¹Paul, a prisoner of Christ Jesus, and Timothy our brother, to Philemon, our beloved fellow worker,

¹Lâin laj Pablo. Cuanquin chi prêxil sa' xc'aba' li Jesucristo. Cuochben li kahermân Timoteo yôquin chixtz'îbanquil li hu a'in, at Filemón. Lâat kech aj c'anjelil chiru li Cristo ut rarôcat kaban.

²to the beloved Apphia, to Archippus, our fellow soldier, and to the assembly in your house:

²Li hu a'in re ajcui' lix Apia, li kech aj pâbanelil ut reheb ajcui' laj pâbanel li neque'xch'utub rib sa' lâ cuochoch chixlok'oninquil li Dios, ut re ajcui' laj Arquipo li kech aj pâbanelil. A'an li qui-ochbenin chak ke sa' li c'anjel chixyebal resil li colba-ib.

³Grace to you and peace from God our Father and the Lord Jesus Christ.

³Chicuânk taxak êriq'uin li usilal ut li tuktûquilal li naxq'ue chak ke li Dios li kaYucua' ut li naxq'ue li Kâcua' Jesucristo.

⁴I thank my God always, making mention of you in my prayers,

⁴Junelic ninbantioxi chiru lin Dios nak nintijoc châcuix.

⁵hearing of your love, and of the faith which you have toward the Lord Jesus, and toward all the saints;

⁵Ninbantioxi chiru li Dios nak nacuabi resil nak nacapâb chi tz'akal li Jesucristo ut ninbantioxi chiru nak nacaraheb chixjunileb laj pâbanel.

⁶that the fellowship of your faith may become effective, in the knowledge of every good thing which is in us in Christ Jesus.

⁶Ut nintz'âma ajcui' chiru li Dios nak tatxtenk'a re nak tâc'utûnk chanru lâ pâbâl. Ut nak te'ril li rusilal li Jesucristo cuan âcuiq'uin, te'q'uîk sa' xpâbâleb.

⁷For we have much joy and comfort in your love, because the hearts of the saints have been refreshed through you, brother.

⁷At inhermân, c'ajo' nak nasaho' ut nac'ojla inch'ôl nak xcuabi resil chanru nak nacaraheb laj pâbanel ut nacaq'ue xcacuilal xch'ôleb.

⁸Therefore though I have all boldness in Christ to command you that which is appropriate,

⁸Anakcuan nacuaj xtz'âmanquil jun usilal châcuu. Lâin lâ hermân sa' xc'aba' li Cristo ut cuan incuanquil chixyebal âcue c'a'ru tâbânu.

⁹yet for love’s sake I rather beg, being such a one as Paul, the aged, but also a prisoner of Jesus Christ.

⁹Abanan inc'a' tinmin âcuu chixbânunquil. Tintz'âma ban li usilal châcuu xban nak nakara kib. Lâin ac xintîx ut cuanquin chi prêxil sa' xc'aba' li Cristo.

¹⁰I beg you for my child, whom I have become the father of in my chains, Onesimus, Onesimus means “useful.”

¹⁰Li usilal nintz'âma châcuu, a'an chirix laj Onésimo. Chanchan li cualal chicuu nak cuan xban nak chicuu quixpâb li Jesucristo nak cuanquin chi prêxil.

¹¹who once was useless to you, but now is useful to you and to me.

¹¹Junxil laj Onésimo inc'a' quic'anjelac chi us châcuu. Abanan anakcuan châbil aj c'anjel chic châcuu lâat ut chicuu ajcui' lâin.

¹²I am sending him back. Therefore receive him, that is, my own heart,

¹²Tintakla cui'chic âcuiq'uin ut nak tâc'ul a'an, chanchan ajcui' nak tinâc'ul lâin.

¹³whom I desired to keep with me, that on your behalf he might serve me in my chains for the Good News.

¹³Lâin xcuaj raj nak xcana ta cuiq'uin. Naru raj tâc'anjelak chicuu chok' âcuûchil lâat nak cuanquin chi prêxil xban xyebal resil li colba-ib.

¹⁴But I was willing to do nothing without your consent, that your goodness would not be as of necessity, but of free will.

¹⁴Abanan inc'a' nacuaj xminbal âcuu chixbânunquil li usilal a'in. Nacuaj ban nak tâbânu a'an chi anchal âch'ôl. Jo'can nak mâc'a' xinbânu chi inc'a' ta tânau lâat.

¹⁵For perhaps he was therefore separated from you for a while, that you would have him forever,

¹⁵Cuan xyâlal nak qui-el jarubak cutan âcuiq'uin. Mâre lix yâlal a'an nak quijala lix yu'am ut anakcuan tâcuânk âcuiq'uin chi junelic.

¹⁶no longer as a slave, but more than a slave, a beloved brother, especially to me, but how much rather to you, both in the flesh and in the Lord.

¹⁶Anakcuan mâcua' chic jo' lok'bil môs nak tâcuânk âcuiq'uin. Anakcuan k'axal lok' chic chiru junak môs xban nak anakcuan âhermân chic sa' xc'aba' li Jesucristo. Raro inban lâin, ut lâat k'axal cui'chic nak târa xban nak âmôs ut âhermân ajcui' sa' xc'aba' li Kâcua'.

¹⁷If then you count me a partner, receive him as you would receive me.

¹⁷Lâat nacanau nak lâin âcuech aj c'anjelil. Jo'can nak chac'ulak laj Onésimo jo' nak niquinâc'ul lâin.

¹⁸But if he has wronged you at all, or owes you anything, put that to my account.

¹⁸Ut cui cuan junak xmâc châcuu, chaq'uehak sa' inbên lâin. Ut cui cuan xc'as âcuiq'uin, lâin tintoj lix c'as châcuu.

¹⁹I, Paul, write this with my own hand: I will repay it (not to mention to you that you owe to me even your own self besides).

¹⁹Lâin laj Pablo. Ut riq'uin cuuk' yôquin chixtz'îbanquil li âtin a'in. Lâin tintojok re châcuu. Ut lâin naru raj tinye âcue nak k'axal cui'chic cuan lâ c'as chicuu. Lâat cuan lâ yu'am chi junelic xban nak lâin xinch'olob xyâlal châcuu.

²⁰Yes, brother, let me have joy from you in the Lord. Refresh my heart in the Lord.

²⁰Jo'can ut hermân, bânu li usilal a'in sa' xc'aba' li Kâcua'. Ut li usilal nintz'âma châcuu, a'an nak tâc'ul laj Onésimo sa' xyâlal. Chac'ojob taxak inch'ôl xban nak lâo aj pâbanel ut kacomon kib sa' xc'aba' li Jesucristo.

²¹Having confidence in your obedience, I write to you, knowing that you will do even beyond what I say.

²¹Nintz'îbac âcuiq'uin xban nak ninnau chi yâl nak tâbânu li usilal cue. Ut ninnau ajcui' nak li tâbânu, a'an k'axal cui'chic nabal chiru li nintz'âma châcuu.

²²Also, prepare a guest room for me, for I hope that through your prayers I will be restored to you.

²²Ut nintz'âma ajcui' châcuu nak tâcauresi li cuochochnal. Yôquin chixyo'oninquil nak tinxic cui'chic êriq'uin jo' yôquex chixtz'âmanquil chiru li Dios.

²³Epaphras, my fellow prisoner in Christ Jesus, greets you,

²³Laj Epafras cuochben chi prêxil sa' xc'aba' li Jesucristo. A'an naxtakla ajcui' xsahil âch'ôl.

²⁴as do Mark, Aristarchus, Demas, and Luke, my fellow workers.

²⁴Ut neque'xtakla ajcui' xsahil âch'ôl laj Marcos, laj Aristarco, laj Demas ut laj Lucas. Cuochbeneb a'an nak yôco chi c'anjelac chiru li Jesucristo.A' taxak li rusilal li Kâcua' Jesucristo chicuânk êriq'uin. Jo'can taxak.

²⁵The grace of our Lord Jesus Christ be with your spirit. Amen.

²⁵A' taxak li rusilal li Kâcua' Jesucristo chicuânk êriq'uin. Jo'can taxak.