¹ Fàttali leen ñuy déggal kilifa, yi yore nguur gi, tey jëfe seeni ndigal, ñu taxaw temm ci lépp luy jëf ju baax.

¹Put them in mind to be subject to principalities and powers, to obey magistrates, to be ready to every good work,

² Buñu jëw kenn mbaa ñuy ŋaayoo, waaye nañu yiwe te won ñépp lewet gu mat sëkk.

²To speak evil of no man, to be no brawlers, but gentle, shewing all meekness unto all men.

³ Ndaxte nun itam ñu ñàkk xel lanu woon te déggadi, nu réer bay jaamu ay bëgg-bëgg ak i bànneex yu wuute, nu dëkk ci coxorte ak ñeetaange, di ñu sikk tey sikkante.

³For we ourselves also were sometimes foolish, disobedient, deceived, serving divers lusts and pleasures, living in malice and envy, hateful, and hating one another.

⁴ Waaye naka noona Yàlla sunu Musalkat feeñal na mbaaxam ak cofeelam,

⁴But after that the kindness and love of God our Saviour toward man appeared,

⁵ ba musal nu; ajuwul ci jëf yu jub yu nu def, waaye ci yërmandeem rekk. Mu juddulaat nu ci laabal sunu xol, te yeesalaat nu ci dooley Xel mu Sell,

⁵Not by works of righteousness which we have done, but according to his mercy he saved us, by the washing of regeneration, and renewing of the Holy Ghost;

⁶ mi mu nu sotti ba mu baawaan, ci darajay Yeesu Kirist sunu Musalkat.

⁶Which he shed on us abundantly through Jesus Christ our Saviour;

⁷ Ci noonu Yàlla àtte na nu jub ci kaw yiwam, te sédd nu ci dund gu dul jeex, gi nuy séentu.

⁷That being justified by his grace, we should be made heirs according to the hope of eternal life.

⁸ Wax jooju ju wóor la, te damaa bëgg nga dëggal loolu, ngir ñi gëm Yàlla sax ci jëf lu rafet. Loolu moo baax te am njariñ ci nit.

⁸This is a faithful saying, and these things I will that thou affirm constantly, that they which have believed in God might be careful to maintain good works. These things are good and profitable unto men.

⁹ Waaye moytul yu deme ni werantey neen ak limi maam, ay xuloo ak i xëccoo ci doxalinu yoonu Musaa, ndax loolu waxi neen la, te amul benn njariñ.

⁹But avoid foolish questions, and genealogies, and contentions, and strivings about the law; for they are unprofitable and vain.

¹⁰ Kuy féewale, nanga ko yedd, yeddaat ko; bu tëwee, nga dàq ko,

¹⁰A man that is an heretick after the first and second admonition reject;

¹¹ xam ne nit ku ñaaw xel la te ay bàkkaaram fés ci ñépp.

¹¹Knowing that he that is such is subverted, and sinneth, being condemned of himself.

¹² Bu ma la yónnee Artemas walla Tisig, gaawantul fekksi ma ci dëkku Nikopolis, ndax fa laa bëgg a lollikooji.

¹²When I shall send Artemas unto thee, or Tychicus, be diligent to come unto me to Nicopolis: for I have determined there to winter.

¹³ Naka Senas àttekat bi nag ak Apolos, waajal leen bu jekk ci seen tukki, ba seen aajo yépp faju.

¹³Bring Zenas the lawyer and Apollos on their journey diligently, that nothing be wanting unto them.

¹⁴ Na sunuy bokk it takku ci jëf yu rafet, ba man a faj aajo yépp, te bañ a yaafus.

¹⁴And let our's also learn to maintain good works for necessary uses, that they be not unfruitful.

¹⁵ Ñiy ànd ak man ñépp ñu ngi lay nuyu. Nuyul nu sunuy soppey ngëm. Na yiwu Yàlla ànd ak yéen ñépp.

¹⁵All that are with me salute thee. Greet them that love us in the faith. Grace be with you all. Amen.