¹ Saxleen ci bëggante ni ay bokk.

¹Let brotherly love continue.

² Buleen fàttee teral ñiy ñëw ci yéen, ndaxte ñenn ñi, bi ñu ko defee, teral nañu ay malaaka te xamuñu ko.

²Don’t forget to show hospitality to strangers, for in doing so, some have entertained angels without knowing it.

³ Fàttalikuleen ñi ñu tëj, mel ni su ñu leen boole woon ak ñoom tëjaale. Fàttalikuleen ñi ñuy sonal, ni su ngeen bokkoon ak ñoom coono.

³Remember those who are in bonds, as bound with them; and those who are ill-treated, since you are also in the body.

⁴ Na ñépp fullaal séy, te lalu séy bi bañ a taq sobe, ndaxte Yàlla dina àtte ñu yàqu ñi ak njaalookat yi.

⁴Let marriage be held in honor among all, and let the bed be undefiled: but God will judge the sexually immoral and adulterers.

⁵ Buleen bëgge; deeleen doylu, ndaxte Yàlla ci boppam nee na:«Duma la wacc mukk,duma la wor mukk,»

⁵Be free from the love of money, content with such things as you have, for he has said, “I will in no way leave you, neither will I in any way forsake you.” Deuteronomy 31:6

⁶ ba tax nu am kóoluteg wax ne:«Boroom bi moo di sama ndimbal;duma ragal dara.Lu ma nit manal?»

⁶So that with good courage we say, “The Lord is my helper. I will not fear. What can man do to me?” Psalm 118:6-7

⁷ Fàttalikuleen seen njiit, yi leen yégal kàddug Yàlla. Nemmikuleen li seen dund meññ te roy seen ngëm.

⁷Remember your leaders, men who spoke to you the word of God, and considering the results of their conduct, imitate their faith.

⁸ Yeesu Kirist du soppiku mukk; ni mu mel démb ak tey lay mel ba fàww.

⁸Jesus Christ is the same yesterday, today, and forever.

⁹ Buleen nangu mukk ñu fàbbi leen ak njàngale yu bare yu wuute ak yu jëkk ya. Li gën moo di xol yi jële seen doole ci yiwu Yàlla, te bañ koo jële ci sàrt yi jëm ci ñam, yi jariñul dara ñi koy sàmm.

⁹Don’t be carried away by various and strange teachings, for it is good that the heart be established by grace, not by food, through which those who were so occupied were not benefited.

¹⁰ Am nanu sarax boo xam ne ñiy jaamu Yàlla ci tàntu màggalukaayu bànni Israyil sañuñu koo lekk.

¹⁰We have an altar from which those who serve the holy tabernacle have no right to eat.

¹¹ Ndaxte saraxalekat bu mag bi dafay yóbbu deretu mala yi ca bérab bu sell-baa-sell ni sarax ngir dindi bàkkaar yi, waaye yàpp wi dees na ko lakk ca gannaaw dal ba.

¹¹For the bodies of those animals, whose blood is brought into the holy place by the high priest as an offering for sin, are burned outside of the camp. Leviticus 16:27

¹² Looloo tax Yeesu sonn ca gannaaw dëkk ba, ngir sellal mbooloo mi ak deretam.

¹²Therefore Jesus also, that he might sanctify the people through his own blood, suffered outside of the gate.

¹³ Nanu ko fekki nag ca gannaaw dal ba, bokk ak moom toroxte ga.

¹³Let us therefore go out to him outside of the camp, bearing his reproach.

¹⁴ Amunu fii ci àddina dëkk bu sax ba fàww, waaye nu ngi wut dëkk biy ñëw.

¹⁴For we don’t have here an enduring city, but we seek that which is to come.

¹⁵ Kon nag nanu jaare ci Yeesu, tey dëkk ci jébbal Yàlla sarax bu koy màggal, maanaam sant turam.

¹⁵Through him, then, let us offer up a sacrifice of praise to God Psalm 50:23 continually, that is, the fruit of lips which proclaim allegiance to his name.

¹⁶ Buleen fàtte di def lu baax ak di sédde ci seen alal, ndaxte sarax yu mel noonu ñoo neex Yàlla.

¹⁶But don’t forget to be doing good and sharing, for with such sacrifices God is well pleased.

¹⁷ Déggal-leen seeni njiit te topp seen ndigal, ndaxte ñoo leen di sàmm te ñooy layoo seen liggéey. Kon nangeen leen déggal, ngir ñu man a def seen liggéey ak xol bu sedd, bañ cee am naqar, ndaxte loolu du leen amal njariñ.

¹⁷Obey your leaders and submit to them, for they watch on behalf of your souls, as those who will give account, that they may do this with joy, and not with groaning, for that would be unprofitable for you.

¹⁸ Deeleen nu ñaanal. Wóor nanu ne, sunu xel dal na, ndaxte danoo bëgg a rafet ci lépp lu nuy def.

¹⁸Pray for us, for we are persuaded that we have a good conscience, desiring to live honorably in all things.

¹⁹ Maa ngi leen di xiir, ngeen ñaanal nu, ba tuur ci seen ñaq, ngir ma yiwiku, ba dellusi ci yéen ci ni mu gën a gaawe.

¹⁹I strongly urge you to do this, that I may be restored to you sooner.

²⁰ Na leen Yàlla Boroom jàmm, mi dekkal sunu Boroom Yeesu, di Sàmm bu mag bi, ci darajay deret, ji fas kóllëre gu sax,

²⁰Now may the God of peace, who brought again from the dead the great shepherd of the sheep with the blood of an eternal covenant, our Lord Jesus,

²¹ matal ci lépp lu baax, ba ngeen man a def coobareem, di jëfe ci nun li neex ci moom, mu jaarale lépp ci Yeesu Kirist, moom mi yelloo ndam ba fàww. Amiin.

²¹make you complete in every good work to do his will, working in you that which is well pleasing in his sight, through Jesus Christ, to whom be the glory forever and ever. Amen.

²² Kon nag bokk yi, maa ngi leen di ñaan, ngeen tegoo baatu yedd yooyu, ndaxte dama leen a bind ci lu gàtt.

²²But I exhort you, brothers, endure the word of exhortation, for I have written to you in few words.

²³ Xamleen ne, Timote sunu mbokk, génn na kaso. Su dikkee léegi, dinaa ànd ak moom, seetsi leen.

²³Know that our brother Timothy has been freed, with whom, if he comes shortly, I will see you.

²⁴ Nuyul-leen ma seen njiit yépp ak gaayi Yàlla yépp. Waa Itali ñu ngi leen di nuyu.

²⁴Greet all of your leaders and all the saints. The Italians greet you.

²⁵ Na yiwu Yàlla nekk ànd ak yéen ñépp.

²⁵Grace be with you all. Amen.