¹ Kon nag maa ngi leen di ñaanal, man Pool mi ñu tëj kaso ci turu Kirist ndax sas wi may bey ci yéen, xeet yi dul Yawut.

¹For this reason *I* Paul, prisoner of the Christ Jesus for you nations,

² Wóor na ma ne, dégg ngeen yenub xamle yiwu Yàlla, bi mu ma jagleel jëm ci yéen.

²(if indeed ye have heard of the administration of the grace of God which has been given to me towards you,

³ Yàlla feeñu na ma, xamal ma mbóoti mbir mi mu tëral, ni ma leen ko binde ci kàddu yu néew.

³that by revelation the mystery has been made known to me, (according as I have written before briefly,

⁴ Bu ngeen jàngee loolu, dingeen man a xam bu wér dégg, gi ma am ci mbóoti mbiri Kirist.

⁴by which, in reading it, ye can understand my intelligence in the mystery of the Christ,)

⁵ Ci jamono yu weesu, loolu kumpa la woon ci doom Aadama, waaye léegi Yàlla feeñalal na ko ay ndawam ak yonentam yu sell yi, jaarale ko ci Xel mu Sell mi.

⁵which in other generations has not been made known to the sons of men, as it has now been revealed to his holy apostles and prophets in [the power of the] Spirit,

⁶ Mbir mi nii la tëdde: léegi xeet yi dul Yawut dañoo bokksi cér ak Yawut yi, bokk ak ñoom jenn jëmm, bokk wàll ci xéewal yi Yàlla dige ci Kirist Yeesu, te xebaar bu baax bi xamle ko.

⁶that [they who are of] the nations should be joint heirs, and a joint body, and joint partakers of [his] promise in Christ Jesus by the glad tidings;

⁷ Xamle xebaar bu baax boobu nag, Yàlla fal na ma ci jawriñ ci kaw yiwam, te di ma dooleel ci kàttanam.

⁷of which I am become minister according to the gift of the grace of God given to me, according to the working of his power.

⁸ May na ma, man mi gën a tuuti ci gaayi Yàlla yu sell yi, may xebaar xeeti àddina barkeel yu xel dajul yi ci Kirist;

⁸To me, less than the least of all saints, has this grace been given, to announce among the nations the glad tidings of the unsearchable riches of the Christ,

⁹ te it may sulli melokaanu mbir mu xóot mi Yàlla tëral, te doon kumpa njàlbéen ga ba tey ci moom, mi sos lépp.

⁹and to enlighten all [with the knowledge of] what is the administration of the mystery hidden throughout the ages in God, who has created all things,

¹⁰ Waaye léegi nee na fàŋŋ, ngir kilifa yi ak boroom sañ-sañ yi ca bérab yu kawe ya man a xam ni Xelum Yàlla xóote, jaar ci li ñu gis ci mbooloom ñi gëm Kirist.

¹⁰in order that now to the principalities and authorities in the heavenlies might be made known through the assembly the all-various wisdom of God,

¹¹ Mooy dogal bi sax dàkk, te Yàlla tëral ko ci Kirist Yeesu sunu Boroom.

¹¹according to [the] purpose of the ages, which he purposed in Christ Jesus our Lord,

¹² Ci turam am nanu kóolute fa kanam Yàlla, ak bunt bu yaatu ci moom ci kaw ngëm.

¹²in whom we have boldness and access in confidence by the faith of him.

¹³ Maa ngi leen di ñaan nag, ngeen bañ a yoqi ndax coono, yi may jële ci bey sama sas ci yéen, xam ne coono yooyu ñoo leen di jural ndam.

¹³Wherefore I beseech [you] not to faint through my tribulations for you, which is your glory.

¹⁴ Moo tax maa ngi sukk, jublu ci Yàlla Baay

¹⁴For this reason I bow my knees to the Father [of our Lord Jesus Christ],

¹⁵ biy cosaanul njaboot gépp, muy ci kaw, muy ci suuf.

¹⁵of whom every family in [the] heavens and on earth is named,

¹⁶ Ma di ko ñaan, mu may leen, ci kaw ndamam lu amul kem, Xel mu Sell mi feddali seen baatin ak kàttan gu mag,

¹⁶in order that he may give you according to the riches of his glory, to be strengthened with power by his Spirit in the inner man;

¹⁷ ba Kirist dëkk ci seeni xol ci kaw ngëm. Te ngeen sax noonu te sampu ci mbëggeelu Yàlla,

¹⁷that the Christ may dwell, through faith, in your hearts, being rooted and founded in love,

¹⁸ ba jagoo, yéen ak gaayi Yàlla yu sell yépp, guddaay ba, yaatuwaay ba, kawe ga ak xóotaay ba,

¹⁸in order that ye may be fully able to apprehend with all the saints what [is] the breadth and length and depth and height;

¹⁹ te xam mbëggeelu Kirist, gi raw mépp xel. Noonu dingeen fees dell ak matug Yàlla.

¹⁹and to know the love of the Christ which surpasses knowledge; that ye may be filled [even] to all the fulness of God.

²⁰ Léegi nag, na ndam li féete ak Yàlla, mi man a yeggale lépp luy ñaan mbaa yéene, ba weesu ko fuuf, dëppook kàttan giy jëf ci nun;

²⁰But to him that is able to do far exceedingly above all which we ask or think, according to the power which works in us,

²¹ moo yelloo ndamul mbooloom ñi gëm jamonoy jamono ba fàww, jaar ci Kirist Yeesu. Amiin.

²¹to him be glory in the assembly in Christ Jesus unto all generations of the age of ages. Amen).