¹I command you therefore before God and the Lord Jesus Christ, who will judge the living and the dead at his appearing and his Kingdom:

¹ Kon nag maa ngi lay dénk fa kanam Yàlla ak Kirist Yeesu, miy àtte ñiy dund ak ñi dee, di la dénk ci feeñam ci biir ndam ak ci nguuram, nga def lii:

²preach the word; be urgent in season and out of season; reprove, rebuke, and exhort, with all patience and teaching.

² xamleel kàddug Yàlla, sax ci, su neexee ak su naqaree; yeyal ñi tooñ, di yedd ak a dénk ñépp, def ko ci muñ gu yaatu ak njàngale mu mat.

³For the time will come when they will not listen to the sound doctrine, but, having itching ears, will heap up for themselves teachers after their own lusts;

³ Ndaxte jamono dina ñëw, joo xam ne nit ñi dootuñu xajoo njàngale mu wér mi, waaye dinañu jublu ci seeni bëgg-bëgg, di fortaatu jàngalekat yu leen di jey.

⁴and will turn away their ears from the truth, and turn aside to fables.

⁴ Dinañu tanqamlu dëgg, jeng jëm ci léebi diiney neen.

⁵But you be sober in all things, suffer hardship, do the work of an evangelist, and fulfill your ministry.

⁵ Waaye yaw nanga foog ci lépp, dékku tiis, tey tas xebaar bu baax bi, ba matal sag yónnent.

⁶For I am already being offered, and the time of my departure has come.

⁶ Ndaxte maa ngi ci tànki joxe sama bakkan ni sarax, te sama waxtuw dem jot na.

⁷I have fought the good fight. I have finished the course. I have kept the faith.

⁷ Bëre naa ba ub làmbi ngëm, daw naa ba àkk, sàmm naa mboolem dëgg, gi ñu ma dénk.

⁸From now on, there is stored up for me the crown of righteousness, which the Lord, the righteous judge, will give to me on that day; and not to me only, but also to all those who have loved his appearing.

⁸ Fi mu ne Yàllaa ngi may xaare añu ku jub, di kaalag ndam gi ma Boroom, biy Àttekat bu jub, di jox ca bés ba, te jéllale naa sama bopp, waaye képp ku def sa xol cig feeñam.

⁹Be diligent to come to me soon,

⁹ Defal sa kem-kàttan, ba fekksi ma ci ni mu gën a gaawe.

¹⁰for Demas left me, having loved this present world, and went to Thessalonica; Crescens to Galatia, and Titus to Dalmatia.

¹⁰ Ndaxte Demas topp na àddina, ba bàyyi ma, dem dëkku Tesalonig; Kereseñsë dem na diiwaanu Galasi, Tit dem diiwaanu Dalmasi.

¹¹Only Luke is with me. Take Mark, and bring him with you, for he is useful to me for service.

¹¹ Luug rekk a des fi man. Indaaleel Màrk, ndaxte amal na ma njariñ ci liggéey bi.

¹²But I sent Tychicus to Ephesus.

¹² Tisig moom yebal naa ko dëkku Efes.

¹³Bring the cloak that I left at Troas with Carpus when you come, and the books, especially the parchments.

¹³ Te sooy ñëw, indaaleel mbubb, ma ma dénkoon Karpus ca dëkku Torowas, te it bul fàtte téere yi, rawatina téere yu am maana, yi ñu bind ci der.

¹⁴Alexander, the coppersmith, did much evil to me. The Lord will repay him according to his works,

¹⁴ Alegsàndar tëgg bi def na ma ñaawteef yu ne, waaye Boroom bi dina ko fey ay jëfam.

¹⁵of whom you also must beware; for he greatly opposed our words.

¹⁵ Moytu ko bu baax, ndaxte bëre na ak sunuy wax ba tàyyi.

¹⁶At my first defense, no one came to help me, but all left me. May it not be held against them.

¹⁶ Keroog bi ma jëkkee taxaw, di làyyil sama bopp, awma woon kenn ku ma taxawu, ñépp dañu maa daw — bu leen ko Yàlla jàppe nag.

¹⁷But the Lord stood by me, and strengthened me, that through me the message might be fully proclaimed, and that all the Gentiles might hear; and I was delivered out of the mouth of the lion.

¹⁷ Waaye Boroom bi moo ma taxawu te dooleel ma, ma jollil kàddu gi, ba xeet yépp dégg ko. Te Boroom bi musal na ma ci selli gaynde.

¹⁸And the Lord will deliver me from every evil work, and will preserve me for his heavenly Kingdom; to whom be the glory forever and ever. Amen.

¹⁸ Rax-ca-dolli dina ma musal ci bépp jëf ju ñaaw, tette ma ci jàmm, ba tàbbal ma ci nguuram gu kawe ga. Na yelloo ndam ba fàww. Amiin.

¹⁹Greet Prisca and Aquila, and the house of Onesiphorus.

¹⁹ Nuyul ma Piriska ak Akilas ak waa kër Onesifor.

²⁰Erastus remained at Corinth, but I left Trophimus at Miletus sick.

²⁰ Erast des na dëkku Korent. Torofim dafa woppoon, ma bàyyi ko dëkku Mile.

²¹Be diligent to come before winter. Eubulus salutes you, as do Pudens, Linus, Claudia, and all the brothers.

²¹ Gaawal a ñëw, bala lolli di gàllankoor sa yoon. Ëbulus, Pudeñsë, Linus, Këlójaa ak yeneen bokk yépp ñu ngi lay nuyu.

²²The Lord Jesus Christ be with your spirit. Grace be with you. Amen.

²² Na Boroom bi aar sa xel. Na yiwu Yàlla ànd ak yéen ñépp.