¹Then came together unto him the Pharisees, and certain of the scribes, which came from Jerusalem.

¹Antunchi le Farizeanuria ai uni Gramnoturia avile andai Jerusalem, ai chidinisaile pasha Jesus.

²And when they saw some of his disciples eat bread with defiled, that is to say, with unwashen, hands, they found fault.

²Dikhle uni andal leske disipluria xanas bi te xalaven penge vas,

³For the Pharisees, and all the Jews, except they wash their hands oft, eat not, holding the tradition of the elders.

³ke le Farizeanuria ai sa le Zhiduvuria shoxar chi xan bi te xalaven penge vas. Won keren o zakono le phurenge.

⁴And when they come from the market, except they wash, they eat not. And many other things there be, which they have received to hold, as the washing of cups, and pots, brasen vessels, and of tables.

⁴Ai kana aven andal bazari, won shoxar chi xan bi te xalaven penge vas. Ai si le mai but aver zakonuria kai won keren. Uni xalaven le daxtai, le kruzhki, ai le phiria le xarkune.

⁵Then the Pharisees and scribes asked him, Why walk not thy disciples according to the tradition of the elders, but eat bread with unwashen hands?

⁵Antunchi le Farizeanuria ai le Gramnoturia phushen les, "Sostar che disipluria chi keren o zakono le phurenge, numa xan bi te xalaven penge vas?"

⁶He answered and said unto them, Well hath Esaias prophesied of you hypocrites, as it is written, This people honoureth me with their lips, but their heart is far from me.

⁶O Jesus dia atweto, ai phendia lenge, "Tume manush kai ankerdion so chi san, O Isaiah dias mishto profesi po tumende kana ramosardia, "Kado narodo preznain ma peska mosa, numa lengo ilo dur mandar.

⁷Howbeit in vain do they worship me, teaching for doctrines the commandments of men.

⁷Intaino preznain ma, ke won sicharen manushenge zakonuria sar te aviline le Devleske."

⁸For laying aside the commandment of God, ye hold the tradition of men, as the washing of pots and cups: and many other such like things ye do.

⁸Tume chi keren o zakono le Devlesko, numa keren o zakono le manushenge."

⁹And he said unto them, Full well ye reject the commandment of God, that ye may keep your own tradition.

⁹O Jesus phendia lenge, "Tume thon rigate o zakono le Devlesko numa keren tumaro zakono.

¹⁰For Moses said, Honour thy father and thy mother; and, Whoso curseth father or mother, let him die the death:

¹⁰Ke o Moses phendia, "Preznaisar che dades ai cha da," ai kodo kai del duma nasul pa peske dades ai peska da, musai merel.

¹¹But ye say, If a man shall say to his father or mother, It is Corban, that is to say, a gift, by whatsoever thou mightest be profited by me; he shall be free.

¹¹Numa tume phenen "Kon godi phenela peske dadeske vai peska dake, so sai demas tume te zhutiv tume, dem ka Del."

¹²And ye suffer him no more to do ought for his father or his mother;

¹²Ai tume chi mai meken les e zhutil peske dades vai peska da.

¹³Making the word of God of none effect through your tradition, which ye have delivered: and many such like things do ye.

¹³Tume thon rigate E Vorba le Devleski te keren tumaro zakono, ai tume keren but aver dieli sa kadia."

¹⁴And when he had called all the people unto him, he said unto them, Hearken unto me every one of you, and understand:

¹⁴Pala kodia akhardia le narodos peste, ai phendia lenge, "Savorhen, ashunen mande.

¹⁵There is nothing from without a man, that entering into him can defile him: but the things which come out of him, those are they that defile the man.

¹⁵Nai so thol o manush ando mui kai maril les, numa so anklel anda lesko mui kai maril les.

¹⁶If any man have ears to hear, let him hear.

¹⁶Si tume khan, antunchi ashun!"

¹⁷And when he was entered into the house from the people, his disciples asked him concerning the parable.

¹⁷Wo meklia le narodos ai gelo ando kher. Antunchi leske disipluria phushle les pa paramichi.

¹⁸And he saith unto them, Are ye so without understanding also? Do ye not perceive, that whatsoever thing from without entereth into the man, it cannot defile him;

¹⁸Ai phendia lenge, "Chi tume sa chi haliaren? Chi haliaren, ke so thol ando lesko mui nashti maril les.

¹⁹Because it entereth not into his heart, but into the belly, and goeth out into the draught, purging all meats?

¹⁹Ke kadia chi zhal ando lesko ilo, numa ando ji, porme anklel avri, (phenelas kai sa o xabe si lasho).

²⁰And he said, That which cometh out of the man, that defileth the man.

²⁰Mai phendia lenge, so anklel andal manush kodia si kai kerel andal manush marime angla Del.

²¹For from within, out of the heart of men, proceed evil thoughts, adulteries, fornications, murders,

²¹Ke anda ilo anklel le nasul ginduria, kurvisia, mudarimos,

²²Thefts, covetousness, wickedness, deceit, lasciviousness, an evil eye, blasphemy, pride, foolishness:

²²chorimos, te manges zurales so si nai chiro, te keres vai so kai si defial nasul, atsimos, manges te dikhes po zhuvli le chorhe gindosa, zhaluzile, te des duma nasul pa Del, barimata, dzilimos.

²³All these evil things come from within, and defile the man.

²³Sa kadala nasul dieli anklen andal manush, ai kodia si kai kerel andal manush marime angla Del.

²⁴And from thence he arose, and went into the borders of Tyre and Sidon, and entered into an house, and would have no man know it: but he could not be hid.

²⁴O Jesus gelotar kotsar ai gelo karing o Tire ai Sidon, gelo ando kher, chi mangelas khonik te zhanel kai wo sas kotse, numa nashti garavel les.

²⁵For a certain woman, whose young daughter had an unclean spirit, heard of him, and came and fell at his feet:

²⁵Strazo ek zhuvli avili leste ke ashundia kai wo sas kotse. Sas la ek sheiorhi kai sas la ek bi vuzho ande late. Avili leste, ai peli kal punrhe (shudiape ka leske punrhe).

²⁶The woman was a Greek, a Syrophenician by nation; and she besought him that he would cast forth the devil out of her daughter.

²⁶E zhuvli sas Grekaika, biandilia ando them Phoenicia, woi manglia les te gonil le benges avri anda laki shei.

²⁷But Jesus said unto her, Let the children first be filled: for it is not meet to take the children's bread, and to cast it unto the dogs.

²⁷Numa O Jesus phendia lake, "Nai vorta te les o manrho le glatengo ai te shudes les kal zhukel.

²⁸And she answered and said unto him, Yes, Lord: yet the dogs under the table eat of the children's crumbs.

²⁸Woi dia atweto, ai phendia leske, "E, Gazda, numa le zhukel telai skafidi xan le prushuka le glatenge."

²⁹And he said unto her, For this saying go thy way; the devil is gone out of thy daughter.

²⁹Antunchi O Jesus phendia lake, "Ke tu phendian kadala vorbi, zha khere, o beng anklisto avri anda chi shei."

³⁰And when she was come to her house, she found the devil gone out, and her daughter laid upon the bed.

³⁰Woi geli khere, ai dikhlia laki sheiorhi pashliol po than; o beng anklisto avri anda late.

³¹And again, departing from the coasts of Tyre and Sidon, he came unto the sea of Galilee, through the midst of the coasts of Decapolis.

³¹Antunchi O Jesus gelotar andai foruria o Tire ai o Sidon, avilo palpale kai maria Galilee, nakhelas pasha o them Decapolis.

³²And they bring unto him one that was deaf, and had an impediment in his speech; and they beseech him to put his hand upon him.

³²Won andine leste ieke kashukes, ai nashti delas duma mishto; ai mangle lestar te thol lesko vas pe leste.

³³And he took him aside from the multitude, and put his fingers into his ears, and he spit, and touched his tongue;

³³O Jesus lia les rigate katar o narodo, ai thodia leske naia andel khan, chungarde, ai azbadia leski shib,

³⁴And looking up to heaven, he sighed, and saith unto him, Ephphatha, that is, Be opened.

³⁴ai vazdia le iakha kal rhaio, rhugisailo ande peste ai phendia, "Ephphatha," kodia si, phuterdiol.

³⁵And straightway his ears were opened, and the string of his tongue was loosed, and he spake plain.

³⁵Strazo leske khan phuterdile, ai leski shib nas phangli, ai dino duma savsem/desea mishto,

³⁶And he charged them that they should tell no man: but the more he charged them, so much the more a great deal they published it;

³⁶O Jesus phendia lenge te na phenen kanikaske; numa mai but wo phenelas lenge te na phenen kanikaske, mai but won denas duma pa so kerdia O Jesus.

³⁷And were beyond measure astonished, saying, He hath done all things well: he maketh both the deaf to hear, and the dumb to speak.

³⁷Ta o narodo chudisailo, phenelas, "So godi kerel si desea mishto. Wo kerel le kashuke te ashunen, ai kerel le muto te den duma savsem mishto.