¹As he passed by, he saw a man blind from birth.

¹Ug sa iyang pag-agi hingkit-an niya ang usa ka tawo nga buta gikan sa pagkatawo.

²His disciples asked him, “Rabbi, who sinned, this man or his parents, that he was born blind?”

²Ug ang iyang mga tinon-an nanagpangutana kaniya nga nagaingon: Rabbi, kinsa ang nakasala, kini bang tawohana kun ang iyang mga ginikanan, nga matawo siya nga buta?

³Jesus answered, “Neither did this man sin, nor his parents; but, that the works of God might be revealed in him.

³Si Jesus mitubag: Bisan kini siya wala makasala, bisan ang iyang mga ginikanan, kondili aron igapahayag pinaagi kaniya ang mga buhat sa Dios.

⁴ I must work the works of him who sent me, while it is day. The night is coming, when no one can work.

⁴Kinahanglan ako magbuhat sa mga bulohaton sa nagsugo kanako samtang adlaw pa; moabut ang gabii nga walay tawo nga makahimo sa pagbuhat.

⁵ While I am in the world, I am the light of the world.”

⁵Samtang ania pa ako sa kalibutan, ako mao ang kahayag sa kalibutan.

⁶When he had said this, he spat on the ground, made mud with the saliva, anointed the blind man’s eyes with the mud,

⁶Sa nakapamulong siya niini, mingluwa sa yuta naghimo ug lapok sa laway, ug gidihog niya sa lapok ang mga mata sa buta.

⁷and said to him, “Go, wash in the pool of Siloam” (which means “Sent”). So he went away, washed, and came back seeing.

⁷Ug miingon kaniya: Umadto ka, ug manghugas sa danawan sa Siloe, (nga kong hubaron: Sinugo). Busa siya ming-adto ug nanghugas siya, ug mibalik nga nakakita na.

⁸The neighbors therefore, and those who saw that he was blind before, said, “Isn’t this he who sat and begged?”

⁸Unya ang mga silingan, ug ang nakakita kaniya kaniadto, nga makililimos siya, nanag-ingon: Dili ba kini mao ang naglingkod ug nagpakilimos?

⁹Others were saying, “It is he.” Still others were saying, “He looks like him.” He said, “I am he.”

⁹Ang uban nanag-ingon: Mao kini, ug ang uban: Maingon-ingon kaniya. Siya miingon: Mao ako.

¹⁰They therefore were asking him, “How were your eyes opened?”

¹⁰Unya sila nanag-ingon kaniya: Naunsa nga nabuka ang imong mga mata?

¹¹He answered, “A man called Jesus made mud, anointed my eyes, and said to me, ‘Go to the pool of Siloam, and wash.’ So I went away and washed, and I received sight.”

¹¹Siya mitubag ug miingon: Ang tawo nga ginganlan si Jesus, naghimo ug lapok, ug gidihog niya ang akong mga mata, ug miingon kanako: Umadto ka sa danawan sa Siloe, ug manghugas ka. Ug miadto ako ug nanghugas ako, ug nakadawat ako sa igtatan-aw.

¹²Then they asked him, “Where is he?” He said, “I don’t know.”

¹²Unya sila nanag-ingon kaniya: Hain man siya? Siya miingon: Ako wala masayud.

¹³They brought him who had been blind to the Pharisees.

¹³Gidala nila ang buta kaniadto, ngadto sa mga Fariseo.

¹⁴It was a Sabbath when Jesus made the mud and opened his eyes.

¹⁴Ug kadto adlaw nga igpapahulay, sa paghimo ni Jesus sa lapok ug gipabuka ang iyang mga mata.

¹⁵Again therefore the Pharisees also asked him how he received his sight. He said to them, “He put mud on my eyes, I washed, and I see.”

¹⁵Unya nangutana pag-usab kaniya ang mga Fariseo kong giunsa niya pagpakadawat sa igtatan-aw. Ug siya miingon kanila: Gibutangan niya ug lapok ang akong mga mata, ug nanghugas ako, ug nakakita ako.

¹⁶Some therefore of the Pharisees said, “This man is not from God, because he doesn’t keep the Sabbath.” Others said, “How can a man who is a sinner do such signs?” There was division among them.

¹⁶Unya miingon ang uban sa mga Fariseo: Kining tawohana dili gikan sa Dios, kay siya walay paglihi sa adlaw nga igpapahulay. Apan ang uban miingon: Unsaon pagkahimo sa usa ka tawo nga makasasala sa pagbuhat sa maong mga ilhanan? Ug sila may pagkabahinbahin.

¹⁷Therefore they asked the blind man again, “What do you say about him, because he opened your eyes?” He said, “He is a prophet.”

¹⁷Unya miingon sila pag-usab sa buta: Unsay igapamulong mo mahitungod kaniya, sa pagpabuka niya sa imong mga mata? Ug siya miingon: Manalagna siya.

¹⁸The Jews therefore did not believe concerning him, that he had been blind, and had received his sight, until they called the parents of him who had received his sight,

¹⁸Busa ang mga Judio wala motoo mahitungod kaniya nga siya kaniadto buta, ug nakadawat sa iyang igtatan-aw, hangtud nga gitawag nila ang mga ginikanan niining nakadawat sa igtatan-aw.

¹⁹and asked them, “Is this your son, whom you say was born blind? How then does he now see?”

¹⁹Ug sila nanagpangutana kanila: Mao ba kini ang inyong anak, nga giingon ninyo, nga natawo nga buta? Busa, naunsa nga makakita man siya karon?

²⁰His parents answered them, “We know that this is our son, and that he was born blind;

²⁰Ang iyang mga ginikanan nanagpanubag kanila, ug nanag-ingon: Kami nanghibalo nga kini mao ang among anak, ug natawo nga buta.

²¹but how he now sees, we don’t know; or who opened his eyes, we don’t know. He is of age. Ask him. He will speak for himself.”

²¹Apan ngano nga makakita siya karon, wala kami manghibalo; wala usab kami manghibalo kong kinsa ang nagpabuka sa iyang mga mata: siya may edad na, pangutan-a ninyo siya; siya mosulti mahatungod sa iyang kaugalingon.

²²His parents said these things because they feared the Jews; for the Jews had already agreed that if any man would confess him as Christ, he would be put out of the synagogue.

²²Kini gipamulong sa iyang mga ginikanan, kay sila nangahadlok sa mga Judio; kay kini sila nanagkasabut na, nga kong may motug-an nga siya mao si Cristo, kinahanglan pagulaon siya sa sinagoga.

²³Therefore his parents said, “He is of age. Ask him.”

²³Tungod niini, ang iyang mga ginikanan nanag-ingon: May edad na siya; pangutan-a ninyo siya.

²⁴So they called the man who was blind a second time, and said to him, “Give glory to God. We know that this man is a sinner.”

²⁴Unya gitawag nila sa ikaduha ang tawo nga buta kaniadto, ug sila miingon kaniya: Maghatag ka ug himaya sa Dios; kami nanghibalo nga kining tawohana makasasala.

²⁵He therefore answered, “I don’t know if he is a sinner. One thing I do know: that though I was blind, now I see.”

²⁵Busa, mitubag siya ug miingon: Kong siya makasasala, ako wala mahibalo; usa ka butang ang akong hingbaloan: nga, ako kaniadto buta, karon makakita na ako.

²⁶They said to him again, “What did he do to you? How did he open your eyes?”

²⁶Ug sila nanag-ingon pag-usab kaniya: Unsay iyang gibuhat kanimo? Giunsa niya ang pagpabuka sa imong mga mata?

²⁷He answered them, “I told you already, and you didn’t listen. Why do you want to hear it again? You don’t also want to become his disciples, do you?”

²⁷Siya mitubag kanila: Karon pa ngani giingon ko kamo, ug kamo wala manimati: ngano buot ba kamo magpatalinghug pag-usab? Buot ba usab kamo nga matinon-an niya?

²⁸They insulted him and said, “You are his disciple, but we are disciples of Moses.

²⁸Ug sila nasuko kaniya, ug gipamulongan: Ikaw iyang tinon-an; apan kami mga tinon-an ni Moises.

²⁹We know that God has spoken to Moses. But as for this man, we don’t know where he comes from.”

²⁹Kami nanghibalo nga ang Dios nakigsulti kang Moises; apan mahitungod niining tawohana kami wala manghibalo kong taga-diin siya.

³⁰The man answered them, “How amazing! You don’t know where he comes from, yet he opened my eyes.

³⁰Ang tawo mitubag, ug miingon kanila: Busa ang katingalahan mao kini, nga wala ninyo hibaloi kong taga-diin siya: ug siya nagpabuka sa akong mga mata.

³¹We know that God doesn’t listen to sinners, but if anyone is a worshipper of God, and does his will, he listens to him. Psalm 66:18, Proverbs 15:29; 28:9

³¹Kita nanghibalo nga ang Dios wala magapatalinghug sa mga makasasala; apan kong kinsa ang nagasimba sa Dios, ug nagabuhat sa iyang kabubut-on, kini ginapatalinghugan niya.

³²Since the world began it has never been heard of that anyone opened the eyes of someone born blind.

³²Sukad sa sinugdan sa kalibutan wala pa gayud dungga nga may nakapabuka sa mga mata sa usa nga natawo nga buta.

³³If this man were not from God, he could do nothing.”

³³Kong kini wala pa magagikan sa Dios, siya wala untay arang mahimo.

³⁴They answered him, “You were altogether born in sins, and do you teach us?” They threw him out.

³⁴Sila mingtubag ug miingon kaniya: Ikaw natawo sa bug-os gayud nga sala, ug magatudlo ka hinoon kanamo? Ug gihinginlan siya.

³⁵Jesus heard that they had thrown him out, and finding him, he said, “Do you believe in the Son of God?”

³⁵Hingdunggan ni Jesus nga siya gihinginlan; ug sa hingkit-an siya, gisul-tihan siya: Motoo ba ikaw sa Anak sa Dios?

³⁶He answered, “Who is he, Lord, that I may believe in him?”

³⁶Siya mitubag ug miingon: Kinsa siya Ginoo, aron ako motoo kaniya?

³⁷Jesus said to him, “You have both seen him, and it is he who speaks with you.”

³⁷Si Jesus miingon kaniya: Hingkit-an mo siya; ug mao ang nakigsulti kanimo.

³⁸He said, “Lord, I believe!” and he worshiped him.

³⁸Ug siya miingon: Mitoo ako, Ginoo. Ug misimba kaniya.

³⁹Jesus said, “I came into this world for judgment, that those who don’t see may see; and that those who see may become blind.”

³⁹Ug si Jesus miingon: Ako mianhi dinhi niining kalibutana sa paghukom, aron ang dili makakita, makakita; ug ang mga makakita, mangabuta.

⁴⁰Those of the Pharisees who were with him heard these things, and said to him, “Are we also blind?”

⁴⁰Ug kini hingdunggan sa uban nga mga Fariseo nga didto uban kaniya, ug nanag-ingon kaniya: Kami mga buta ba usab?

⁴¹Jesus said to them, “If you were blind, you would have no sin; but now you say, ‘We see.’ Therefore your sin remains.

⁴¹Si Jesus miingon kanila: Kong kamo mga buta pa unta, wala kamo managpakasala; apan karon nanag-ingon kamo: Makakita kami; busa ang inyong sala nagapadayon.