¹Boast not thyself of tomorrow; For thou knowest not what a day may bring forth.

¹¶ Kei whakamanamana koe ki te ra apopo; kahore hoki koe e mohio ko te aha e puta mai i roto i te ra.

²Let another man praise thee, and not thine own mouth; A stranger, and not thine own lips.

²¶ Ma tetahi atu tangata te whakamoemiti mou, kaua ma tou mangai ake; ma te tangata ke, kaua ma ou ngutu ake.

³A stone is heavy, and the sand weighty; But a fool's vexation is heavier than they both.

³¶ He taimaha te kohatu, he taimaha ano te kirikiri; he taimaha atu ia i a raua tahi te pukuriri o te wairangi.

⁴Wrath is cruel, and anger is overwhelming; But who is able to stand before jealousy?

⁴He mea nanakia te riri, he rutaki te aritarita; ko wai ia e tu i mua i te hae?

⁵Better is open rebuke Than love that is hidden.

⁵¶ He pai ke te riri matanui i te aroha huna.

⁶Faithful are the wounds of a friend; But the kisses of an enemy are profuse.

⁶Ko nga patu a te hoa aroha he mea na te pono: ko nga kihi ia a te hoariri auau rawa.

⁷The full soul loatheth a honeycomb; But to the hungry soul every bitter thing is sweet.

⁷¶ E ngaruru ana te wairua makona ki te honikoma: engari ki te wairua hiakai, reka kau nga mea kawa katoa.

⁸As a bird that wandereth from her nest, So is a man that wandereth from his place.

⁸¶ Rite tonu ki te manu e atiutiu noa atu ana i tona kohanga te tangata e atiutiu noa atu ana i tona wahi.

⁹Oil and perfume rejoice the heart; So doth the sweetness of a man's friend [that cometh] of hearty counsel.

⁹¶ He whakahari ngakau te hinu me te whakakakara; he pera ano nga ahuareka o to te tangata hoa aroha i ahu mai i nga tikanga mateoha i whakatakotoria e tona ngakau.

¹⁰Thine own friend, and thy father's friend, forsake not; And go not to thy brother's house in the day of thy calamity: Better is a neighbor that is near than a brother far off.

¹⁰Ko tou hoa aroha ake, a ko te hoa hoki o tou papa, kaua e whakarerea; kaua hoki e haere ki te whare o tou tuakana i te ra e mate ai koe: he pai ke hoki te hoa e tata ana i te tuakana i tawhiti.

¹¹My son, be wise, and make my heart glad, That I may answer him that reproacheth me.

¹¹¶ E taku tama, kia whakaaro nui, kia koa ai toku ngakau, kia whakahoki kupu ai hoki ahau ki te hunga e tawai ana ki ahau.

¹²A prudent man seeth the evil, [and] hideth himself; [But] the simple pass on, [and] suffer for it.

¹²¶ E kite atu ana te tangata tupato i te he, a ka huna i a ia: tena ko te kuware, haere tonu atu, mamae tonu atu.

¹³Take his garment that is surety for a stranger; And hold him in pledge [that is surety] for a foreign woman.

¹³¶ Tangohia te kakahu o te kaiwhakakapi mo te tangata ke; tona taunaha ano hoki mo ta te wahine ke.

¹⁴He that blesseth his friend with a loud voice, rising early in the morning, It shall be counted a curse to him.

¹⁴¶ Ko te tangata e maranga ana i te atatu, he nui hoki tona reo ki te manaaki i tona hoa ka kiia tana he kanga.

¹⁵A continual dropping in a very rainy day And a contentious woman are alike:

¹⁵¶ He maturuturu e puputu tonu ana i te ra nui te ua, he wahine ngangare, rite tonu raua:

¹⁶He that would restrain her restraineth the wind; And his right hand encountereth oil.

¹⁶Ko te tangata e mea ana ki te pehi i a ia, e mea ana ki te pehi i te hau, a ka tutaki tona ringa matau ki te hinu.

¹⁷Iron sharpeneth iron; So a man sharpeneth the countenance of his friend.

¹⁷¶ Ko te rino hei whakakoi mo te rino; waihoki ko te tangata ano hei whakakoi i te mata o tona hoa.

¹⁸Whoso keepeth the fig-tree shall eat the fruit thereof; And he that regardeth his master shall be honored.

¹⁸¶ Ko te kaitiaki o te piki, ka kai i ona hua: ka whakahonoretia te tangata e whakaaro ana ki tona rangatira.

¹⁹As in water face [answereth] to face, So the heart of man to man.

¹⁹¶ He pera i te wai, tiro atu, tiro mai he kanohi, ka pena ano to te tangata ngakau ki te tangata.

²⁰Sheol and Abaddon are never satisfied; And the eyes of man are never satisfied.

²⁰¶ Ko te reinga, ko te whakangaromanga, e kore e makona; e kore ano hoki e makona nga kanohi o te tangata.

²¹The refining pot is for silver, and the furnace for gold; And a man is [tried] by his praise.

²¹¶ Ko te oko tahu para mo te hiriwa, ko te oumu mo te koura; a, ko te whakanui i a ia, hei whakamatautau mo te tangata.

²²Though thou shouldest bray a fool in a mortar with a pestle along with bruised grain, Yet will not his foolishness depart from him.

²²¶ Ahakoa i tukua e koe te wairangi ki te tuki i roto i te kumete i waenga i nga witi pepe, e kore tona whakaarokore e riro.

²³Be thou diligent to know the state of thy flocks, [And] look well to thy herds:

²³¶ Kia anga nui koa kia mohio ki te ahua o au hipi, a kia pai te tiaki i au kahui kau:

²⁴For riches are not for ever: And doth the crown endure unto all generations?

²⁴E kore hoki te taonga e mau tonu; e mau ianei te karauna ki nga whakatupuranga katoa?

²⁵The hay is carried, and the tender grass showeth itself, And the herbs of the mountains are gathered in.

²⁵Kua whaiti te hei, e kitea ana te tupu hou, a e kohikohia ana nga otaota o nga maunga.

²⁶The lambs are for thy clothing, And the goats are the price of the field;

²⁶Hei mea kakahu mou nga reme, a koe nga koati hei utu mo te mara.

²⁷And [there will be] goats' milk enough for thy food, for the food of thy household, And maintenance for thy maidens.

²⁷A tera te waiu koati, he nui noa atu hei kai mau, hei kai hoki ma tou whare, hei oranga ano hoki mo au kotiro.