¹But Job answered and said,

¹¶ Ano ra ko Hopa; i mea ia,

²Hear diligently my speech, and let this be your consolations.

²Ata whakarongo mai ki taku kupu, a hei tenei he kupu whakamarie mai ma koutou.

³Suffer me that I may speak; and after that I have spoken, mock on.

³Tukua ahau, a ka korero hoki ahau; a ka mutu aku korero, haere tonu ta koutou tawai.

⁴As for me, is my complaint to man? and if it were so, why should not my spirit be troubled?

⁴Ahau nei, ki te tangata koia taku amuamu? A he aha ahau te manawanui ai?

⁵Mark me, and be astonished, and lay your hand upon your mouth.

⁵Titiro mai ki ahau, miharo ai; kopania atu te ringa ki te mangai.

⁶Even when I remember I am afraid, and trembling taketh hold on my flesh.

⁶Mahara kau ahau, ka wehi, mau pu te wehi o oku kikokiko.

⁷Wherefore do the wicked live, become old, yea, are mighty in power?

⁷¶ He aha te hunga kino i ora ai, i koroheke ai, ae, i marohirohi ai to ratou kaha?

⁸Their seed is established in their sight with them, and their offspring before their eyes.

⁸Pumau tonu o ratou uri ki to ratou taha ki to ratou aroaro, a ko a ratou whanau kei ta ratou tirohanga atu.

⁹Their houses are safe from fear, neither is the rod of God upon them.

⁹O ratou whare kei runga i te rangimarie, kahore he wehi, kahore hoki a te Atua patu ki a ratou.

¹⁰Their bull gendereth, and faileth not; their cow calveth, and casteth not her calf.

¹⁰E kaha ana tana puru ki te ekeeke, kahore hoki e he; ka whanau tana kau, kahore hoki he whakatahe.

¹¹They send forth their little ones like a flock, and their children dance.

¹¹E tukua mai ana e ratou a ratou kohungahunga ano he kahui hipi, e pekepeke ana a ratou tamariki.

¹²They take the timbrel and harp, and rejoice at the sound of the organ.

¹²He hunga hapai ratou i te timipera, i te hapa, e koa ana ki te tangi o te okana.

¹³They spend their days in wealth, and in a moment go down to the grave.

¹³O ratou ra pau tonu i runga i te ahuareka, kitea rawatia ake kua heke ki te po.

¹⁴Therefore they say unto God, Depart from us; for we desire not the knowledge of thy ways.

¹⁴Koia ratou i mea ai ki te Atua, Mawehe atu i a matou; kahore hoki o matou hiahia kia matau ki ou ara.

¹⁵What is the Almighty, that we should serve him? and what profit should we have, if we pray unto him?

¹⁵He aha ra te Runga Rawa e mahi ai matou ki a ia? He aha hoki te rawa ki a matou ki te inoi ki a ia?

¹⁶Lo, their good is not in their hand: the counsel of the wicked is far from me.

¹⁶Nana, kahore he pai mo ratou i o ratou ringa ake: matara atu i ahau te whakaaro o te hunga kino.

¹⁷How oft is the candle of the wicked put out! and how oft cometh their destruction upon them! God distributeth sorrows in his anger.

¹⁷¶ Pehea te maha o nga matenga o te rama a te hunga kino? O nga panga mai ano hoki o to ratou aitua ki a ratou? O te tuwhanga mai a te Atua i nga mamae i a ia e riri ana?

¹⁸They are as stubble before the wind, and as chaff that the storm carrieth away.

¹⁸E rite ai ratou ki te kakau witi i mua i te hau, ki te papapa e kahakina atu ana e te paroro?

¹⁹God layeth up his iniquity for his children: he rewardeth him, and he shall know it.

¹⁹E mea ana koutou, E rongoatia ana e te Atua tona kino hei mea mo ana tamariki. Mana e utu tera ki a ia tonu, kia mohio ai ia.

²⁰His eyes shall see his destruction, and he shall drink of the wrath of the Almighty.

²⁰Tukua kia kite ona ake kanohi i tona hunanga, a tukua ia kia inu i te riri o te Kaha Rawa.

²¹For what pleasure hath he in his house after him, when the number of his months is cut off in the midst?

²¹He aha hoki tana manako ki tona whare i muri i a ia? ka poroa hoki ona marama i waenga?

²²Shall any teach God knowledge? seeing he judgeth those that are high.

²²E whakaako ianei tetahi i te Atua ki te matauranga? Ko te kaiwhakawa hoki ia mo te hunga whakakake.

²³One dieth in his full strength, being wholly at ease and quiet.

²³Tenei tangata, mate iho ia, pakari rawa ano hoki ona kaha, ata takoto ana ana mea katoa, kahore hoki he raruraru.

²⁴His breasts are full of milk, and his bones are moistened with marrow.

²⁴Ki tonu ona u i te waiu, a e makuku ana ona wheua i te hinu.

²⁵And another dieth in the bitterness of his soul, and never eateth with pleasure.

²⁵Mate iho hoki tera tangata, kawa tonu tona wairua, kahore hoki he pai hei kai mana.

²⁶They shall lie down alike in the dust, and the worms shall cover them.

²⁶Ka takoto ngatahi raua ki te puehu, a ko te iro hei hipoki mo raua.

²⁷Behold, I know your thoughts, and the devices which ye wrongfully imagine against me.

²⁷¶ Nana, e mohio ana ahau ki o koutou whakaaro, ki ta koutou ngarahu nanakia ano hoki moku.

²⁸For ye say, Where is the house of the prince? and where are the dwelling places of the wicked?

²⁸E ki ana hoki koutou, Kei hea te whare o te rangatira? Kei hea hoki te teneti i noho ai te hunga kino?

²⁹Have ye not asked them that go by the way? and do ye not know their tokens,

²⁹Kahore ianei koutou i ui ki te hunga e haere atu ana i te ara? Kahore ranei koutou i mohio ki a ratou tohu?

³⁰That the wicked is reserved to the day of destruction? they shall be brought forth to the day of wrath.

³⁰Kei te rongoa nei hoki te tangata kono mo te ra o te whakangaro; ka whakaputaina ratou i te ra o te riri.

³¹Who shall declare his way to his face? and who shall repay him what he hath done?

³¹Ko wai e whakaatu i tona ara ki tona aroaro? Ko wai hoki hei hoatu i te utu mo tana mahi ki a ia?

³²Yet shall he be brought to the grave, and shall remain in the tomb.

³²Heoi ka kawea ia ki te urupa; kei te puranga he wahi mona.

³³The clods of the valley shall be sweet unto him, and every man shall draw after him, as there are innumerable before him.

³³Ka reka ki a ia nga pokuru o te awaawa, ka whai mai ano hoki nga tangata katoa i a ia; e kore nei hoki e taea te tatau te hunga i mua i a ia.

³⁴How then comfort ye me in vain, seeing in your answers there remaineth falsehood?

³⁴He pehea ra ta koutou whakamarie tinihanga i ahau, e toe na hoki te he i roto i a koutou kupu e whakahoki mai na?