¹And when the sabbath was past, Mary Magdalene, and Mary the mother of James, and Salome, had bought sweet spices, that they might come and anoint him.

¹Ai kana nakhlo Sabat, e Maria Magdalena, ai e Maria e dei le Iakovoski ai le Salomeski, chinde le parfumuria te zhan ai thon le parfumuria po le Jesusosko stato.

²And very early in the morning the first day of the week, they came unto the sepulchre at the rising of the sun.

²Ai kana phuterdilo o dies o pervo dies le kurkosko, avile ka greposhevo kana wushtel o kham.

³And they said among themselves, Who shall roll us away the stone from the door of the sepulchre?

³Phenenas mashkar pende, "Kon spidela palpale o bax katar e wurota le greposhevosko amenge?"

⁴And when they looked, they saw that the stone was rolled away: for it was very great.

⁴Ai kana dikhenas, dikhle ke o bax kai sas angla o greposhevo sas spidias palpale: sas o baro bax.

⁵And entering into the sepulchre, they saw a young man sitting on the right side, clothed in a long white garment; and they were affrighted.

⁵Avile ando greposhevo, dikhle ek terno manush beshelas pe chachi rig, vuriardo ande ek lunzhi parni raxami, ai daraile.

⁶And he saith unto them, Be not affrighted: Ye seek Jesus of Nazareth, which was crucified: he is risen; he is not here: behold the place where they laid him.

⁶Phendia lenge, "Na daran. Tume roden O Jesus andai Nazareth, kai sas karfosardo po trushul; zhuvindisailo; nai katse: Dikh! O than kai sas.

⁷But go your way, tell his disciples and Peter that he goeth before you into Galilee: there shall ye see him, as he said unto you.

⁷Numa zhan sigo, ai phenen leske disiplonge ai o Petri, ke wo zhal mai anglal tumendar ande Galilee: kotse si te dikhen les, sar phendias tumenge.

⁸And they went out quickly, and fled from the sepulchre; for they trembled and were amazed: neither said they any thing to any man; for they were afraid.

⁸Grebisaile te zhantar katar o greposhevo ande dar, izdraile ai chudisaile, won chi phende khanch kanikaske ke daranas.

⁹Now when Jesus was risen early the first day of the week, he appeared first to Mary Magdalene, out of whom he had cast seven devils.

⁹O Jesus zhuvindisailo anda martia kana phuterdilo o dies, o pervo dies le kurkosko. E Maria Magdalena sas iekto te dikhel les. O Jesus gonisardiasas avri anda late efta bengen.

¹⁰And she went and told them that had been with him, as they mourned and wept.

¹⁰Geli ai phendia leske disiplonge, won nekezhinas ai rovenas.

¹¹And they, when they had heard that he was alive, and had been seen of her, believed not.

¹¹Kana ashunde kai wo traiil, ai kai e Maria dikhlia les, won chi pachanaspe.

¹²After that he appeared in another form unto two of them, as they walked, and went into the country.

¹²Pala kodia, wo avilo sar aver manush kal dui anda lende kai zhanas po drom avrial anda foro.

¹³And they went and told it unto the residue: neither believed they them.

¹³Gele ai phende le kolavrenge. Le kolaver chi pachanas.

¹⁴Afterward he appeared unto the eleven as they sat at meat, and upbraided them with their unbelief and hardness of heart, because they believed not them which had seen him after he was risen.

¹⁴Pala kodia avilo ka le desh u iekenge sar xanas andek than, ai dino le trad, phendia lenge zurale vorbi ke chi pachanpe ai zurade lengo ilo, ke chi pachaie kodolen kai dikhle les pala o zhuvindimos.

¹⁵And he said unto them, Go ye into all the world, and preach the gospel to every creature.

¹⁵Ai phendia lenge, zhan pe sa e lumia, ai phenen e lashi viasta savorhenge.

¹⁶He that believeth and is baptized shall be saved; but he that believeth not shall be damned.

¹⁶Kodo kai pachala ai avela boldo avela skepime; numa kado kai chi pachala avela kris pe leste.

¹⁷And these signs shall follow them that believe; In my name shall they cast out devils; they shall speak with new tongues;

¹⁷Ai kadala mirakluria zhana kodolensa kai pachanape. Ando murho anav gonina bengen; denas duma neve shibasa.

¹⁸They shall take up serpents; and if they drink any deadly thing, it shall not hurt them; they shall lay hands on the sick, and they shall recover.

¹⁸Astaren le sapen; te won pen vari so kai mudarel o manush, chi mudarela len; thona le vas pe naswalen, ai avena saste.

¹⁹So then after the Lord had spoken unto them, he was received up into heaven, and sat on the right hand of God.

¹⁹Pala O Jesus dias duma lenge, sas lino opre ando rhaio, ai beshlo po chacho vas le Devlesko.

²⁰And they went forth, and preached every where, the Lord working with them, and confirming the word with signs following. Amen.

²⁰Ai won geletar, ai dine duma po Del pe swako rig, ai O Del kerelas buchi lensa, O Del sikadias kai E Vorba le Devleski sas chachi pala le mirakluria kai kerdionas.