1底波拉和巴拉之歌
1 Waato din gaa no Debora da Abinowam izo Barak na baytu te zaaro din ra, ka ne:
2“你们要称颂耶和华，因为以色列中有勇士，因为有人民自愿从军。
2 Wa Rabbi sifa, Zama jine borey na jine borotaray sambu Israyla ra, Zama borey na ngey boŋ no da bine yadda!
3君王啊，你们要听；官长啊，你们要侧耳倾听；至于我，我要向耶和华歌唱；我要歌颂耶和华以色列的 神。
3 Ya araŋ bonkooney, wa maa! Ya araŋ dabarikooney, wa hanga jeeri! Ay, oho, ay no, ay ga baytu te Rabbi se. Ay ga saabuyaŋ baytu te Rabbi se, Israyla Irikoyo.
4耶和华啊，你从西珥出发的时候，你从以东地行走的日子，地震天漏，密云也滴下雨。
4 Ya Rabbi, saaya kaŋ ni fun Seyir ra, Saaya Kaŋ ni gana Edom batamey ra, Laabo zinji, beeney mo gusam. Oho, burey na hari dooru.
5群山在耶和华面前震动；这西奈山在耶和华以色列的 神面前也是这样。
5 Tondey mo jijiri Rabbi jine. Oho, baa Sinayi tondo mo jijiri, Rabbi Israyla Irikoyo jine.
6在亚拿的儿子珊迦的时候，在雅亿的日子，大道无人行走，行路的人绕道而行。
6 Anat izo Samgar zamana ra, Yayel zamana ra fondo beerey bu, Dirakoy na laawaley gana.
7以色列中的农村消失了，消失了，直到我底波拉兴起，直到我以色列的母亲兴起。
7 Kawyey ciya kurmu Israyla ra, boro kulu si i ra, Hala hano kaŋ ay, Debora, ay tun. Ay tun Israyla ra ka te nya.
8以色列人选择了新的神，战争就临近城门；那时四万以色列人中，竟不见有一面盾牌、一枝长矛。
8 Borey na tooru yawyaŋ suuban. I go ga wongu birni meyey ra. I di koray wala yaaji boro zambar waytaaci do Israyla ra no?
9我的心倾向以色列的官长，他们在民中甘愿牺牲自己；你们要称颂耶和华。
9 Ay bina go Israyla maykoy do haray, Jama ra waney kaŋ yaŋ na ngey boŋ no da bine yadda. Wa Rabbi sifa!
10骑白驴的，坐锦垫的，和路上的行人，你们都要歌唱。
10 Araŋ kaŋ yaŋ ga farka kwaarayyaŋ kaaru, Araŋ kaŋ yaŋ goono ga goro kunta caadantey boŋ, Araŋ kaŋ yaŋ goono ga dira ganda fonda boŋ, W'a baaru dede.
11在打水的地方分开羊群的人发声，在那里人必歌颂耶和华公义的作为，就是他在以色列中的农村所行公义的作为；那时，耶和华的子民下到城门口。
11 Yongo birawkoyey laakal tunay se nangu mooro, Hari kaayaŋ nangey do. Noodin no i ga Rabbi adilitaray goyey ci. Oho, i ga ci Rabbi Adilitaraykoy mayray Israyla ra. Waato din gaa no Rabbi jama zulli ka koy birni meyey do.
12兴起，兴起，底波拉！兴起，兴起，唱歌吧！兴起，巴拉！亚比挪庵的儿子，掳掠你的俘虏吧！
12 Tun jirbi, tun jirbi, ya Debora! Tun jirbi, tun jirbi, ka baytu te! Ya Barak, ya Abinowam izo, tun ka kay. Ma borey kaŋ yaŋ na ni daŋ tamtaray din may.
13那时余剩的贵胄下来；耶和华带着勇士下到我这里来。
13 Saaya din no boro beeri cindey da jama waney zulli. Rabbi zumbu ka kaa ay gaakasinay se wongaaray game ra.
14他们出自以法莲，他们的根在亚玛力人之地；有便雅悯在你的族人中跟随你，有官长从玛吉下来；有持着数点民数之权杖的，从西布伦出来。
14 Ifraymu ra borey kaŋ yaŋ i kaajo ga sinji Amalek ra zumbu ka kaa. Araŋ banda mo, Benyamin da nga jama kaa. Macir ra no mayraykoyey fun. Zabluna ra mo borey kaŋ yaŋ goono ga jine bora goobo gaay fun.
15以萨迦的领袖与底波拉在一起；以萨迦怎样，巴拉也怎样；他们都步行下到山谷去。在流本的众溪旁，有心怀大志的。
15 Isakar mayraykoyey mo go Debora banda. Danga Isakar cine, yaadin no Barak mo. I zumbu a banda ka koy gooro ra. Ruben sata-satey ra i bine ra anniya ga beeri.
16你为什么坐在羊圈之中，听呼唤群畜的笛声呢？在流本的众溪旁，有心怀大志的。
16 Ifo se no ni goro feeji kaley game ra? Zama ni ma di ka maa feeji kurey ceyaŋ seesa no? Ruben sata-satey ra i goono ga bina miila-miila boobo te.
17基列人在约旦河东边居住；但人为什么居留在船上呢？亚设人在海岸坐着，在港湾居住。
17 Jileyad goro Urdun daŋanta. Dan mo, ifo se no a goro hiyey ra? Aser go ga goro teeko me gaa. A go ga naagu nga hi fandiyaŋ nango gaa.
18西布伦人是敢死的民族；拿弗他利人在田野的高处，奋不顾身。
18 Zabluna ya jama no kaŋ ga wongu nga fundo kala buuyaŋ gaa. Naftali mo yaadin no wongu batama tudey ra.
19众王都来争战；那时迦南众王争战，在米吉多水亭的他纳争战，却没有取得银钱。
19 Bonkooney kaa ka wongu. Gaa no Kanaana bonkooney kaa ka wongu. I kaa Taanak ra, Mejiddo haro me gaa, Amma i mana riiba fo kulu ŋwa.
20众星从天上争战，从它们的轨道与西西拉交战。
20 Za beene handariyey go ga wongu. I go ga wongu nda Sisera ngey dirawey ra.
21基顺河的急流把他们冲没，古河的急流、基顺河的急流，我的心哪，你要努力践踏。
21 Cison isa haro n'i hamay, isa gayanta din, Kison isa. Ya nin ay fundo, ma koy jina; ni dirawo te da ni gaabo.
22那时马蹄沓沓，勇士急奔飞驰。
22 Zaaro din no i maa bariyey ce camsey kosongo, I taakama se, i gaabikooney taakama.
23耶和华的使者说：‘你们要咒诅米罗斯，大大咒诅其中的居民；因为他们不来帮助耶和华，不带领勇士帮助耶和华。’
23 Wa Meroz laali, yaa no Rabbi malayka ci. A gorokoy laali da laaliyaŋ korno, Zama i wangu ka koy Rabbi gaakasina do, I wongu ka Rabbi gaakasinay ka gaaba nda soojey.
24愿基尼人希伯的妻子雅亿，比众妇女更有福气，比住在帐棚的妇女更有福气。
24 Yayel ya albarkante no ka bisa wayborey kulu. Keni bora Heber wande no. Albarkante no ka bisa wayborey kulu kaŋ yaŋ ga goro kuuru-fu ra.
25西西拉求水，雅亿给了奶；用珍贵的盘子奉上乳酪。
25 Sisera na hari ŋwaaray. Yayel n'a no wa mooro. Yayel kand'a se ji bonkooney taasa ra.
26她伸手拿着帐棚的橛子，右手拿着匠人的锤子，击打西西拉，打破他的头，粉碎他的头颅，贯穿他的鬓角。
26 Yayel na nga kamba daŋ kuuru fu lola gaa, A kambe ŋwaaro na goy-teerey ndarka sambu. Ndarka mo no a na Sisera kar d'a. A n'a boŋo kar ka fun; Oho, a n'a hanga dundo fun-fun.
27西西拉在雅亿脚前屈身、仆倒、躺卧，在雅亿脚前屈身、仆倒；他在那里屈身，就在那里仆倒死亡。
27 Yayel cey do no Sisera gungum ka kaŋ ka kani. Yayel cey do no Sisera sumbal ka kaŋ. Nango kaŋ a sumbal din, noodin no a kaŋ buuko.
28西西拉的母亲从窗户里向外观望，从窗棂中呼叫说：‘他的战车为什么迟迟不来呢？车轮为什么行得缓慢呢？’
28 Waybora niigaw fu fune gaa, kala a kuuwa. Nga, Sisera nya kuuwa fu funa gaa haray, ka ne: «Ifo se no Sisera wongu torkey gay ya-cine, i mana kaa? Sabaabu woofo no ka naŋ a torko guuru kangey bi?»
29聪明的宫女回答她；她也自己回答说：
29 A do wayborey kaŋ yaŋ gonda laakal tu a se; Oho, a na sanno ye nga boŋ se ka ne:
30‘莫非他们正在分战利品？每个勇士分得一两个女子；西西拉得了彩衣作战利品，得了一两件绣花的彩衣作战利品，为我的颈项，得着绣花的彩衣作战利品吗？’
30 «Manti i go ga arzaka gar, i go g'a fay-fay mo? Koŋŋo fo, hala baa koŋŋo hinka boro fo kulu se. Sisera arzaka, suudi bankaaray arzaka, Suudi bankaaray taalamante arzaka, Suudi bankaaray kaŋ gonda taalam hanno go no. I go arzaka kuukoy jindey se.»
31耶和华啊，愿你所有的仇敌都这样灭亡；愿爱他的人像太阳出现，大有能力。”于是国中太平了四十年。
31 Ya Rabbi, ni ibarey kulu ma halaci yaadin cine! Rabbi baako kulu ma ciya sanda wayno cine, Waato kaŋ a ga fatta nda nga hin. Laabo mo goro baani kala jiiri waytaaci.