¹Stand firm therefore in the liberty by which Christ has made us free, and don’t be entangled again with a yoke of bondage.

¹ Kirist a nu daggal sunu buumi njaam, ngir goreel nu. Kon dëgërleen ci seen ngor te bañ a delluwaat ci njaam.

²Behold, I, Paul, tell you that if you receive circumcision, Christ will profit you nothing.

² Dégluleen! Man Pool maa leen koy wax: bu ngeen itteelee xaraf, kon Kirist dootu leen jariñ dara.

³Yes, I testify again to every man who receives circumcision, that he is a debtor to do the whole law.

³ Te maa ngi dellu di waxaat ne, képp kuy farataal xaraf, fàww nga sàmm lépp lu yoon wi santaane.

⁴You are alienated from Christ, you who desire to be justified by the law. You have fallen away from grace.

⁴ Yéen ñiy fexee jub fa kanam Yàlla ci kaw sàmm yoon, tàggalikoo ngeen ak Kirist; dëddu ngeen yiwu Yàlla.

⁵For we, through the Spirit, by faith wait for the hope of righteousness.

⁵ Waaye njub, gi nu Yàlla dencal ëllëg, nu ngi koy séentu ci kaw ngëm ak ci ndimbalu Xelum Yàlla.

⁶For in Christ Jesus neither circumcision amounts to anything, nor uncircumcision, but faith working through love.

⁶ Ndaxte bu nu bokkee ci Kirist Yeesu, xaraf ak bañ a xaraf, dara amu ci solo; li am solo mooy ngëm, giy jëf ci mbëggeel.

⁷You were running well! Who interfered with you that you should not obey the truth?

⁷ Ni ngeen jógtee woon de baax na! Waaw ku leen dog, ba ngeen bañ a déggal dëgg?

⁸This persuasion is not from him who calls you.

⁸ Li ñu leen xiir jógewul ci Yàlla, mi leen woo.

⁹A little yeast grows through the whole lump.

⁹ Dees na ne: «Tuuti lawiir day tax tooyalu fariñ bépp funki.»

¹⁰I have confidence toward you in the Lord that you will think no other way. But he who troubles you will bear his judgment, whoever he is.

¹⁰ Waaye teewul Boroom bi jox na ma kóolute ci yéen. Biral na ma ne, dingeen bokk ak man xalaat. Léegi nag, kiy nëxal seen xel, ku mu man a doon, Yàlla dina ko mbugal.

¹¹But I, brothers, if I still preach circumcision, why am I still persecuted? Then the stumbling block of the cross has been removed.

¹¹ Man nag bokk yi, bu ma doon faaydaal xaraf ci sama waare, kon duñu ma fitnaale nii; te it li may yégle ci deewu Kirist ca bant ba dootul naqari kenn.

¹²I wish that those who disturb you would cut themselves off.

¹² Ñi farataal xaraf te di leen dëpp, nañu gën a sore ci seen réer: bu yaboo sax ñu dagg seen ngóora, ba dara du ci des!

¹³For you, brothers, were called for freedom. Only don’t use your freedom for gain to the flesh, but through love be servants to one another.

¹³ Yéen nag bokk yi, Yàlla woo na leen, ngeen nekk i gor. Waaye nag buleen ci sukkandiku, bay topp seen nafsu, waaye dimbaleenteleen ci kaw mbëggeel.

¹⁴For the whole law is fulfilled in one word, in this: “You shall love your neighbor as yourself.” Leviticus 19:18

¹⁴ Ndaxte yoon wépp, ndigal lii a ko tënk: «Nanga bëgg sa moroom, ni nga bëgge sa bopp.»

¹⁵But if you bite and devour one another, be careful that you don’t consume one another.

¹⁵ Waaye moytuleen! Bu ngeen dee màttante ak a lekkante, dingeen yàqante.

¹⁶But I say, walk by the Spirit, and you won’t fulfill the lust of the flesh.

¹⁶ Li ma leen di wax mooy lii: dundleen ci Xelum Yàlla, kon dungeen topp seen nafsu.

¹⁷For the flesh lusts against the Spirit, and the Spirit against the flesh; and these are contrary to one another, that you may not do the things that you desire.

¹⁷ Ndaxte sunu nafsu am na ay bëgg-bëgg yu mengoowul ak yu Xelum Yàlla. Te Xelum Yàlla itam am na ay bëgg-bëgg yu mengoowul ak yu sunu nafsu. Ñoom ñaar dañoo juuyoo ci bépp fànn, ba tax lépp lu ngeen bëggoon a def, dungeen ko man.

¹⁸But if you are led by the Spirit, you are not under the law.

¹⁸ Waaye bu ngeen toppee Xelum Yàlla, nekkatuleen ci kilifteefu yoon wi.

¹⁹Now the works of the flesh are obvious, which are: adultery, sexual immorality, uncleanness, lustfulness,

¹⁹ Kuy topp sa nafsu, nii ngay jëfe: njaaloo, xalaat yu bon, def i ñaawteef ak say cér,

²⁰idolatry, sorcery, hatred, strife, jealousies, outbursts of anger, rivalries, divisions, heresies,

²⁰ xërëm, luxus, noonoo ak xuloo, ñeetaane, xadar, diiroo mbagg, féewaloo ak xaajaloo,

²¹envyings, murders, drunkenness, orgies, and things like these; of which I forewarn you, even as I also forewarned you, that those who practice such things will not inherit the Kingdom of God.

²¹ kiñaan, màndite ak xawaare ak yeneen yu ni mel. Léegi nag maa ngi leen di artu, ni ma ko defe woon: ñiy jëfe noonu duñu am cér ci nguuru Yàlla.

²²But the fruit of the Spirit is love, joy, peace, patience, kindness, goodness, faith, or, faithfulness

²² Waaye li Xelu Yàlla mi di meññ mooy: mbëggeel, mbég, jàmm, muñ, laabiir, mbaax, kóllëre,

²³gentleness, and self-control. Against such things there is no law.

²³ lewetaay ak maandute. Yoon wi terewul yu ni mel.

²⁴Those who belong to Christ have crucified the flesh with its passions and lusts.

²⁴ Léegi ñi bokk nag ci Yeesu Kirist, daaj nañu seen nafsu ca bant ba, wacc ko fa, moom ak ay xemmemam ak ay bëgg-bëggam.

²⁵If we live by the Spirit, let’s also walk by the Spirit.

²⁵ Gannaaw nag nu ngi dund léegi ci Xelum Yàlla, kon nanu ko topp.

²⁶Let’s not become conceited, provoking one another, and envying one another.

²⁶ Bu nu tiitaru di dëkkante, di iñaanante.