¹In those days the multitude being very great, and having nothing to eat, Jesus called his disciples unto him, and saith unto them,

¹Pala kodia aver narodo avile, ai nai le so te xan. O Jesus akhardia peske disiplon peste, ai phendia lenge.

²I have compassion on the multitude, because they have now been with me three days, and have nothing to eat:

²"Mila mange anda narodo, ke de trin dies mansa le, ai nai ke so te xan,

³And if I send them away fasting to their own houses, they will faint by the way: for divers of them came from far.

³Chi mangav le te zhan khere bokhale, ke kam zaline po drom; ke dur sas o drom but manushenge."

⁴And his disciples answered him, From whence can a man satisfy these men with bread here in the wilderness?

⁴Leske disipluria phendia leske, "Kai te las dosta manrho ande kadia pusta te pravaras len?"

⁵And he asked them, How many loaves have ye? And they said, Seven.

⁵O Jesus phushlia le, "Sode manrhe si tume?" Won phende, "Efta manrhe."

⁶And he commanded the people to sit down on the ground: and he took the seven loaves, and gave thanks, and brake, and gave to his disciples to set before them; and they did set them before the people.

⁶O Jesus phendia le narodoske te beshen tele pe phuv. Lia le efta manrhe, ai dias naisimos, phaglias le, ai dias le kal disipluria. Le disipluria dine le kal narodo.

⁷And they had a few small fishes: and he blessed, and commanded to set them also before them.

⁷Sas le xantsi tsinorhe mashe: ai O Jesus dias naisimos, ai phendia le disipluria te thon le mashe angla lende te xan.

⁸So they did eat, and were filled: and they took up of the broken meat that was left seven baskets.

⁸Savorhe xale ai chailile. Le disipluria chide le kotora kai ashshile efta kozhnitsi, pherde sas.

⁹And they that had eaten were about four thousand: and he sent them away.

⁹Kodola kai xale sas shtar mi mursh, Antunchi O Jesus tradia le narodos te zhantar.

¹⁰And straightway he entered into a ship with his disciples, and came into the parts of Dalmanutha.

¹⁰Ai strazo O Jesus anklisto andek chuno peske disiplonsa, ai avilo ando them Dalmanutha.

¹¹And the Pharisees came forth, and began to question with him, seeking of him a sign from heaven, tempting him.

¹¹Ai le Farizeanuria avile ka Jesus, ai mangle lestar te sikavel lenge ek semno kai si te avel anda rhaio.

¹²And he sighed deeply in his spirit, and saith, Why doth this generation seek after a sign? verily I say unto you, There shall no sign be given unto this generation.

¹²Ai nekezhisailo ande pesko duxo, ai phendia lenge, "Sostar kadia vitsa adies roden ek semno Chachimasa, phenav tumenge, chi iek semno chi avela dino len."

¹³And he left them, and entering into the ship again departed to the other side.

¹³Antunchi meklia le, ai anklisto ando chuno, ai geletar inchal o pai.

¹⁴Now the disciples had forgotten to take bread, neither had they in the ship with them more than one loaf.

¹⁴Le disipluria bustarde te len manrho pesa, ai sas le ferdi iek manrho lensa ando chuno.

¹⁵And he charged them, saying, Take heed, beware of the leaven of the Pharisees, and of the leaven of Herod.

¹⁵Ai O Jesus phendia lenge, "Arakhen tume katar e drozhda kai avel katar le Farizeanuria, ai le Herodoske.

¹⁶And they reasoned among themselves, saying, It is because we have no bread.

¹⁶Le disipluria denaspe duma mashkar pende, ai phenenas, "Ke chi liam amensa manrho phenel kadia."

¹⁷And when Jesus knew it, he saith unto them, Why reason ye, because ye have no bread? perceive ye not yet, neither understand? have ye your heart yet hardened?

¹⁷O Jesus zhanglias, ai phendias lenge, "Sostar phenen mashkar tumende, ke chi andian manrho? Chi haliaren? Ai chi den goji?

¹⁸Having eyes, see ye not? and having ears, hear ye not? and do ye not remember?

¹⁸Si tumen iakha ai chi dikhen? Ai si tumen khan ai chi ashunen? Ai chi seren tume?

¹⁹When I brake the five loaves among five thousand, how many baskets full of fragments took ye up? They say unto him, Twelve.

¹⁹Kana phaglem le panzh manrhe ai tume dine kal panzh mi manushen? Sode kozhnitsi pherdo kotora chide?" Won phende leske, "Desh u dui.

²⁰And when the seven among four thousand, how many baskets full of fragments took ye up? And they said, Seven.

²⁰Ai kana sas efta manrhe kai tume dine kal shtar mi manushen, sode kozhnitsi pherdo kotora chide?" Ai phende leske, "Efta".

²¹And he said unto them, How is it that ye do not understand?

²¹Ai O Jesus phendia lenge, "Sostar sa chi haliaren?"

²²And he cometh to Bethsaida; and they bring a blind man unto him, and besought him to touch him.

²²Antunchi wo avilo ande Bethsaida, ai andine ek korho manush ka Jesus, ai mangle les te azbal les.

²³And he took the blind man by the hand, and led him out of the town; and when he had spit on his eyes, and put his hands upon him, he asked him if he saw ought.

²³Lia le korhes vastestar, ai ningardia les avri andai gav. Antunchi chungarde pe leske iakha, ai thodia leske vas pe leste, ai phushlia les, "Sai dikhes vari so?"

²⁴And he looked up, and said, I see men as trees, walking.

²⁴Ai wo vazdia le iakha, ai phendia leske, "E, dichol mange le manush, numa miazon le khash phirenas."

²⁵After that he put his hands again upon his eyes, and made him look up: and he was restored, and saw every man clearly.

²⁵O Jesus pale thodia leske vas pe leske iakha, ai phendia leske te vazdel le iakha, sastilo ai dikhlia swako fielo mishto.

²⁶And he sent him away to his house, saying, Neither go into the town, nor tell it to any in the town.

²⁶Antunchi O Jesus tradia les te zhaltar ka lesko kher, ai phendia leske, "Nai zhal palpale ando gav, vai phenes kanikaske ando gav."

²⁷And Jesus went out, and his disciples, into the towns of Caesarea Philippi: and by the way he asked his disciples, saying unto them, Whom do men say that I am?

²⁷O Jesus ai leske disipluria geletar andel gava ando them Caesarea Philippe: ai sar zhanas phushlias katar peske disipluria, "Kon mothon le manush ke sim?"

²⁸And they answered, John the Baptist; but some say, Elias; and others, One of the prophets.

²⁸Phende leske, "O Iovano o baptisto, numa uni phenen ke san o Elias; ai aver phenen, iek andal profeturia."

²⁹And he saith unto them, But whom say ye that I am? And Peter answereth and saith unto him, Thou art the Christ.

²⁹Wo phendia lenge, "Ai tume kon mothon ke sim?" Ai o Petri phendia, "Tu san O Kristo."

³⁰And he charged them that they should tell no man of him.

³⁰Antunchi O Jesus dias le trad, te na phenen kanikaske pa leste.

³¹And he began to teach them, that the Son of man must suffer many things, and be rejected of the elders, and of the chief priests, and scribes, and be killed, and after three days rise again.

³¹De katar kodia vriama O Jesus sikavelas peske disiplon, ke O Shav le Manushesko musai chinuil but, ai avela shudino lendar katar le phurane ai katar le bare le rashange, ai le Gramnoturia, ai avela mudardo ai zhuvindila pala trin dies.

³²And he spake that saying openly. And Peter took him, and began to rebuke him.

³²Wo phendia kadala vorbi angla lende. Antunchi o Petri lia les rigate ai phendias leske.

³³But when he had turned about and looked on his disciples, he rebuked Peter, saying, Get thee behind me, Satan: for thou savourest not the things that be of God, but the things that be of men.

³³Numa kana O Jesus amboldinisailo, dikhlia pe peske disipluria, ai phenel le Petresko, "Le tu angla mande, Satano!(Beng!) Ke che ginduria na le Devleske, nume le manusheske."

³⁴And when he had called the people unto him with his disciples also, he said unto them, Whosoever will come after me, let him deny himself, and take up his cross, and follow me.

³⁴Ai kana O Jesus akhardia o narodo ai peske disiplon leste, wo phendia lenge, "Te si vari kon kai mangel te avel pala mande, musai te bustrel pa peste, te lel pesko trushul, ai te avel pala mande.

³⁵For whosoever will save his life shall lose it; but whosoever shall lose his life for my sake and the gospel's, the same shall save it.

³⁵Ke o manush kai mangela te garavel pesko traio xasarela les; numa kodo kai dela pesko traio pala mande ai pala e lashi viasta, arakhela traio.

³⁶For what shall it profit a man, if he shall gain the whole world, and lose his own soul?

³⁶So lela o manush te niril sa e lumia ai te xasarela pesko duxos?

³⁷Or what shall a man give in exchange for his soul?

³⁷So sai del o manush te chinel palpale pesko duxo?

³⁸Whosoever therefore shall be ashamed of me and of my words in this adulterous and sinful generation; of him also shall the Son of man be ashamed, when he cometh in the glory of his Father with the holy angels.

³⁸Ke kon godi lazhala mandar ai katar murhe vorbi mashkar le bezexalenge adies, O Shav le Manushesko avela lestar lazhal, kana avela ando pesko barimos le dadesko le Swuntsi angelonsa."