¹God, you are my God. I will earnestly seek you. My soul thirsts for you. My flesh longs for you, in a dry and weary land, where there is no water.

¹Mwari, imwi muri Mwari wangu; ndichakutsvakai mangwanani; Mweya wangu unenyota kwamuri, nyama yangu inokushuvai, Panyika yakaoma, inonzwisa nyota, isina mvura.

²So I have seen you in the sanctuary, watching your power and your glory.

²Naizvozvo ndakatarira kwamuri panzvimbo tsvene, Kuti ndione simba renyu nokubwinya kwenyu.

³Because your loving kindness is better than life, my lips shall praise you.

³nekuti unyoro bwenyu hunokunda upenyu; Miromo yangu ichakurumbidzai.

⁴So I will bless you while I live. I will lift up my hands in your name.

⁴Naizvozvo ndichakuvongai ndichiri mupenyu; Ndichasimudza maoko angu nezita renyu.

⁵My soul shall be satisfied as with the richest food. My mouth shall praise you with joyful lips,

⁵Mweya wangu uchaguta nezvinenge mongo namafuta; Muromo wangu uchakurumbidzai nemiromo inofara kwazvo;

⁶when I remember you on my bed, and think about you in the night watches.

⁶Kana ndichikurangarirai panhovo yangu, Ndichikufungai panguva dzousiku.

⁷For you have been my help. I will rejoice in the shadow of your wings.

⁷nekuti makanga muri mubatsiri wangu, Pamumvuri wamapapiro enyu ndipo pandichafara kwazvo.

⁸My soul stays close to you. Your right hand holds me up.

⁸Mweya wangu unokunamatirai nesimba rose; Ruoko rwenyu rworudyi runonditsigira.

⁹But those who seek my soul, to destroy it, shall go into the lower parts of the earth.

⁹Asi avo, vanotsvaka kuparadza mweya wangu, Vachapinda munzvimbo dzapasi dzenyika.

¹⁰They shall be given over to the power of the sword. They shall be jackal food.

¹⁰Vachakumikidzwa pasimba romunondo; Vachava mugove wamakava.

¹¹But the king shall rejoice in God. Everyone who swears by him will praise him, for the mouth of those who speak lies shall be silenced.

¹¹Asi mambo achafara munaMwari; Mumwe nomumwe anopika naye achafara kwazvo; nekuti muromo wavanoreva nhema uchadzivirwa.