¹大衛有意為耶和華建殿（代上17:1~2）那時，王住在自己的宮中，耶和華使他安享太平，不受周圍仇敵的侵擾。

¹ A ciya binde, waato kaŋ bonkoono goono ga goro nga windo ra, waato kaŋ Rabbi jin k'a no fulanzamay nga ibarey kulu kaŋ goono g'a windi yaŋ din gaa,

²王對拿單先知說：“你看！我自己住在香柏木的宮裡，耶和華的約櫃卻停在帳幕內。”

² kala bonkoono ne annabi* Natan se: «Guna, sohõ ay goono ga goro sedre* bundu fu ra, amma Irikoy sundurko goono ga goro daabuleyaŋ ra.»

³拿單對王說：“你可以照著你心所想的一切去作，因為耶和華與你同在。”

³ Natan mo ne bonkoono se: «Ma koy ka te hay kulu kaŋ go ni bina ra, zama Rabbi go ni banda.»

⁴拿單把　神的話傳給大衛（代上17:3~15）那天晚上，耶和華的話臨到拿單說：

⁴ A ciya binde, cino din ra Rabbi sanno kaa Natan do ka ne:

⁵“你去對我的僕人大衛說：耶和華這樣說：‘你要建造一座殿宇給我居住嗎？

⁵ «Ma koy ay tamo Dawda do ka ci a se kaŋ Rabbi ne: Nin no ga fu cina ay se kaŋ ra ay ga goro, wala?

⁶因為自從我把以色列人從埃及帶上來的那天起，直到今日，我都沒有住過殿宇。我一直都住在帳棚和會幕裡，到處漂泊。

⁶ Za han kaŋ hane ay na Israyla izey sambu Misira laabo ra ka kaa sohõ, ay mana goro fu kulu ra, amma ay dirawey ra kuuru-fu ciya ay nangora.

⁷我與以色列眾人一起走過的地方，我可曾對以色列的一個支派的官長，就是我所吩咐要牧養我子民以色列的，說：你們為甚麼不給我建造一座香柏木的殿宇呢？’

⁷ Nangey kulu kaŋ ay doona ka dira Israyla izey kulu banda, mate no, ay bay ka salaŋ Israyla izey kunda fo kulu se, kaŋ se ay ga lordi ka ne i m'ay borey Israyla kuru ka ne: Ifo se no araŋ mana sedre bundu fu cina ay se?

⁸現在你要對我的僕人大衛這樣說：‘萬軍之耶和華這樣說：我把你從牧場中、從照顧羊群的工作中揀選出來，使你作我子民以色列的領袖，

⁸ Sohõ binde, ya-cine no ni ga ci ay tamo Dawda se: Yaa no Rabbi Kundeykoyo ci: Ay na ni sambu za feejey kuruyaŋo do, feejey boyyaŋ ra, zama ni ma ciya ay jama Israyla jine boro.

⁹你無論到哪裡去，我都與你同在；我必在你面前剪除你所有的仇敵。我要使你得享大名，像世上那些偉人的名一樣。

⁹ Ay goro ni banda mo, nangey kulu kaŋ ni koy. Ay na ni ibarey kulu pati mo ni jine. Ay na ni ciya maa beerikoy mo, danga boro beerey kaŋ yaŋ go no ndunnya ra maa cine.

¹⁰我要為我的子民以色列選定一個地方，不再受騷擾；惡人也不能再像以前那樣苦待他們，

¹⁰ Ay ga nangu daŋ mo ay borey Israyla se. Ay m'i tilam mo, zama i ma goro ngey bumbo nangu ra, i ma si ye k'i sosorandi koyne. Laala izey si ye k'i taabandi koyne sanda mate kaŋ cine i te doŋ.

¹¹像我立了士師治理我的子民以色列的那天以來那樣。我要使你安享太平，不受你所有的仇敵侵擾。耶和華向你宣告，耶和華要親自為你建立一個朝代。

¹¹ Sanda za saaya kaŋ ay na jine boroyaŋ daŋ i ma goro k'ay borey Israyla may, ni mo ay ga naŋ ni ma fulanzam ni ibarey kulu gaa. Woodin baa si mo Rabbi goono ga ci ni se: Rabbi ga dumi te ni se.

¹²到了你的壽數滿足，你與你的列祖一起長眠的時候，我必興起你親生的後裔接替你，並且我要堅固他的國。

¹² Alwaato kaŋ ni jirbey kubay, ni ga kani mo ni kaayey banda, ay ga ni hayyaŋo mo gorandi ni banda, boro kaŋ ga ti ni gunde ize. Ay g'a mayra mo tabbatandi.

¹³他必為我的名建造一座殿宇，我要永遠堅固他的國位。

¹³ Nga no ga fu cina ay maa se, ay mo g'a koytaray karga daahirandi hal abada.

¹⁴我要作他的父親，他要作我的兒子，他若是犯了罪，我要用人的刑杖、用世人的鞭子糾正他。

¹⁴ Ay ga ciya a se baaba, nga mo ga ciya ay se ize. D'a na goy laalo te, ay g'a gooji nda Adam-izey goobu, da borey izey karyaŋo mo.

¹⁵但我的慈愛必不離開他，像離開在你面前的掃羅一樣。

¹⁵ Amma ay suujo si fay d'a, danga mate kaŋ cine ay n'a ta Sawulu gaa, nga kaŋ ay hibandi ka kaa ni jine.

¹⁶你的家和你的王國，也必在我的面前永遠堅定，你的王位也必永遠堅立。’”

¹⁶ Ni dumo da ni mayra mo ga tabbat ay jine hal abada. Ni karga ga kay hal abada.»

¹⁷拿單按著這一切話，又照著全部的默示，都對大衛說了。

¹⁷ Sanney din kulu boŋ, bangando din kulu boŋ mo, yaadin no Natan salaŋ d'a Dawda se.

¹⁸大衛的禱告與稱頌（代上17:16~27）於是，大衛王進去，坐在耶和華面前，說：“主耶和華啊！我是誰，我的家又算甚麼，你竟帶領我到這地步？

¹⁸ Waato din gaa bonkoono Dawda furo ka goro Rabbi jine. A ne mo: «Ya Rabbi, Koy Beero, may ga ti ay? Ay dumo mo ifo no, kaŋ ni to d'ay hala neewo?

¹⁹主耶和華啊，這在你眼中還看為小事，你也說到你僕人的家未來的事。主耶和華啊，這豈是人常遇到的事嗎？

¹⁹ Hala mo woodin hay fo kayna no ni diyaŋ gaa, ya Rabbi, Koy Beero, amma ni na ay, ni tamo dumo ciine te jirbi boobo se ne ka koy jina. Ya nin Rabbi, Koy Beero, woodin ya borey alaada no?

²⁰主耶和華啊，你認識你的僕人，大衛還有甚麼話可以對你說呢？

²⁰ Ya Rabbi, Koy Beero, man haŋ kaŋ Dawda ga ye ka ci ni se binde, zama ni ga ay, ni tamo bay.

²¹你因自己應許的緣故，又按照自己的心意，行了這大事，為要使你僕人明白。

²¹ Ni sanno sabbay se, ni bina boŋ mo, ni na beeray woone kulu goy, zama ni na ay, ni tamo bayrandi nd'a.

²²主耶和華啊，因此，你是偉大的！按照我們耳朵所聽見的，沒有像你的，除了你以外，再沒有別的　神。

²² Ya Rabbi Irikoy, ni ya beeraykoy no, ni cine mo si no. Irikoy fo mo si no kala nin, hay kulu kaŋ iri maa d'iri hangey boŋ.

²³世上有哪一個國家像你的子民以色列呢？　神曾親自救贖他們，使他們作自己的子民，又為他自己立名，為他們作了大事，為你的地作了可畏的事；在你的子民面前，就是你從埃及救贖出來歸你自己的子民面前，趕出了列國的人和他們的神。

²³ Dumi woofo no ga bara ndunnya kulu ra mo kaŋ ga hima ni jama Israyla, dumi follonka kaŋ Irikoy koy ka fansa a ma ciya nga wane jama, a ma maa te nga boŋ se mo, a ma hari beeri yaŋ te mo i se. Ni na hayey kaŋ yaŋ ga humburandi mo te ni laabo se, ni jama jine kaŋ ni fansa ni boŋ se ka kaa Misira ra, i ma fun dumi cindey da ngey toorey game ra.

²⁴你為自己堅立了你的子民以色列，使他們永遠作你的子民；耶和華啊，你也作了他們的　神。

²⁴ Ni na ni borey Israyla tabbatandi mo, i ma ciya ni wane jama hal abada. Ni mo, ya Rabbi, ni ciya i Irikoyo.

²⁵耶和華　神啊！你所應許關於你僕人和他的家的話，現在求你永遠堅守，並且照著你所說的去行吧；

²⁵ Sohõ binde, ya Rabbi Irikoy, sanno kaŋ ni ci, ni go ga ay, ni tamo d'a dumo ciine te, ni m'a tabbatandi hal abada. Ni ma goy mo mate kaŋ cine ni ci din.

²⁶這樣，你的名必永遠為大，以致人要說：‘萬軍之耶和華是以色列的　神。’你僕人大衛的家也必在你面前得堅立。

²⁶ Ni maa ma beeri hal abada, kaŋ borey ga ne: ‹Rabbi Kundeykoyo ya Irikoy no Israyla boŋ!› Ni tamo Dawda dumo mo ma tabbat ni jine.

²⁷萬軍之耶和華以色列的　神啊！因為你曾啟示你的僕人說：‘我要為你建立家室。’所以你的僕人才敢來向你作這樣的禱告。

²⁷ Zama nin, ya Rabbi Kundeykoyo, Israyla Irikoyo, ni bangandi ay, ni tamo se ka ne ni ga dumi te ay se. Woodin se no ay, ni tamo te bine-gaabi ay ma adduwa woone te ni gaa.

²⁸主耶和華啊！你是　神；你的話是真實可信的。你向你僕人應許了這美好的福分。

²⁸ Sohõ binde, ya Rabbi, Koy Beero, nin no ga ti Irikoy. Ni sanney mo no ga ti cimi, ni na hari hanno wo alkawli sambu ay, ni tamo se.

²⁹現在求你樂意賜福給你僕人的家，使它在你面前可以永遠存在。主耶和華啊！因為你曾經這樣應許，願你僕人的家因你的賜福永遠蒙福。”

²⁹ Sohõ binde, ma yadda ka ay, ni tamo dumo albarkandi zama a ma duumi hal abada ni jine. Zama nin, ya Rabbi, Koy Beero, ni jin ka ci. Ni albarka boŋ, naŋ ay, ni tamo dumo ma du albarka hal abada.»