¹The preparations of the heart in man, and the answer of the tongue, is from the LORD.

¹Ny fikasan'ny fo no amin'ny olona; Fa ny famalian'ny lela dia avy amin'i Jehovah.

²All the ways of a man are clean in his own eyes; but the LORD weigheth the spirits.

²Ataon'ny olona ho madio avokoa ny lalana rehetra alehany; Fa Jehovah ihany no mpandanja ny fanahy.

³Commit thy works unto the LORD, and thy thoughts shall be established.

³Ankino amin'i Jehovah ny asanao, Dia ho lavorary izay kasainao.

⁴The LORD hath made all things for himself: yea, even the wicked for the day of evil.

⁴Ny zavatra rehetra nataon'i Jehovah dia samy misy antony avokoa; Eny, ny ratsy fanahy koa aza dia nataony ho amin'ny andro hahitan-doza.

⁵Every one that is proud in heart is an abomination to the LORD: though hand join in hand, he shall not be unpunished.

⁵Fahavetavetana eo imason'i Jehovah izay rehetra miavonavona am-po, Azo itompoana tokoa fa tsy maintsy hampijalina izy.[Heb. Azo ifandraisan-tanana; na: Hatramin'ny taranaka fara mandimby dia]

⁶By mercy and truth iniquity is purged: and by the fear of the LORD men depart from evil.

⁶Ny famindram-po sy ny fahamarinana no avotra amin'ny heloka; Ary ny fahatahorana an'i Jehovah no analavirana ny ratsy.

⁷When a man's ways please the LORD, he maketh even his enemies to be at peace with him.

⁷Raha sitrak'i Jehovah ny alehan'ny olona, Na dia ny fahavalony aza dia hampihavaniny aminy.

⁸Better is a little with righteousness than great revenues without right.

⁸Aleo ny kely omban'ny fahamarinana Toy izay ny harem-bevava azo amin'ny tsy rariny.

⁹A man's heart deviseth his way: but the LORD directeth his steps.

⁹Ny fon'ny olona mihevitra tsara ny halehany; Fa Jehovah ihany no mahalavorary ny diany.

¹⁰A divine sentence is in the lips of the king: his mouth transgresseth not in judgment.

¹⁰Ny teny marina dia eo amin'ny molotry ny mpanjaka, Ary tsy diso teny izy, raha mitsara.

¹¹A just weight and balance are the LORD's: all the weights of the bag are his work.

¹¹An'i Jehovah ny fandanjana sy ny mizana marina, Avy aminy avokoa ireo vato rehetra an-kitapo.[Heb. Asany]

¹²It is an abomination to kings to commit wickedness: for the throne is established by righteousness.

¹²Fahavetavetana eo imason'ny mpanjaka ny fanaovan-dratsy; Fa fahamarinana no iorenan'ny seza fiandrianana.

¹³Righteous lips are the delight of kings; and they love him that speaketh right.

¹³Sitraky ny mpanjaka ny molotra marina, Ary izay miteny mahitsy no tiany.

¹⁴The wrath of a king is as messengers of death: but a wise man will pacify it.

¹⁴Ny fahatezeran'ny mpanjaka dia iraky ny fahafatesana. Fa ny olon-kendry mampionona izany.

¹⁵In the light of the king's countenance is life; and his favour is as a cloud of the latter rain.

¹⁵Amin'ny fahamiramiranan'ny tarehin'ny mpanjaka dia misy fiainana, Ary ny fankasitrahany dia toy ny rahona amin'ny fararano.

¹⁶How much better is it to get wisdom than gold! and to get understanding rather to be chosen than silver!

¹⁶Tsara ny mahazo fahendrena noho ny volamena, Ary tsara ny mahazo fahalalana noho ny volafotsy.

¹⁷The highway of the upright is to depart from evil: he that keepeth his way preserveth his soul.

¹⁷Ny manalavitra ny ratsy no lalamben'ny marina, Ary izay mitandrina ny alehany no miaro ny ainy.[Na: fanahiny]

¹⁸Pride goeth before destruction, and an haughty spirit before a fall.

¹⁸Ny fiavonavonana mialoha ny fahasimbana, Ary ny fanahy mirehareha mialoha ny fahalavoana.

¹⁹Better it is to be of an humble spirit with the lowly, than to divide the spoil with the proud.

¹⁹Tsara ny malemy fanahy ao amin'izay manetry tena Noho ny mizara babo amin'izay miavonavona.

²⁰He that handleth a matter wisely shall find good: and whoso trusteth in the LORD, happy is he.

²⁰Izay mandinika ny teny no hahita soa; Ary izay matoky an'i Jehovah no ho sambatra.

²¹The wise in heart shall be called prudent: and the sweetness of the lips increaseth learning.

²¹Izay hendry am-po dia lazaina hoe manan-tsaina, Ary ny hamamian'ny molotra mampandroso fahendrena.

²²Understanding is a wellspring of life unto him that hath it: but the instruction of fools is folly.

²²Loharanon'aina ny fahazavan-tsaina amin'izay manana izany; Fa ny famaizana ataon'ny adala dia fahadalana ihany.

²³The heart of the wise teacheth his mouth, and addeth learning to his lips.

²³Ny fon'ny hendry mahahendry ny vavany Sady manampy fahendrena eo amin'ny molony.

²⁴Pleasant words are as an honeycomb, sweet to the soul, and health to the bones.

²⁴Toho-tantely ny teny mahafinaritra, Ka sady mamin'ny fanahy no mahatsara ny taolana.

²⁵There is a way that seemeth right unto a man, but the end thereof are the ways of death.

²⁵Misy lalana ataon'ny olona ho mahitsy, Kanjo lalana mivarina any amin'ny fahafatesana no iafarany.

²⁶He that laboureth laboureth for himself; for his mouth craveth it of him.

²⁶Ny fahanoanan'ny mpiasa dia mampiasa azy, Fa ny tendany no manesika azy.[Heb. miasa ho azy][Heb. vavany]

²⁷An ungodly man diggeth up evil: and in his lips there is as a burning fire.

²⁷Ny ratsy fanahy mihady lavaka fanimbana, Sady misy toy ny afo mahamay eo amin'ny molony.

²⁸A froward man soweth strife: and a whisperer separateth chief friends.

²⁸Ny mpivadibadika mamafy ady; Ary ny mpibitsibitsika mampisaraka ny tena mpisakaiza.

²⁹A violent man enticeth his neighbour, and leadeth him into the way that is not good.

²⁹Ny lozabe mitaona ny namany Ka mitarika azy amin'ny lalana tsy tsara.

³⁰He shutteth his eyes to devise froward things: moving his lips he bringeth evil to pass.

³⁰Izay manakimpy ny masony hieritreritra ny ratsy Sady manaikitraiki-molotra dia efa mikasa hanao ratsy.

³¹The hoary head is a crown of glory, if it be found in the way of righteousness.

³¹Satroboninahitra tsara tarehy ny volofotsy, Ao amin'ny lalan'ny fahamarinana no ahazoana azy.

³²He that is slow to anger is better than the mighty; and he that ruleth his spirit than he that taketh a city.

³²Tsara ny mahatsindry fo noho ny mahery, Ary izay mahazaka ny fanahiny noho izay mahafa-bohitra.Ny filokana dia atsipy ao am-pofoany; Fa avy amin'i Jehovah ihany no isehoan'ny fitsarany.

³³The lot is cast into the lap; but the whole disposing thereof is of the LORD.

³³Ny filokana dia atsipy ao am-pofoany; Fa avy amin'i Jehovah ihany no isehoan'ny fitsarany.