¹ “Don’t judge, so that you won’t be judged.

¹"Na shin kris, te na avel kris shinde pe tute.

² For with whatever judgment you judge, you will be judged; and with whatever measure you measure, it will be measured to you.

²Ke sar shinesa kris pe kavreste kadia avela kris shindi pe tute, e musura kai musurisa kolavres kodolasa avesa tu musurime.

³ Why do you see the speck that is in your brother’s eye, but don’t consider the beam that is in your own eye?

³Sostar dikhes e tsipiliga ande iakh chi phraleski, ai chi dikhes o stilpo kai si ande chiri iakh.

⁴ Or how will you tell your brother, ‘Let me remove the speck from your eye;’ and behold, the beam is in your own eye?

⁴Sar sai phenes che phraleske, Mek ma te lav e tsipliga anda chiri iakh,' kana tut si stilpo ande chiri iakh?

⁵ You hypocrite! First remove the beam out of your own eye, and then you can see clearly to remove the speck out of your brother’s eye.

⁵Tu manush kai ankerdios so chi san! Ankalav mai anglal o stilpo anda chiri iakh, ai porme dikhesa dosta de mishto te ankalaves e tsipliga kai si ande iakh che phraleske.

⁶ “Don’t give that which is holy to the dogs, neither throw your pearls before the pigs, lest perhaps they trample them under their feet, and turn and tear you to pieces.

⁶"Na den so si swunto kal zhukel, ai shuden tumare perli anglal bale, ke kham te vulin le telal punrhe, ai amboldenpe pe tumende te xan tume.

⁷ “Ask, and it will be given you. Seek, and you will find. Knock, and it will be opened for you.

⁷"Mangen, ai avela tume dino; roden, ai arakhena; maren, ai avela tumenge phuterdo.

⁸ For everyone who asks receives. He who seeks finds. To him who knocks it will be opened.

⁸Ke kon godi mangela avela les, kodo kai rodel arakhela, ai kodoleske kai marel avela phuterdo.

⁹ Or who is there among you, who, if his son asks him for bread, will give him a stone?

⁹Savo anda tumende del bax peske shaves te mangela lestar manrho?

¹⁰ Or if he asks for a fish, who will give him a serpent?

¹⁰Vai te del les sap, te mangela lestar masho?

¹¹ If you then, being evil, know how to give good gifts to your children, how much more will your Father who is in heaven give good things to those who ask him!

¹¹Tume kai san nasul, zhanen sar te den mishtimos tumare glaten. Sode mai but tumaro Dat kai si ando rhaio dela mishtimos kodolen kai mangen lestar?"

¹² Therefore whatever you desire for men to do to you, you shall also do to them; for this is the law and the prophets.

¹²"Ande sako fielo keren kolavrenge so tume mangen le kolaver te keren tumenge; ke kodia si o zakono ai o sicharimos le profetonge.

¹³ “Enter in by the narrow gate; for wide is the gate and broad is the way that leads to destruction, and many are those who enter in by it.

¹³"Zhan andre pa e tang vurota; ke bufli e vurota, ai vushoro o drom kai ingerel ando iado, ai but si kai len kodo drom.

¹⁴ How TR reads “Because” instead of “How” narrow is the gate, and restricted is the way that leads to life! Few are those who find it.

¹⁴Ke e vurota tang ai o drom tang kai ingerel ka traio, ai xantsi si kai arakhen les."

¹⁵ “Beware of false prophets, who come to you in sheep’s clothing, but inwardly are ravening wolves.

¹⁵"Arakhen tume katar le profeturia kai nai chache, kai aven tumende andel bakrenge tsalia, numa andral won si divli ruv.

¹⁶ By their fruits you will know them. Do you gather grapes from thorns, or figs from thistles?

¹⁶Tume prinzharen le katar lenge fruta. Sai chidelpe struguro pai krenga kanrhenge, vai figi pai tsignida?

¹⁷ Even so, every good tree produces good fruit; but the corrupt tree produces evil fruit.

¹⁷Swako lashi pruing del lashi fruta, numa e chori pruing del chorhi fruta.

¹⁸ A good tree can’t produce evil fruit, neither can a corrupt tree produce good fruit.

¹⁸Ek lashi pruing nashti del chorhi fruta, ai chorhi pruing nashti del lashi fruta.

¹⁹ Every tree that doesn’t grow good fruit is cut down, and thrown into the fire.

¹⁹Savi godi pruing kai chi del lashi fruta avela shindi ai shudini ande iag.

²⁰ Therefore by their fruits you will know them.

²⁰Kadia tume prinzharena len kai nai chache katar lenge fruta."

²¹ Not everyone who says to me, ‘Lord, Lord,’ will enter into the Kingdom of Heaven; but he who does the will of my Father who is in heaven.

²¹Na swako kai phenena mange 'Devla, Devla' avena ande amperetsia le rhaioski, numa kodola kai kerena e voia murhi Dadeski kai si ando rhaio.

²² Many will tell me in that day, ‘Lord, Lord, didn’t we prophesy in your name, in your name cast out demons, and in your name do many mighty works?’

²²But ande kodo dies phenena mange, 'Devla, Devla! Chi diam profesi ande chiro anav? Chi gonisardiam le bengen ande chiro anav? Ai kerdiam but mirakluria ande chiro anav?

²³ Then I will tell them, ‘I never knew you. Depart from me, you who work iniquity.’

²³Antunchi phenava lenge, ' Shoxar, Chi zhanglem tume. Zhantar mandar, tume kai keren nasulimos!'"

²⁴ “Everyone therefore who hears these words of mine, and does them, I will liken him to a wise man, who built his house on a rock.

²⁴"Anda kodia kon godi ashunela kadala vorbi kai phenav, ai kerela le, avela sar ek manush gojaver kai vazdias pesko kher pek stana baxreski.

²⁵ The rain came down, the floods came, and the winds blew, and beat on that house; and it didn’t fall, for it was founded on the rock.

²⁵O breshind dias, le bare paia avile, e barval phurdias zurales pe kodo kher. Numa chi pelo, ke vazdino sas pe stana le baxreski.

²⁶ Everyone who hears these words of mine, and doesn’t do them will be like a foolish man, who built his house on the sand.

²⁶Numa kon godi kai ashunela le vorbi kai phenav, ai chi kerela le, avela sar ek manush prosto kai vazdias pesko kher pe chishai.

²⁷ The rain came down, the floods came, and the winds blew, and beat on that house; and it fell—and great was its fall.”

²⁷O breshind dias, o pai o baro avilo, e barval phurdia pe kodo kher. Ai pelo zurales!"

²⁸It happened, when Jesus had finished saying these things, that the multitudes were astonished at his teaching,

²⁸Kana O Jesus getosardias so phenelas chudisailo o narodo katar lesko sicharimos.

²⁹for he taught them with authority, and not like the scribes.

²⁹Ke wo sicharelas sar iek manush kai sas les putiera, ai na sar lenge manush kai sicharenas o zakono le Gramnturia.