¹大衛數點人口（代上21:1~6）耶和華又向以色列人發怒，就激動大衛，使他們受害，說：“你去數點一下以色列和猶大的人數吧！”

¹ Rabbi bina ye ka tun Israyla izey se koyne. A na Dawda tuti i gaa a ma ne: « Wa koy ka Israyla nda Yahuda kulu kabu.»

²王就對約押和跟隨他的軍官說：“你們走遍以色列各支派，從但到別是巴，數點人民，我好知道人民的數目。”

² Bonkoono mo ne Yowab kaŋ ga ti wongu marga wonkoyo kaŋ go nga banda se: «Ma koy sohõ ka bar-bare ka Israyla kundey kulu gana za Dan gaa kal a ma koy Beyer-Seba gaa, ka borey kabu, zama ay ma borey lasaabo timmanta bay.»

³約押回答王：“無論人民有多少，願耶和華你的　神再增加一百倍，又願我主我王親眼看見。不過，我主我王為甚麼喜歡這事呢？”

³ Yowab mo ne bonkoono se: «Rabbi ni Irikoyo ma borey baayaŋ tonton koyne sorro zangu, mate kaŋ cine i baa d'a kulu, hala koyo ay bonkoono moy ma di woodin. Amma ifo se no koyo ay bonkoono ga maa kaani nga ma woodin te?»

⁴但是王的命令約押和眾軍官不敢不從。於是約押和眾軍官從王面前出去，數點以色列的人民。

⁴ Kulu nda yaadin, bonkoono sanno hin Yowab da wongu marga jine borey kulu wane. Yowab da wongu marga jine borey binde fatta bonkoono jine zama ngey ma koy ka Israyla borey kabu.

⁵他們過了約旦河，就在谷中那座亞羅珥城的右邊安營。後來他們經過迦得，直到雅謝，

⁵ I na Urdun daŋandi, i zumbu Arower ra, Gad gooro bindi ra kwaara se kambe ŋwaari haray, ka koy hala Yazer gaa.

⁶然後又到了基列和他停．合示地，再到了但．雅安，並繞過了西頓，

⁶ Waato din gaa i kaa Jileyad da Tatim-Hodsi. I kaa Dan-Yaan mo da nangu woodin windanta kulu kal a ma kaa Zidon.

⁷來到推羅的堡壘，以及希未人和迦南人所有的城市。最後，他們出到猶大的南端別是巴去了。

⁷ I kaa Tir wongu fuwo do da Hibancey kwaarey kulu da Kanaanancey waney. I dumbandi ka bisa Yahuda kura kaŋ go Negeb* ra ka koy hala Beyer-Seba.

⁸以後，他們走遍了全地，過了九個月又二十天，就回到耶路撒冷。

⁸ Waato kaŋ i na bar-bareyaŋey kulu ban laabo ra, i kaa Urusalima handu yagga nda jirbi waranka bananta.

⁹約押把數點人民的數目向王呈報：在以色列中能拔刀的勇士共有八十萬人；猶大共有五十萬人。

⁹ Yowab na borey lasaabuyaŋ timmanta daŋ bonkoono kambe ra. Israyla ra gonda boro zambar zangu ahakku sooje yaarukom yaŋ, kaŋ yaŋ ga takuba foobu. Yahuda alborey ra mo gonda boro zambar zangu gu.

¹⁰耶和華降罰（代上21:7~17）大衛數點了人民以後，良心一直不安，於是對耶和華說：“我作了這事，犯了大罪。耶和華啊！現在求你除去你僕人的罪孽，因為我作了非常糊塗的事！”

¹⁰ Dawda bina binde n'a gooru, waato kaŋ a na jama kabuyaŋo te kal a ne Rabbi se: «Ay na zunubi te gumo hayo wo kaŋ ay te do. Amma sohõ, ya Rabbi, ay ga ni ŋwaaray no, ma ay, ni tamo zunubo tuusu ka kaa, zama ay na saamotaray te gumo.»

¹¹大衛早晨起來；耶和華的話臨到迦得先知，就是大衛的先見，說：

¹¹ Waato kaŋ Dawda tun susuba ra, Rabbi sanno kaa annabi Gad do, nga kaŋ ga fonnay Dawda se. A ne:

¹²“你去告訴大衛說：‘耶和華這樣說：我給你三個選擇，你要選擇一個，我好向你施行。’”

¹² «Koy ka salaŋ Dawda se ka ne: Haŋ kaŋ Rabbi ci neeya: Ay goono ga hari hinza salle ni se. Kala ni ma afo suuban i ra kaŋ ay ga te ni se.»

¹³於是迦得來見大衛，問他說：“你要國中七年的饑荒呢？或是要在你敵人面前逃跑，被追趕三個月呢？或是要國中有三天的瘟疫呢？現在你要想想，決定我該用甚麼話回覆那差我來的。”

¹³ Gad binde kande baaro Dawda do k'a kulu dede a se. A ne Dawda se: «Jiiri iyye haray ma te ni laabo ra, wala ni ma zuru ni yanjekaari jine handu hinza kaŋ i goono ga ni ce kondo ŋwa, wala balaaw ma te jirbi hinza ni laabo ra? Sohõ, kala ni ma koy ka ni boŋ guna. Ma fongu haŋ kaŋ ay ga yeti nga kaŋ n'ay donton din se.»

¹⁴大衛對迦得說：“我非常為難，我們情願落在耶和華的手裡，因為他有豐盛的憐憫。不要讓我落在人的手裡。”

¹⁴ Gaa no Dawda ne Gad se: «Ay furo kambe nda cimi! To, naŋ iri ma kaŋ Rabbi kambe ra, zama a suujo ga beeri. Amma ay ma si kaŋ Adam-izey kambe ra.»

¹⁵於是耶和華降瘟疫在以色列地，從早晨直到所定的時間；從但到別是巴，眾民中死了七萬人。

¹⁵ Rabbi binde na balaaw samba Israyla boŋ za susubay kal a to saaya kaŋ a waadu din. Za Dan gaa kal a koy Beyer-Seba gaa, borey ra boro zambar wayye no ka bu.

¹⁶當天使向耶路撒冷伸手，要毀滅耶路撒冷的時候，耶和華就後悔降這災禍，就對那毀滅眾民的天使說：“夠了，現在住手吧！”那時，耶和華的天使在耶布斯人亞勞拿的打禾場那裡。

¹⁶ Saaya kaŋ cine malayka na nga kambe salle Urusalima kwaara boŋ zama nga m'a halaci se, kala Rabbi na ba ye koyne ka fay da masiiba teeyaŋ. A ne malayka kaŋ goono ga borey halaci din se: «A wasa, kala ma ni kamba gaay sohõ.» Rabbi* malayka go mo ga kay Arawna, Yebusi bora karayaŋ gangano do.

¹⁷大衛看見那擊殺人民的天使，就對耶和華說：“犯了罪的是我，行了惡的是我，這群羊又作了甚麼呢？求你的手攻擊我和我的父家吧！”

¹⁷ Waato kaŋ Dawda di malayka kaŋ go ga borey kar, kal a salaŋ Rabbi se ka ne: «Guna ay no ka zunubi te. Oho, ay no ka siiriyaŋ goy te, amma feejey wo, ifo no i te? Ay ga ni ŋwaaray, ma naŋ ni kambe ma in d'ay baaba windo kar.»

¹⁸大衛築壇獻祭（代上21:18~27）那一天，迦得來見大衛，對他說：“你上去，在耶布斯人亞勞拿的打禾場那裡，為耶和華立一座祭壇。”

¹⁸ Han din binde Gad kaa Dawda kwaara ka ne a se: «Ma ziji ka koy ka sargay feema cina Rabbi se Arawna, Yebusanca karayaŋ gangano ra.»

¹⁹大衛就照著迦得的話，正如耶和華所吩咐的，上去了。

¹⁹ Dawda binde ziji Gad sanno boŋ sanda mate kaŋ Rabbi n'a lordi nd'a.

²⁰亞勞拿往下觀看，看見王和他的臣僕正朝著他這邊走過來，就出去迎接，臉伏於地向王叩拜。

²⁰ Arawna mo guna-guna ka di bonkoono nda nga tamey, i goono ga daŋandi ka kaa nga do. Arawna binde fatta ka nga boŋo sumbal bonkoono jine, hala ganda.

²¹亞勞拿問：“我主我王為甚麼來到你僕人這裡呢？”大衛回答：“是要向你買這打禾場，好為耶和華築一座祭壇，使民間的瘟疫可以止住。”

²¹ Arawna ne: «Ifo se no koyo ay bonkoono kaa ay, nga tamo do?» Dawda mo ne: «Zama ay ma karayaŋ nango wo day ni gaa, ay ma sargay feema cina Rabbi se, zama i ma balaawo wo gaay a ma fay da jama.»

²²亞勞拿對大衛說：“我主我王看甚麼好，就拿去獻上吧！看哪，這裡有牛可以作燔祭，打禾的器具和套牛的軛可以當柴燒。

²² Arawna ne Dawda se: «Koyo ay bonkoono ma sambu haŋ kaŋ nga ga ba, a ma sargay te d'a. Hawyaŋ neeya sargay kaŋ i ga ton se. Karayaŋ torkey da hawey calu* bundey, ngey mo neeya tuuri se.

²³王啊，這一切亞勞拿都奉給你。”亞勞拿又對王說：“願耶和華你的　神悅納你！”

²³ Ya Bonkoono, woone yaŋ kulu, ay Arawna no g'i no bonkoono se.» Arawna ne bonkoono se mo: «Rabbi ni Irikoyo ma ni ŋwaara ta.»

²⁴王回答亞勞拿：“不！我一定要按價錢向你買，我不要用白白得來的作燔祭獻給耶和華我的　神。”於是大衛用五百七十克銀子，買下了那打禾場和牛。

²⁴ Amma bonkoono ne Arawna se: «Abada, zama daahir kal ay m'a day ni gaa da nooru. Zama ay si sargay kaŋ i ga ton yaŋ salle Rabbi ay Irikoyo se da hay fo kaŋ ay du yaamo.» Dawda binde na karayaŋ gangano day, nga nda hawey kulu, ka bana nzarfu sekel* waygu.

²⁵於是大衛在那裡為耶和華築了一座壇，獻上燔祭和平安祭。這樣耶和華垂聽了人們為那地的禱告，瘟疫就在以色列人中止住了。

²⁵ Kala Dawda na feema cina Rabbi se noodin. A na sargay kaŋ i ga ton yaŋ da saabuyaŋ sargayyaŋ kulu te. Yaadin cine no Rabbi n'a ŋwaarayyaŋey ta d'a laabo sabbay se. I na balaawo mo gaay ka fay da Israyla.