¹The whole company of them rose up and brought him before Pilate.

¹Wushtilo savorhe ai ningerde les ka Pilate.

²They began to accuse him, saying, “We found this man perverting the nation, forbidding paying taxes to Caesar, and saying that he himself is Christ, a king.”

²Ai dosharenas les, phenenas, "Kado manush rimol amaro them ai vazdelpe o narodo pe amende, ai phenel le narodoske te na pochinen ka Caesar e taksa, ai phenelas ke wo si O Kristo, ek amperato."

³Pilate asked him, “Are you the King of the Jews?” He answered him, “So you say.”

³O Pilate phushel les, "San tu o amperato le Zhidovongo?" O Jesus phendia leske, "Tu mothos."

⁴Pilate said to the chief priests and the multitudes, “I find no basis for a charge against this man.”

⁴O Pilate phendia ka le bare rashange ai le narodoske, "Me chi arakhav chi iek dosh ande kado manush.

⁵But they insisted, saying, “He stirs up the people, teaching throughout all Judea, beginning from Galilee even to this place.”

⁵Numa mai xoliariko sas won, phenenas, "Kado manush vazdel o narodos, ai sicharel kodolen kai si ande Judah, zhal de Galilee ai de katsar naichidisardia.

⁶But when Pilate heard Galilee mentioned, he asked if the man was a Galilean.

⁶Kana o Pilate ashundia e vorba "Galilee," phushlia, "Kodo manush sas Galilean?"

⁷When he found out that he was in Herod’s jurisdiction, he sent him to Herod, who was also in Jerusalem during those days.

⁷Kana ashundia ke O Jesus sas andai Galilee ai ke o Herod poronchilas ande Galilee, tradia les ka Herod. O Herod sas ande Jerusalem ande kodia vriama.

⁸Now when Herod saw Jesus, he was exceedingly glad, for he had wanted to see him for a long time, because he had heard many things about him. He hoped to see some miracle done by him.

⁸Ai kana o Herod dikhlia O Jesus, raduisailo; ke demult mangelas te dikhel les, ke ashundia but vorbi pa leste; ai mangelas te dikhel les te kerel mirakluria angla leste.

⁹He questioned him with many words, but he gave no answers.

⁹O Herod phushlia but vorbi katar o Jesusos, numa O Jesus chi phendia leske kanchi.

¹⁰The chief priests and the scribes stood, vehemently accusing him.

¹⁰Ai le bare rasha ai le Gramnoturia kotse sas, ai thonas dosh pe leste zurales.

¹¹Herod with his soldiers humiliated him and mocked him. Dressing him in luxurious clothing, they sent him back to Pilate.

¹¹Ai o Herod peske ketanensa kerenas zhungales le Jesusosa, ai marenas mui lestar, ai dia pe leste iek rhocha shukar, ai pale tradia les ka Pilate.

¹²Herod and Pilate became friends with each other that very day, for before that they were enemies with each other.

¹²Sa kodo dies o Pilate ai o Herod kerdile vortacha, kai won mai anglal sas duzhmaia iek kavreske.

¹³Pilate called together the chief priests and the rulers and the people,

¹³Ai kana o Pilate chidia le bare rashan, ai le bare kai poronchin ai le narodos andek than,

¹⁴and said to them, “You brought this man to me as one that perverts the people, and see, I have examined him before you, and found no basis for a charge against this man concerning those things of which you accuse him.

¹⁴phendia lenge, "Tume andian mange kakale manushes, ke buntuil le narodos, ai me phushlem lestar angla tumende, ai chi arakhlem chi iek dosh ande leste. Nai chi iek diela kai tume dosharen les;

¹⁵Neither has Herod, for I sent you to him, and see, nothing worthy of death has been done by him.

¹⁵Ai chi o Herod chi arakhlia dosh pe leste, ke wo tradia les amende. Kado manush chi kerdia kasavestar o baio kai trobul mudardo.

¹⁶I will therefore chastise him and release him.”

¹⁶Phenav le ketanenge te maren les le bichosa, ai porme mekav les te zhaltar."

¹⁷Now he had to release one prisoner to them at the feast.

¹⁷Ka swako pachiv sas ek zakono kai trobulas te mekel avri iekes anda temnitsa.

¹⁸But they all cried out together, saying, “Away with this man! Release to us Barabbas!”—

¹⁸Numa savorhen tsipinas andek than, phenenas, "Mudaren les! Mekes o Barabbas te zhaltar."

¹⁹one who was thrown into prison for a certain revolt in the city, and for murder.

¹⁹O Barabbas sas ande temnitsa kai buntuisailo sas andek foro, ai kai mudardia vari kas.

²⁰Then Pilate spoke to them again, wanting to release Jesus,

²⁰OPilate mai phendia lenge, "Meken le Jesusos te zhaltar."

²¹but they shouted, saying, “Crucify! Crucify him!”

²¹Numa narodo tsipilas, phenelas, "Karfosar les! Karfosar les!"

²²He said to them the third time, “Why? What evil has this man done? I have found no capital crime in him. I will therefore chastise him and release him.”

²²O Pilate mai phendia lenge e trito data, "Savestar baio kerdia kado manush? Chi arakhlem kanch ande leste te avel mudardo: No mekava les kana avela mardo."

²³But they were urgent with loud voices, asking that he might be crucified. Their voices and the voices of the chief priests prevailed.

²³Numa o narodo tsipilas mai zurales, ai mangena te karfon les. Pala pengo tsipimos o Pilate kerdia pe lende.

²⁴Pilate decreed that what they asked for should be done.

²⁴O Pilate phendia, "So mangen avela pe tumaro."

²⁵He released him who had been thrown into prison for insurrection and murder, for whom they asked, but he delivered Jesus up to their will.

²⁵Meklia kodoles kai sas ande temnitsa kai kerdiasas baio ai mudardiasas kodo kai won mangenas; numa meklia le Jesusos pe lenge vas te keren so won mangen lesa.

²⁶When they led him away, they grabbed one Simon of Cyrene, coming from the country, and laid on him the cross, to carry it after Jesus.

²⁶Sar ningerenas les, line pesa ieke manushes kai busholas Simon, andak foro kai busholas Cyrene, wo avelas andai them, ai thode les te ningerel o trushul pala Jesus.

²⁷A great multitude of the people followed him, including women who also mourned and lamented him.

²⁷Ai linepe pala leste but narodo, ai zhuvlia kai rovenas ai nekezhinas pala leste.

²⁸But Jesus, turning to them, said, “Daughters of Jerusalem, don’t weep for me, but weep for yourselves and for your children.

²⁸O Jesus boldiape karing kodola zhuvlia, ai phendia, "Sheiale anda Jerusalem, na roven pe mande, numa roven pe tumende, ai pe tumare glate.

²⁹ For behold, the days are coming in which they will say, ‘Blessed are the barren, the wombs that never bore, and the breasts that never nursed.’

²⁹Ashun! Le diesa avena kai phenenas, "Raduime kodala zhuvlia kai nashti aven le glate, kodala kai shoxar nas le glate, ai kodala kai shoxar chi dine chuchi."

³⁰ Then they will begin to tell the mountains, ‘Fall on us!’ and tell the hills, ‘Cover us.’ Hosea 10:8

³⁰Antunchi phenena le plaienge, "Peren pe amende;" ai phenena le plaiorhange, "Garaven ame."

³¹ For if they do these things in the green tree, what will be done in the dry?”

³¹Ke te kerena kadia le khashtensa kai si zeleno, so kerena kana si shuko?"

³²There were also others, two criminals, led with him to be put to death.

³²Aver dui manush sas ningerde le Jesusosa te aven mardo.

³³When they came to the place that is called The Skull, they crucified him there with the criminals, one on the right and the other on the left.

³³Kana areslo po than, kai bushol "Calvary vai Shero," kotse karfosarde les po trushul, ai vi le duie choren, iek pe rik e chachi, ai iek pe rik o stingo.

³⁴Jesus said, “Father, forgive them, for they don’t know what they are doing.” Dividing his garments among them, they cast lots.

³⁴Antunchi O Jesus phendia, "Murho Dat, iertis le; ke chi zhanen so keren." Ai hulade leske tsalia, ai thodepe te dikhen kon niril leske tsalia.

³⁵The people stood watching. The rulers with them also scoffed at him, saying, “He saved others. Let him save himself, if this is the Christ of God, his chosen one!”

³⁵O narodo sas kotse ai dikhelas. Ai le bare manush kai poronchin marenas mui lestar, phenenas, "Skepisardia kavren; mek te skepil pe pes, te si wo O Kristo, kai alosardia O Del."

³⁶The soldiers also mocked him, coming to him and offering him vinegar,

³⁶Ai le ketani marenas mui lestar, ai avile leste, ai denas les shut.

³⁷and saying, “If you are the King of the Jews, save yourself!”

³⁷Ai phenenas leske, "Te san tu o amperato le Zhidovongo, skepisar tu tut."

³⁸An inscription was also written over him in letters of Greek, Latin, and Hebrew: “THIS IS THE KING OF THE JEWS.”

³⁸Opral pa lesko shero ramolaspe ande shiba le Greksisko, ai Latinesko, ai Zhiduviska, "Kado si O AMPERATO LE ZHIDOVONGO."

³⁹One of the criminals who was hanged insulted him, saying, “If you are the Christ, save yourself and us!”

³⁹Iek andal chor kai sas pasha leste, marelas mui lestar, phenelas, "Te san tu O Kristo, skepisar tu tut, ai ame."

⁴⁰But the other answered, and rebuking him said, “Don’t you even fear God, seeing you are under the same condemnation?

⁴⁰Numa kolaver chor phendia kolavreske, phenelas, "Chi daras katar O Del, tu kai mudardias ai avela kris pe tute?

⁴¹And we indeed justly, for we receive the due reward for our deeds, but this man has done nothing wrong.”

⁴¹Ame, si kris pe amende; ke ame keras amensa kadia, ke chorhe sam kai kerdiam baiuria: numa kado chi kerdia chi iek baio.

⁴²He said to Jesus, “Lord, remember me when you come into your Kingdom.”

⁴²Ai phendia le Jesusoske "Devla, desa tu goji mande kana avesa ando chi amperetsia."

⁴³Jesus said to him, “Assuredly I tell you, today you will be with me in Paradise.”

⁴³Ai O Jesus phendia leske, "Phenav tuke chachimasa, adies vi tu avesa mansa ando rhaio."

⁴⁴It was now about the sixth hour Time was counted from sunrise, so the sixth hour was about noon. , and darkness came over the whole land until the ninth hour. 3:00 PM

⁴⁴Kal desh u dui po mashkar le diesesko tuniariko avilo pe sa e lumia zhi kai trin chasuria.

⁴⁵The sun was darkened, and the veil of the temple was torn in two.

⁴⁵Ai o kham chi mai strefialas, ai e selia (kortina) ande tampla shindili ande donde de opral zhi tele.

⁴⁶Jesus, crying with a loud voice, said, “Father, into your hands I commit my spirit!” Having said this, he breathed his last.

⁴⁶Ai kana O Jesus dias mui andek baro glaso, "Murho Dat, thav murho duxo ande che vas, ai phendia kadala vorbi, mulo.

⁴⁷When the centurion saw what was done, he glorified God, saying, “Certainly this was a righteous man.”

⁴⁷Akana kana o ketano diklia so kerdilia, luvudisardia O Del, phenelas, "Chaches kado manush vorta sas."

⁴⁸All the multitudes that came together to see this, when they saw the things that were done, returned home beating their breasts.

⁴⁸Ai sa o narodo kai chidelas andek than te dikhel, kana dikhle so kerdilia, marenas pe kolin ai geletar khere.

⁴⁹All his acquaintances, and the women who followed with him from Galilee, stood at a distance, watching these things.

⁴⁹Sa leske vortacha, ai le zhuvlia kai linepe pala leste andai Galilee, de dural beshenas,dikhenas so kerdiolas.

⁵⁰Behold, a man named Joseph, who was a member of the council, a good and righteous man

⁵⁰Sas iek manush kai busholas Josef andai foro kai bushol Arimathea, kado manush lasho sas ai vorta.

⁵¹(he had not consented to their counsel and deed), from Arimathaea, a city of the Jews, who was also waiting for the Kingdom of God:

⁵¹Wo nas kana dosharde le Jesusos, wo sas andek foro busholas Arimathea, o foro le Zhidovongo, wo azhukerelas e amperetsia le Devleski.

⁵²this man went to Pilate, and asked for Jesus’ body.

⁵²Kodo manush gelo ka Pilate, ai manglia te len o stato le Jesusosko.

⁵³He took it down, and wrapped it in a linen cloth, and laid him in a tomb that was cut in stone, where no one had ever been laid.

⁵³Gelo ai lia les tele pa trushul, ai vuluisardia les ando tsolo, ai thodia les ando greposhevo kai sas ando bax, kai inker khonik nas thodino.

⁵⁴It was the day of the Preparation, and the Sabbath was drawing near.

⁵⁴Parashtuine sas, ai o Savato nachinuilas.

⁵⁵The women, who had come with him out of Galilee, followed after, and saw the tomb, and how his body was laid.

⁵⁵Ai le zhuvlia kai avile lesa andai Galilee linepe pala lende, ai dikhle o greposhevo ai sar sas thodino lesko stato.

⁵⁶They returned, and prepared spices and ointments. On the Sabbath they rested according to the commandment.

⁵⁶Porme gele palpale khere, ai lasharde le vuloia ai duxi le statoski; ai hodinisarde po dies le Savatosko, sar o zakono phenel te kerel.