¹Now the feast of unleavened bread, which is called the Passover, drew near.

¹Zvino mabiko ezvingwa zvisina mbiriso akaswedera, anonzi pasika.

²The chief priests and the scribes sought how they might put him to death, for they feared the people.

²Vapristi vakuru nevanyori ndokutsvaka kuti vangamuuraya sei; nekuti vaitya vanhu.

³Satan entered into Judas, who was surnamed Iscariot, who was numbered with the twelve.

³Zvino wakapinda Satani kuna Judhasi unotumidzwa Isikariyoti, waiverengwa pavanegumi nevaviri.

⁴He went away, and talked with the chief priests and captains about how he might deliver him to them.

⁴Akaenda, akanotaura nevapristi vakuru nevatungamiriri, kuti ungamutengesa sei kwavari.

⁵They were glad, and agreed to give him money.

⁵Zvino vakafara, vakatenderana kumupa mari.

⁶He consented, and sought an opportunity to deliver him to them in the absence of the multitude.

⁶Zvino wakatenda, akatsvaka mukana wakafanira wekumutengesa kwavari pasina chaunga.

⁷The day of unleavened bread came, on which the Passover must be sacrificed.

⁷Zvino zuva rezvingwa zvisina mbiriso rakasvika, paifanira kubaiwa pasika.

⁸He sent Peter and John, saying, “Go and prepare the Passover for us, that we may eat.”

⁸Zvino wakatuma Petro naJohwani, achiti: Endai munotigadzirira pasika, kuti tidye.

⁹They said to him, “Where do you want us to prepare?”

⁹Zvino vakati kwaari: Ndekupi kwamunoda kuti tigadzirire?

¹⁰He said to them, “Behold, when you have entered into the city, a man carrying a pitcher of water will meet you. Follow him into the house which he enters.

¹⁰Zvino wakati kwavari: Tarirai, kana mapinda muguta, munhu uchasangana nemwi akatakura chirongo chemvura; mumutevere mumba maanopinda.

¹¹ Tell the master of the house, ‘The Teacher says to you, “Where is the guest room, where I may eat the Passover with my disciples?”’

¹¹Uye muti kumwene weimba: Mudzidzisi unoti kwauri: Imba yevaeni iripi, mandingadyira pasika nevadzidzi vangu?

¹² He will show you a large, furnished upper room. Make preparations there.”

¹²Uye iye uchakuratidzai imba huru yekumusoro yakarongedzwa; gadzirirai ipapo.

¹³They went, found things as he had told them, and they prepared the Passover.

¹³Zvino vakaenda vakanowana sezvaakange avaudza; ndokugadzirira pasika.

¹⁴When the hour had come, he sat down with the twelve apostles.

¹⁴Zvino awa rakati rasvika, akagara pakudya, nevaapositori gumi nevaviri vanaye.

¹⁵He said to them, “I have earnestly desired to eat this Passover with you before I suffer,

¹⁵Ndokuti kwavari: Nechishuwo ndakashuva kudya pasika iyi nemwi ndisati ndatambudzika;

¹⁶ for I tell you, I will no longer by any means eat of it until it is fulfilled in the Kingdom of God.”

¹⁶nekuti ndinoti kwamuri: Handichazodyizve pairi, kusvikira yazadziswa muushe hwaMwari.

¹⁷He received a cup, and when he had given thanks, he said, “Take this, and share it among yourselves,

¹⁷Zvino wakatora mukombe, avonga akati: Torai ichi, mugogovana.

¹⁸ for I tell you, I will not drink at all again from the fruit of the vine, until the Kingdom of God comes.”

¹⁸Nekuti ndinoti kwamuri: Handichatongomwi zvechibereko chemuzambiringa, kusvikira ushe hwaMwari hwasvika.

¹⁹He took bread, and when he had given thanks, he broke it, and gave to them, saying, “This is my body which is given for you. Do this in memory of me.”

¹⁹Zvino wakatora chingwa, akavonga, akamedura, ndokuvapa, achiti: Uyu muviri wangu, unopirwa imwi; izvi itai muchindirangarira.

²⁰Likewise, he took the cup after supper, saying, “This cup is the new covenant in my blood, which is poured out for you.

²⁰Saizvozvowo mukombe shure kwekurayira, achiti: Mukombe uyu isungano itsva muropa rangu, rinoteurirwa imwi.

²¹ But behold, the hand of him who betrays me is with me on the table.

²¹Asi tarirai, ruoko rweunonditengesa rwuneni patafura.

²² The Son of Man indeed goes, as it has been determined, but woe to that man through whom he is betrayed!”

²²Zvino zvirokwazvo Mwanakomana wemunhu unoenda sezvazvakatemwa; asi une nhamo munhu uyo waanotengeswa naye!

²³They began to question among themselves, which of them it was who would do this thing.

²³Zvino ivo vakatanga kubvunzana kuti ko ndiani pavari uchaita chinhu ichi.

²⁴There arose also a contention among them, which of them was considered to be greatest.

²⁴Zvino gakava rakavapowo pakati pavo kuti ndiani kwavari unoverengwa semukurusa.

²⁵He said to them, “The kings of the nations lord it over them, and those who have authority over them are called ‘benefactors.’

²⁵Zvino wakati kwavari: Madzimambo evechirudzi anotonga zvakaoma pamusoro pavo, nevatongi vavo vanonzi vabatsiri.

²⁶ But not so with you. But one who is the greater among you, let him become as the younger, and one who is governing, as one who serves.

²⁶Asi imwi zvisadaro; asi mukurusa kwamuri ngaave semuduku, nemutungamiriri seunoshandira.

²⁷ For who is greater, one who sits at the table, or one who serves? Isn’t it he who sits at the table? But I am in the midst of you as one who serves.

²⁷Nekuti ndiani mukuru, uyo ugere pakudya kana unoshandira? Haazi iye ugere pakudya here? Asi ini ndiri pakati penyu seunoshandira.

²⁸ But you are those who have continued with me in my trials.

²⁸Nemwi ndimwi makagara neni pamiidzo yangu;

²⁹ I confer on you a kingdom, even as my Father conferred on me,

²⁹zvino ini ndinogadza kwamuri ushe, saBaba vangu vakagadza kwandiri;

³⁰ that you may eat and drink at my table in my Kingdom. You will sit on thrones, judging the twelve tribes of Israel.”

³⁰kuti mudye nekumwa patafura yangu muushe hwangu, nekugara pazvigaro zveushe, muchitonga marudzi gumi nemaviri aIsraeri.

³¹The Lord said, “Simon, Simon, behold, Satan asked to have you, that he might sift you as wheat,

³¹Ishe ndokuti: Simoni, Simoni, tarira, Satani wakukumbirai kuti akuzungurei segorosi;

³² but I prayed for you, that your faith wouldn’t fail. You, when once you have turned again, establish your brothers The word for “brothers” here may be also correctly translated “brothers and sisters” or “siblings.” .”

³²asi ini ndakunyengeterera, kuti rutendo rwako rwurege kupera; newe kana watendeuka, usimbise hama dzako.

³³He said to him, “Lord, I am ready to go with you both to prison and to death!”

³³Asi wakati kwaari: Ishe, ndakagadzirira kuenda nemwi zvose mutirongo nemurufu.

³⁴He said, “I tell you, Peter, the rooster will by no means crow today until you deny that you know me three times.”

³⁴Asi iye wakati: Ndinokuudza, Petro, jongwe haringatongoriri nhasi, usati waramba katatu kuti unondiziva.

³⁵He said to them, “When I sent you out without purse, and wallet, and shoes, did you lack anything?” They said, “Nothing.”

³⁵Zvino wakati kwavari: Pandakakutumai musina chikwama nehombodo neshangu, makashaiwa chinhu here? Vakati: Hapana.

³⁶Then he said to them, “But now, whoever has a purse, let him take it, and likewise a wallet. Whoever has none, let him sell his cloak, and buy a sword.

³⁶Zvino akati kwavari: Asi ikozvino, une chikwama ngaatore, saizvozvowo nehombodo; neusina, ngaatengese nguvo yake, atenge munondo.

³⁷ For I tell you that this which is written must still be fulfilled in me: ‘He was counted with transgressors.’ Isaiah 53:12 For that which concerns me has an end.”

³⁷Nekuti ndinoti kwamuri: Izvi zvakanyorwa zvichakafanira kuzadziswa mandiri, zvinoti: Wakaverengwa pamwe nevadariki; nekuti zvinhu izviwo zviri maererano neni zvine mugumo.

³⁸They said, “Lord, behold, here are two swords.” He said to them, “That is enough.”

³⁸Zvino vakati: Ishe, tarirai, heyi minondo miviri. Akati kwavari: Zvaringana.

³⁹He came out, and went, as his custom was, to the Mount of Olives. His disciples also followed him.

³⁹Zvino wakabuda akaenda sezvaaisiita kugomo reMiorivhi; nevadzidzi vake vakamutevera.

⁴⁰When he was at the place, he said to them, “Pray that you don’t enter into temptation.”

⁴⁰Zvino wakati asvika panzvimbo, akati kwavari: Nyengeterai kuti murege kupinda pamuedzo.

⁴¹He was withdrawn from them about a stone’s throw, and he knelt down and prayed,

⁴¹Zvino iye wakasuduruka kwavari, chingava chinhambwe chingaposherwa ibwe; ndokufugama ndokunyengetera,

⁴²saying, “Father, if you are willing, remove this cup from me. Nevertheless, not my will, but yours, be done.”

⁴²achiti: Baba, kana muchida, bvisai mukombe uyu kwandiri; asi chisava chido changu, asi chenyu ngachiitwe.

⁴³An angel from heaven appeared to him, strengthening him.

⁴³Zvino kwakaonekwa mutumwa kwaari wakabva kudenga achimusimbisa.

⁴⁴Being in agony he prayed more earnestly. His sweat became like great drops of blood falling down on the ground.

⁴⁴Zvino, ari pakurwadziwa kukuru, wakanyanya kunyengetera. Zvino ziya rake rikaita semazidomwe eropa achiwira pasi.

⁴⁵When he rose up from his prayer, he came to the disciples, and found them sleeping because of grief,

⁴⁵Zvino wakati asimuka pamunyengetero, ndokuuya kuvadzidzi vake, akavawana varara neshungu.

⁴⁶and said to them, “Why do you sleep? Rise and pray that you may not enter into temptation.”

⁴⁶Ndokuti kwavari: Mararirei? Mukai munyengetere, kuti murege kupinda pamuedzo.

⁴⁷While he was still speaking, behold, a multitude, and he who was called Judas, one of the twelve, was leading them. He came near to Jesus to kiss him.

⁴⁷Zvino wakati achataura, tarira, chaunga, naiye wainzi Judhasi, umwe wevanegumi nevaviri, akavatungamirira, ndokuswedera kuna Jesu, kuti amutsvode.

⁴⁸But Jesus said to him, “Judas, do you betray the Son of Man with a kiss?”

⁴⁸Asi Jesu wakati kwaari: Judhasi, unotengesa Mwanakomana wemunhu netsvodo here?

⁴⁹When those who were around him saw what was about to happen, they said to him, “Lord, shall we strike with the sword?”

⁴⁹Zvino avo vaiva vakamukomba pavakaona zvaizoitika vakati kwaari: Ishe, tichatema nemunondo here?

⁵⁰A certain one of them struck the servant of the high priest, and cut off his right ear.

⁵⁰Zvino umwe wavo wakatema muranda wemupristi mukuru, akagura nzeve yake yerudyi.

⁵¹But Jesus answered, “Let me at least do this” —and he touched his ear, and healed him.

⁵¹Asi Jesu wakapindura akati: Regai zvisvike ipapa. Ndokubata nzeve yake, akamuporesa.

⁵²Jesus said to the chief priests, captains of the temple, and elders, who had come against him, “Have you come out as against a robber, with swords and clubs?

⁵²Zvino Jesu wakati kuvapristi vakuru nevatungamiriri vetembere nevakuru vakange vauya kwaari: Mabuda semakanangana negororo neminondo netsvimbo here?

⁵³ When I was with you in the temple daily, you didn’t stretch out your hands against me. But this is your hour, and the power of darkness.”

⁵³Ndaiva nemwi mutembere zuva nezuva mukasatandavadzira ruoko kwandiri; asi zvino iawa renyu, nesimba rerima.

⁵⁴They seized him, and led him away, and brought him into the high priest’s house. But Peter followed from a distance.

⁵⁴Zvino vakamutora, vakamutungamidza, vakanomuisa kumba kwemupristi mukuru. Petro ndokutevera ari kure.

⁵⁵When they had kindled a fire in the middle of the courtyard, and had sat down together, Peter sat among them.

⁵⁵Zvino vakati vavesa moto pakati pechivanze, ndokugara pasi pamwe, Petro akagara pakati pavo.

⁵⁶A certain servant girl saw him as he sat in the light, and looking intently at him, said, “This man also was with him.”

⁵⁶Zvino umwe murandakadzi wakamuona agere pamoto, ndokumutarisisa, akati: Uyuwo munhu wakange anaye.

⁵⁷He denied Jesus, saying, “Woman, I don’t know him.”

⁵⁷Asi iye wakamurambira, achiti: Mukadzi, handimuzivi.

⁵⁸After a little while someone else saw him, and said, “You also are one of them!” But Peter answered, “Man, I am not!”

⁵⁸Uye shure kwechinguvana, umwe wakamuona akati: Iwewo uri umwe wavo. Petro ndokuti: Iwe munhu, handizi.

⁵⁹After about one hour passed, another confidently affirmed, saying, “Truly this man also was with him, for he is a Galilean!”

⁵⁹Zvino nguva inenge seawa rimwe yakati yapfuura, umwe wakasimbisa ane chokwadi, achiti: Zvirokwazvo uyuwo wakange anaye; nekuti muGarireawo.

⁶⁰But Peter said, “Man, I don’t know what you are talking about!” Immediately, while he was still speaking, a rooster crowed.

⁶⁰Zvino Petro wakati: Iwe munhu, handizivi zvaunoreva. Pakarepo achataura jongwe rakarira.

⁶¹The Lord turned, and looked at Peter. Then Peter remembered the Lord’s word, how he said to him, “Before the rooster crows you will deny me three times.”

⁶¹Ishe ndokutendeuka akatarira Petro. Petro ndokurangarira shoko raIshe, kuti akamuudza sei, achiti: Jongwe risati rarira, uchandiramba katatu.

⁶²He went out, and wept bitterly.

⁶²Zvino Petro wakabuda panze akachema zvakaomarara.

⁶³The men who held Jesus mocked him and beat him.

⁶³Zvino varume vakange vakabata Jesu, vakamusweveredza, vakamurova.

⁶⁴Having blindfolded him, they struck him on the face and asked him, “Prophesy! Who is the one who struck you?”

⁶⁴Uye vakati vamuvhara kumeso, vakamurova chiso, ndokumubvunza vachiti: Porofita! Ndiani wakurova?

⁶⁵They spoke many other things against him, insulting him.

⁶⁵Nezvimwe zvinhu zvizhinji vakareva kwaari, vachinyomba.

⁶⁶As soon as it was day, the assembly of the elders of the people was gathered together, both chief priests and scribes, and they led him away into their council, saying,

⁶⁶Zvino kwakati kuchingoedza, dare revatariri vevanhu nevapristi vakuru nevanyori vakaungana, vakamuisa kudare ravo remakurukota vachiti:

⁶⁷“If you are the Christ, tell us.” But he said to them, “If I tell you, you won’t believe,

⁶⁷Naizvozvo kana iwe uri Kristu, tiudze. Zvino akati kwavari: Kana ndikakuudzai, hamutongotendi;

⁶⁸ and if I ask, you will in no way answer me or let me go.

⁶⁸uye kana ndikabvunza, hamumbondipinduri, kana kundisunungura.

⁶⁹ From now on, the Son of Man will be seated at the right hand of the power of God.”

⁶⁹Kubva ikozvino Mwanakomana wemunhu uchagara kuruoko rwerudyi rwesimba rwaMwari.

⁷⁰They all said, “Are you then the Son of God?” He said to them, “You say it, because I am.”

⁷⁰Vose ndokuti: Naizvozvo iwe uri Mwanakomana waMwari kanhi? Iye ndokuti kwavari: Imwi mareva kuti ndini.

⁷¹They said, “Why do we need any more witness? For we ourselves have heard from his own mouth!”

⁷¹Zvino vakati: Tichadirei uchapupu? Nekuti tomene tanzwa pamuromo wake.