1約櫃停放在俄別．以東的家（代上13:1~14）大衛又聚集以色列中所有揀選出來的三萬人。
1 Dawda ye ka Israyla suubanantey kulu margu, ngey boro zambar waranza.
2大衛和與他在一起的眾人起程前去，要從巴拉．猶大把 神的約櫃運來，這約櫃的名稱是以坐在二基路伯之上萬軍之耶和華的名字而起的。
2 Dawda ye ka tun koyne, ka borey kulu kaŋ yaŋ go nga banda Baal-Yahuda ra sambu. A koy zama nga ma Irikoy sundurko sambu noodin, sundurko kaŋ i g'a ce d'a maa, kaŋ ga ti Rabbi Kundeykoyo maa, nga kaŋ go ga goro ciiti malaykey* game ra.
3他們把 神的約櫃從山岡上亞比拿達的家裡抬出來，安放在一輛新車上；亞比拿達的兩個兒子，烏撒和亞希約趕著這輛新車，
3 I na Irikoy sundurko dake torko taji fo boŋ. I n'a kaa Abinadab windo ra kaŋ go Jibeya. Uzza nda Ahiyo mo, kaŋ yaŋ ga ti Abinadab izey goono ga torko tajo boy.
4車上有 神的約櫃。亞希約走在約櫃的前面。
4 I n'a kaa Abinadab windo ra, kaŋ go Jibeya ra, nga nda Irikoy sundurko. Ahiyo mo bisa ka furo Irikoy sundurko jine.
5大衛和以色列全家在耶和華面前用各種松木製造的樂器，就是用琴、瑟、鼓、鈸、鑼，作樂跳舞。
5 Dawda nda Israyla dumo kulu mo fooru Rabbi jine da dooni jinay dumi kulu kaŋ i ga te da sipres* bundu, da gurumi, da moolo, da haray, da gooje, da can-caŋ yaŋ.
6他們到了拿艮的打禾場的時候，因為牛幾乎絆倒，烏撒就伸手扶住 神的約櫃。
6 Saaya kaŋ cine i to Nakon karayaŋ gangano do, kala Uzza na nga kambe salle Irikoy sundurko do haray k'a di, zama hawey ga ba k'a zeeri.
7耶和華的怒氣向烏撒發作； 神因這錯誤的舉動，就當場擊殺他，他就死在 神的約櫃旁邊。
7 Kala Rabbi futa koroŋ Uzza boŋ k'a kar noodin a kawla sabbay se. A bu no noodin Irikoy sundurko jarga.
8大衛因為耶和華擊殺了烏撒，就很生氣，因此稱那地方為毗列斯．烏撒，直到今日。
8 Dawda bina tun zama Rabbi futa zumbu Uzziya boŋ. Kal a ne nango din se Perez-Uzza hala ka kaa sohõ.
9那一天，大衛懼怕耶和華，說：“耶和華的約櫃怎可以到我這裡來呢？”
9 Dawda binde humburu Rabbi han din hane ka ne: «Mate no i ga te d'a hala Irikoy sundurko ma kaa ay do?»
10於是大衛不肯把耶和華的約櫃運進大衛的城到他那裡去，卻轉運到迦特人俄別．以東的家裡去。
10 Dawda binde mana yadda i ma Rabbi sundurko sambu ka kande nga do birno ra. Amma Dawda kamba nd'a ka kond'a Obed-Edom, Jitti bora windo ra.
11耶和華的約櫃在迦特人俄別．以東的家停留了三個月，耶和華賜福給俄別．以東和他的全家。
11 Rabbi sundurko mo goro Obed-Edom, Jitti bora windo ra handu hinza. Rabbi na Obed-Edom da nga windo kulu albarkandi mo.
12約櫃運進大衛城（代上15:25~28）有人告訴大衛王：“耶和華因為 神的約櫃的緣故，賜福給俄別．以東的家和一切屬他的。”大衛就去，歡歡喜喜把 神的約櫃從俄別．以東的家中抬上大衛的城裡去。
12 I na woodin baaro dede bonkoono Dawda se ka ne: «Rabbi na Obed-Edom windo da hay kulu kaŋ ga ti a wane albarkandi Irikoy sundurko sabbay se». Dawda binde koy ka Irikoy sundurko sambu Obed-Edom windo ra ka kand'a nga birno ra da farhã.
13那些抬耶和華的約櫃的人走了六步，大衛就獻一頭公牛和一隻肥畜為祭。
13 A ciya binde, waato kaŋ Rabbi sundurko sambukoy jin ka ce me daara iddu te diraw ra, Dawda na yeeji nda handayze kaŋ ga naasu dumbu, k'i te sargay.
14大衛束著細麻布的以弗得，在耶和華面前極力跳舞。
14 Dawda binde gaan Rabbi jine nda nga gaabo kulu. Dawda go ga daabu nda lin* kwaay kwaaray.
15這樣，大衛和以色列全家，以歡呼和角聲，把耶和華的約櫃抬了上來。
15 Yaadin no Dawda nda Israyla dumo kulu kande Rabbi sundurko nd'a, i go ga kuuwa ka hilliyaŋ kar.
16大衛跳舞，米甲鄙視（代上15:29~16:3、43）耶和華的約櫃運進大衛城的時候，掃羅的女兒米甲從窗戶往外觀看，看見大衛王在耶和華面前跳躍舞蹈，心裡就鄙視他。
16 A ciya binde, waato kaŋ Rabbi sundurko furo Dawda birno ra, kala Sawulu ize wayo Mikal niigaw fuwo funa gaa ka di Bonkoono Dawda go ga sar ka gaan Rabbi jine. A binde donda Dawda nga bina ra.
17他們把耶和華的約櫃抬進去，安放在帳棚裡它自己的地方，就是安放在大衛給它支搭的帳棚裡，大衛就在耶和華面前獻上燔祭和平安祭。
17 I furo nda Rabbi sundurko k'a jisi nga nango ra, kuuru-fuwo kaŋ Dawda sinji a se din bindo ra. Dawda na sargay kaŋ i ga ton yaŋ, da saabuyaŋ sargayyaŋ mo te Rabbi jine.
18大衛獻完了燔祭和平安祭，就奉萬軍之耶和華的名給人民祝福。
18 Saaya kaŋ Dawda na sargay kaŋ i ga ton nda saabuyaŋ sargayey te ka ban, a na albarka gaara jama se Rabbi Kundeykoyo maa ra.
19又分給眾人，就是分給以色列全體群眾，無論男女，每人一個餅、一個棗餅、一個葡萄乾餅；然後眾人就各歸各家去了。
19 Jama kulu ra mo, danga Israyla jama kulu nooya, alborey da wayborey kulu, a na buuru tafay nda ham dumbari nda reyzin* takula no i afo kulu se. Borey kulu mo tun ka koy ngey kwaara.
20大衛回去要給自己的家人祝福。掃羅的女兒米甲出來迎見大衛，說：“以色列王今天多麼榮耀啊！他今天竟在眾臣僕的婢女眼前，赤身露體，就像一個卑賤的人露體一樣。”
20 Waato din gaa Dawda mo ye fu zama nga ma albarka gaara nga almayaaley se. Sawulu ize wayo, Mikal binde fatta zama nga ma Dawda kubay. A ne a se: «Man Israyla bonkoono darza himandi hunkuna, kaŋ a na nga tugari feeri hunkuna nga bannyey da koŋŋey jine? Sanda mate kaŋ cine boro yaamey ga ngey tugarey feeri nd'a, haawi s'i di mo!»
21大衛對米甲說：“我是在耶和華面前跳舞；耶和華揀選了我，使我高過你父親和他的全家，立我作耶和華的子民以色列的領袖，所以我要在耶和華面前跳舞作樂。
21 Dawda ne Mikal se: «Ay n'a te Rabbi jine no, nga kaŋ n'ay suuban k'ay daŋ jina ni baaba nda nga windo kulu boŋ, zama nga m'ay ciya jine boro Rabbi jama boŋ, kaŋ ga ti Israyla. Woodin se no ay gaan Rabbi jine.
22我還要比今天這樣更卑賤，我要自視卑微。至於你所說的那些婢女，她們倒要尊重我。”
22 Kal ay ma ye k'ay boŋ kaynandi ka bisa yaadin cine koyne, ay ma kayna mo ay boŋ diyaŋ gaa. Amma koŋŋey kaŋ yaŋ ni ci din do haray, ay ga du darza.»
23掃羅的女兒米甲，一直到她死的日子，都沒有生育。
23 Sawulu ize wayo Mikal mo mana du ize kal a bu.