¹And the whole company of them rose up, and brought him before Pilate.

¹Huan, mipi khempeuh a ding ua, Jesu Pilat kiangah a pita ua.

²And they began to accuse him, saying, We found this man perverting our nation, and forbidding to give tribute to Caesar, and saying that he himself is Christ a king.

²Huan, Hiai miin ka chite uh a pimanga, Kaisar kiangah siah liau a kham, Kris, Kumpipa, a kichih, ka ja uh, chiin, a hekta ua.

³And Pilate asked him, saying, Art thou the King of the Jews? And he answered him and said, Thou sayest.

³Huan, Pilatin, a kiangah, Judate kumpipa na hi hia? chiin, a donga. Hi e, chiin, a dawng a.

⁴And Pilate said unto the chief priests and the multitudes, I find no fault in this man.

⁴Huan, Pilatin siampu liante leh mipite kiangah, Hiai mi tungah bangmah khelhna ka mu kei, a chi a.

⁵But they were the more urgent, saying, He stirreth up the people, teaching throughout all Judaea, and beginning from Galilee even unto this place.

⁵Himahleh, amau, Galili gamah a pana, hiai mun phain, Judia gam kho tengah thuhilhin, mi tengteng a toknok gige ahi, chiin, a pang semsem ua.

⁶But when Pilate heard it, he asked whether the man were a Galilaean.

⁶Huan, Pilatin huai a jakin, huai mi tuh Galili gama mi a hih leh hih louh a donga.

⁷And when he knew that he was of Herod's jurisdiction, he sent him unto Herod, who himself also was at Jerusalem in these days.

⁷Huchiin, Herod uka mi ahi chih a theih takin Herod kiangah a sawlta a; huai laiin amah leng Jerusalem khua ah a om a.

⁸Now when Herod saw Jesus, he was exceeding glad: for he was of a long time desirous to see him, because he had heard concerning him; and he hoped to see some miracle done by him.

⁸Herodin Jesu a muhin a kipak mahmah a; a tanchin a jak jiakin, tumasiah a pat muh a ut him ahi a, a thillamdang hih banghiam bek muh leng a lamen ahi.

⁹And he questioned him in many words; but he answered him nothing.

⁹Huan thu tampi a donga; himahleh bangmahin a dawng tuan kei hi.

¹⁰And the chief priests and the scribes stood, vehemently accusing him.

¹⁰Huan, siampu liante leh laigelhmiten dingin nakpi takin a hek ua.

¹¹And Herod with his soldiers set him at nought, and mocked him, and arraying him in gorgeous apparel sent him back to Pilate.

¹¹Huan, Herod leh a sepaihten Jesu a simmoh ua, nuihza bawlnan a zang uh, huan, puan thupi tak silh sakin Pilat kiangah a sawl nawnta hi.

¹²And Herod and Pilate became friends with each other that very day: for before they were at enmity between themselves.

¹²Huan, huai ni takin Herod leh Pilat a kihouthei ta uh; huai masiah jaw kihouthei lou hi ua.

¹³And Pilate called together the chief priests and the rulers and the people,

¹³Huan, Pilatin siampu liante, heutute, mi tengteng a sam khawm a, a kiang uah,

¹⁴and said unto them, Ye brought unto me this man, as one that perverteth the people: and behold, I having examined him before you, found no fault in this man touching those things whereof ye accuse him:

¹⁴Mite a pimang, chiin, hiai mi ka kiangah na honpi uh ahi a; huan, ngai un, na ma ua ka etchet nungin na hekna thu uah hiai mi tungah bangmah khelhna ka mu kei ahi;

¹⁵no, nor yet Herod: for he sent him back unto us; and behold, nothing worthy of death hath been done by him.

¹⁵Herodin leng a mu sam kei; i kiang uah a honsawl nawnta ahi; ngai un, sihna khop hial bangmah a hih kei hi.

¹⁶I will therefore chastise him, and release him.

¹⁶Huchiin ka vo dinga, ka pawt sak mai ding, a chi a.

¹⁷[Now he must needs release unto them at the feast one prisoner.]

¹⁷(Ankuanglui nia mikhat amau laka a pawt sak teitei ding ahi ngala. )

¹⁸But they cried out all together, saying, Away with this man, and release unto us Barabbas: --

¹⁸Himahleh, kituaktakin a kikou ua, Hiai mi hihmangthang inla, Barabba pen honpawt sak jawin, a chi ua.

¹⁹one who for a certain insurrection made in the city, and for murder, was cast into prison.

¹⁹Huai mi tuh khopia helna bang ahi hiam jiak leh, tual a thah jiaka suangkulha tang ahi.

²⁰And Pilate spake unto them again, desiring to release Jesus;

²⁰Pilatin bel, Jesu khah a uta, a kiang uah thu a gen nawna.

²¹but they shouted, saying, Crucify, crucify him.

²¹Himahleh, a kikou ua, Kros ah kilhden in, kros ah kilhden in, a chi ua.

²²And he said unto them the third time, Why, what evil hath this man done? I have found no cause of death in him: I will therefore chastise him and release him.

²²Huan, aman, a thum veina ah a kiang uah, Bang dingin maw? hiai min bang ahia ahihkhelh? sihna khop hial a tungah bangmah ka mu kei; huchiin ka vo dinga, ka khah mai ding, a chi a.

²³But they were urgent with loud voices, asking that he might be crucified. And their voices prevailed.

²³Amau bel aw ngaihtakin kros a kilhden dingin a ngen teitei uh. Huan, a aw un a vau daita hi.

²⁴And Pilate gave sentence that what they asked for should be done.

²⁴Huan, Pilatin a nget bang ua hih dingin thu a hihpukta a.

²⁵And he released him that for insurrection and murder had been cast into prison, whom they asked for; but Jesus he delivered up to their will.

²⁵Helna leh tualthah jiaka suangkulha tang a nget uh a khaha; Jesu bel a ut ut ua lohdingin a peta hi.

²⁶And when they led him away, they laid hold upon one Simon of Cyrene, coming from the country, and laid on him the cross, to bear it after Jesus.

²⁶Huan, a pi mang lai un, Simon Kurini khua a mi, gam lam a kipana hong a man ua, Jesu nunglama po dingin a tungah kros tuh a nga ta uhi.

²⁷And there followed him a great multitude of the people, and of women who bewailed and lamented him.

²⁷Huan, mi nazong leh numei amah kaha mau jeljul, mipi tampitakin a jui ua.

²⁸But Jesus turning unto them said, Daughters of Jerusalem, weep not for me, but weep for yourselves, and for your children.

²⁸Jesu bel amau lam a nga a, Jerusalem tanute aw, honkah kei un, noumau leh na tate uh dingin kap jaw un.

²⁹For behold, the days are coming, in which they shall say, Blessed are the barren, and the wombs that never bare, and the breasts that never gave suck.

²⁹Ngai un, a ni a hongtung dinga, huai niin, numei chingte, naupai ngei louhna gilte, naunek ngei louh nawite a hampha uh, a honchi ding uh.

³⁰Then shall they begin to say to the mountains, Fall on us; and to the hills, Cover us.

³⁰Huai hun chiangin, miten, tangte kiangah, Hondelh un, a chi ding uh, mualte kiangah, Honkhuh un, a chi ding uhi.

³¹For if they do these things in the green tree, what shall be done in the dry?

³¹Sing a hinlaia bawn hichi banga a hih u leh; a keu chiangin bang a kilohta phet dia? a chi a.

³²And there were also two others, malefactors, led with him to be put to death.

³²Huan, a kiangah mi dang nih, mi gilou, hihlup dingin a pi sam ua.

³³And when they came unto the place which is called The skull, there they crucified him, and the malefactors, one on the right hand and the other on the left.

³³Huan, Lu Guh, a chih mun uh a tun un, huaiah kros ah a kilhden ua, mi giloute toh, a taklam ah khat, a vei lam ah khat.

³⁴And Jesus said, Father, forgive them; for they know not what they do. And parting his garments among them, they cast lots.

³⁴Huan, Jesun, Pa, amau ngaidam in; a thil hih uh a theikei ua hi, a chi a. Huan a puansilhte kihawmin, ai a san uh.

³⁵And the people stood beholding. And the rulers also scoffed at him, saying, He saved others; let him save himself, if this is the Christ of God, his chosen.

³⁵Huan, vantang honin dingin a en ua. Huchiin vaihawmmiten bel Midang bawn a hihdam jel aka; Pathian tel kris tuh a hih taktak leh amah leng kihihdam leh ake, chiin, a enghou ua.

³⁶And the soldiers also mocked him, coming to him, offering him vinegar,

³⁶Huan, sepaihten leng amah nuihza bawlnan a nei ua, a kiangah a hong ua, zu thuk a pia ua,

³⁷and saying, If thou art the King of the Jews, save thyself.

³⁷Judate kumpipa na hih taktak leh, kihihdam in, a chi ua.

³⁸And there was also a superscription over him, THIS IS THE KING OF THE JEWS.

³⁸Huan, a tung lamah, HIAI MI JUDATE KUMPIPA A HI, chiin, lai a kisuang hi.

³⁹And one of the malefactors that were hanged railed on him, saying, Art not thou the Christ? save thyself and us.

³⁹Huan, a mi gilou kilh khat un Jesu a taia, Kris na hi ka hia? kihihdam inla, kou leng honhihdam tanla, a chi a.

⁴⁰But the other answered, and rebuking him said, Dost thou not even fear God, seeing thou art in the same condemnation?

⁴⁰Himahleh, khatpan tuh dawn kawmin, a taihilh a, Pathian na ngawn leng na kihta ka hia? kibang sapa hongawt uh.

⁴¹And we indeed justly; for we receive the due reward of our deeds: but this man hath done nothing amiss.

⁴¹Ei jaw gawttuak him i hi; i thil hih man lel mu i hi a; hiai miin bel bangmah a hihkhial ngal keia, a chi a.

⁴²And he said, Jesus, remember me when thou comest in thy kingdom.

⁴²Huan, aman, Jesu, thuneihna toh Kumpipa-a na hongpai chiangin hontheigige in, a chi a.

⁴³And he said unto him, Verily I say unto thee, To-day shalt thou be with me in Paradise.

⁴³Huan, aman, a kiangah, Chihtaktakin ka honhilh ahi, Tuniin ka kiangah Paradis ah na om sam ding, achia.

⁴⁴And it was now about the sixth hour, and a darkness came over the whole land until the ninth hour,

⁴⁴Huan, dak gukna ding khawng ahi a, huai nungsiah dak kuana hun tanin gam pumpi a hongmial vekta a, ni vak a beita hi;

⁴⁵the sun's light failing: and the veil of the temple was rent in the midst.

⁴⁵huan, Pathian biakin puanjak a lai ah a hong kekta hi.

⁴⁶And Jesus, crying with a loud voice, said, Father, into thy hands I commend my spirit: and having said this, he gave up the ghost.

⁴⁶Huan, Jesu aw ngaihtakin a kikou a, Pa, na khutah ka kha ka honkem sak hi a chi a. Huan, huai a chih khitin a kha a khahta hi.

⁴⁷And when the centurion saw what was done, he glorified God, saying, Certainly this was a righteous man.

⁴⁷Huan, sepaih zaheupan thil omdan a muh in, Hiai mi pel louin mi dik ahi ngeingei, chiin, Pathian a phatta.

⁴⁸And all the multitudes that came together to this sight, when they beheld the things that were done, returned smiting their breasts.

⁴⁸Huan, huai etnop tuh en dinga mipi hongkikhawm tengteng ten thil omdante a muh un a awm uh tumtumin a kik nawnta uhi.

⁴⁹And all his acquaintance, and the women that followed with him from Galilee, stood afar off, seeing these things.

⁴⁹Huan, amel theihte tengteng leh, numei Galili gama kipana honjuite, huai thilte enin gamla takah a ding uh.

⁵⁰And behold, a man named Joseph, who was a councillor, a good and righteous man

⁵⁰Huan, ngai un, mi khat amin Joseph, vaihawmmi, mi hoih tak, diktak, Judate khua khat Arimathai a kipan a oma,

⁵¹(he had not consented to their counsel and deed), [a man] of Arimathaea, a city of the Jews, who was looking for the kingdom of God:

⁵¹A vaihawm uah leh a thil hih uah leng a kiawi kei him a. Pathian gam a lamen gige a.

⁵²this man went to Pilate, and asked for the body of Jesus.

⁵²Huai mi tuh Pilat kiangah a hoha, Jesu luang a ngen a.

⁵³And he took it down, and wrapped it in a linen cloth, and laid him in a tomb that was hewn in stone, where never man had yet lain.

⁵³Huan a la khia a, puan mal ngatin a tuama, han, suang khuakkuak, kuamah sial ngei nai louhna ah, a siala.

⁵⁴And it was the day of the Preparation, and the sabbath drew on.

⁵⁴Huan, huai ni tuh kiginni ahi a, Khawlni a honghi sinsinta hi.

⁵⁵And the women, who had come with him out of Galilee, followed after, and beheld the tomb, and how his body was laid.

⁵⁵Huan, numei, Galili gam akipana a kianga hongten a jui jel ua, han leh a luang sialdan a mu uh hi.Huan, a pai nawn ua, banghiam gim namtui khawng leh thau namtui khawng a bawl uhi.

⁵⁶And they returned, and prepared spices and ointments. And on the sabbath they rested according to the commandment.

⁵⁶Huan, a pai nawn ua, banghiam gim namtui khawng leh thau namtui khawng a bawl uhi.