¹Verily, verily, I say unto you, He that entereth not by the door into the sheepfold, but climbeth up some other way, the same is a thief and a robber.

¹Sa pagkamatuod, sa pagkamatuod, nagaingon ako kaninyo, nga ang dili mosulod sa ganghaan sa toril sa mga carnero, kondili mosaka sa laing mga agianan, kana siya maninikas ug tulisan:

²But he that entereth in by the door is the shepherd of the sheep.

²Apan ang mosulod sa gangha-an mao ang magbalantay sa mga carnero.

³To him the porter openeth; and the sheep hear his voice: and he calleth his own sheep by name, and leadeth them out.

³Siya ginaablihan sa magsisira sa ganghaan, ug ang mga carnero nagapatalinghug sa iyang tingog; ug ang mga carnero nga iyang kaugalingon ginatawag niya sa ilang mga ngalan, ug sila ginamandoan niya sa ilang paggula.

⁴And when he putteth forth his own sheep, he goeth before them, and the sheep follow him: for they know his voice.

⁴Ug sa gipagula niya ang iyang kaugalingong mga carnero, siya magauna kanila; ug ang mga carnero maganunot kaniya, kay sila managpakaila sa iyang tingog.

⁵And a stranger will they not follow, but will flee from him: for they know not the voice of strangers.

⁵Apan sa usa ka dumuloong dili sila monunot, kondili mangalagiw kaniya; kay sila wala makaila sa tingog sa mga dumuloong.

⁶This parable spake Jesus unto them: but they understood not what things they were which he spake unto them.

⁶Kini nga sambingay giingon kanila ni Jesus, apan sila wala makasabut sa iyang gipamulong kanila.

⁷Then said Jesus unto them again, Verily, verily, I say unto you, I am the door of the sheep.

⁷Busa si Jesus miingon pag-usab kanila: Sa pagkamatuod, sa pagkamatuod, nagaingon ako kaninyo: Ako mao ang ganghaan sa mga carnero.

⁸All that ever came before me are thieves and robbers: but the sheep did not hear them.

⁸Ang tanan nga mga nanagpanganhi nga una kanako, mga maninikas ug mga tulisan: apan ang mga carnero wala magpatalinghug kanila.

⁹I am the door: by me if any man enter in, he shall be saved, and shall go in and out, and find pasture.

⁹Ako mao ang ganghaan. Kong adunay mosulod pinaagi kanako, siya maluwas; ug mosulod, ug mogula, ug makakaplag siya sa mga masibsib.

¹⁰The thief cometh not, but for to steal, and to kill, and to destroy: I am come that they might have life, and that they might have it more abundantly.

¹⁰Ang kawatan dili moanhi, kondili aron siya makapangawat, ug makapamatay, ug makapanglaglag; ako mianhi, aron sila may kinabuhi, ug makabaton niana sa labing madagayaon.

¹¹I am the good shepherd: the good shepherd giveth his life for the sheep.

¹¹Ako mao ang maayong magbalantay sa mga carnero, ang maayong magbalantay sa mga carnero, nagahatag sa iyang kinabuhi tungod sa mga carnero.

¹²But he that is an hireling, and not the shepherd, whose own the sheep are not, seeth the wolf coming, and leaveth the sheep, and fleeth: and the wolf catcheth them, and scattereth the sheep.

¹²Ang sinuholan ug dili magbalantay sa mga carnero, nga dili gayud tag-iya sa mga carnero, makakita siya nga moabut ang lobo, ug pagabiyaan niya ang mga carnero, ug mokalagiw; ug sila pagaagawon sa lobo, ug pagapatlaagon.

¹³The hireling fleeth, because he is an hireling, and careth not for the sheep.

¹³Ug mokalagiw ang sinuholan, kay sinuholan man ug walay kahangawa sa mga carnero.

¹⁴I am the good shepherd, and know my sheep, and am known of mine.

¹⁴Ako mao ang maayong magbalantay sa mga carnero; ug ako nakaila sa ako, ug ang mga ako nakaila kanako;

¹⁵As the Father knoweth me, even so know I the Father: and I lay down my life for the sheep.

¹⁵Maingon nga ang Amahan nakaila kanako, ug ako nakaila sa Amahan; ug ako nagahatag sa akong kinabuhi tungod sa mga carnero.

¹⁶And other sheep I have, which are not of this fold: them also I must bring, and they shall hear my voice; and there shall be one fold, and one shepherd.

¹⁶Ug ako adunay uban nga mga carnero, nga wala niining torila, nga kinahanglan usab nga ako silang pagadad-on, ug magapatalinghug sila sa akong tingog, ug sila mahimong usa ka panon, usa ka magbalantay.

¹⁷Therefore doth my Father love me, because I lay down my life, that I might take it again.

¹⁷Tungod niini ang Amahan nahagugma kanako, kay ako nagahatag sa akong kinabuhi, aron pagadawaton ko kini pag-usab.

¹⁸No man taketh it from me, but I lay it down of myself. I have power to lay it down, and I have power to take it again. This commandment have I received of my Father.

¹⁸Walay bisan kinsa nga makakuha niini gikan kanako, kondili akong ginahatag kini sa kaugalingon ko. May gahum ako sa paghatag sa akong kinabuhi, ug may gahum ako sa pagdawat niini pagusab. Kining sugoa gidawat, ko sa akong Amahan.

¹⁹There was a division therefore again among the Jews for these sayings.

¹⁹Unya may pagkabahinbahin pag-usab ang mga Judio tungod niini nga mga pulonga.

²⁰And many of them said, He hath a devil, and is mad; why hear ye him?

²⁰Ug may daghan kanila nanag-ingon: Siya adunay usa ka yawa, ug buang siya; nganong nagapatalinghug kamo kaniya?

²¹Others said, These are not the words of him that hath a devil. Can a devil open the eyes of the blind?

²¹Ang uban miingon: Kini nga mga pulonga dili iya sa usa ka yawan-on. Makahimo ba ang usa ka yawa sa pagbuka sa mga mata sa buta?

²²And it was at Jerusalem the feast of the dedication, and it was winter.

²²Ug ming-abut ang fiesta sa Dedicacion sa Jerusalem: ug tingtugnaw kadto.

²³And Jesus walked in the temple in Solomon's porch.

²³Ug nagalakawlakaw si Jesus sulod sa templo sa agianan ni Salomon.

²⁴Then came the Jews round about him, and said unto him, How long dost thou make us to doubt? If thou be the Christ, tell us plainly.

²⁴Unya nanag-alirong kaniya ang mga Judio, ug nanag-ingon sila kaniya: Hangtud kanus-a pagapaduhaduhaon mo kami? Kong ikaw mao si Cristo, iingon kanamo sa dayag gayud.

²⁵Jesus answered them, I told you, and ye believed not: the works that I do in my Father's name, they bear witness of me.

²⁵Si Jesus mitubag kanila: Giingon ko na kaninyo, ug kamo wala motoo. Ang mga buhat nga akong gibuhat sa ngalan sa akong Amahan, nagapamatuod sila kanako.

²⁶But ye believe not, because ye are not of my sheep, as I said unto you.

²⁶Apan kamo wala motoo, kay kamo dili sa akong mga carnero.

²⁷My sheep hear my voice, and I know them, and they follow me:

²⁷Ang akong mga carnero nagapatalinghug sa akong tingog, ug ako nakaila kanila, ug sila naganunot kanako.

²⁸And I give unto them eternal life; and they shall never perish, neither shall any man pluck them out of my hand.

²⁸Ug ako nagahatag kanila sa kinabuhi nga walay katapusan; ug sila dili na gayud mawala, ug walay bisan kinsa nga makaagaw kanila sa akong kamot.

²⁹My Father, which gave them me, is greater than all; and no man is able to pluck them out of my Father's hand.

²⁹Ang akong Amahan nga maoy naghatag kanila nganhi kanako, labing daku sa tanan; ug walay bisan kinsa nga makahimo pag-agaw kanila sa kamot sa akong Amahan,

³⁰I and my Father are one.

³⁰Ako ug ang akong Amahan usa lamang kami.

³¹Then the Jews took up stones again to stone him.

³¹Unya ang mga Judio namunit pag-usab ug mga bato, sa pagbato kaniya.

³²Jesus answered them, Many good works have I shewed you from my Father; for which of those works do ye stone me?

³²Si Jesus mitubag kanila: Daghan ang mga buhat nga maayo nga gipakita ko kaninyo gikan sa Amahan; hain ba kanila niining mga buhata ang hinungdan sa inyong pagbato kanako?

³³The Jews answered him, saying, For a good work we stone thee not; but for blasphemy; and because that thou, being a man, makest thyself God.

³³Ang mga Judio nanagpanubag kaniya, nga nanag-ingon: Dili tungod sa maayong buhat nagabato kami kanimo, kondili tungod sa pasipala, kay ikaw nga tawo, nagapaka-Dios ka.

³⁴Jesus answered them, Is it not written in your law, I said, Ye are gods?

³⁴Si Jesus mitubag kanila: Wala ba mahasulat sa inyong Kasugoan: Ako miingon: Mg adios kamo?

³⁵If he called them gods, unto whom the word of God came, and the scripture cannot be broken;

³⁵Kong gitawag nga mga dios kadto sila nga giabutan sa pulong sa Dios, (ug dili arang mabungkag ang Kasulatan;)

³⁶Say ye of him, whom the Father hath sanctified, and sent into the world, Thou blasphemest; because I said, I am the Son of God?

³⁶Moingon ba kamo kaniya nga gibalaan ug gisugo sa Amahan nganhi sa kalibutan: Ikaw nagapasipala; kay ako miingon: ako mao ang Anak sa Dios?

³⁷If I do not the works of my Father, believe me not.

³⁷Kong ako wala magbuhat sa mga buhat sa akong Amahan ayaw kamo pagtoo kanako.

³⁸But if I do, though ye believe not me, believe the works: that ye may know, and believe, that the Father is in me, and I in him.

³⁸Apan kong ginabuhat ko sila, bisan dili kamo motoo kanako, tumoo kamo sa mga buhat, aron kamo makaila ug motoo nga ang Amahan ania kanako, ug ako anaa sa Amahan.

³⁹Therefore they sought again to take him: but he escaped out of their hand,

³⁹Unya naninguha sila pag-usab sa pagdakup kaniya, apan siya nakaipsot sa ilang kamot.

⁴⁰And went away again beyond Jordan into the place where John at first baptized; and there he abode.

⁴⁰Ug miadto siya pag-usab didto sa unahan sa Jordan, sa dapit diin nagabautismo si Juan pag-una, ug mipabilin siya didto.

⁴¹And many resorted unto him, and said, John did no miracle: but all things that John spake of this man were true.

⁴¹Ug daghan ang mga nangadto kaniya, ug miingon: Si Juan, sa pagkamatuod, wala maghimo sa bisan unsa nga ilhanan; apan ang tanang mga butang nga gihisgutan niya mahatungod niini nga tawo, mga matuod.

⁴²And many believed on him there.

⁴²Ug daghan didto ang mga mingtoo kaniya.