¹ Bi loolu amee ndaw yi ak bokk yi nekk ci diiwaanu Yude, dégg nañu ne, ñi dul Yawut nangu nañu kàddug Yàlla.

¹And the apostles and the brethren who are in Judea heard that also the nations did receive the word of God,

² Bi Piyeer demee Yerusalem nag, kureelu Yawut gi farataal xaraf, di werante ak moom ne ko:

²and when Peter came up to Jerusalem, those of the circumcision were contending with him,

³ «Lu tax nga dem ca këru ñu xarafal, bay lekk sax ak ñoom?»

³saying — `Unto men uncircumcised thou didst go in, and didst eat with them!`

⁴ Noonu Piyeer daldi leen benn-bennal mbir mi, nettali leen ko

⁴And Peter having begun, did expound to them in order saying,

⁵ ne: «Nekkoon naa ca dëkku Yope, di fa ñaan ci Yàlla, ba far sama xol seey ci moom; noonu ma am peeñu: lu mel ni sér bu mag wàcc, jóge ci asamaan, ñu yoor ko ca ñeenti laf ya, mu ñëw ba ci man.

⁵`I was in the city of Joppa praying, and I saw in a trance a vision, a certain vessel coming down, as a great sheet by four corners being let down out of the heaven, and it came unto me;

⁶ Ma xool ko jàkk, seetlu ko bu baax, ma gis ca boroom ñeenti tànk yu nekk ci kaw suuf, di rabi àll yi, yiy raam ak picci asamaan.

⁶at which having looked stedfastly, I was considering, and I saw the four-footed beasts of the earth, and the wild beasts, and the creeping things, and the fowls of heaven;

⁷ Te dégg naa baat bu ma ne: “Jógal Piyeer, rey te lekk.”

⁷and I heard a voice saying to me, Having risen, Peter, slay and eat;

⁸ Waaye ma tontu ne: “Mukk Boroom bi, ndax dara lu daganul mbaa lu araam musul a dugg ci sama gémmiñ.”

⁸and I said, Not so, Lord; because anything common or unclean hath at no time entered into my mouth;

⁹ Waaye ñaareel bi yoon baat bi dellu ne ma: “Lu Yàlla sellal, bu ko araamal.”

⁹and a voice did answer me a second time out of the heaven, What God did cleanse, thou — declare not thou common.

¹⁰ Loolu am ba muy ñetti yoon, ba noppi ñu ne cas lépp, jëme asamaan.

¹⁰`And this happened thrice, and again was all drawn up to the heaven,

¹¹ «Ca saa sa ñetti góor, ña ñu yebal ci man, jóge Sesare, agsi ca kër ga ma dal.

¹¹and, lo, immediately, three men stood at the house in which I was, having been sent from Cesarea unto me,

¹² Te Xel mi ne ma: “Àndal ak ñoom, te bu ci werante.” Juróom-benni bokk, yi fi teew, gunge woon nañu ma, ba nu dugg ca kër góor googu.

¹²and the Spirit said to me to go with them, nothing doubting, and these six brethren also went with me, and we did enter into the house of the man,

¹³ Mu nettali nu ne, gis na malaaka, feeñu ko ca këram ne ko: “Yónneel ca dëkku Yope, woolu Simoŋ, mi ñu dàkkentale Piyeer.

¹³he declared also to us how he saw the messenger in his house standing, and saying to him, Send men to Joppa, and call for Simon, who is surnamed Peter,

¹⁴ Dina la xamal ay wax yu lay musal, yaw ak sa waa kër gépp.”

¹⁴who shall speak sayings by which thou shalt be saved, thou and all thy house.

¹⁵ «Bi ma tàmbalee wax nag, Xel mu Sell mi wàcc ci ñoom, ni mu wàcce woon ci nun bu jëkk.

¹⁵`And in my beginning to speak, the Holy Spirit did fall upon them, even as also upon us in the beginning,

¹⁶ Bi loolu amee ma fàttaliku li Boroom bi wax ne: “Yaxya ci ndox la daan sóobe, waaye yéen dees na leen sóob ci Xel mu Sell mi.”

¹⁶and I remembered the saying of the Lord, how he said, John indeed did baptize with water, and ye shall be baptized with the Holy Spirit;

¹⁷ Gannaaw nag Yàlla jagleel na leen may, gi mu nu mayoon, bi nu gëmee Yeesu Kirist Boroom bi, man maay kan, bay tebbi àtteb Yàlla?»

¹⁷if then the equal gift God did give to them as also to us, having believed upon the Lord Jesus Christ, I — how was I able to withstand God?`

¹⁸ Bi ñu déggee loolu, amuñu dara lu ñu ca teg, ñu daldi màggal Yàlla ne: «Yàlla nag may na ñi dul Yawut it ñu tuub seeni bàkkaar, ba am dund gu wóor gi.»

¹⁸And they, having heard these things, were silent, and were glorifying God, saying, `Then, indeed, also to the nations did God give the reformation to life.`

¹⁹ Ñi tasoon nag ndax fitna, ji amoon gannaaw Ecen, ñu dem ba diiwaanu Fenisi, ci dunu Sipar ak ca dëkku Ancos, di wax kàddu gi, waaye yemale ko ci Yawut yi.

¹⁹Those, indeed, therefore, having been scattered abroad, from the tribulation that came after Stephen, went through unto Phenice, and Cyprus, and Antioch, speaking the word to none except to Jews only;

²⁰ Moona amoon na ci ñoom ay niti Sipar ak dëkku Siren, ñu ñëw ci Ancos, ba seen wax law ci Gereg yi it, ñu di leen xamal xebaar bu baax bu Yeesu Boroom bi.

²⁰and there were certain of them men of Cyprus and Cyrene, who having entered into Antioch, were speaking unto the Hellenists, proclaiming good news — the Lord Jesus,

²¹ Te loxob Boroom bi ànd ak ñoom, ba mbooloo mu mag gëm te woññiku ci Boroom bi.

²¹and the hand of the Lord was with them, a great number also, having believed, did turn unto the Lord.

²² Ba mbir ma siiwee, ba àgg ci noppi mbooloom ñi gëm ci Yerusalem, ñu yebal Barnabas ba Ancos.

²²And the account was heard in the ears of the assembly that [is] in Jerusalem concerning them, and they sent forth Barnabas to go through unto Antioch,

²³ Bi mu agsee nag, ba gis yiw, wi leen Yàlla may, mu bég ci te di leen xiir, ñu wàkkirlu ci Boroom bi te dogu ci.

²³who, having come, and having seen the grace of God, was glad, and was exhorting all with purpose of heart to cleave to the Lord,

²⁴ Ndaxte nit ku baax la woon te fees ak Xel mu Sell mi ak ngëm; noonu mbooloo mu bare dolliku ci Boroom bi.

²⁴because he was a good man, and full of the Holy Spirit, and of faith, and a great multitude was added to the Lord.

²⁵ Gannaaw loolu Barnabas dem ca dëkku Tars, di wut Sool.

²⁵And Barnabas went forth to Tarsus, to seek for Saul,

²⁶ Bi mu ko gisee, mu indi ko Ancos. Noonu atum lëmm ñu bokk ak mbooloom ñi gëm, di jàngal nit ñu bare. Te ci Ancos lañu jëkk a tudde taalibe ya Gaayi Kirist.

²⁶and having found him, he brought him to Antioch, and it came to pass that they a whole year did assemble together in the assembly, and taught a great multitude, the disciples also were divinely called first in Antioch Christians.

²⁷ Ca fan yooyu ay yonent jóge Yerusalem, ñëw Ancos.

²⁷And in those days there came from Jerusalem prophets to Antioch,

²⁸ Kenn ci ñoom tudd Agabus jóg, mu yégle jaarale ko ci Xelu Yàlla mi ne, xiif bu metti dina daj àddina sépp. Loolu nag amoon na ca ayug buur bu ñuy wax Këlódd.

²⁸and one of them, by name Agabus, having stood up, did signify through the Spirit a great dearth is about to be throughout all the world — which also came to pass in the time of Claudius Caesar —

²⁹ Kon taalibe ya fas yéenee sàkk ndimbal, jëme ca bokk ya dëkk diiwaanu Yude, ku nekk ak sa kem-kàttan.

²⁹and the disciples, according as any one was prospering, determined each of them to send for ministration to the brethren dwelling in Judea,

³⁰ Noonu lañu def nag, teg ko ci loxoy Barnabas ak Sool, yónnee ko njiit ya.

³⁰which also they did, having sent unto the elders by the hand of Barnabas and Saul.