¹ Léegi nag bokk yi, ci li jëm ci mayi Xelum Yàlla, bëgguma ngeen umple ci dara.

¹And concerning the spiritual things, brethren, I do not wish you to be ignorant;

² Xam ngeen ne, bi ngeen xamagul woon Yàlla, xërëm, yi mënul a wax, ñoo leen jiitaloon, di leen wommat.

²ye have known that ye were nations, unto the dumb idols — as ye were led — being carried away;

³ Moo tax ma leen di xamal lii: ku Xelum Yàlla solu du wax ne: «Yeesu dafa araam.» Te it kenn mënul a wax ne: «Yeesu mooy Boroom bi,» su ko ko Xelum Yàlla waxloowul.

³wherefore, I give you to understand that no one, in the Spirit of God speaking, saith Jesus [is] anathema, and no one is able to say Jesus [is] Lord, except in the Holy Spirit.

⁴ Am na fànni may yu bare yu jóge ci Xelum Yàlla, waaye menn Xel moomu moo koy séddale.

⁴And there are diversities of gifts, and the same Spirit;

⁵ Am na ay sas yu bare, waaye benn Boroom bi la.

⁵and there are diversities of ministrations, and the same Lord;

⁶ Am na ay fànn yu bare yu Yàllay feeñale dooleem, waaye jenn Yàlla ji mooy jëfe doole yooyu yépp ci ñépp.

⁶and there are diversities of workings, and it is the same God — who is working the all in all.

⁷ Noonu Yàlla jox na ku nekk fànn gu muy feeñale Xelam mu Sell mi ngir njariñul ñépp.

⁷And to each hath been given the manifestation of the Spirit for profit;

⁸ Am na ku Yàlla sédde, jaarale ko ci Xelam, mayu wax ak xel mu leer, keneen am mayu xam-xam, te mu bawoo ci menn Xel mi.

⁸for to one through the Spirit hath been given a word of wisdom, and to another a word of knowledge, according to the same Spirit;

⁹ Keneen it menn Xel mi jox ko ngëm, keneen di wéral ay jàngoro ci kàttanu Xel moomu,

⁹and to another faith in the same Spirit, and to another gifts of healings in the same Spirit;

¹⁰ keneen di def ay kéemaan, am kuy wax ci kàddug Yàlla, am keneen kuy ràññee li jóge ci Xelum Yàlla ak li jóge ci yeneen xel yi, keneen it di wax ay xeeti làkk, ak kuy firi làkk yooyu.

¹⁰and to another in-workings of mighty deeds; and to another prophecy; and to another discernings of spirits; and to another [divers] kinds of tongues; and to another interpretation of tongues:

¹¹ Loolu lépp, menn Xel moomu moo koy def, ku nekk mu sédd la ci, ni mu ko soobe.

¹¹and all these doth work the one and the same Spirit, dividing to each severally as he intendeth.

¹² Noona la ci yaramu nit. Yaram wenn la, teewul am na cér yu bare. Waaye céri yaram yépp, ak li ñuy baree-bare, ñoo bokk, doon wenn yaram. Te noonu la Kirist mel.

¹²For, even as the body is one, and hath many members, and all the members of the one body, being many, are one body, so also [is] the Christ,

¹³ Yàlla sóob na nu ci menn Xelam mi, ngir nu doon wenn yaram: nuy Yawut walla nu dul Yawut, nuy jaam mbaa gor, nun ñépp Yàlla may na nu, nu naan ci menn Xel mi.

¹³for also in one Spirit we all to one body were baptized, whether Jews or Greeks, whether servants or freemen, and all into one Spirit were made to drink,

¹⁴ Yaram du benn cér, waaye cér yu bare la.

¹⁴for also the body is not one member, but many;

¹⁵ Kon bu tànk nee: «Man duma loxo, kon bokkuma ci yaram,» du ko teree bokk ci céri yaram yi.

¹⁵if the foot may say, `Because I am not a hand, I am not of the body;` it is not, because of this, not of the body;

¹⁶ Te bu nopp nee: «Duma bët, kon bokkuma ci yaram,» du ko teree bokk ci céri yaram yi.

¹⁶and if the ear may say, `Because I am not an eye, I am not of the body;` it is not, because of this, not of the body?

¹⁷ Bu yaram wépp doon bët, kon nan lay dégge? Walla bu yaram wépp doon nopp, kon nan lay xeeñtoo?

¹⁷If the whole body [were] an eye, where the hearing? if the whole hearing, where the smelling?

¹⁸ Waaye Yàlla dafa riime céri yaram wi, def bu ci nekk fa mu ko soobe.

¹⁸and now, God did set the members each one of them in the body, according as He willed,

¹⁹ Bu lépp doon benn cér, kon fu yaram di nekk?

¹⁹and if all were one member, where the body?

²⁰ Cér yi daal, bare nañu waaye wenn yaram rekk a am.

²⁰and now, indeed, [are] many members, and one body;

²¹ Bët nag mënul ne loxo: «Soxlawuma la!» Te bopp it mënul ne tànk yi: «Soxlawuma leen!»

²¹and an eye is not able to say to the hand, `I have no need of thee;` nor again the head to the feet, `I have no need of you.`

²² Loolu sax mënul a am, ndaxte céri yaram, yi gën a néew doole, ñoo gën a am jariñ.

²²But much more the members of the body which seem to be more infirm are necessary,

²³ Te cér yi gën a ñàkk maana, ñoom lanuy gën a topptoo. Cér yi ci rafetul a tudd, ñoom lanuy gën a suturaal,

²³and those that we think to be less honourable of the body, around these we put more abundant honour, and our unseemly things have seemliness more abundant,

²⁴ fekk yi gën a rafet, soxlawul nu leen di suturaale noonu. Waaye Yàlla dafa boole sunu céri yaram yi, ngir gën a teral cér yi ko soxla.

²⁴and our seemly things have no need; but God did temper the body together, to the lacking part having given more abundant honour,

²⁵ Noonu yaram du séddaloo, waaye cér bu ci nekk dina dimbali yi ci des.

²⁵that there may be no division in the body, but that the members may have the same anxiety for one another,

²⁶ Bu sa benn céru yaram dee metti, yeneen yi ci des yépp dañuy bokk, yég metit wi. Te bu dee dangaa fonk sa benn céru yaram it, ndax du sa yaram wépp a ciy bànneexu?

²⁶and whether one member doth suffer, suffer with [it] do all the members, or one member is glorified, rejoice with [it] do all the members;

²⁷ Léegi benn yaram ngeen, muy yaramu Kirist, te kenn ku nekk ci yéen cér nga ci.

²⁷and ye are the body of Christ, and members in particular.

²⁸ Te Yàlla teg na ci mbooloom ñi gëm, ku nekk ak sa may: ci bu jëkk ay ndawi Kirist, teg ca ñiy wax ci kàddug Yàlla, teg ca ñiy jàngale, ñiy def ay kéemaan, ñi am mayu wéral ay jàngoro, ñiy dimbalee, ñiy jiite, ñiy wax ay xeeti làkk.

²⁸And some, indeed, did God set in the assembly, first apostles, secondly prophets, thirdly teachers, afterwards powers, afterwards gifts of healings, helpings, governings, divers kinds of tongues;

²⁹ Ndax ñépp ay ndawi Kirist lañu? Ndax ñépp dañuy wax ci kàddug Yàlla? Ndax ñépp ay jàngale? Ndax ñépp ay def kéemaan?

²⁹[are] all apostles? [are] all prophets? [are] all teachers? [are] all powers?

³⁰ Ndax ñépp a am mayu wéral ay jàngoro? Ndax ñépp ay wax ay làkk? Ndax ñépp a leen di firi?

³⁰have all gifts of healings? do all speak with tongues? do all interpret?

³¹ Waaye fonkleen may yi gën. Léegi nag ma won leen yoon wu gën lépp.

³¹and desire earnestly the better gifts; and yet a far excelling way do I shew to you: