¹And after these things Jesus walked in Galilee: for he would not walk in Judaea, because the Jews sought to kill him.

¹Huai khitin Jesu Galili gamah a vak a; Judaten amah hihlup a tup jiakun Judia gam a pha nuam kei hi.

²Now the feast of the Jews, the feast of tabernacles, was at hand.

²Huan, Judate Biakbukte Ankuangluina a naita a. Huchiin, a unauten a kiangah,

³His brethren therefore said unto him, Depart hence, and go into Judaea, that thy disciples also may behold thy works which thou doest.

³Hiai akipanin Judia gamah vahoh in, na nungjuiten na thil hih a muh theihna ding un.

⁴For no man doeth anything in secret, and himself seeketh to be known openly. If thou doest these things, manifest thyself to the world.

⁴Kuamahin agukin thil bangmah a hih kei uh, amah min than ut ngalin. Hiai thilte khawng na hih tak ngal leh khovel kiangah kimusak in, a chi ua.

⁵For even his brethren did not believe on him.

⁵A unauten nangawnin leng amah a gingta ngal kei ua.

⁶Jesus therefore saith unto them, My time is not yet come; but your time is always ready.

⁶Huan, Jesun a kianguah, Ka hun a tung nai kei; nou hun jaw chikpeuhin a tung gige ahi.

⁷The world cannot hate you; but me it hateth, because I testify of it, that its works are evil.

⁷Khovelin nou hon ho theikei hi, kei jaw honho nak uhi, a thilhihte uh a gilou chih ka hilh chet nak jiakin.

⁸Go ye up unto the feast: I go not up unto this feast; because my time is not yet fulfilled.

⁸Nou ankuangluina ah vahohtou unla, kei jaw tu ankuangluina ah ka hohtou tadih kei ding, ka hun a tun nai louh jiakin, a chi a.

⁹And having said these things unto them, he abode [still] in Galilee.

⁹Huan, huai tuh a kianguah a gen a. Galili gamah a om nilouh a.

¹⁰But when his brethren were gone up unto the feast, then went he also up, not publicly, but as it were in secret.

¹⁰Himahleh, a unaute ankuangluinaa a hoh touh nung un, amah leng vantang theih louhin, a guk bangin a hoh tou sam a.

¹¹The Jews therefore sought him at the feast, and said, Where is he?

¹¹Huan, Judaten ankuangluina ah amah a zong ua, Kaw om ahia? a chi ua.

¹²And there was much murmuring among the multitudes concerning him: some said, He is a good man; others said, Not so, but he leadeth the multitude astray.

¹²Huan, a tungah mipte laka mi a phunsim supsup ua, a khenin, Mi hoih ahi, a chi ua; khenkhatin, Hi dek kei e, mipi a pimang ahi, a chi ua.

¹³Yet no man spake openly of him for fear of the Jews.

¹³Himahleh, Judate a kihtak jiakun kuamahin a tungtang thu a gen lang kei uh.

¹⁴But when it was now the midst of the feast Jesus went up into the temple, and taught.

¹⁴Huan, ankuanglui san lai takin, Jesu Pathian biakin ah a hoh tou a, thu a hilha.

¹⁵The Jews therefore marvelled, saying, How knoweth this man letters, having never learned?

¹⁵Huan, Judaten, Hiai min zil ngeilou pia bang achia lai siam ahia? a chi ua, lamdang a sa mahmah uh.

¹⁶Jesus therefore answered them and said, My teaching is not mine, but his that sent me.

¹⁶Huan, Jesun amau a dawng a, Ka thu hilh jaw keia ahi kei, honsawlpaa ahi jaw;

¹⁷If any man willeth to do his will, he shall know of the teaching, whether it is of God, or [whether] I speak from myself.

¹⁷kuapeuh amah deihlam hihutin, thu hilh tuh Pathian akipan hia, keimah phuahtawma ka gen, a thei ding.

¹⁸He that speaketh from himself seeketh his own glory: but he that seeketh the glory of him that sent him, the same is true, and no unrighteousness is in him.

¹⁸Kuapeuh amah phuahtawm thu gen jaw, amah hoihna zong ahi; a sawlpa hoihna zong tuh, huai mi tuh mi tak ngial ahi, amah ah dik louhna himhim a om kei hi.

¹⁹Did not Moses give you the law, and [yet] none of you doeth the law? Why seek ye to kill me?

¹⁹Mosiin dan na kiang uah honpe ka hia? Himahleh, na lak uah kuamahin Dan na jui kei uh. Nou bang achia honhihlup tum? a chi a.

²⁰The multitude answered, Thou hast a demon: who seeketh to kill thee?

²⁰Huan, mipin, Dawi jawl neive; kuan ahia honhihlup tum? a chi ua, a dawng ua.

²¹Jesus answered and said unto them, I did one work, and ye all marvel because thereof.

²¹Huan, Jesun a dawng, a kiang uah. Thil khat ka hih nou tengtengin lamdang na sa uh.

²²Moses hath given you circumcision (not that it is of Moses, but of the fathers); and on the sabbath ye circumcise a man.

²²Hiai jiakin ahi, Mosiin zeksum thu nou a honpiaka. (Mosi akipan ahi ngal keia, pipute akipan ahi zo ngala), Khawlnin leng mi zek na sum jel uhi.

²³If a man receiveth circumcision on the sabbath, that the law of Moses may not be broken; are ye wroth with me, because I made a man every whit whole on the sabbath?

²³Mosi Dana tatlek louhna dinga Khawlnia leng pasalin a zek a sum sak ngal a leh, ken Khawlnia mi ka hihdam vek jiakin ka tungah na heh tuam umaw?

²⁴Judge not according to appearance, but judge righteous judgment.

²⁴A lat bangin ngaihtuah kei unla, diktat takin ngaihtuah jaw un, a chi a.

²⁵Some therefore of them of Jerusalem said, Is not this he whom they seek to kill?

²⁵Huan, Jerusalem khuaa mi khen khatin, Hiai mi hihlup a tuppa uh hi lou hia?

²⁶And lo, he speaketh openly, and they say nothing unto him. Can it be that the rulers indeed know that this is the Christ?

²⁶En dih uh, hiaiah a langtangin thu a gen a, a kiangah lah bangmah a gen kei ua. Amah Kris ahi chih vaihawmten a thei taktakta ua eita maw?

²⁷Howbeit we know this man whence he is: but when the Christ cometh, no one knoweth whence he is.

²⁷Hiai mi a hongkipatna lam nangawnin I thei ngala. Kris bel a hongtun hun chiah a hongkipatna lam kuamahin a theikei ding uhi, a chi ua.

²⁸Jesus therefore cried in the temple, teaching and saying, Ye both know me, and know whence I am; and I am not come of myself, but he that sent me is true, whom ye know not.

²⁸Huaijiakin Jesun Pathian biakina thu a hilh kawmin a kikou a, Nou non thei ua, ka hongkipatna lam leng na thei uh. Himahleh keimah thu a hongpai ka hi kei, amah kei honsawlpa tuh midik ahi, amah lah na thei ngal kei ua.

²⁹I know him; because I am from him, and he sent me.

²⁹Ken tuh amah ka thei hi; amaha kipana hongpawt ka hia, aman lah honsawl ahi ngala, a chi a.

³⁰They sought therefore to take him: and no man laid his hand on him, because his hour was not yet come.

³⁰Huchiin, amah tuh mat a tumta ua, himahleh a hun a tun nai louh jiakin kuamahin a khoih kei uhi.

³¹But of the multitude many believed on him; and they said, When the Christ shall come, will he do more signs than those which this man hath done?

³¹Mipi a khen tampiten bel amah a gingta ua, Kris a hongtun hun chiangin, hiai mi hih sanga tam jaw thillamdang a honhih dia hia? a chi uh.

³²The Pharisees heard the multitude murmuring these things concerning him; and the chief priests and the Pharisees sent officers to take him.

³²Huan, Pharisaiten a tunga mipi phunna thute a ja ua; huchiin, siampu liante leh Pharisaiten amah man dingin heutute a sawlta uh.

³³Jesus therefore said, Yet a little while am I with you, and I go unto him that sent me.

³³Huan, Jesun, Sawt lou kal na kiang uah ka om phot dia, honsawlpa kiangah ka pai ding;

³⁴Ye shall seek me, and shall not find me: and where I am, ye cannot come.

³⁴nou non zong ding ua, non mu kei ding uh; ka ommna ah leng na hong theikei ding uh, a chi a.

³⁵The Jews therefore said among themselves, Whither will this man go that we shall not find him? will he go unto the Dispersion among the Greeks, and teach the Greeks?

³⁵Huan, Judate a kihou ua, I muh louh dingin hiai mi kaw hoh dek a ding? Grikte laka Pemdalhte kianga hohin Grikte thu vahilh ding a diam aw?

³⁶What is this word that he said, Ye shall seek me, and shall not find me; and where I am, ye cannot come?

³⁶Nou non zong ding ua, non mu kei ding uh, ka omna ah leng na hong theikei ding uh, a chih, bang a chihna a de aw? a chi ua.

³⁷Now on the last day, the great [day] of the feast, Jesus stood and cried, saying, If any man thirst, let him come unto me and drink.

³⁷Huan, ankuanglui ni nanungpen, ni thupiniin, Jesu a dinga, a kikou a, Kuapeuh a dangtak leh ka kiangah hong henla, dawn hen.

³⁸He that believeth on me, as the scripture hath said, from within him shall flow rivers of living water.

³⁸Kuapeuh kei hon gingta tuh laisiangthou genbangin tui hing luite a sungah a hongluang khe ding, a chi a.

³⁹But this spake he of the Spirit, which they that believed on him were to receive: for the Spirit was not yet [given]; because Jesus was not yet glorified.

³⁹Hiai thu tuh a gingtaten Kha a tan ding thu uh a genna ahi; Khalah piak ahi nai tadih keia, Jesu lah pahtawia a om nai louh jiakin.

⁴⁰[Some] of the multitude therefore, when they heard these words, said, This is of a truth the prophet.

⁴⁰Huchiin, mipi laka khenkhatin huai thu a jak un, Hiai jaw jawlnei hi petmah e, a chi ua.

⁴¹Others said, This is the Christ. But some said, What, doth the Christ come out of Galilee?

⁴¹Khenkhatin, Hiai jaw Kris ahi, a chi ua. Khenkhatin bel, Bangdin Kris Galili gamah a hongpawt tel dia?

⁴²Hath not the scripture said that the Christ cometh of the seed of David, and from Bethlehem, the village where David was?

⁴²Kris jaw David suante lakah, David omna khua Bethlehem ah a pawt ding ahi chih laisiangthouin a gen ka hia? a chi ua.

⁴³So there arose a division in the multitude because of him.

⁴³Huchiin amah jiakin mipi a kikhen ua, a kilangta uh.

⁴⁴And some of them would have taken him; but no man laid hands on him.

⁴⁴Khenkhatin mat a ut ua, himahleh kuamahin a khoih tuankei uhi.

⁴⁵The officers therefore came to the chief priests and Pharisees; and they said unto them, Why did ye not bring him?

⁴⁵Huan, heutute, siampu liante leh Pharisaite kiangah a hongpai nawn ua; huan, amau a kiang uah,

⁴⁶The officers answered, Never man so spake.

⁴⁶Bang achia honpi lou? a chi ua. Heututen, Huai mi bang himhimin kuamahin thu a gen ngei kei hi, a chi ua, a dawng uhi.

⁴⁷The Pharisees therefore answered them, Are ye also led astray?

⁴⁷Huan, Pharisaiten a kiang uah, Nou leng pimangin na om samta ua hia?

⁴⁸Hath any of the rulers believed on him, or of the Pharisees?

⁴⁸Vaihawmte leh Pharisaite laka mi himhim amah gingta a omta ahia?

⁴⁹But this multitude that knoweth not the law are accursed.

⁴⁹Huai dan theilou mipite soplai, hamse thuak eive ua, a chi ua, a dawng uhi.

⁵⁰Nicodemus saith unto them (he that came to him before, being one of them),

⁵⁰Nikodem, tumaa Jesu kianga hong, a lak ua pangsam ahi a, aman tuh a kiang uah,

⁵¹Doth our law judge a man, except it first hear from himself and know what he doeth?

⁵¹Amah kam ngei a thu jak leh a thilhih theih main i dan un mi siamlouh a tangsak ngei ahia? a chi a.

⁵²They answered and said unto him, Art thou also of Galilee? Search, and see that out of Galilee ariseth no prophet.

⁵²Amau tuh a kiangah, Nang leng huai Galili mi na hi sam maw? Zong lechin, Galili gamah jawlnei kuamah pawt ding a om kei uh chih thei tanla, a chi ua, a dawng ua.Huan, mi chih amau in chiat ah a paita uh.

⁵³And they went every man unto his own house:

⁵³Huan, mi chih amau in chiat ah a paita uh.