¹ Man Saag, jaamu Yàlla ak Boroom bi Yeesu Kirist, maa leen di nuyu, yéen fukki giir ak ñaar, yi tasaaroo ci biir àddina si.

¹James, of God and of the Lord Jesus Christ a servant, to the Twelve Tribes who are in the dispersion: Hail!

² Yéen samay bokk, waxtu wu nattu yi dalee ci seen kaw, ak nu ñu man a mel, defleen ko ni mbég mu réy,

²All joy count [it], my brethren, when ye may fall into temptations manifold;

³ xam ne nattub ngëm mooy ndeyu muñ.

³knowing that the proof of your faith doth work endurance,

⁴ Kon na seen muñ dem ba mat, ngir ngeen bañ a fell fenn, waaye ngeen mat sëkk.

⁴and let the endurance have a perfect work, that ye may be perfect and entire — in nothing lacking;

⁵ Ku xelam des ci benn fànn ci yéen nag, na ko ñaan Yàlla, te dina ko ko may, ndaxte Yàlla mooy Aji Yéwén, jiy may ñépp ci lu àndul ak genn ŋàññ.

⁵and if any of you do lack wisdom, let him ask from God, who is giving to all liberally, and not reproaching, and it shall be given to him;

⁶ Waaye na ko ñaan ci ngëm te bañ cee werante; ndaxte kiy werante mi ngi mel ni ndoxum géej, mi ngelaw liy lëmbaaje wet gu ne.

⁶and let him ask in faith, nothing doubting, for he who is doubting hath been like a wave of the sea, driven by wind and tossed,

⁷ Bu kooku yaakaar dara ci Boroom bi.

⁷for let not that man suppose that he shall receive anything from the Lord —

⁸ Ku am xel ñaar la, te ñàkk pasteef ci lépp lu mu man a def.

⁸a two-souled man [is] unstable in all his ways.

⁹ Naka mbokk mi néew doole, na sant ci teraangaam fa kanam Yàlla,

⁹And let the brother who is low rejoice in his exaltation,

¹⁰ te boroom alal it sant cig suufeem, ndax ni tóor-tóor di ruuse, noonu lay wéye.

¹⁰and the rich in his becoming low, because as a flower of grass he shall pass away;

¹¹ Su jant fenkee, ba naaj wi tàng, kon gàncax lax, tóor-tóor ruus, te rafetaayam naaw. Noonu la boroom alal di nasaxe, moom ak i jëfam.

¹¹for the sun did rise with the burning heat, and did wither the grass, and the flower of it fell, and the grace of its appearance did perish, so also the rich in his way shall fade away!

¹² Ku dékku nattu, ku barkeel nga, ndax boo ci génnee ak ndam, dees na la jagleel kaalag dund, gi Yàlla dig ñi ko bëgg.

¹²Happy the man who doth endure temptation, because, becoming approved, he shall receive the crown of the life, which the Lord did promise to those loving Him.

¹³ Bu la fiir galanee, bul ne: «Yàllaa ko dogal,» ndaxte Yàlla jegewul ak mbon fenn te du fiir kenn.

¹³Let no one say, being tempted — `From God I am tempted,` for God is not tempted of evil, and Himself doth tempt no one,

¹⁴ Waaye ku sa bakkan nax, ba man la, looloo lay dugal ci fiir.

¹⁴and each one is tempted, by his own desires being led away and enticed,

¹⁵ Kon bu bëgg-bëgg ëmbee, bàkkaar lay wasin, te bu bàkkaar màggee, jur dee.

¹⁵afterward the desire having conceived, doth give birth to sin, and the sin having been perfected, doth bring forth death.

¹⁶ Yéen sama bokk yi ma bëgg, buleen juum ci lii:

¹⁶Be not led astray, my brethren beloved;

¹⁷ gépp may gu baax ak gépp jagle gu mat, ci Yàlla la jóge, di Baay bi sàkk leeri asamaan, fekk moom du soppiku, mbaa muy leer ak di lëndëm.

¹⁷every good giving, and every perfect gift is from above, coming down from the Father of the lights, with whom is no variation, or shadow of turning;

¹⁸ Ci coobareem la nu sole kàddug dëgg gi, ba nu judduwaat, di tànneefu lépp lu mu bind.

¹⁸having counselled, He did beget us with a word of truth, for our being a certain first-fruit of His creatures.

¹⁹ Yéen sama bokk yi ma bëgg, nangeen xam lii: ku nekk war ngaa farlu ci déglu, di yéex a wax tey yéex a mer.

¹⁹So then, my brethren beloved, let every man be swift to hear, slow to speak, slow to anger,

²⁰ Ndaxte meru nit du jur njub gi neex Yàlla.

²⁰for the wrath of a man the righteousness of God doth not work;

²¹ Moo tax nanguleen ci woyof kàddu, gi leen Yàlla sol te man leen a musal, di dëddu bépp sobe ak coxor gi daj àddina.

²¹wherefore having put aside all filthiness and superabundance of evil, in meekness be receiving the engrafted word, that is able to save your souls;

²² Buleen yem ci déglu kàddu gi rekk, di nax seen bopp; waaye jëfeleen ko.

²²and become ye doers of the word, and not hearers only, deceiving yourselves,

²³ Ndaxte ku déglu kàddu gi, te bañ koo jëfe, moom ak kuy seetu ñoo yem;

²³because, if any one is a hearer of the word and not a doer, this one hath been like to a man viewing his natural face in a mirror,

²⁴ day gis xar-kanamam, te su nee wërëñ, daldi fàtte meloom.

²⁴for he did view himself, and hath gone away, and immediately he did forget of what kind he was;

²⁵ Waaye kuy gëstu yoonu Yàlla, wi mat tey goreel --waxuma ki dégg, ba noppi fàtte, waaye kiy jëfe ndigal — kooku barkeel na ci kaw jëfam.

²⁵and he who did look into the perfect law — that of liberty, and did continue there, this one — not a forgetful hearer becoming, but a doer of work — this one shall be happy in his doing.

²⁶ Ku yaakaar ne am na diine, waaye moomul làmmiñam, xanaa di nax boppam rekk, diineem jooju du diiney dara.

²⁶If any one doth think to be religious among you, not bridling his tongue, but deceiving his heart, of this one vain [is] the religion;

²⁷ Ku diineem sell te amul benn gàkk fa kanam Yàlla mooy kii: ki nemmiku jiirim yi ak jigéen ñi seen jëkkër faatu ci seeni tiis, tey waggar sobey àddina.

²⁷religion pure and undefiled with the God and Father is this, to look after orphans and widows in their tribulation — unspotted to keep himself from the world.