1యేసు ఈ మాటకిని కెత్తస్కె ఆకాసతాకె ఓని కండ్కిని తేచి ఊడి, తప్పెనగ్గ ఈలా మొర వాట్తో్త: అయ్యూ, నా సమయమ్ వాసి మింథె. నిమ్మ నీ మర్రిని గొప్ప తుంగా. మర్రి గూడ నీనిని గొప్ప తుంగితో.2బారితుకు నిమ్మ నాయగ్గ ఇత్తోరంథోరికి, నన్న ఓరికి బెస్కెటికి మంథాని బదుకిని ఈదనాంకి మనుసుర్కంథోరి పొం్రొ నాకు అథికారమ్ ఈసి మినీన్.3బెస్కెటికి మంథాని బదుకు బాతథితుకు, ఒరోండే నిజమత్త థేమండాత్త నీనిని, నినె నిమ్మ ఈ లోకతికి రోత్తా యేసు కిరిస్తు అత్త నానిని పున్ని మందటమె బెస్కెటికి మంథాని బతుకు ఆసి మింథె.4నిమ్మ నాకు ఇత్త పనుంగిని ఆకరిథాకా తుంగిసి ఈ నేల్దె పొం్రొ నిమ్మె గొప్పవాండింజి నన్న నీకు మరియూద తుంగ్తాన్.5అయ్యూ, ఈ లోకతిని తుంగోక మున్నె నిమ్మ నానిని నీయగ్గ గొప్ప తుంగ్తాటు ఇంజె నానిని నీతోటె గొప్ప తుంగా.6ఈ లోకతె మంథాని జనాకినమటెనుంచి నిమ్మ ఏర్పరిసి నాక్కిత్త ఈరికి నీనిని తోపిస్తా్తన్. ఓరు నీవారాసి మత్తోరు. గోని నిమ్మ ఓరిని నాకు ఈసి మినీన్. ఓరు నీ మాటత్కి లోబరిసి మినోరు.7ఇంజె నిమ్మ నాకు ఇత్తవంత నిజంగ నీయగ్గనుంచి వత్తా ఇంజి ఓరు పున్ని మినోరు.8బేలాయుతుకు, నిమ్మ నాకు కెత్తవంత నన్న ఓరికి కెచ్చి మినాన్. ఓరు వాటిని నమ్మి నన్న నీయగ్గనుంచి ఈ లోకతికి వత్తాన్ ఇంజి ఓరు నిజంగ తెలిసి మినోరు. నిమ్మ నానిన్ రోత్తిన్ ఇంజి ఓరు నమ్మనోరు.9నన్న ఓరిసెంక మొర వాటనాన్. నీనిన్ యెథిరిసనోరి సెంక నన్న మొర వాటటమిల్లె గోని నిమ్మ నాకు ఇత్తోరిసెంక నన్న మొర వాటనాన్. బారితుకు ఓరు నిజంగ నీవారాసి మినోరు.10నావారాసి మందనోరంథోరు నీవారాసి మినోరు. నీవారాసి మందనోరంథోరు నావారాసి మినోరు. నన్న బెచ్చొ గొప్పవాండు ఇంజోరె ఓరు తోపిసనోరు.11నన్న ఈ లోకతిని విడిసి థెయుతాన్. గోని ఈరుబోనో ఈ లోకాతె నీనిన్ ఎథిరిసాని జనాకినమటె మంత్తోరు. నన్న ఈరిని విడిసి జపునె నీయగ్గ వాసనాన్. సుబ్బరంగ మంథాని అయ్యూ, నిమ్మ నీ సకితితోటె ఓరిని జాగర్దగ కాపాడా. బారితుకు ఓరిని నిమ్మ నాకు ఇత్తిన్. నన్న నిమ్మ కలియు మందనాటు ఓరు గూడ ఒరోంకొరొ కలియు మందవాలె ఇంజి మొర వాటనాన్.12నన్న ఓరితోటె మత్తస్కె నిమ్మ నాకు ఇత్తోరమటె బేనోగూడ పాడాసి థాయకుండ నీ పెదటె ఓరిని నన్న జాగర్దగ కాపాడ్తాన్. థేమటె పుస్తకాతె రాసి మత్తదు నెరవేర్సతాటు పాడాసి థాయనాంకి ఓనికి ఓండే సురుకు వాటి డొల్లి అత్త ఒరోని తప్పా మిగల్తో్తరిని నన్న జాగర్దగ కాపాడ్తాన్.13గోని ఇంజె నన్న నీయగ్గ మందనాంకి వెయుతాన్. ఓరు నా కుసేల్దె సంపూర్నంగ నిండి మందవాలె ఇంజి నన్న ఈ లోకాతె మందనస్కె వీటిని గురుంచి నన్న కెచ్చనాన్.14నిమ్మ నాకు కెత్త మాటాక్కంత నన్న ఓరికి కెచ్చి మినాన్. ఈ లోకాతె మందనోరు ఓరిని కసి పెయుతోరు. నన్న ఈ లోకతికి చెంతోండయ్యోన్ గాబట్టి ఓరు గూడ ఈ లోకతికి చెంతోరయ్యోరు.15ఈరిని ఈ లోకాతెనుంచి నిమ్మ తీసి ఓమ్ ఇంజి నన్న మొర వాటటమిల్లె. గోని నిమ్మ ఓరిని దుస్టుండత్త థెయ్యతె సకితితెనుంచి కాపాడవాలింజి నన్న మొర వాటనాన్.16నన్న బేలా ఈ లోకతికి చెంతోండయ్యోనో ఆలాకె ఈరు గూడ ఈ లోకతికి చెంతోరయ్యోరు.17నీ మాటె నిజమాసి మందనద్దు. నిజంగ మంథాని ఆ మాటకినివల్ల ఓరిని నీ పనిథెసెంక వేరె వాటవాలె.18నిమ్మ నానిన్ ఈ లోకతె మంథాని మనుసుర్కిని నడుమ రోత్తాటు నన్న గూడ ఈరిని ఓరి నడుమ రోచి మినాన్.19ఓరు నిజంగ ఓరిని ఒపగిసి నీ పని తుంగి వేరె మందనాంకి ఓరిసెంక నన్న వేరుగ మందనాంకి ఒపగిసనాన్.20నన్న ఈరిసెంకె మొర వాటటమిల్లె. గోని ఈరు నా గురుంచి కెత్త మాటకిని నవ్తెూరంథోరిసెంక గూడ నన్న మొర వాటనాన్.21ఓరంథోరు ఒరోంకొరొ కలియు మందవాలె. అయ్యూ, నిమ్మ నాయమటె నన్న నీయమటె కలియు మందనాటు ఓరంథోరు గూడ ఒరోంకొరొ మనయమటె కలియు మందవాలె ఇంజి మొర వాటనాన్. ఆలా ఓరు కలియు మందటమ్వల్ల నిమ్మ నానిన్ ఈ లోకతికి రోత్తిన్ ఇంజి ఈ లోకాతె మందనోరు అంథోరు నమ్మితోరు.22మనాడు కలియు మందనాటు ఓరు గూడ ఒరోంకొరొ కలియు మందవాలింజి నిమ్మ నానిన్ గొప్ప తుంగ్తాటు నన్న గూడ ఓరిని గొప్ప తుంగ్తా్తన్.23నన్న ఓరమటె నిమ్మ నాయమటె కలియు మినాడ్ గాబట్టి ఓరు గూడ ఒరోంకొరొ నిండు మనుసుతోటెె కలియు మంత్తోరు. నిమ్మ నానిన్ రోత్తిన్ ఇంజి ఈ లోకాతె మందనోరు తెలుస్కుండనాంకి నిమ్మ నానిన్ పేమిస్తాటు ఓరిని గూడ పేమిసనీన్.24అయ్యూ, ఈ లోకతిని తుంగోక మున్నె నిమ్మ నానిన్ పేమిసి గొప్పంగ మరియూద ఈసి మినీన్. నిమ్మ నాకు ఇత్తోరు అ గొప్పతనతిని ఊడనాంకి, నన్న బెగ్గ మంతానో అగ్గ ఓరుగూడ నాతోటె మందవాలి25నిజాయుతిగ మంథాని అయ్యూ, ఈ లోకతె నీనిన్ ఎథిరిసనోరు నీనిన్ పున్నలోరు. గోని నన్న నీనిన్ పున్ని మినాన్. నిమ్మ నానిన్ రోత్తిన్ ఇంజి ఈరు గూడ పయన్ని మినోరు.26నిమ్మ బేలోంటోంనినో ఓరికి తోపిస్తా్తన్. ఇంకడికి నన్న నీ గురుంచి ఓరికి తోపిసిత్తాన్. నిమ్మ నా పొం్రొ తాస్త పేమతిని ఓరి పొం్రొ గూడ తాసవాలింజి నన్న గూడ ఓరమటె కలియు మందవాలె ఇంజోరె కెత్తొ.