¹And it came to pass, when Jesus had made an end of commanding his twelve disciples, he departed thence to teach and to preach in their cities.

¹Kana O Jesus getosardia te phenel so te keren leske desh u dui disipluria, gelotar kotsar te sicharel ai te del duma pa Del ande lenge foruria.

²Now when John had heard in the prison the works of Christ, he sent two of his disciples,

²Kana o Iovano o baptisto ande temnitsa ashundia so kerelas O Kristo, tradia divano pe peske disipluria.

³And said unto him, Art thou he that should come, or do we look for another?

³Te phushen lestar, "Tu san kodo kai trobulas te avel, vai trobul te azhukeras avres?"

⁴Jesus answered and said unto them, Go and shew John again those things which ye do hear and see:

⁴O Jesus phendia lenge, 'Zhan ai phenen le Iovanoske, so ashunen ai so dikhen;

⁵The blind receive their sight, and the lame walk, the lepers are cleansed, and the deaf hear, the dead are raised up, and the poor have the gospel preached to them.

⁵Le korhe dikhen, le bange phiren, le lepri vuzhon, le kashuke ashunen, le mule zhuvindin, ai e lashi viasta phendila le chorenge.

⁶And blessed is he, whosoever shall not be offended in me.

⁶Raduime kodo kai haliarel kon sim ai chaches pachalpe ande mande!"

⁷And as they departed, Jesus began to say unto the multitudes concerning John, What went ye out into the wilderness to see? A reed shaken with the wind?

⁷Ai sar zhanastar, O Jesus dias duma le narodosa pa Iovano, "So gelian te dikhen ande pusta? E treshtia kai mishkilas katar e barval?

⁸But what went ye out for to see? A man clothed in soft raiment? behold, they that wear soft clothing are in kings' houses.

⁸So gelian te dikhen? Iek manush huriardo andel shukar tsalia? Kodola kai phiraven shukar tsalia beshen andel khera amperatonge!

⁹But what went ye out for to see? A prophet? yea, I say unto you, and more than a prophet.

⁹So gelian te dikhen? Ek profeto? E, me phenav tumenge, "Ke wo si mai but sar profeto.

¹⁰For this is he, of whom it is written, Behold, I send my messenger before thy face, which shall prepare thy way before thee.

¹⁰Ke kodo si kai si ramome pa leste: 'Tradava murho podaitori mai anglal tutar te getol o drom angla tute."

¹¹Verily I say unto you, Among them that are born of women there hath not risen a greater than John the Baptist: notwithstanding he that is least in the kingdom of heaven is greater than he.

¹¹Phenav tumenge o chachimos! "Mashkar manush kai arakhadile zhuvliatar chi vazdinesailo khonik mai baro sar o Iovano o baptisto. Numa kodo kai si mai xantsi ande amperetsia le rhaioski si mai baro lestar.

¹²And from the days of John the Baptist until now the kingdom of heaven suffereth violence, and the violent take it by force.

¹²De katar o dies kai o Iovano o baptisto delas duma pa Del ai zhi akana e amperetsia le rhaioski chinuil ke pe zor kerdiol ai manush pe zor len e amperatsi.

¹³For all the prophets and the law prophesied until John.

¹³Ke sa le profeturia ai o zakono le Mosesoske dine profesi zhi ka o Iovano;

¹⁴And if ye will receive it, this is Elias, which was for to come.

¹⁴Ai te mangena te primin, wo si o Elijah, kai sas te avel.

¹⁵He that hath ears to hear, let him hear.

¹⁵Kodo kai si les khan te ashunel. Mek te ashunel!

¹⁶But whereunto shall I liken this generation? It is like unto children sitting in the markets, and calling unto their fellows,

¹⁶"Pe soste sai phenav ke miazol kadia vitsa. Miazol sar glate, kai beshen ando bazari, ai phenen le kolavrenge.

¹⁷And saying, We have piped unto you, and ye have not danced; we have mourned unto you, and ye have not lamented.

¹⁷'Jilabadiam tumenge abiaveske jilia, ai tume chi kheldian! 'Jilabadiam tristo jili, ai tume chi nekezhisardian!'

¹⁸For John came neither eating nor drinking, and they say, He hath a devil.

¹⁸O Iovano avilo, chi xalia ai chi pelia, ai won phende leske, 'dzilolo, bengailo!' O Shav le Manushesko avilo, xalas ai pelas, ai won phende,

¹⁹The Son of man came eating and drinking, and they say, Behold a man gluttonous, and a winebibber, a friend of publicans and sinners. But wisdom is justified of her children.

¹⁹O Shav le Manushesko xal but ai macharno lo, vortako lo manushensa kai chiden e taksa ai bezexalensa!' Numa lesko chachimos sikadiola pala e buchi kai kerdias."

²⁰Then began he to upbraid the cities wherein most of his mighty works were done, because they repented not:

²⁰Antunchi O Jesus doshardias le foruria kai kerdias mirakluria ande lende, ke chi keisaile.

²¹Woe unto thee, Chorazin! woe unto thee, Bethsaida! for if the mighty works, which were done in you, had been done in Tyre and Sidon, they would have repented long ago in sackcloth and ashes.

²¹"Nasul tuke Chorazin! Nasul tuke Bethsaida! Ke te avino le mirakluria kerde ande Tire ai Sidon, kai sas kerde tumende, dumult kamas te phiraven tsalia goneske, ai te thon wushar pe peste, te sikaven ke keisaile!"

²²But I say unto you, It shall be more tolerable for Tyre and Sidon at the day of judgment, than for you.

²²Numa me phenav tumenge, "Po dies la krisako mai vushoro avela lenge e Tire ai Sidon sar tumenge!"

²³And thou, Capernaum, which art exalted unto heaven, shalt be brought down to hell: for if the mighty works, which have been done in thee, had been done in Sodom, it would have remained until this day.

²³"Ai tu, Capernaum! Avesa vazdini zhi ka rhaio? Nichi, ta tele si te zhas ta ando iado! Ke te avino le mirakluria kerde ando Sodom, kai sas kerde tute, sas te avel o Sodom zhi adies!"

²⁴But I say unto you, That it shall be more tolerable for the land of Sodom in the day of judgment, than for thee.

²⁴Numa me phenav tuke, "Ke mai vushoro avela le themeske Sodom po dies la krisako de sar tuke!"

²⁵At that time Jesus answered and said, I thank thee, O Father, Lord of heaven and earth, because thou hast hid these things from the wise and prudent, and hast revealed them unto babes.

²⁵Ande kodia vriama O Jesus phendia, "Naisiv tuke, murho Dat gazda le rhaiosko ai la phuviako! Ke meklian te haliaren kodola kai si sar glate ai na kodola kai gindinpe gojaver ai le studento.

²⁶Even so, Father: for so it seemed good in thy sight.

²⁶Anda kodia, murho Dat, naisiv tuke ke chi voia sas te kerdiol kadia.

²⁷All things are delivered unto me of my Father: and no man knoweth the Son, but the Father; neither knoweth any man the Father, save the Son, and he to whomsoever the Son will reveal him.

²⁷"Swako fielo thodias ando murho vas murho Dat. Ai khonik chi zhanel le Shaves ferdi O Dat, ai khonik chi zhanel le Dades ferdi O Shav, ai kon godi halol O Shav te mekel te zhanen le Dades.

²⁸Come unto me, all ye that labour and are heavy laden, and I will give you rest.

²⁸"Aven mande, sa tume kai san chinuime ai kai si baro pharipe pe tumende, ai dav tume hodina.

²⁹Take my yoke upon you, and learn of me; for I am meek and lowly in heart: and ye shall find rest unto your souls.

²⁹Le murhe ioke pe tute ai sicho mandar ke domolo sim ai kovlo ando ilo, ai si te arakhen hodina tumare duxoske.

³⁰For my yoke is easy, and my burden is light.

³⁰Ke murhi ioke nai trutno ai murho pharipe vushoro.