¹Blessed are the undefiled in the way, who walk in the law of the LORD.

¹Lampia mi hoihkimten nuam a sa uhi, TOUPA dan juiten.

²Blessed are they that keep his testimonies, and that seek him with the whole heart.

²A thutheihsakte juiten nuam a sa uhi, lungtang tengtenga amah zongten.

³They also do no iniquity: they walk in his ways.

³A hi, amau diktatlouhna himhim a hih kei ua: a lampite ah a pai jel uhi.

⁴Thou hast commanded us to keep thy precepts diligently.

⁴Nang na thuzohna thute tuh thupiakin non pia a, phatuamngaihtaka ka zuih theihna ding un.

⁵O that my ways were directed to keep thy statutes!

⁵Aw, na thusehte tuh jui dingin ka omdante hihkipin om leh aw;

⁶Then shall I not be ashamed, when I have respect unto all thy commandments.

⁶Huai hun chiangin ka zahlak kei dinga, na thupiakte tengteng khawk ka sak hun chiangin.

⁷I will praise thee with uprightness of heart, when I shall have learned thy righteous judgments.

⁷Lungtang diktak puin kipahthu ka honhilh ding hi. Na vaihawmna dikte tuh kazil hun chiangin.

⁸I will keep thy statutes: O forsake me not utterly.

⁸Na thuseh tuh ka jui dinga: aw, honpaisan den ken.

⁹Wherewithal shall a young man cleanse his way? by taking heed thereto according to thy word.

⁹Valnouin, bangchin ahia a omdan a hihsiangthou ding? Na thu bang jela a omdan venghoihin.

¹⁰With my whole heart have I sought thee: O let me not wander from thy commandments.

¹⁰Ka lungtang tengtengin kon zonga; aw, na thupiakte ka paisan jaw phal mahmah ken.

¹¹Thy word have I hid in mine heart, that I might not sin against thee.

¹¹Na tunga thil ka hihkhelh louhna dingin na thu tuh ka lungtangah ka kem khawm hi.

¹²Blessed art thou, O LORD: teach me thy statutes.

¹²TOUPA aw, nang nuam nasa hi; na thusehte honzil sakin.

¹³With my lips have I declared all the judgments of thy mouth.

¹³Na kama na vaihawm pawt tengteng ka mukin ka theisakta hi.

¹⁴I have rejoiced in the way of thy testimonies, as much as in all riches.

¹⁴Na thutheihsak lamah nuam ka saa, hauhsakna tengtenga nuam ka sak bang hialin.

¹⁵I will meditate in thy precepts, and have respect unto thy ways.

¹⁵Na thuzohna thute ka ngaihtuah ding a, na lampite ka limsak behlap ding hi.

¹⁶I will delight myself in thy statutes: I will not forget thy word.

¹⁶Na thuseh tungte khawngah ka kipak dinga: na thu tuh ka mangngilh kei ding hi.

¹⁷Deal bountifully with thy servant, that I may live, and keep thy word.

¹⁷Ka hin theihna dinginna sikha tungah hoih takinhihin; huchiin na thu ka jui ding hi.

¹⁸Open thou mine eyes, that I may behold wondrous things out of thy law.

¹⁸Na dan thu akipan thillamdang ka muh theihna dingin, ka mitte honhihvaksakin.

¹⁹I am a stranger in the earth: hide not thy commandments from me.

¹⁹Leiah mikhual ka hi a; na thupiakte ka lakah imken.

²⁰My soul breaketh for the longing that it hath unto thy judgments at all times.

²⁰Ka hinna tuh kitam gawpin aoma, chiklai peuha na vaihawmnate a ngaih jiakin.

²¹Thou hast rebuked the proud that are cursed, which do err from thy commandments.

²¹Mi kisathei, hamsiat thuakte tuh na taihilha, na thupiakte vakmangsan nakte mahmah.

²²Remove from me reproach and contempt; for I have kept thy testimonies.

²²Gensiatna leh muhsitna ka kiang akipan la mangin; na thutheihsakte lah ka jui ngala.

²³Princes also did sit and speak against me: but thy servant did meditate in thy statutes.

²³Mi liante leng a tu ua, honkalh ua; himahleh na sikhain na thusehte a ngaihtuah jaw ahi.

²⁴Thy testimonies also are my delight and my counsellors.

²⁴Na thutheihsakte ka kipahna ahi a, thupha honhilh te ahi uh.

²⁵My soul cleaveth unto the dust: quicken thou me according to thy word.

²⁵Ka hinna tuh leivuiah a belh bikbeka; na thu bang jelin honhihhalhin.

²⁶I have declared my ways, and thou heardest me: teach me thy statutes.

²⁶Ka omdante ka hontheisaka, nang non dawnga: na thusehte tuh honzil sakin.

²⁷Make me to understand the way of thy precepts: so shall I talk of thy wondrous works.

²⁷Na thuzohna lam tuh hontheisiam sakin: huchiin na thillamdang hih thute ka ngaihtuah ding hi.

²⁸My soul melteth for heaviness: strengthen thou me according unto thy word.

²⁸Ka hinna lungkham jiakin a tuimang naka: na thu bang jelin honhihhatin.

²⁹Remove from me the way of lying: and grant me thy law graciously.

²⁹Omdan diklou ka kiang akipan lasuan inla; na dan hehpihtakinhonpia in.

³⁰I have chosen the way of truth: thy judgments have I laid before me.

³⁰Omdan muanhuai ka tela; na vaihawmnate ka maah ka omsak hi.

³¹I have stuck unto thy testimonies: O LORD, put me not to shame.

³¹Na thutheihsakte ah ka belh chinten a; TOUPA aw, honzahlak sak ken.

³²I will run the way of thy commandments, when thou shalt enlarge my heart.

³²Na thupiak lamah ka tai dinga, ka lungtang na hihlet hun chiangin.

³³Teach me, O LORD, the way of thy statutes; and I shall keep it unto the end.

³³TOUPA aw, na thuseh lampi tuh honensakin; huchiin a tawpphain ka tawn ding hi.

³⁴Give me understanding, and I shall keep thy law; yea, I shall observe it with my whole heart.

³⁴Theihsiamna honpia in, huchiin, na dan tuh ka kem hoih ding hi, ahi, ka lungtang tengtengin ka jui ding hi.

³⁵Make me to go in the path of thy commandments; for therein do I delight.

³⁵Na thupiak lampi-ah honpai sakin, huaiah ka kipak ngala.

³⁶Incline my heart unto thy testimonies, and not to covetousness.

³⁶Na thutheihsak lamah ka lungtang kihei sakin, huaihamna lamah hi louin.

³⁷Turn away mine eyes from beholding vanity; and quicken thou me in thy way.

³⁷Thil bangmahlou phet enlou dingin ka mit kaihei inla, na lampite ah honhihhalhin.

³⁸Stablish thy word unto thy servant, who is devoted to thy fear.

³⁸Na thu tuh na sikha kiangah hihkipin, huai tuh nangmah launa ahi.

³⁹Turn away my reproach which I fear: for thy judgments are good.

³⁹Keia dia gensiatna ka kihtak tuh la mangin; na vaihawmte lah a hoih ngala.

⁴⁰Behold, I have longed after thy precepts: quicken me in thy righteousness.

⁴⁰Ngaiin, na thuzohna thute tuh theih ka ut gigea: na diktatna jiakin honhihhalhin.

⁴¹Let thy mercies come also unto me, O LORD, even thy salvation, according to thy word.

⁴¹TOUPA aw, na chitnate tuh ka kiangah hongpai hen, na hotdamna ngei, na thu bang jelin.

⁴²So shall I have wherewith to answer him that reproacheth me: for I trust in thy word.

⁴²Huchiin, hon gensete dawnna ding ka nei dinga, na thu lah ka muang ngala.

⁴³And take not the word of truth utterly out of my mouth; for I have hoped in thy judgments.

⁴³Huan, thutak thu tuh ka kam akipan lakhe vek kenla; na vaihawmnate lah ka lamen gige ngala.

⁴⁴So shall I keep thy law continually for ever and ever.

⁴⁴Huchiin na dan ka jui gige dinga, khantawn khantawnin.

⁴⁵And I will walk at liberty: for I seek thy precepts.

⁴⁵Huan, noplenna ah ka vak dinga; na thuzohna thute lah ka zong ngala.

⁴⁶I will speak of thy testimonies also before kings, and will not be ashamed.

⁴⁶Na thutheihsak thute kumpipate maah ka gen dinga, ka zum kei ding hi.

⁴⁷And I will delight myself in thy commandments, which I have loved.

⁴⁷Huan, na thupiak, ka it tungte ah ka kipak ding hi.

⁴⁸My hands also will I lift up unto thy commandments, which I have loved; and I will meditate in thy statutes.

⁴⁸Na thupiak, ka it lamte ah, ka khutte ka jak dinga; na thusehte tuh ka ngaihtuah ding hi.

⁴⁹Remember the word unto thy servant, upon which thou hast caused me to hope.

⁴⁹Na sikha kianga thuchiam tuh theigigein. Nang non lamet sak jiakin.

⁵⁰This is my comfort in my affliction: for thy word hath quickened me.

⁵⁰Huai tuh ka gimthuakna ah leng ka khamuanna ahi: na thuin lah a honhihhalhta ngala.

⁵¹The proud have had me greatly in derision: yet have I not declined from thy law.

⁵¹Kisatheiten nakpitakin honnuihsan ua: himahleh na dan tuh ka pai hoisan kei hi.

⁵²I remembered thy judgments of old, O LORD; and have comforted myself.

⁵²TOUPA aw, nidanglaia na vaihawmte ka theigige a, ka kikhamuan jel hi.

⁵³Horror hath taken hold upon me because of the wicked that forsake thy law.

⁵³Lunghihlouhnain nakpi takin hon buak khumta a, mi gilousalou-na dan paisante jiakin.

⁵⁴Thy statutes have been my songs in the house of my pilgrimage.

⁵⁴Ka khualzinna in ah na thusehte ka la ahi ngitnget hi.

⁵⁵I have remembered thy name, O LORD, in the night, and have kept thy law.

⁵⁵TOUPA aw, janchiangin na min ka theigige hi, na dan leng ka jui gige hi.

⁵⁶This I had, because I kept thy precepts.

⁵⁶Huai tuh ka neia, na thuzohna thute ka vom hoih jiakin.

⁵⁷Thou art my portion, O LORD: I have said that I would keep thy words.

⁵⁷TOUPA tuh ka tantuan ahi a: na thu ka jui ding chih ka gen khinta hi.

⁵⁸I intreated thy favour with my whole heart: be merciful unto me according to thy word.

⁵⁸Ka lungtang tengtengin na hehpihna ka ngena: na thu bang jelin honhehpihin.

⁵⁹I thought on my ways, and turned my feet unto thy testimonies.

⁵⁹Ka omdante ka ngaihtuaha, na thutheihsak lamah ka kalsuan hi.

⁶⁰I made haste, and delayed not to keep thy commandments.

⁶⁰Ka kintata, na thupiakte jui dingin ka zekai kei hi;

⁶¹The bands of the wicked have robbed me: but I have not forgotten thy law.

⁶¹Mi gilou-salou khauhualten hongak lom gigea; himahleh na dan tuh ka mangngilh kei hi.

⁶²At midnight I will rise to give thanks unto thee because of thy righteous judgments.

⁶²Jan laiin kipahthu honhilh dingin ka thou dinga, na vaihawm diktatte jiakin.

⁶³I am a companion of all them that fear thee, and of them that keep thy precepts.

⁶³Nangmah laute tengteng leh na thuzohna thute juite lawm ka hi.

⁶⁴The earth, O LORD, is full of thy mercy: teach me thy statutes.

⁶⁴TOUPA aw, leilung na chitnain a dim ahi: na thusehte honhilhin.

⁶⁵Thou hast dealt well with thy servant, O LORD, according unto thy word.

⁶⁵TOUPA aw, na thu bangin na sikha tuh na hihhoih jel hi.

⁶⁶Teach me good judgment and knowledge: for I have believed thy commandments.

⁶⁶Ngaihtuah siamna leh theihna honhilhin; na thupiakte lah ka gingta ngala.

⁶⁷Before I was afflicted I went astray: but now have I kept thy word.

⁶⁷Hihhaksate ka om main ka vakmang naka: tunjaw na thu ka juita hi.

⁶⁸Thou art good, and doest good; teach me thy statutes.

⁶⁸Nang na hoiha, thil hoih leng na hiha: na thusehte honhilhin.

⁶⁹The proud have forged a lie against me: but I will keep thy precepts with my whole heart.

⁶⁹Kisatheiten ka tungah juau a phuaktawm ua: ka lungtang tengtengin na thuzohna thute tuh ka vom hoih ding hi.

⁷⁰Their heart is as fat as grease; but I delight in thy law.

⁷⁰A lungtang uh sungthau bangin a thaua; Keia bel na dan tungah ka kipak naknak.

⁷¹It is good for me that I have been afflicted; that I might learn thy statutes.

⁷¹Na thusehte ka zil theihna dinga hihhaksata ka na om a hoih hi.

⁷²The law of thy mouth is better unto me than thousands of gold and silver.

⁷²Dangkaeng leh dangka sang tampi sangin na kama dan pawt keia ding a hoihjaw hi.

⁷³Thy hands have made me and fashioned me: give me understanding, that I may learn thy commandments.

⁷³Na khutin honsiamin, honsek ahi: na thupiakte ka zil theihna dingin theihsiamna honpiain.

⁷⁴They that fear thee will be glad when they see me; because I have hoped in thy word.

⁷⁴Nangmah lauten honmu ding ua, a kipak ding uh; na thu ka lamet gige jiakin.

⁷⁵I know, O LORD, that thy judgments are right, and that thou in faithfulness hast afflicted me.

⁷⁵TOUPA aw, na vaihawmte a dik chih leh, nang ginom takin ahi, non hihgim chih ka thei hi.

⁷⁶Let, I pray thee, thy merciful kindness be for my comfort, according to thy word unto thy servant.

⁷⁶Na sikha kianga na thuchiam bang jelin hehpihtakin na chitna ka khamuanna ding hihen.

⁷⁷Let thy tender mercies come unto me, that I may live: for thy law is my delight.

⁷⁷Ka hin theihna dingin na chitnate ka kiangah hongpai hen: na dan tuh ka kipahna ahi ngala.

⁷⁸Let the proud be ashamed; for they dealt perversely with me without a cause: but I will meditate in thy precepts.

⁷⁸Kisathei zahlakin om uhen; dikloupiin honhihniamta ngal ua: himahleh na thuzohna thute ka ngaihtuah ding hi.

⁷⁹Let those that fear thee turn unto me, and those that have known thy testimonies.

⁷⁹Nang honlaute keilam hongnga uhen, na thutheihsakte a thei ding uhi.

⁸⁰Let my heart be sound in thy statutes; that I be not ashamed.

⁸⁰Ka zahlak louhna dingin ka lungtang na thusehte ah hoihkimin om hen.

⁸¹My soul fainteth for thy salvation: but I hope in thy word.

⁸¹Ka hinna na hotdamna ngaiin a baha: himahleh na thu ka lamen gige hi.

⁸²Mine eyes fail for thy word, saying, When wilt thou comfort me?

⁸²Na thu etnain ka mit a vai khintaa, nang chikchianga hon khamuan ding na hia? Ka chi, ka chi –a

⁸³For I am become like a bottle in the smoke; yet do I not forget thy statutes.

⁸³Meikhu uk savun thawl bang ka nahita ngala; himahleh na thusehte ka mangngilh kei hi.

⁸⁴How many are the days of thy servant? when wilt thou execute judgment on them that persecute me?

⁸⁴Na sikha kum chiang ding bangtan hi ding ahia, honsimmohte tungah chikchiangin ahia vai na hawm ding?

⁸⁵The proud have digged pits for me, which are not after thy law.

⁸⁵Mi kisathei, na dan banga om louten ka kiakna dingin kokhukte bang a tou ua.

⁸⁶All thy commandments are faithful: they persecute me wrongfully; help thou me.

⁸⁶Na thupiak tengteng a ginom ahi: amau diklou piin honsimmoh nak uh; honpanpihin.

⁸⁷They had almost consumed me upon earth; but I forsook not thy precepts.

⁸⁷Amau tuh leiah na honhihmang dekdek ua; himahleh na thuzohna thute lah ka kiheisan ngal kei hi.

⁸⁸Quicken me after thy lovingkindness; so shall I keep the testimony of thy mouth.

⁸⁸Na chitna bang jelin honhihhalhin: huan, na kama thutheihsak ka jui ding hi.

⁸⁹For ever, O LORD, thy word is settled in heaven.

⁸⁹TOUPA aw, khantawn adingin na thu tuh van ah kiptakin a om hi.

⁹⁰Thy faithfulness is unto all generations: thou hast established the earth, and it abideth.

⁹⁰Na ginomna suan tengteng phain a om ding hi: leilung na hihkipa, a om gige hi.

⁹¹They continue this day according to thine ordinances: for all are thy servants.

⁹¹Huaite tuh tuiin na vaihawmte bangin a om gige a thil tengteng lah na sikhate ahi ngal ua.

⁹²Unless thy law had been my delights, I should then have perished in mine affliction.

⁹²Na dan ka kipahna hi kei lejaw, ka gimthuakna a mangthangta ding hi inga.

⁹³I will never forget thy precepts: for with them thou hast quickened me.

⁹³Na thuzohna thute tuh chikpeuhin leng ka mangngilh kei ding: nang lah huaitein nonhilhhalhta ngala.

⁹⁴I am thine, save me: for I have sought thy precepts.

⁹⁴Nanga ka hi, honhondamin; na thuzohna thute lah ka zong ngala.

⁹⁵The wicked have waited for me to destroy me: but I will consider thy testimonies.

⁹⁵Mi gilou-salouten honhihmang tumin honngak nak ua; himahleh na thutheihsakte ka ngaihtuah ding hi.

⁹⁶I have seen an end of all perfection: but thy commandment is exceeding broad.

⁹⁶Hoihkimna tengteng tawpna ka muta; na thupiak tuh a za ngei e.

⁹⁷O how I love thy law! it is my meditation all the day.

⁹⁷Aw, na dan deih hi natel ing e! nituma ka ngaihtuah nak tuh ahi.

⁹⁸Thou through thy commandments hast made me wiser than mine enemies: for they are ever with me.

⁹⁸Na thupiakten hondoute sanga piljaw in honbawla; khantawna ka kianga a om gige nak jiakin.

⁹⁹I have more understanding than all my teachers: for thy testimonies are my meditation.

⁹⁹Honhilhte tengteng sangin pilna ka nei jaw ahi; na thutheihsakte ka ngaihtuah a hih nak jiakin.

¹⁰⁰I understand more than the ancients, because I keep thy precepts.

¹⁰⁰Tekte sangin ka theisiam jaw ahi, na thuzohna thute ka vom hoih jiakin.

¹⁰¹I have refrained my feet from every evil way, that I might keep thy word.

¹⁰¹Na thu ka zuih theihna dingin lampi gilou himhim ah ka khete a kalsuan ka phal kei hi.

¹⁰²I have not departed from thy judgments: for thou hast taught me.

¹⁰²Na vaihawmna lak apat ka pial kei; nang non hilh jiakin.

¹⁰³How sweet are thy words unto my taste! yea, sweeter than honey to my mouth!

¹⁰³Na thute ka kama dingin khum hina tele! ahi, ka kama dingin khuaiju sangin a khumjaw hi.

¹⁰⁴Through thy precepts I get understanding: therefore I hate every false way.

¹⁰⁴Na thuzohna thute jiakin theihsiamna ka nei jel: huaijiakin omdan diklou peuhmah ka hua hi.

¹⁰⁵Thy word is a lamp unto my feet, and a light unto my path.

¹⁰⁵Na thu tuh ka khe adingin khawnvak ahi a, ka lampi adingin vakna ahi.

¹⁰⁶I have sworn, and I will perform it, that I will keep thy righteous judgments.

¹⁰⁶Na vaihawmna diktatte jui dingin ka kichiama, ka hihkip lai hi.

¹⁰⁷I am afflicted very much: quicken me, O LORD, according unto thy word.

¹⁰⁷Nakpi taka hihhaksatin ka oma; TOUPA aw, na thubang jelin honhihhalhin.

¹⁰⁸Accept, I beseech thee, the freewill offerings of my mouth, O LORD, and teach me thy judgments.

¹⁰⁸TOUPA aw, hehpih takin ka kam deihthu-a thilpiakte na sang inla, na vaihawmnate honhilhin.

¹⁰⁹My soul is continually in my hand: yet do I not forget thy law.

¹⁰⁹Ka hinna ka khut ah a om naknaka; himahleh, na dan ka mangngilh ngeikei hi.

¹¹⁰The wicked have laid a snare for me: yet I erred not from thy precepts.

¹¹⁰Migilou-salouten ka awkna dingin thang a kam ua; himahleh na thuzohna thute ka vakmang san kei hi.

¹¹¹Thy testimonies have I taken as an heritage for ever: for they are the rejoicing of my heart.

¹¹¹Na thutheihsakte khantawna gouluah din ka la a; ka lungtang hihnuampen ahi ngala:

¹¹²I have inclined mine heart to perform thy statutes alway, even unto the end.

¹¹²Khantawnin, a tawp phain, na thusehte banga hih dingin ka lungtang ka hoihsak hi.

¹¹³I hate vain thoughts: but thy law do I love.

¹¹³Lungsim kiplou neite ka hua a: Na dan tuh ka deih ahi.

¹¹⁴Thou art my hiding place and my shield: I hope in thy word.

¹¹⁴Nang ka bukna mun leh ka phaw na hi a; na thu ka lamet ahi.

¹¹⁵Depart from me, ye evildoers: for I will keep the commandments of my God.

¹¹⁵Nou thil hoihlou hihte aw, hongpaisan un; ka Pathian thilpiakte ka vom hoih theihna dingin.

¹¹⁶Uphold me according unto thy word, that I may live: and let me not be ashamed of my hope.

¹¹⁶Ka hin theihna dingin na thu bang jelin honlen nilouh inla, ka lamet tungah zahlakin honomsak ken.

¹¹⁷Hold thou me up, and I shall be safe: and I will have respect unto thy statutes continually.

¹¹⁷Honkaiin, huchiin ka bit dinga, na thusehte ka khawksa gige ding ahi.

¹¹⁸Thou hast trodden down all them that err from thy statutes: for their deceit is falsehood.

¹¹⁸Na thusehte vakmang sante tengteng na musita; a khemna ulah juau ahi ngala.

¹¹⁹Thou puttest away all the wicked of the earth like dross: therefore I love thy testimonies.

¹¹⁹Leia mi gilou-salou tengteng banghiam ek sia bangin a hihmang jela: huaijiakin na thutheihsakte ka deih ahi.

¹²⁰My flesh trembleth for fear of thee; and I am afraid of thy judgments.

¹²⁰Ka sa nangmah lauin a linga: na vaihawmnate leng ka lau hi.

¹²¹I have done judgment and justice: leave me not to mine oppressors.

¹²¹Vai ka hawma, diktakin ka hih jel ahi: honnuaisiahte lakah honngeingaih lou ken.

¹²²Be surety for thy servant for good: let not the proud oppress me.

¹²²Na sikha tungtang thu ah, a hoihna a bultum in: kisatheiten honnuaisiah kei uhen.

¹²³Mine eyes fail for thy salvation, and for the word of thy righteousness.

¹²³Na hotdamna etnain ka mit a vaikhinta a, na thu diktat tak etna tohin.

¹²⁴Deal with thy servant according unto thy mercy, and teach me thy statutes.

¹²⁴Na chitna bang jelin na sikha tungah hih inla, na thusehte honhilh in.

¹²⁵I am thy servant; give me understanding, that I may know thy testimonies.

¹²⁵Na sikha ka hi a, theihsiamna honpia in; na thutheihsakte ka theihna dingin.

¹²⁶It is time for thee, LORD, to work: for they have made void thy law.

¹²⁶TOUPA, sep a hunta; na dan bangmahlouin a bawlta ngal ua.

¹²⁷Therefore I love thy commandments above gold; yea, above fine gold.

¹²⁷Huaijiakin na thupiakte dangkaeng sangin ka deih ahi; ahi, dangkaeng siangthou sangin leng.

¹²⁸Therefore I esteem all thy precepts concerning all things to be right; and I hate every false way.

¹²⁸Huaijiakin thil peuhmah thu-a na thuzohna thu tengteng tuh dikin ka theia; omdan dikou peuhmah ka hua ahi.

¹²⁹Thy testimonies are wonderful: therefore doth my soul keep them.

¹²⁹Na thutheihsakte a lamdang ahi: huaijiakin ka hinnain a vom hoih gige a.

¹³⁰The entrance of thy words giveth light; it giveth understanding unto the simple.

¹³⁰Na thu hilhchetin mite a hihvaka: mi mawlte a theisiam sak jel hi.

¹³¹I opened my mouth, and panted: for I longed for thy commandments.

¹³¹Ka kam zapiin ka kaa, ka ha hawphawpa: na thupiakte ka lunggulh jiakin.

¹³²Look thou upon me, and be merciful unto me, as thou usest to do unto those that love thy name.

¹³²Kei lam honga inla, honhehpih in, na min deihte na hehpih bangin.

¹³³Order my steps in thy word: and let not any iniquity have dominion over me.

¹³³Ka khe kalsuante na thu-ah hihkip inla; gitlouhna himhim ka tungah thu neisak ken.

¹³⁴Deliver me from the oppression of man: so will I keep thy precepts.

¹³⁴Mihing nuaisiahna lakah honhumbit in; huchiin na thuzohna thute ka jui ding hi.

¹³⁵Make thy face to shine upon thy servant; and teach me thy statutes.

¹³⁵Na melin na sikha sunvak inla; na thusehte honhilhin.

¹³⁶Rivers of waters run down mine eyes, because they keep not thy law.

¹³⁶Ka khitui lui tui bangin a luang khia a, na dan a zuih louh jiakun.

¹³⁷Righteous art thou, O LORD, and upright are thy judgments.

¹³⁷TOUPA aw, nang na dika, na vaihawmte leng a dik ahi.

¹³⁸Thy testimonies that thou hast commanded are righteous and very faithful.

¹³⁸Na thutheihsakte tuh diktat tak leh ginom mahmahin thu na piaa.

¹³⁹My zeal hath consumed me, because mine enemies have forgotten thy words.

¹³⁹Ka phattuamngaih nain honhih mangthangta, hondouten na thu a mangngilhtak jiakun.

¹⁴⁰Thy word is very pure: therefore thy servant loveth it.

¹⁴⁰Na thu sianthou mahmah ahi; huaijiakin na sikhain a deih hi.

¹⁴¹I am small and despised: yet do not I forget thy precepts.

¹⁴¹Mi neu leh mi muhsit ka hi a: himahleh na thuzohna thute ka mangngilh ngeikei hi.

¹⁴²Thy righteousness is an everlasting righteousness, and thy law is the truth.

¹⁴²Na diktatna khantawn diktatna ding ahi a, na dan leng thutak ahi.

¹⁴³Trouble and anguish have taken hold on me: yet thy commandments are my delights.

¹⁴³Mangbatna leh lunglaunain hon buak khumta a; himahleh na thupiakte tuh ka kipahna ahi.

¹⁴⁴The righteousness of thy testimonies is everlasting: give me understanding, and I shall live.

¹⁴⁴Na thutheihsakte khantawn adingin a dik ahi: theihsiamna honpia in, huchiin, ka hing gige ding hi.

¹⁴⁵I cried with my whole heart; hear me, O LORD: I will keep thy statutes.

¹⁴⁵Ka lungtang tengtengin kon sama; TOUPA aw, hondawng in: na thusehte ka kem hoih ding hi.

¹⁴⁶I cried unto thee; save me, and I shall keep thy testimonies.

¹⁴⁶Kon sam jela; hondawng in, huchiin na thutheihsakte ka jui ding hi.

¹⁴⁷I prevented the dawning of the morning, and cried: I hoped in thy word.

¹⁴⁷Phalvak main ka thou-a, huhna deihin ka kikou-a; na thute ka lamen hi.

¹⁴⁸Mine eyes prevent the night watches, that I might meditate in thy word.

¹⁴⁸Na thu ka ngaihtuah theihna dingin jan vente main, ka mitte a hak uhi.

¹⁴⁹Hear my voice according unto thy lovingkindness: O LORD, quicken me according to thy judgment.

¹⁴⁹Na chitna bang jelin ka aw ngaikhia inla; TOUPA aw, na vaihawmnate bang jelin honhihhalh in.

¹⁵⁰They draw nigh that follow after mischief: they are far from thy law.

¹⁵⁰Ngaihtuah gilou delhten a honnaih ua: amau jaw na dan gamlata om ahi uhi.

¹⁵¹Thou art near, O LORD; and all thy commandments are truth.

¹⁵¹TOUPA aw, nang jaw na naia; na thupiak tengteng thutak ahi.

¹⁵²Concerning thy testimonies, I have known of old that thou hast founded them for ever.

¹⁵²Nidanglaiin, na thutheihsakte akipanin, huaite khantawn adinginna hihkip chih ka na theita hi.

¹⁵³Consider mine affliction, and deliver me: for I do not forget thy law.

¹⁵³Ka haksatna ngaihtuah inla, honhumbit in; na dan lah ka mangngilh ngei ngal keia;

¹⁵⁴Plead my cause, and deliver me: quicken me according to thy word.

¹⁵⁴Ka thu hon genpih inla, hontan in na thu bang jelin honhihhalh in.

¹⁵⁵Salvation is far from the wicked: for they seek not thy statutes.

¹⁵⁵Hotdamna tuh mi gilou-saloute lakah a gamla ahi: na thusehte a zuih louh jiakun.

¹⁵⁶Great are thy tender mercies, O LORD: quicken me according to thy judgments.

¹⁵⁶TOUPA aw, na chitnate tuh a thupi ahi; na vaihawmnate bang jelin honhihhalh in.

¹⁵⁷Many are my persecutors and mine enemies; yet do I not decline from thy testimonies.

¹⁵⁷Honsimmohte leh hondoute tampi ahi ua, himahleh na thutheihsakte ka pai kawi san kei hi.

¹⁵⁸I beheld the transgressors, and was grieved; because they kept not thy word.

¹⁵⁸Lepchiah taka hihte ka ena, ka lungkim kei hi; na thu a zuih louh jiakun.

¹⁵⁹Consider how I love thy precepts: quicken me, O LORD, according to thy lovingkindness.

¹⁵⁹Na thuzohna thute ka deihdan ngaihtuah inla, TOUPA aw, na chitna bangbangin honhihhalh in.

¹⁶⁰Thy word is true from the beginning: and every one of thy righteous judgments endureth for ever.

¹⁶⁰Na thu kigawmkhawm tuh thutak ahi a; na vaihawmna diktat chiteng leng khantawnin a om nilouh ding hi.

¹⁶¹Princes have persecuted me without a cause: but my heart standeth in awe of thy word.

¹⁶¹Mi lianten a jiak omlou in hon simmoh ua: himahleh ka lungtang in na thute ahi, a kihtak.

¹⁶²I rejoice at thy word, as one that findeth great spoil.

¹⁶²Na thu ah nuam kasa a, thil thupipi gallaka mu bangin.

¹⁶³I hate and abhor lying: but thy law do I love.

¹⁶³Juau thu ka huain ka kih a; na dan bel ka deih ahi.

¹⁶⁴Seven times a day do I praise thee because of thy righteous judgments.

¹⁶⁴Ni khatin sagih vei kon phat jel ahi, na vaihawm diktatte jiakin.

¹⁶⁵Great peace have they which love thy law: and nothing shall offend them.

¹⁶⁵Na dan deihten khamuanna thupitak a nei ua; pukna himhim a neikei uhi.

¹⁶⁶LORD, I have hoped for thy salvation, and done thy commandments.

¹⁶⁶Toupa aw, na hotdamna ka lamen a, na thupiakte bangin ka hih jel hi.

¹⁶⁷My soul hath kept thy testimonies; and I love them exceedingly.

¹⁶⁷Ka hinnain na thutheihsakte a jui gige a: ka deih mahmah hi.

¹⁶⁸I have kept thy precepts and thy testimonies: for all my ways are before thee.

¹⁶⁸Na thuzohna thute leh na thutheihsakte thu ka jui jela; ka omdan tengteng na maa om ahi ngala.

¹⁶⁹Let my cry come near before thee, O LORD: give me understanding according to thy word.

¹⁶⁹Toupa aw, kon sap husa na maah hongnai hen: na thu bangbangin theihsiamna honpia in.

¹⁷⁰Let my supplication come before thee: deliver me according to thy word.

¹⁷⁰Hehpih ka ngetna na maah tung hen: na thu bangbangin honhumbitin.

¹⁷¹My lips shall utter praise, when thou hast taught me thy statutes.

¹⁷¹Ka mukin phatna thu gen hen: nang na thusehte non zilsak jel jiakin.

¹⁷²My tongue shall speak of thy word: for all thy commandments are righteousness.

¹⁷²Ka leiin na thu phatin lasa hen; na thupiak tengteng diktatna a hih jiakin.

¹⁷³Let thine hand help me; for I have chosen thy precepts.

¹⁷³Na khut thu honpanpih dingin mansain om hen: na thuzohna thute lah ka telta ngala.

¹⁷⁴I have longed for thy salvation, O LORD; and thy law is my delight.

¹⁷⁴Toupa aw, na hotdamna ka lunggulh naka; na dan ka kipahna ahi.

¹⁷⁵Let my soul live, and it shall praise thee; and let thy judgments help me.

¹⁷⁵Ka hinna thu hing hen, huchiin a honphat ding hi; na vaihawmnaten leng honpanpih hen.Belam mang bangin ka vak manga; na sikha zong in; na thupiakte lah ka mangngilh nei ngal keia.

¹⁷⁶I have gone astray like a lost sheep; seek thy servant; for I do not forget thy commandments.

¹⁷⁶Belam mang bangin ka vak manga; na sikha zong in; na thupiakte lah ka mangngilh nei ngal keia.