¹ Ñaari fan gannaaw loolu ag céet am ca dëkku Kana ca diiwaanu Galile. Yaayu Yeesu teewe woon na ko.

¹And the third day a marriage happened in Cana of Galilee, and the mother of Jesus was there,

² Woo woon nañu it Yeesu ca céet ga ak ay taalibeem.

²and also Jesus was called, and his disciples, to the marriage;

³ Ca biir xew wa, biiñ ba daldi jeex. Yaayu Yeesu ne ko: «Amatuñu biiñ.»

³and wine having failed, the mother of Jesus saith unto him, `Wine they have not;`

⁴ Yeesu ne: «Soxna si, Loo ma bëggal? Ndaxte sama waxtu jotagul.»

⁴Jesus saith to her, `What — to me and to thee, woman? not yet is mine hour come.`

⁵ Yaayam daldi ne surga ya: «Defleen lépp lu mu leen wax.»

⁵His mother saith to the ministrants, `Whatever he may say to you — do.`

⁶ Foofa amoon na fa juróom benni ndaa yu ñu yett ci doj, yu Yawut ya daan jëfandikoo ngir seen sangu set. Ndaa lu nekk man na def daanaka téeméeri liitar.

⁶And there were there six water-jugs of stone, placed according to the purifying of the Jews, holding each two or three measures.

⁷ Yeesu ne surga ya: «Duyleen ndaa yi.» Ñu duy leen, ba ñu fees bay rembat.

⁷Jesus saith to them, `Fill the water-jugs with water;` and they filled them — unto the brim;

⁸ Noonu Yeesu ne leen: «Tanqleen ci léegi, yót ko njiitu xew wi.» Ñu daldi ko ciy yót.

⁸and he saith to them, `Draw out, now, and bear to the director of the apartment;` and they bare.

⁹ Ki jiite xew wa ñam ndox, ma Yeesu soppi biiñ. Xamul woon fu biiñ booba jóge, waaye surga ya tanqoon ndox ma, ñoom xamoon nañu ko. Naka noonu mu woo boroom céet ga ne ko:

⁹And as the director of the apartment tasted the water become wine, and knew not whence it is, (but the ministrants knew, who have drawn the water,) the director of the feast doth call the bridegroom,

¹⁰ «Ci xew yépp, naan gu neex gi lañuy jëkke. Bu nit ñi doyalee, ñu sog a génne ga ca des. Waaye yaw dangaa dencoon gi gën a neex ba nëgëni.»

¹⁰and saith to him, `Every man, at first, the good wine doth set forth; and when they may have drunk freely, then the inferior; thou didst keep the good wine till now.`

¹¹ Firnde bii ame ca Kana, ca diiwaanu Galile, moo doon kéemaan gi Yeesu jëkk a def. Ci noonu la wonee màggaayam te ay taalibeem gëm nañu ko.

¹¹This beginning of the signs did Jesus in Cana of Galilee, and manifested his glory, and his disciples believed in him;

¹² Bi loolu weesoo, mu ànd ak yaayam, ay rakkam ak i taalibeem, dem dëkku Kapernawum. Waaye yàgguñu fa.

¹²after this he went down to Capernaum, he, and his mother, and his brethren, and his disciples; and there they remained not many days.

¹³ Màggalu Yawut, gi ñuy wax bésu Jéggi ba, mu ngi doon jubsi. Yeesu dem Yerusalem,

¹³And the passover of the Jews was nigh, and Jesus went up to Jerusalem,

¹⁴ dugg ca kër Yàlla ga. Bi mu fa demee, fekk na ca ëtt ba ay jaaykati nag ak yu xar ak yu pitax, ak weccikatu xaalis ya toog.

¹⁴and he found in the temple those selling oxen, and sheep, and doves, and the money-changers sitting,

¹⁵ Noonu Yeesu ràbb ab yar, daldi leen koy dàqe, ngir ñu génn ëttu kër Yàlla ga, ñoom ak xar ya ak nag ya. Mu tasaare xaalisu weccikat ya, daaneel taabal ya,

¹⁵and having made a whip of small cords, he put all forth out of the temple, also the sheep, and the oxen; and of the money-changers he poured out the coins, and the tables he overthrew,

¹⁶ daldi ne jaaykati pitax ya: «Jëleleen fi lii! Sama kër Baay, buleen ko def marse!»

¹⁶and to those selling the doves he said, `Take these things hence; make not the house of my Father a house of merchandise.`

¹⁷ Taalibeem ya fàttaliku Mbind mii: «Cawarte gi ma am ci sa kër, mu ngi mel ni taal buy tàkk ci sama biir.»

¹⁷And his disciples remembered that it is written, `The zeal of Thy house did eat me up;`

¹⁸ Noonu Yawut ya ne ko: «Ban firnde nga nuy won ngir dëggal ne, am nga sañ-sañu def lii nga def?»

¹⁸the Jews then answered and said to him, `What sign dost thou shew to us — that thou dost these things?`

¹⁹ Yeesu tontu leen: «Daaneel-leen kër Yàlla gii, ma daldi koy yékkati ci ñetti fan.»

¹⁹Jesus answered and said to them, `Destroy this sanctuary, and in three days I will raise it up.`

²⁰ Ñu ne ko: «Nga ne kër Yàlla, gii ñu tabax ci ñeent-fukki at ak juróom benn, man nga koo yékkati ci ñetti fan!»

²⁰The Jews, therefore, said, `Forty and six years was this sanctuary building, and wilt thou in three days raise it up?`

²¹ Waaye kër Yàlla, gi Yeesu doon wax, nekkul woon ab tabax, aw yaramam ci boppam moo ko taxoon di wax.

²¹but he spake concerning the sanctuary of his body;

²² Gannaaw ga nag, bi Yeesu deeyee ba dekki, la taalibeem ya fàttaliku li mu waxoon, daldi gëm Mbind mi ak wax, ja leen Yeesu waxoon.

²²when, then, he was raised out of the dead, his disciples remembered that he said this to them, and they believed the Writing, and the word that Jesus said.

²³ Bi Yeesu nekkee Yerusalem ci màggalu bésu Jéggi ba, ñu bare gis kéemaan, yi mu doon def, daldi gëm ci turam.

²³And as he was in Jerusalem, in the passover, in the feast, many believed in his name, beholding his signs that he was doing;

²⁴ Waaye Yeesu wóoluwu leen woon, ndaxte xamoon na leen ñoom ñépp,

²⁴and Jesus himself was not trusting himself to them, because of his knowing all [men],

²⁵ te it soxlawul ñu koy xamal dara ci nit, ndaxte moom ci boppam xam na xolu nit.

²⁵and because he had no need that any should testify concerning man, for he himself was knowing what was in man.