¹ Lu nu war a wax léegi nag? Xanaa nu sax ci bàkkaar, ngir yiwu Yàlla gën a bare?

¹What then shall we say? Should we continue in sin that grace may abound?

² Mukk! Nun ñi dee, ba rëcc ci kàttanu bàkkaar, naka lanu manatee sax ci di ko def?

²Far be the thought. We who have died to sin, how shall we still live in it?

³ Xanaa dangeen a xamul ne, képp ku ñu sóob ci ndox, ngir wone ne, mu ngi bokk ci Yeesu Kirist, ci deewu Yeesu la bokk.

³Are you ignorant that we, as many as have been baptised unto Christ Jesus, have been baptised unto his death?

⁴ Bi ñu nu sóobee ci ndox moomu nag, day misaal ne, dañu noo suul ak Kirist, nu dee ni mu deeye woon; ba tax nu dekki it, ni mu dekkee woon ci dooley Yàlla Baay bi, te nu sóobu ci dund gu bees.

⁴We have been buried therefore with him by baptism unto death, in order that, even as Christ has been raised up from among [the] dead by the glory of the Father, so *we* also should walk in newness of life.

⁵ Kon nag gannaaw benn lanu ak Kirist, dee ni mu deeye woon, kon dinanu nekk it benn ak moom, dekki ni mu dekkee woon.

⁵For if we are become identified with [him] in the likeness of his death, so also we shall be of [his] resurrection;

⁶ Ndegam xam nanu ne, daajoon nañu Kirist ca bant ba, xam nanu it ne, jikko ju bon ji nu judduwaale, daajaale nañu ko ak Kirist ca bant ba. Te Yàlla def na loolu, ngir nguuru bàkkaar, gi nekkoon ci sunu yaram tas, nu rëcc ci dooleem.

⁶knowing this, that our old man has been crucified with [him], that the body of sin might be annulled, that we should no longer serve sin.

⁷ Ndaxte ku dee, bàkkaar mënatul dara ci yaw.

⁷For he that has died is justified from sin.

⁸ Gannaaw nag dee nanu ak Kirist, gëm nanu ne, dinanu dekki it ni moom,

⁸Now if we have died with Christ, we believe that we shall also live with him,

⁹ xam ne Kirist mi dekki dootul dee mukk, dee mënatul dara ci moom.

⁹knowing that Christ having been raised up from among [the] dead dies no more: death has dominion over him no more.

¹⁰ Dee na benn yoon, ba bàkkaar mënul ci moom dara; te mi ngi dund léegi, di ànd ak Yàlla ba fàww.

¹⁰For in that he has died, he has died to sin once for all; but in that he lives, he lives to God.

¹¹ Ci noonu nag yéen itam tegleen seen bopp ni ñu dee ak Kirist, ba rëcc ci dooley bàkkaar, di dund, ànd ak Yàlla ba fàww ndax seen bokk ci Yeesu Kirist.

¹¹So also *ye*, reckon yourselves dead to sin and alive to God in Christ Jesus.

¹² Buleen mayati bàkkaar nag, mu yilif seeni yaram yu néew doole, bay topp ay bëgg-bëggam.

¹²Let not sin therefore reign in your mortal body to obey its lusts.

¹³ Te buleen jébbalati seeni cér bàkkaar, mu def leen jumtukaayam ngir jëfam yu jubadi; waaye gannaaw rëcc ngeen ci dooley dee, bay dundaat, jébbaluleen ci Yàlla te jébbal ko seeni cér, mu def leen jumtukaayam ngir jëfam yu jub.

¹³Neither yield your members instruments of unrighteousness to sin, but yield yourselves to God as alive from among [the] dead, and your members instruments of righteousness to God.

¹⁴ Ndaxte bàkkaar dootu leen manal dara, yéen ñi génn ci yoonu Musaa, dugg ci yiwu Yàlla.

¹⁴For sin shall not have dominion over *you*, for ye are not under law but under grace.

¹⁵ Lan lanu war a wax nag léegi? Gannaaw génn nanu ci yoonu Musaa, dugg ci yiwu Yàlla, ndax danoo war a sax ci def bàkkaar? Mukk!

¹⁵What then? should we sin because we are not under law but under grace? Far be the thought.

¹⁶ Ndax dangeen a xamul ne, koo jébbalu ci moom te déggal ko, jaamam nga? Naka noonu, mbaa ngeen nekk jaami bàkkaar, mu jëme leen ci dee, mbaa ngeen déggal Yàlla, mu sóob leen ci yoonu njub.

¹⁶Know ye not that to whom ye yield yourselves bondmen for obedience, ye are bondmen to him whom ye obey, whether of sin unto death, or of obedience unto righteousness?

¹⁷ Waaye sant naa Yàlla ci lii: yéen ñi doon jaami bàkkaar, bi ngeen déggee mboolem dëgg gi, nangu ngeen ko ak seen xol bépp.

¹⁷But thanks [be] to God, that ye were bondmen of sin, but have obeyed from the heart the form of teaching into which ye were instructed.

¹⁸ Te ci noonu rëcc ngeen ci nootaangeg bàkkaar te jébbalu ci Yàlla, sóobu ci njub.

¹⁸Now, having got your freedom from sin, ye have become bondmen to righteousness.

¹⁹ Xam naa ne, seen xam-xam ci mbir mii sorewul, moo tax ma yombal wax ji, awale ko ci baat yii. Ni ngeen jële woon seeni cér, jébbal leen, ñu nekk jaami lu selladi ak lu bon, di gën a jur lu bon, noonu itam léegi jébbal-leen seeni cér, ñu nekk jaami njub, ngeen door a sell.

¹⁹I speak humanly on account of the weakness of your flesh. For even as ye have yielded your members in bondage to uncleanness and to lawlessness unto lawlessness, so now yield your members in bondage to righteousness unto holiness.

²⁰ Ndaxte keroog ba ngeen nekkee jaami bàkkaar, séquleen woon dara ak lu jub.

²⁰For when ye were bondmen of sin ye were free from righteousness.

²¹ Ban njariñ ngeen ci jële nag? Dara lu dul gàcce, ndaxte ci dee la leen doon jëmale.

²¹What fruit therefore had ye *then* in the things of which ye are *now* ashamed? for the end of *them* [is] death.

²² Waaye léegi Yàlla goreel na leen ci kilifteefu bàkkaar, def leen ay jaamam, ba jural leen sell, jëme leen ci dund gu dul jeex.

²²But *now*, having got your freedom from sin, and having become bondmen to God, ye have your fruit unto holiness, and the end eternal life.

²³ Ndaxte peyu bàkkaar mooy dee, waaye mayu Yàlla mooy dund gu dul jeex ci Yeesu Kirist sunu Boroom.

²³For the wages of sin [is] death; but the act of favour of God, eternal life in Christ Jesus our Lord.