¹ Léegi nag bokk yi, ci li jëm ci mayi Xelum Yàlla, bëgguma ngeen umple ci dara.

¹Now concerning spiritual things, brothers, I don’t want you to be ignorant.

² Xam ngeen ne, bi ngeen xamagul woon Yàlla, xërëm, yi mënul a wax, ñoo leen jiitaloon, di leen wommat.

²You know that when you were heathen or Gentiles , you were led away to those mute idols, however you might be led.

³ Moo tax ma leen di xamal lii: ku Xelum Yàlla solu du wax ne: «Yeesu dafa araam.» Te it kenn mënul a wax ne: «Yeesu mooy Boroom bi,» su ko ko Xelum Yàlla waxloowul.

³Therefore I make known to you that no man speaking by God’s Spirit says, “Jesus is accursed.” No one can say, “Jesus is Lord,” but by the Holy Spirit.

⁴ Am na fànni may yu bare yu jóge ci Xelum Yàlla, waaye menn Xel moomu moo koy séddale.

⁴Now there are various kinds of gifts, but the same Spirit.

⁵ Am na ay sas yu bare, waaye benn Boroom bi la.

⁵There are various kinds of service, and the same Lord.

⁶ Am na ay fànn yu bare yu Yàllay feeñale dooleem, waaye jenn Yàlla ji mooy jëfe doole yooyu yépp ci ñépp.

⁶There are various kinds of workings, but the same God, who works all things in all.

⁷ Noonu Yàlla jox na ku nekk fànn gu muy feeñale Xelam mu Sell mi ngir njariñul ñépp.

⁷But to each one is given the manifestation of the Spirit for the profit of all.

⁸ Am na ku Yàlla sédde, jaarale ko ci Xelam, mayu wax ak xel mu leer, keneen am mayu xam-xam, te mu bawoo ci menn Xel mi.

⁸For to one is given through the Spirit the word of wisdom, and to another the word of knowledge, according to the same Spirit;

⁹ Keneen it menn Xel mi jox ko ngëm, keneen di wéral ay jàngoro ci kàttanu Xel moomu,

⁹to another faith, by the same Spirit; and to another gifts of healings, by the same Spirit;

¹⁰ keneen di def ay kéemaan, am kuy wax ci kàddug Yàlla, am keneen kuy ràññee li jóge ci Xelum Yàlla ak li jóge ci yeneen xel yi, keneen it di wax ay xeeti làkk, ak kuy firi làkk yooyu.

¹⁰and to another workings of miracles; and to another prophecy; and to another discerning of spirits; to another different kinds of languages; and to another the interpretation of languages.

¹¹ Loolu lépp, menn Xel moomu moo koy def, ku nekk mu sédd la ci, ni mu ko soobe.

¹¹But the one and the same Spirit works all of these, distributing to each one separately as he desires.

¹² Noona la ci yaramu nit. Yaram wenn la, teewul am na cér yu bare. Waaye céri yaram yépp, ak li ñuy baree-bare, ñoo bokk, doon wenn yaram. Te noonu la Kirist mel.

¹²For as the body is one, and has many members, and all the members of the body, being many, are one body; so also is Christ.

¹³ Yàlla sóob na nu ci menn Xelam mi, ngir nu doon wenn yaram: nuy Yawut walla nu dul Yawut, nuy jaam mbaa gor, nun ñépp Yàlla may na nu, nu naan ci menn Xel mi.

¹³For in one Spirit we were all baptized into one body, whether Jews or Greeks, whether bond or free; and were all given to drink into one Spirit.

¹⁴ Yaram du benn cér, waaye cér yu bare la.

¹⁴For the body is not one member, but many.

¹⁵ Kon bu tànk nee: «Man duma loxo, kon bokkuma ci yaram,» du ko teree bokk ci céri yaram yi.

¹⁵If the foot would say, “Because I’m not the hand, I’m not part of the body,” it is not therefore not part of the body.

¹⁶ Te bu nopp nee: «Duma bët, kon bokkuma ci yaram,» du ko teree bokk ci céri yaram yi.

¹⁶If the ear would say, “Because I’m not the eye, I’m not part of the body,” it’s not therefore not part of the body.

¹⁷ Bu yaram wépp doon bët, kon nan lay dégge? Walla bu yaram wépp doon nopp, kon nan lay xeeñtoo?

¹⁷If the whole body were an eye, where would the hearing be? If the whole were hearing, where would the smelling be?

¹⁸ Waaye Yàlla dafa riime céri yaram wi, def bu ci nekk fa mu ko soobe.

¹⁸But now God has set the members, each one of them, in the body, just as he desired.

¹⁹ Bu lépp doon benn cér, kon fu yaram di nekk?

¹⁹If they were all one member, where would the body be?

²⁰ Cér yi daal, bare nañu waaye wenn yaram rekk a am.

²⁰But now they are many members, but one body.

²¹ Bët nag mënul ne loxo: «Soxlawuma la!» Te bopp it mënul ne tànk yi: «Soxlawuma leen!»

²¹The eye can’t tell the hand, “I have no need for you,” or again the head to the feet, “I have no need for you.”

²² Loolu sax mënul a am, ndaxte céri yaram, yi gën a néew doole, ñoo gën a am jariñ.

²²No, much rather, those members of the body which seem to be weaker are necessary.

²³ Te cér yi gën a ñàkk maana, ñoom lanuy gën a topptoo. Cér yi ci rafetul a tudd, ñoom lanuy gën a suturaal,

²³Those parts of the body which we think to be less honorable, on those we bestow more abundant honor; and our unpresentable parts have more abundant propriety;

²⁴ fekk yi gën a rafet, soxlawul nu leen di suturaale noonu. Waaye Yàlla dafa boole sunu céri yaram yi, ngir gën a teral cér yi ko soxla.

²⁴whereas our presentable parts have no such need. But God composed the body together, giving more abundant honor to the inferior part,

²⁵ Noonu yaram du séddaloo, waaye cér bu ci nekk dina dimbali yi ci des.

²⁵that there should be no division in the body, but that the members should have the same care for one another.

²⁶ Bu sa benn céru yaram dee metti, yeneen yi ci des yépp dañuy bokk, yég metit wi. Te bu dee dangaa fonk sa benn céru yaram it, ndax du sa yaram wépp a ciy bànneexu?

²⁶When one member suffers, all the members suffer with it. Or when one member is honored, all the members rejoice with it.

²⁷ Léegi benn yaram ngeen, muy yaramu Kirist, te kenn ku nekk ci yéen cér nga ci.

²⁷Now you are the body of Christ, and members individually.

²⁸ Te Yàlla teg na ci mbooloom ñi gëm, ku nekk ak sa may: ci bu jëkk ay ndawi Kirist, teg ca ñiy wax ci kàddug Yàlla, teg ca ñiy jàngale, ñiy def ay kéemaan, ñi am mayu wéral ay jàngoro, ñiy dimbalee, ñiy jiite, ñiy wax ay xeeti làkk.

²⁸God has set some in the assembly: first apostles, second prophets, third teachers, then miracle workers, then gifts of healings, helps, governments, and various kinds of languages.

²⁹ Ndax ñépp ay ndawi Kirist lañu? Ndax ñépp dañuy wax ci kàddug Yàlla? Ndax ñépp ay jàngale? Ndax ñépp ay def kéemaan?

²⁹Are all apostles? Are all prophets? Are all teachers? Are all miracle workers?

³⁰ Ndax ñépp a am mayu wéral ay jàngoro? Ndax ñépp ay wax ay làkk? Ndax ñépp a leen di firi?

³⁰Do all have gifts of healings? Do all speak with various languages? Do all interpret?

³¹ Waaye fonkleen may yi gën. Léegi nag ma won leen yoon wu gën lépp.

³¹But earnestly desire the best gifts. Moreover, I show a most excellent way to you.