¹And the whole company of them rose up, and brought him before Pilate.

¹Ug ang tibook nga panon kanila mitindog, ug ilang gidala siya kang Pilato.

²And they began to accuse him, saying, We found this man perverting our nation, and forbidding to give tribute to Caesar, and saying that he himself is Christ a king.

²Ug mingsugod sila sa pagsumbong, batok kaniya nga nagaingon: Kini hingkaplagan namo nga nagpasalaag sa atong nasud, ug nagdili sa pagbayad sa mga buhis kang Cesar, ug nagaingon nga mao siya gayud si Cristo nga Hari.

³And Pilate asked him, saying, Art thou the King of the Jews? And he answered him and said, Thou sayest.

³Ug si Pilato nangutana kaniya nga nagaingon: Mao ba ikaw ang hari sa mga Judio? Ug siya mitubag kaniya ug miingon: Ginaingon mo.

⁴And Pilate said unto the chief priests and the multitudes, I find no fault in this man.

⁴Ug si Pilato miingon sa mga pangulong sacerdote ug sa mga panon sa katawohan: Wala akoy hingkaplagan nga kasal-anan niining tawohana.

⁵But they were the more urgent, saying, He stirreth up the people, teaching throughout all Judaea, and beginning from Galilee even unto this place.

⁵Apan sila misamut pa sa pag-ingon: Nagasugyot siya sa katawohan nga nagapanudlo sa tibook nga Judea, sukad sa Galilea bisan hangtud niining dapita.

⁶But when Pilate heard it, he asked whether the man were a Galilaean.

⁶Apan sa hingdunggan ni Pilato kini, nangutana siya kong ang tawo Galileanhon ba.

⁷And when he knew that he was of Herod's jurisdiction, he sent him unto Herod, who himself also was at Jerusalem in these days.

⁷Ug sa hingbaloan ni Pilato nga sa ginsakpan siya ni Herodes, iyang gipadala siya kang Herodes nga didto usab niadtong mga adlawa sa Jerusalem.

⁸Now when Herod saw Jesus, he was exceeding glad: for he was of a long time desirous to see him, because he had heard concerning him; and he hoped to see some miracle done by him.

⁸Karon, sa pagkakita ni Herodes kang Jesus, nalipay siya ug daku, kay dugay na nga siya buot motan-aw kaniya, tungod kay nakadungog siya ug daghang mga butang mahitungod kaniya; ug nagalaum siya nga makakita ug katingalahan nga pagabuhaton niya.

⁹And he questioned him in many words; but he answered him nothing.

⁹Ug iyang gipangutana siya sa daghang mga pulong, apan wala siya magtubag kaniya bisan unsa.

¹⁰And the chief priests and the scribes stood, vehemently accusing him.

¹⁰Ug ang mga pangulong sacerdote ug ang mga escriba mingtindog, nga nagasumbong kaniya sa hugot gayud.

¹¹And Herod with his soldiers set him at nought, and mocked him, and arraying him in gorgeous apparel sent him back to Pilate.

¹¹Ug si Herodes, uban sa iyang mga sundalo, nagtamay ug nagbiaybiay kaniya, ug gisul-oban siya ug usa ka bisti nga matahum, ug gipadala siya pagbalik kangPilato.

¹²And Herod and Pilate became friends with each other that very day: for before they were at enmity between themselves.

¹²Ug si Pilato ug si Herodes nangahimong mga higala niadtong adlawa, kay kaniadto mga kaaway sila.

¹³And Pilate called together the chief priests and the rulers and the people,

¹³Ug si Pilato, nagtigum sa mga pangulong sacerdote, ug sa mga punoan, ug sa katawohan.

¹⁴and said unto them, Ye brought unto me this man, as one that perverteth the people: and behold, I having examined him before you, found no fault in this man touching those things whereof ye accuse him:

¹⁴Ug miingon kanila: Gidala ninyo kanako kining tawohana ingon sa usa nga nagapasalaag sa katawohan, ug ania karon, ako, sa pagsusi kaniya sa inyong atubangan, walay hingkaplagan bisan unsa sa mga kasal-anan nga inyong gisumbong batok kaniya:

¹⁵no, nor yet Herod: for he sent him back unto us; and behold, nothing worthy of death hath been done by him.

¹⁵Wala, bisan pa si Herodes, kay iyang gipadala siya pagbalik kanato; ug ania karon wala siyay bisan unsang gibuhat nga angay sa kamatayon.

¹⁶I will therefore chastise him, and release him.

¹⁶Busa ako siyang pagahampakon, ug unya pagabuhian.

¹⁷[Now he must needs release unto them at the feast one prisoner.]

¹⁷(Kay kinahanglan man nga magbuhi siya ug usa ka binilanggo sa panahon sa fiesta.)

¹⁸But they cried out all together, saying, Away with this man, and release unto us Barabbas: --

¹⁸Apan sila nanagsinggit pagdungan sa pag-ingon: Papahawaa kining tawohana, ug buhii kanamo si Barrabas;

¹⁹one who for a certain insurrection made in the city, and for murder, was cast into prison.

¹⁹Usa, nga tungod sa usa ka kagubot nga nahimo sa ciudad, ug tungod sa pagpatay sa isigkatawo, gibutang sa bilanggoan.

²⁰And Pilate spake unto them again, desiring to release Jesus;

²⁰Ug si Pilato misulti pag-usab kanila nga buot niya buhian si Jesus.

²¹but they shouted, saying, Crucify, crucify him.

²¹Apan sila nanagsinggit nga nagaingon: Ilansang siya sa cruz, ilansang siya sa cruz.

²²And he said unto them the third time, Why, what evil hath this man done? I have found no cause of death in him: I will therefore chastise him and release him.

²²Ug siya miingon kanila sa ikatolo: Kay ngano, unsa ang kadautan nga nahimo niining tawohana? Wala akoy hingkaplagan kaniya nga bisan unsang hinungdan nga sa kamatayon. Tungod niini, ako siyang pagahampakon, ug unya pagabuhian siya.

²³But they were urgent with loud voices, asking that he might be crucified. And their voices prevailed.

²³Apan sila mingsamut sa pagsinggit nga nagapangayo nga ilansang siya sa cruz; ug midaug ang ilang mga tingog ug ang sa mga pangulong sacerdote.

²⁴And Pilate gave sentence that what they asked for should be done.

²⁴Ug si Pilato nagahukom nga ang ilang ginapangayo pagabuhaton.

²⁵And he released him that for insurrection and murder had been cast into prison, whom they asked for; but Jesus he delivered up to their will.

²⁵Ug iyang gibuhian kanila kadto nga tungod sa kagubot ug pagpatay sa isigkatawo gisulod sa bilanggoan, nga ilang gipangayo. Apan iyang gitugyan si Jesus sa kabubut-on nila.

²⁶And when they led him away, they laid hold upon one Simon of Cyrene, coming from the country, and laid on him the cross, to bear it after Jesus.

²⁶Ug sa nadala nila siya sa gawas, gidakup nila ang usa nga Simon nga taga-Sirene, nga gikan sa kapatagan, ug gipapas-an nila sa iyang cruz, aron pagadad-on niya sa ulahi ni Jesus.

²⁷And there followed him a great multitude of the people, and of women who bewailed and lamented him.

²⁷Ug misunod kaniya ang usa ka dakung panon sa katawohan, ug mga babaye nga nagpanghilak ug nanagminatay kaniya.

²⁸But Jesus turning unto them said, Daughters of Jerusalem, weep not for me, but weep for yourselves, and for your children.

²⁸Ug si Jesus sa milingi kanila, miingon: Mga anak sa Jerusalem, dili kamo managhilak tungod kanako, kondili managhilak kamo tungod sa inyong kaugalingon, ug tungod sa inyong mga anak.

²⁹For behold, the days are coming, in which they shall say, Blessed are the barren, and the wombs that never bare, and the breasts that never gave suck.

²⁹Kay ania karon, moabut ang mga adlaw nga manag-ingon sila: Mga bulahan ang mga apuli, ug ang mga tiyan nga wala manganak, ug ang mga suso nga wala makapasuso.

³⁰Then shall they begin to say to the mountains, Fall on us; and to the hills, Cover us.

³⁰Unya magasugod sila sa pag-ingon sa mga bukid: Pangatumpag kamo sa ibabaw namo; ug sa mga bungtod: Tabuni kami.

³¹For if they do these things in the green tree, what shall be done in the dry?

³¹Kay kong ginabuhat nila kini sa kahoy nga lunhaw, unsa ang pagabuhaton sa laya?

³²And there were also two others, malefactors, led with him to be put to death.

³²Ug didtoy lain usab nga duha, mga tulisan, nga gidala uban kaniya aron pagapatyon.

³³And when they came unto the place which is called The skull, there they crucified him, and the malefactors, one on the right hand and the other on the left.

³³Ug sa miabut sila sa dapit nga ginganlan Golgotha, didto ilang gilansang siya sa cruz, ug ang duha ka tulisan, ang usa sa too ug ang usa sa wala.

³⁴And Jesus said, Father, forgive them; for they know not what they do. And parting his garments among them, they cast lots.

³⁴Ug si Jesus miingon: Amahan, pasayloa sila, kay wala sila manghibalo sa ilang ginabuhat. Ug sa pagbahinbahin nila sa iyang bisti, ilang girifahan.

³⁵And the people stood beholding. And the rulers also scoffed at him, saying, He saved others; let him save himself, if this is the Christ of God, his chosen.

³⁵Ug ang katawohan nanagtindog nga nanagtan-aw. Ug ang mga punoan usab nagabiaybiay kaniya nga nagaingon: Siya nagluwas sa uban, papagluwasa siya sa iyang kaugalingon, kong kini mao si Cristo sa Dios, ang iyang pinili.

³⁶And the soldiers also mocked him, coming to him, offering him vinegar,

³⁶Ug ang mga sundalo nanagbiaybiay usab kaniya, nanagduol kaniya, nanaghatag kaniya ug suka,

³⁷and saying, If thou art the King of the Jews, save thyself.

³⁷Ug nanag-ingon: Kong ikaw mao ang Hari sa mga Judio, magluwas ka sa imong kaugalingon.

³⁸And there was also a superscription over him, THIS IS THE KING OF THE JEWS.

³⁸Ug may usa usab ka sinulat sa ibabaw niya (sa mga titik nga Greciahanon Linatin, ug Hebreohanon): KINI MAO ANG HARI SA MGA JUDIO.

³⁹And one of the malefactors that were hanged railed on him, saying, Art not thou the Christ? save thyself and us.

³⁹Ug usa sa mga tulisan nga nagabitay, nagapasipala kaniya nga nag-ingon: Dili ba ikaw mao si Cristo? magluwas ka sa imong kaugalingon ug kanamo.

⁴⁰But the other answered, and rebuking him said, Dost thou not even fear God, seeing thou art in the same condemnation?

⁴⁰Apan ang usa mitubag, ug sa nagabadlong kaniya miingon: Wala ka bay pagkahadlok sa Dios, bisan nga anaa na ikaw sa mao usab nga pagkahinukman sa silot?

⁴¹And we indeed justly; for we receive the due reward of our deeds: but this man hath done nothing amiss.

⁴¹Ug kanato, sa pagkamatuod, matarung gayud kini, kay nagadawat kita sa angay sa along mga buhat; apan kining tawohana walay gibuhat bisan unsa nga kadautan.

⁴²And he said, Jesus, remember me when thou comest in thy kingdom.

⁴²Ug siya miingon: Jesus, hinumdumi ako kong ikaw moadto na sa imong gingharian.

⁴³And he said unto him, Verily I say unto thee, To-day shalt thou be with me in Paradise.

⁴³Ug si Jesus miingon kaniya: Sa pagkamatuod nagaingon ako kanimo: Karon magauban ka kanako sa Paraiso.

⁴⁴And it was now about the sixth hour, and a darkness came over the whole land until the ninth hour,

⁴⁴Ug karon sa haduol na ang ikaunom ka takna, miabut ang kangitngit sa ibabaw sa tibook nga yuta hangtud sa ikasiyam ka takna.

⁴⁵the sun's light failing: and the veil of the temple was rent in the midst.

⁴⁵Ug mingitngit ang adlaw, ug ang tabil sa templo nagisi sa taliwala.

⁴⁶And Jesus, crying with a loud voice, said, Father, into thy hands I commend my spirit: and having said this, he gave up the ghost.

⁴⁶Ug si Jesus, sa misinggit sa makusog nga tingog, miingon: Amahan, sa imong mga kamot itugyan ko ang akong espiritu. Ug sa nakapamulong siya niini, iyang gitugyan ang espiritu.

⁴⁷And when the centurion saw what was done, he glorified God, saying, Certainly this was a righteous man.

⁴⁷Ug sa hingkit-an sa centurion ang nahitabo, nagahimaya siya sa Dios nga nagaingon: Tinuod gayud nga kini maoy matarung tawo.

⁴⁸And all the multitudes that came together to this sight, when they beheld the things that were done, returned smiting their breasts.

⁴⁸Ug ang tanang mga panon sa katawohan nga midugok niini nga talan-awon, sa nakita nila ang mga butang nga nanghitabo, namauli nga nanagpanampok sa ilang mga dughan.

⁴⁹And all his acquaintance, and the women that followed with him from Galilee, stood afar off, seeing these things.

⁴⁹Ug ang tanang mga kaila niya, ug ang mga babaye nga nanagsunod kaniya gikan sa Galilea, nanagtindog sa halayo nga nagalantaw niining mga butanga.

⁵⁰And behold, a man named Joseph, who was a councillor, a good and righteous man

⁵⁰Ug ania karon, usa ka lalake nga ginganlan si Jose, nga usa ka concejal, usa ka maayo ug matarung tawo,

⁵¹(he had not consented to their counsel and deed), [a man] of Arimathaea, a city of the Jews, who was looking for the kingdom of God:

⁵¹(Wala siya mouyon sa ilang gikasabutan ug gibuhat), tawo nga taga-Arimatea, usa ka ciudad sa mga Judio, kini siya nagapaabut sa gingharian sa Dios;

⁵²this man went to Pilate, and asked for the body of Jesus.

⁵²Kining tawohana miadto kang Pilato ug nangayo sa lawas ni Jesus.

⁵³And he took it down, and wrapped it in a linen cloth, and laid him in a tomb that was hewn in stone, where never man had yet lain.

⁵³Ug gihugos kini niya, ug iyang giputos sa usa ka lino nga panapton, ug gipahaluna niya sa usa ka lubnganan nga linukab sa usa ka batong bantilis nga wala pay bisan kinsa nga gikalubong.

⁵⁴And it was the day of the Preparation, and the sabbath drew on.

⁵⁴Ug mao kadto ang adlaw sa Pangandam, ug nagakahaduol na ang adlaw nga igpapahulay.

⁵⁵And the women, who had come with him out of Galilee, followed after, and beheld the tomb, and how his body was laid.

⁵⁵Ug ang mga babaye nga nanagpanguyog kaniya gikan sa Galilea, nanagsunod, ug nagpakakita sa lubnganan, ug kong giunsa ang pagbutang sa iyang lawas.

⁵⁶And they returned, and prepared spices and ointments. And on the sabbath they rested according to the commandment.

⁵⁶Ug namauli sila, ug nanagtagana ug mga pahumot ug mga unguento. Ug sa adlaw nga igpapahulay, namahulay sila sumala sa sugo.