¹ Yéen samay bokk, bu benn gënale laal seen ngëm ci sunu Boroom Yeesu Kirist, mi soloo ndam.

¹My brothers, don’t hold the faith of our Lord Jesus Christ of glory with partiality.

² Ndaxte su ñaari nit duggee ci seen mbooloo, kii takk jaaroy wurus te sol yére yu taaru, ka ca des ñàkk te limboo ay sagar,

²For if a man with a gold ring, in fine clothing, comes into your synagogue or, meeting , and a poor man in filthy clothing also comes in;

³ ngeen teral boroom daraja ji ne ko: «Àggal ci jataay bu yiw bi,» ba noppi ngeen ne aji néew doole ji: «Taxawal fale, mbaa nga toog fi ci samay tànk,»

³and you pay special attention to him who wears the fine clothing, and say, “Sit here in a good place”; and you tell the poor man, “Stand there,” or “Sit by my footstool”;

⁴ kon gënale ngeen ci seen biir, ba àtte ci col, bàyyi xol.

⁴haven’t you shown partiality among yourselves, and become judges with evil thoughts?

⁵ Dégluleen yéen sama bokk yi ma bëgg, ndax Yàlla tànnul ñi néewle ci àddina, ngir ñu barele ci ngëm, tey am i cér ci nguur, gi Yàlla dig ñi ko bëgg?

⁵Listen, my beloved brothers. Didn’t God choose those who are poor in this world to be rich in faith, and heirs of the Kingdom which he promised to those who love him?

⁶ Fekk dangeen leen di toroxal! Xanaa du boroom alal yi ñoo leen di noot te di leen yóbbu fa kanam àttekat yi?

⁶But you have dishonored the poor man. Don’t the rich oppress you, and personally drag you before the courts?

⁷ Ndax duñu tilimal tur wu tedd, wi ngeen di wuyoo?

⁷Don’t they blaspheme the honorable name by which you are called?

⁸ Su ngeen sàmmee yoonu Buur Yàlla, ni ko Mbind mi tërale naan: «Nanga bëgg sa moroom, ni nga bëgge sa bopp,» kon def ngeen lu baax.

⁸However, if you fulfill the royal law, according to the Scripture, “You shall love your neighbor as yourself,” Leviticus 19:18 you do well.

⁹ Waaye su ngeen gënalee, bàkkaar ngeen, te yoonu Yàlla dina leen dab ni ñu moy.

⁹But if you show partiality, you commit sin, being convicted by the law as transgressors.

¹⁰ Ndaxte ku sàmm yoon wépp, waaye xëtt ci lenn ndigal rekk, jàdd nga yoon wépp.

¹⁰For whoever keeps the whole law, and yet stumbles in one point, he has become guilty of all.

¹¹ Ndaxte Yàlla mi ne: «Bul njaaloo,» teg na ca ne: «Bul rey nit.» Ku njaaloowul nag, waaye nga rey nit, jàdd nga yoon wépp.

¹¹For he who said, “Do not commit adultery,” Exodus 20:14; Deuteronomy 5:18 also said, “Do not commit murder.” Exodus 10:13; Deuteronomy 5:17 Now if you do not commit adultery, but murder, you have become a transgressor of the law.

¹² Gannaaw dingeen nar a jaar ci àtteb yoon, wiy goreel, na loolu lal seen wax ak seen jëf.

¹²So speak, and so do, as men who are to be judged by a law of freedom.

¹³ Ndaxte ku yërëmul, yoon du la yërëm. Te yërmande mooy noot àtte.

¹³For judgment is without mercy to him who has shown no mercy. Mercy triumphs over judgment.

¹⁴ Te lii itam samay bokk, ku ne gëm nga, te jëfewoo ko, loolu lu muy jariñ? Ndax googu ngëm man na laa musal?

¹⁴What good is it, my brothers, if a man says he has faith, but has no works? Can faith save him?

¹⁵ Su amee mbokk ci seen biir, mu rafle te amul dund, muy góor walla jigéen,

¹⁵And if a brother or sister is naked and in lack of daily food,

¹⁶ te kenn ci yéen ne ko: «Demal ak jàmm, nga solu te lekk,» te fekk fajuleen aajoom, loolu lu muy jariñ?

¹⁶and one of you tells them, “Go in peace, be warmed and filled”; and yet you didn’t give them the things the body needs, what good is it?

¹⁷ Noonu ngëm gu àndul ak jëf, amul benn njariñ.

¹⁷Even so faith, if it has no works, is dead in itself.

¹⁸ Waaye xanaa dina am ku ne: «Yaw am nga ngëm, man am naa ay jëf.» Yaw nag won ma sa ngëm gu àndul ak jëf, man ma feeñal la sama ngëm ci samay jëf.

¹⁸Yes, a man will say, “You have faith, and I have works.” Show me your faith without works, and I by my works will show you my faith.

¹⁹ Gëm nga ne Yàlla kenn la; loolu lu baax la, waaye xamal ne, jinne yi it gëm nañu loolu, ba dañoo tiit bay lox.

¹⁹You believe that God is one. You do well. The demons also believe, and shudder.

²⁰ Yaw mi gàtt xel, kaay ma won la ne, ngëm gu àndul ak jëf, amul njariñ.

²⁰But do you want to know, vain man, that faith apart from works is dead?

²¹ Sunu maam Ibraayma, ndax du ci kaw jëf la ko Yàlla àttee ni ku jub, ci li mu joxe doomam Isaaxa ni sarax?

²¹Wasn’t Abraham our father justified by works, in that he offered up Isaac his son on the altar?

²² Kon gis nga ne, ngëm dafa lëngoo ak ay jëfam, te ngëmam mat ci kaw jëf jooju.

²²You see that faith worked with his works, and by works faith was perfected;

²³ Noonu li ñu wax ci Mbind mi am na, bi mu naan: «Ibraayma gëm na Yàlla, te Yàlla jàppe ngëmam ni njub,» ba ñu ko wooye xaritu Yàlla.

²³and the Scripture was fulfilled which says, “Abraham believed God, and it was accounted to him as righteousness”; Genesis 15:6 and he was called the friend of God.

²⁴ Kon nag gis nga ne, Yàlla ci jëf lay àtte nit ni ku jub, waaye du ci kaw ngëm kese.

²⁴You see then that by works, a man is justified, and not only by faith.

²⁵ Naka Raxab jigéenu moykat bi itam, ndax du ci noonu la ko Yàlla àttee ni ku jub, ci li mu teeru ndawi Yawut yi, te jaarale leen ca poot ba?

²⁵In the same way, wasn’t Rahab the prostitute also justified by works, in that she received the messengers, and sent them out another way?

²⁶ Kon nag ni jëmm ju amul ruu nekke ndee, noonu la ngëm gu àndul ak jëf nasaxe.

²⁶For as the body apart from the spirit is dead, even so faith apart from works is dead.