, sa nakahalad na siya sa usa ka halad alang sa mga sala nga sa gihapon, milingkod sa toong kamot sa Dios;

¹³from that time waiting until his enemies are made the footstool of his feet.

¹³Gikan niadto nagapaabut siya hangtud nga ang iyang mga kaaway mahimong tumbanan sa iyang mga tiil.

¹⁴For by one offering he has perfected forever those who are being sanctified.

¹⁴Kay pinaagi sa usa ka halad gihingpit niya nga sa gihapon sila nga ginabalaan.

¹⁵The Holy Spirit also testifies to us, for after saying,

¹⁵Ug ang Espiritu Santo usab nagahatag ug pagpamatuod kanato, kay sa tapus siya nakapamulong:

¹⁶“This is the covenant that I will make with them: ‘After those days,’ says the Lord, ‘I will put my laws on their heart, I will also write them on their mind;’” Jeremiah 31:33 then he says,

¹⁶Kini mao ang tugon nga akong pagabuhaton uban kanila sa tapus niadtong mga adlawa, miingon ang Ginoo: Igabutang ko ang akong mga Kasugoan sa ilang kasingkasing, ug sa ila nga salabutan usab igasulat ko kini; unya miingon siya:

¹⁷“I will remember their sins and their iniquities no more.” Jeremiah 31:34

¹⁷Ug dili ko na pagahinumduman ang ilang mga sala ug ang ilang mga pagkamasupilon.

¹⁸Now where remission of these is, there is no more offering for sin.

¹⁸Karon, diin atua ang pagpasaylo niini, didto wala nay halad-tungod-sa-sala.

¹⁹Having therefore, brothers, boldness to enter into the holy place by the blood of Jesus,

¹⁹Busa, mga igsoon, sa may pagpangahas kita sa pagsulod sa dapit nga balaan tungod sa dugo ni Jesus,

²⁰by the way which he dedicated for us, a new and living way, through the veil, that is to say, his flesh;

²⁰Pinaagi sa dalan nga iyang gitukod alang kanato, usa ka bag-o ug buhi nga dalan, pinaagi sa tabil, kong sayron, pinaagi sa iyang unod;

²¹and having a great priest over God’s house,

²¹Ug sanglit may usa ka dakung sacerdote ibabaw sa balay sa Dios,

²²let’s draw near with a true heart in fullness of faith, having our hearts sprinkled from an evil conscience, and having our body washed with pure water,

²²Manuol kita uban ang matuod nga kasingkasing, nga may hingpit nga katinoan sa pagtoo, sa nasabligan ang atong mga kasingkasing gikan sa usa ka dautan nga kaisipan: ug sa nadigo ang atong lawas sa tubig nga maputli,

²³let us hold fast the confession of our hope without wavering; for he who promised is faithful.

²³Magmalig-on kita sa pagsugid sa atong paglaum aron dili kini matarug; kay matinumanon ang nagsaad:

²⁴Let us consider how to provoke one another to love and good works,

²⁴Ug magpinalandungay kita ang usa ug usa aron sa pag-aghat ngadto sa gugma ug sa mga maayong buhat;

²⁵not forsaking our own assembling together, as the custom of some is, but exhorting one another; and so much the more, as you see the Day approaching.

²⁵Nga dili magsalikway sa atong kaugalingong panagkatigum, sumala sa batasan sa uban, kondili magtinambagay ang usa ug usa; ug labi na gayud kong ginatan-aw ninyo nga nagakahaduol ang adlaw.

²⁶For if we sin willfully after we have received the knowledge of the truth, there remains no more a sacrifice for sins,

²⁶Kay kong magpakasala kita sa tinuyo sa human ta madawat ang pag-ila sa kamatuoran, wala nay halad-tungod-sa-mga sala;

²⁷but a certain fearful expectation of judgment, and a fierceness of fire which will devour the adversaries.

²⁷Apan usa ka makalilisang nga paghulat sa paghukom, ug usa ka kabangis sa kalayo nga magalamoy sa mga kaaway.

²⁸A man who disregards Moses’ law dies without compassion on the word of two or three witnesses.

²⁸Ang tawo nga nakapasipala sa Kasugoan ni Moises, sa mapamatud-an sa duha kun totolo ka mga saksi, mamatay sa walay kalooy;

²⁹How much worse punishment, do you think, will he be judged worthy of, who has trodden under foot the Son of God, and has counted the blood of the covenant with which he was sanctified an unholy thing, and has insulted the Spirit of grace?

²⁹Daw unsa ba ka labing mabug-at nga silot, hunahunaa ninyo, ang angay igasilot niadtong nakayatak sa Anak sa Dios, ug nag-isip nga butang nga bastus ang dugo sa tugon nga nagbalaan kaniya, ug nakapanamastamas sa Espiritu sa gracia?

³⁰For we know him who said, “Vengeance belongs to me,” says the Lord, “I will repay.” Deuteronomy 32:35 Again, “The Lord will judge his people.” Deuteronomy 32:36; Psalm 135:14

³⁰Kay hing-ilhan ta ang nagaingon: Ang pagpanimalus ako man, ako mao ang magabalus, nagaingon ang Ginoo; ug usab: ang Ginoo magahukom sa iyang katawohan.

³¹It is a fearful thing to fall into the hands of the living God.

³¹Butang nga makalilisang ang pagkahulog ngadto sa mga kamot sa Dios nga buhi.

³²But remember the former days, in which, after you were enlightened, you endured a great struggle with sufferings;

³²Apan hinumdumi ninyo ang mga adlaw nga nanagpangagi, nga sa human na kamo maiwagi, nag-antus kamo sa mapailubon gayud sa usa ka dakung pagpakigbisug sa mga kasakit;

³³partly, being exposed to both reproaches and oppressions; and partly, becoming partakers with those who were treated so.

³³Sa usa ka bahin, tungod kay nangahimo kamo nga talan-awon sa mga pagbiaybiay ug sa mga kalisdanan, ug sa laing bahin tungod kay kamo nahimong mga umalambit sa mga gibuhatan sa ingon.

³⁴For you both had compassion on me in my chains, and joyfully accepted the plundering of your possessions, knowing that you have for yourselves a better possession and an enduring one in the heavens.

³⁴Kay may kalooy kamo sa mga binilanggo, ug gidawat usab ninyo nga malipayon ang pag-agaw sa inyong mga bahandi, sanglit nahibalo kamo nga may labing maayo kamo nga bahandi, ug usa nga mapinadayonon.

³⁵Therefore don’t throw away your boldness, which has a great reward.

³⁵Busa, ayaw ninyo isalikway ang inyong pagsalig, nga may daku nga balus sa katumbasan.

³⁶For you need endurance so that, having done the will of God, you may receive the promise.

³⁶Kay nagakinahanglan kamo ug pagpailub, nga sa nabuhat na ninyo ang kabubut-on sa Ginoo, madawat ninyo ang saad.

³⁷“In a very little while, he who comes will come, and will not wait.

³⁷Kay sa usa pa ka diriyut nga panahon, ang umaanhi, moanhi gayud ug dili magalangan.

³⁸But the righteous will live by faith. If he shrinks back, my soul has no pleasure in him.” Habakkuk 2:3-4

³⁸Apan ang akong matarung, magkinabuhi tungod sa pagtoo; ug kong mosibug siya, dili malipay ang akong kalag kaniya.

³⁹But we are not of those who shrink back to destruction, but of those who have faith to the saving of the soul.

³⁹Apan dili kita uban kanila nga nanagsibug hangtud sa pagkawala; kondili sa mga may pagtoo ngadto sa pagluwas sa kalag.