¹Jesus answered and spoke again in parables to them, saying,

¹Ary Jesosy namaly, dia nilaza fanoharana taminy indray ka nanao hoe:

² “The Kingdom of Heaven is like a certain king, who made a marriage feast for his son,

²Ny fanjakan'ny lanitra dia tahaka ny mpanjaka, izay nanao fanasana fampakaram-bady ho an'ny zananilahy.

³ and sent out his servants to call those who were invited to the marriage feast, but they would not come.

³Ary izy naniraka ny mpanompony hiantso izay efa nasaina mba hankao amin'ny fampakaram-bady; fa tsy nety ho avy ireo.

⁴ Again he sent out other servants, saying, ‘Tell those who are invited, “Behold, I have prepared my dinner. My cattle and my fatlings are killed, and all things are ready. Come to the marriage feast!”’

⁴Dia naniraka mpanompo hafa koa indray izy ka nanao hoe: Lazao amin'ny efa nasaina hoe: Indro, efa voavoatra ny nahandroko; efa voavono ny ombiko sy ny nafahiko, ka efa voavoatra avokoa ny zavatra rehetra; koa mankanesa atỳ amin'ny fampakaram-bady ianareo.

⁵ But they made light of it, and went their ways, one to his own farm, another to his merchandise,

⁵Nefa tsy nahoany akory izany, fa samy lasa nandeha izy, ny anankiray ho any amin'ny sahany, ary ny anankiray ho any amin'ny varony.

⁶ and the rest grabbed his servants, and treated them shamefully, and killed them.

⁶Ary ny sisa nisambotra ny mpanompony, dia nisetrasetra taminy ka namono azy.

⁷ When the king heard that, he was angry, and sent his armies, destroyed those murderers, and burned their city.

⁷Ary dia tezitra ilay mpanjaka ka naniraka ny miaramilany, dia nandringana izany mpamono olona izany sady nandoro ny tanànany.

⁸ “Then he said to his servants, ‘The wedding is ready, but those who were invited weren’t worthy.

⁸Dia hoy izy tamin'ny mpanompony: Efa voavoatra ny fampakaram-bady, fa ny efa nasaina no tsy miendrika.

⁹ Go therefore to the intersections of the highways, and as many as you may find, invite to the marriage feast.’

⁹Koa mankanesa ianareo any amin'ny sampanan-dalana, ary izay hitanareo, dia asao ho ao amin'ny fampakaram-bady.

¹⁰ Those servants went out into the highways, and gathered together as many as they found, both bad and good. The wedding was filled with guests.

¹⁰Dia nivoaka ho any amin'ny lalana ireny mpanompo ireny ka namory izay rehetra hitany, na ny ratsy, na ny tsara; ary dia feno mpihinana ny fampakaram-bady.

¹¹ But when the king came in to see the guests, he saw there a man who didn’t have on wedding clothing,

¹¹Ary nony efa niditra ny mpanjaka hizaha ny mpihinana, dia nahita lehilahy anankiray izay tsy niakanjo ny akanjo fitondra amin'ny fampakaram-bady.

¹² and he said to him, ‘Friend, how did you come in here not wearing wedding clothing?’ He was speechless.

¹²Dia hoy izy taminy: Ry sakaiza, ahoana no idiranao eto, nefa ianao tsy miakanjo ny akanjo fitondra amin'ny fampakaram-bady? Dia sina izy.

¹³ Then the king said to the servants, ‘Bind him hand and foot, take him away, and throw him into the outer darkness; there is where the weeping and grinding of teeth will be.’

¹³Ary dia hoy ny mpanjaka tamin'ny mpanompony: Afatory ny tongony aman-tànany, dia ario any amin'ny maizina any ivelany izy; any no hisy ny fitomaniana sy ny fikitroha-nify.

¹⁴ For many are called, but few chosen.”

¹⁴Fa maro no antsoina, nefa vitsy no fidina.

¹⁵Then the Pharisees went and took counsel how they might entrap him in his talk.

¹⁵Ary tamin'izay dia lasa ny Fariseo ka niara-nisaina mba hamandrika Azy amin'ny teniny.

¹⁶They sent their disciples to him, along with the Herodians, saying, “Teacher, we know that you are honest, and teach the way of God in truth, no matter whom you teach, for you aren’t partial to anyone.

¹⁶Dia naniraka ny mpianany mbamin'ny Herodiana hankeo aminy izy ka nanao hoe: Mpampianatra ô, fantatray fa marina Hianao ka mampianatra marina ny lalan'Andriamanitra ary tsy manahy olona, satria tsy mba mizaha tavan'olona.

¹⁷Tell us therefore, what do you think? Is it lawful to pay taxes to Caesar, or not?”

¹⁷Koa lazao aminay ary izay hevitrao: Moa mety va ny mandoa vola hetra ho an'i Kaisara, sa tsia?

¹⁸But Jesus perceived their wickedness, and said, “Why do you test me, you hypocrites?

¹⁸Fa Jesosy nahalala ny faharatsiany, dia nanao hoe: Nahoana no maka fanahy Ahy ianareo, ry mpihatsaravelatsihy?

¹⁹ Show me the tax money.” They brought to him a denarius.

¹⁹Asehoy Ahy ny farantsakely fandoa amin'ny hetra. Dia nitondrany denaria Izy.

²⁰He asked them, “Whose is this image and inscription?”

²⁰Ary hoy Jesosy taminy: An'iza ity sary sy soratra ity?

²¹They said to him, “Caesar’s.” Then he said to them, “Give therefore to Caesar the things that are Caesar’s, and to God the things that are God’s.”

²¹Hoy izy taminy: An'i Kaisara. Dia hoy Jesosy taminy: Aloavy ho an'i Kaisara ary izay an'i Kaisara, ary ho an'Andriamanitra izay an'Andriamanitra.

²²When they heard it, they marveled, and left him, and went away.

²²Ary nony nahare izy, dia gaga, ary dia nandao Azy ka lasa nandeha.

²³On that day Sadducees (those who say that there is no resurrection) came to him. They asked him,

²³Tamin'izany andro izany dia nankeo amin'i Jesosy ny Sadoseo sasany, izay milaza fa tsy misy fitsanganan'ny maty, ka nanontany Azy hoe:

²⁴saying, “Teacher, Moses said, ‘If a man dies, having no children, his brother shall marry his wife, and raise up seed for his brother.’

²⁴Mpampianatra ô, Mosesy nilaza hoe: Raha misy maty momba, aoka ny rahalahiny hampakatra ny vadiny ka hiteraka hamelo-maso ny rahalahiny (Deo. 25. 5).

²⁵Now there were with us seven brothers. The first married and died, and having no seed left his wife to his brother.

²⁵Koa nisy fito mirahalahy tetỳ aminay; ary ny zokiny nampaka-bady, dia maty, ary satria tsy nanan-janaka iry, dia navelany ho an'ny rahalahiny ny vadiny;

²⁶In the same way, the second also, and the third, to the seventh.

²⁶ary toy izany koa ny faharoa sy ny fahatelo, hatramin'ny fahafito.

²⁷After them all, the woman died.

²⁷Koa faran'izy rehetra dia maty koa ravehivavy.

²⁸In the resurrection therefore, whose wife will she be of the seven? For they all had her.”

²⁸Ary amin'ny fitsanganan'ny maty, ho vadin'iza amin'izy fito mirahalahy moa ravehivavy? satria efa samy nanambady azy avokoa izy rehetra.

²⁹But Jesus answered them, “You are mistaken, not knowing the Scriptures, nor the power of God.

²⁹Ary Jesosy namaly ka nanao taminy hoe: Mahadiso hevitra anareo ny tsi-fahafantaranareo ny Soratra Masina na ny herin'Andriamanitra.

³⁰ For in the resurrection they neither marry, nor are given in marriage, but are like God’s angels in heaven.

³⁰Fa amin'ny fitsanganan'ny maty dia tsy mba hisy hampaka-bady, na havoaka hampakarina, fa ho tahaka ny anjely any an-danitra izy.[Na: (anjelin'Andriamanitra)]

³¹ But concerning the resurrection of the dead, haven’t you read that which was spoken to you by God, saying,

³¹Fa ny amin'ny fitsanganan'ny maty, moa tsy mbola novakinareo va ny teny nataon'Andriamanitra taminareo manao hoe:

³² ‘I am the God of Abraham, and the God of Isaac, and the God of Jacob?’ Exodus 3:6 God is not the God of the dead, but of the living.”

³²Izaho no Andriamanitr'i Abrahama sy Andriamanitr'isaka ary Andriamanitr'i Jakoba (Eks. 3. 6)? Andriamanitra tsy an'ny maty, fa an'ny velona.

³³When the multitudes heard it, they were astonished at his teaching.

³³Ary ny vahoaka, raha nandre, dia talanjona tamin'ny fampianarany.

³⁴But the Pharisees, when they heard that he had silenced the Sadducees, gathered themselves together.

³⁴Fa ny Fariseo, nony nandre fa nampahasina ny Sadoseo Izy, dia niangona.

³⁵One of them, a lawyer, asked him a question, testing him.

³⁵Ary ny anankiray tamin'ireo, izay mpahay lalàna, nanontany naka fanahy Azy ka nanao hoe:

³⁶“Teacher, which is the greatest commandment in the law?”

³⁶Mpampianatra ô, ny didy manao ahoana moa no lehibe ao amin'ny lalàna?

³⁷Jesus said to him, “‘You shall love the Lord your God with all your heart, with all your soul, and with all your mind.’ Deuteronomy 6:5

³⁷Dia hoy Jesosy taminy: Tiava an'i Jehovah Andriamanitrao amin'ny fonao rehetra sy ny fanahinao rehetra ary ny sainao rehetra (Deo. 6. 5).

³⁸ This is the first and great commandment.

³⁸Izany no didy lehibe sady voalohany.

³⁹ A second likewise is this, ‘You shall love your neighbor as yourself.’ Leviticus 19:18

³⁹Ary ny faharoa, izay tahaka azy ihany, dia izao: Tiava ny namanao tahaka ny tenanao (Lev. 19. 18).

⁴⁰ The whole law and the prophets depend on these two commandments.”

⁴⁰Izany didy roa izany no ihantonan'ny lalàna rehetra sy ny mpaminany.

⁴¹Now while the Pharisees were gathered together, Jesus asked them a question,

⁴¹Ary rehefa tafangona ny Fariseo, dia nanontany azy Jesosy ka nanao hoe:

⁴²saying, “What do you think of the Christ? Whose son is he?” They said to him, “Of David.”

⁴²Ahoana no hevitrareo ny amin'i Kristy? Zanak'iza moa Izy? Hoy izy taminy: Zanak'i Davida.

⁴³He said to them, “How then does David in the Spirit call him Lord, saying,

⁴³Hoy Jesosy taminy: Koa nahoana ary Davida amin'ny Fanahy no manao Azy hoe Tompo, ka manao hoe:

⁴⁴ ‘The Lord said to my Lord, sit on my right hand, until I make your enemies a footstool for your feet?’ Psalm 110:1

⁴⁴Jehovah nilaza tamin'ny Tompoko hoe: Mipetraha eo an-tanako ankavanana Ambara-panaoko ny fahavalonao ho eo ambanin'ny tongotrao (Sal. 110. 1)?

⁴⁵ “If then David calls him Lord, how is he his son?”

⁴⁵Koa raha Davida ary manao Azy hoe Tompo, ahoana no maha-zanany Azy?Dia tsy nisy nahavaly Azy na dia teny iray akory aza; ary hatramin'izay andro izay dia tsy nisy sahy nanontany Azy intsony.

⁴⁶No one was able to answer him a word, neither did any man dare ask him any more questions from that day forth.

⁴⁶Dia tsy nisy nahavaly Azy na dia teny iray akory aza; ary hatramin'izay andro izay dia tsy nisy sahy nanontany Azy intsony.