¹The children! obey your parents in the Lord, for this is righteous;

¹Mga anak, managtuman kamo sa inyong mga ginikanan diha sa Ginoo; kay kini matarung man.

²honour thy father and mother,

²Tumahod ka sa imong amahan ug inahan (nga inao ang nahauna nga sugo nga adunay saad);

³which is the first command with a promise, `That it may be well with thee, and thou mayest live a long time upon the land.`

³Aron kanimo may kaayo, ug maka-puyo ka sa hataas nga panahon sa yuta.

⁴And the fathers! provoke not your children, but nourish them in the instruction and admonition of the Lord.

⁴Ug kamo, mga amahan, dili ninyo paghagiton sa kasuko ang inyong mga anak; kondili agaka sila sa castigo ug sa pagtambag sa Ginoo.

⁵The servants! obey the masters according to the flesh with fear and trembling, in the simplicity of your heart, as to the Christ;

⁵Mga ulipon, managtuman kamo sa inyong mga agalon nga sumala sa unod, uban ang kahadlok ug pagkurog, sa kaulay sa inyong kasingkasing ingon nga kang Cristo.

⁶not with eye-service as men-pleasers, but as servants of the Christ, doing the will of God out of soul,

⁶Dili mag-alagad pinaagi sa mga mata, ingon sa mga magpapahamuot sa mga tawo, kondili ingon nga mga ulipon ni Cristo, nga nagabuhat sa kabubut-on sa Dios sa kinasingkasing.

⁷with good-will serving, as to the Lord, and not to men,

⁷Nga mag-alagad sa maayong kabubut-on ingon nga sa Ginoo, ug dili nga sa mga tawo;

⁸having known that whatever good thing each one may do, this he shall receive from the Lord, whether servant or freeman.

⁸Sa hingbaloan nga ang tanan nga maayong butang nga buhaton sa tagsatagsa, mao usab ang pagadawaton niya gikan sa Ginoo, bisan siya ulipon kun tawo nga may kagawasan.

⁹And the masters! the same things do ye unto them, letting threatening alone, having known that also your Master is in the heavens, and acceptance of persons is not with him.

⁹Ug kamo, mga agalon, buhata ninyo ang maong mga butang kanila, nga biyaan ninyo ang paghulga; sa hingbaloan nga ang ilang Ginoo ug ang inyo usab anaa sa langit, ug siya walay pinalabi sa mga tawo.

¹⁰As to the rest, my brethren, be strong in the Lord, and in the power of his might;

¹⁰Sa katapusan, mga igsoon ko, magmalig-on kamo diha sa Ginoo, ug sa gahum sa iyang kusog.

¹¹put on the whole armour of God, for your being able to stand against the wiles of the devil,

¹¹Managsul-ob kamo sa bug-os nga hinagiban sa Dios, aron kamo maka-asdang batok sa mga paglimbong sa yawa.

¹²because we have not the wrestling with blood and flesh, but with the principalities, with the authorities, with the world-rulers of the darkness of this age, with the spiritual things of the evil in the heavenly places;

¹²Kay ang atong pagdumog dili batok sa dugo ug sa unod, kondili batok sa mga punoan, batok sa mga pagbulot-an, batok sa mga magbubuot sa kalibutan niini nga mga kangitngit, batok sa mga gamhanan nga espirituhanon sa kadautan diha sa mga langitnon.

¹³because of this take ye up the whole armour of God, that ye may be able to resist in the day of the evil, and all things having done — to stand.

¹³Tungod niini, kuhaon ninyo ang bug-os nga hinagiban sa Dios, aron kamo makasukol sulod sa adlaw nga dautan, ug kamo, sa mabuhat ang tanan, makatindog kamo.

¹⁴Stand, therefore, having your loins girt about in truth, and having put on the breastplate of the righteousness,

¹⁴Busa manindog kamo, nga binak-san ang inyong mga hawak sa kamatuoran, ug sinul-oban sa kotamaya sa pagkamatarung,

¹⁵and having the feet shod in the preparation of the good-news of the peace;

¹⁵Ug sa nasul-oban ang inyong mga tiil sa mga pagtagana sa Maayong Balita sa pakigdait:

¹⁶above all, having taken up the shield of the faith, in which ye shall be able all the fiery darts of the evil one to quench,

¹⁶Dugang sa tanan, sa nakakuha sa kalasag sa pagtoo, nga sa makabaton kamo niini, arang ninyo mapalong ang tanan nga mga udyong nga kalayo sa dautan.

¹⁷and the helmet of the salvation receive, and the sword of the Spirit, which is the saying of God,

¹⁷Ug dawata ninyo ang salokot sa kaluwasan, ug ang espada sa Espiritu, nga mao ang pulong sa Dios;

¹⁸through all prayer and supplication praying at all times in the Spirit, and in regard to this same, watching in all perseverance and supplication for all the saints —

¹⁸Uban ang bug-os nga pag-ampo ug pagpangamuyo sa tanang panahon diha sa Espiritu, ug managtukaw sa bug-os nga pagpadayon ug pagpakilooy alang sa tanang mga balaan,

¹⁹and in behalf of me, that to me may be given a word in the opening of my mouth, in freedom, to make known the secret of the good news,

¹⁹Ug alang kanako, aron ikahatag kanako ang paglitok pinaagi sa pagbuka sa akong baba, sa pagpaila nga walay kahadlok sa tinago sa Maayong Balita;

²⁰for which I am an ambassador in a chain, that in it I may speak freely — as it behoveth me to speak.

²⁰Nga tungod niini, ako mao ang sinugo sa Ginoo, nga ginapus sa mga talikala, aron ako makasulti nga walay kahadlok, ingon sa kinahanglan kong isulti.

²¹And that ye may know — ye also — the things concerning me — what I do, all things make known to you shall Tychicus, the beloved brother and faithful ministrant in the Lord,

²¹Apan, aron manghibalo usab kamo sa akong kahimtang kong unsa ang pagpaagi ko, igapahibalo kaninyo ang tanang mga butang ni Tychico, hinigugma nga igsoon ug matinumanon nga ministro sa Ginoo:

²²whom I did send unto you for this very thing, that ye might know the things concerning us, and that he might comfort your hearts.

²²Nga gisugo ko kaninyo niini usab nga tuyo, aron mahibaloan ninyo ang among kahimtang ug aron maglipay siya sa inyong mga kasingkasing.

²³Peace to the brethren, and love, with faith, from God the Father, and the Lord Jesus Christ!

²³Ang pakigdait alang sa mga igsoon, ug ang gugma nga inubanan sa pagtoo, gikan sa Dios nga Amahan, ug sa Ginoong Jesucristo.

²⁴The grace with all those loving our Lord Jesus Christ — undecayingly! Amen.

²⁴Ang gracia anaa sa tanan nga mga nahigugma sa atong Ginoong Jesucristo, uban ang gugma nga walay pagkadunot.