¹Faithful is the saying, If a man seeketh the office of a bishop, he desireth a good work.

¹Kacha vorba chachila: te mangela vari kon te avel manush kai del duma pa Del ande khangeri, kado manush mangel iek lashi diela.

²The bishop therefore must be without reproach, the husband of one wife, temperate, sober-minded, orderly, given to hospitality, apt to teach;

²Iek manush kai del duma pa Del ande khangeri trobul te na avel chi iek dosh pe leste. Trobul te avel ferdi iek rhomni pala leste, trobul te arakhel pe, trobul te avel les lashe ginduria, ai te traiil malades, ai te premil mishto le manushen kai aven leste, ai te zhanel sar te sicharel.

³no brawler, no striker; but gentle, not contentious, no lover of money;

³Chi trobul chi te pel vai marelpe, ai chi te avel bi lasho, numa lasho, ai te rodel o mishtimos savorhenge; te avel les rhavda, ai chi trobul te avel leske zurales drago le love;

⁴one that ruleth well his own house, having [his] children in subjection with all gravity;

⁴ai trobul te zhanel te sicharel peska familia, ai te sicharel peske glaten te pachan lesko mui ai te respektin les.

⁵(but if a man knoweth not how to rule his own house, how shall he take care of the church of God?)

⁵Ke o manush te chi zhanela te sicharel peska familia, katar sai lel sama katar e khangeri le Devleski?

⁶not a novice, lest being puffed up he fall into the condemnation of the devil.

⁶Kodo manush trobul te zhanel le Devles de dumult, ke te na nichi sai avela barimatango ai avela doshalo sar sas o beng.

⁷Moreover he must have good testimony from them that are without; lest he fall into reproach and the snare of the devil.

⁷Ai trobul vi te avel respektime katar le manush kai chi zhanen le Devles, saxke te na avel gratsia le manushenge ai te na perel andel atsaimata le bengeske.

⁸Deacons in like manner [must be] grave, not double-tongued, not given to much wine, not greedy of filthy lucre;

⁸Le manush kai zhutin ande khangeri trobul vi won te aven respektime ai chache ileske; ai chi trobul te pen but mol ai chi te niril love atsaimasa.

⁹holding the mystery of the faith in a pure conscience.

⁹Won trobun te beshen ando chachimos kai si ando pachamos ai vuzhe gindosa.

¹⁰And let these also first be proved; then let them serve as deacons, if they be blameless.

¹⁰Trobul mai anglal te aven zumade, ai porme te na avela chi iek dosh pe lende sai kerena buchi sar manush kai zhutin ande khangeri.

¹¹Women in like manner [must be] grave, not slanderers, temperate, faithful in all things.

¹¹Vi lenge zhuvlia trobul te aven respektime, ai te na pupuin; trobul te arakhenpe, ai te aven vorta ande soste godi.

¹²Let deacons be husbands of one wife, ruling [their] children and their own houses well.

¹²O manush kai zhutil ande khangeri trobul te avel les ferdi iek rhomni, ai te zhanel sar te sicharel peske glaten ai peska familia.

¹³For they that have served well as deacons gain to themselves a good standing, and great boldness in the faith which is in Christ Jesus.

¹³Le manush kai zhutin ande khangeri kai keren pengi buchi malades respektimele katar le manush, ai sai den duma sa penge ilesa pa pachamos kai si ame le Jesus Kristosa.

¹⁴These things write I unto thee, hoping to come unto thee shortly;

¹⁴Ramov tuke kado lil, numa murho gindo si te zhav te dikhav tu sar mai sigo.

¹⁵but if I tarry long, that thou mayest know how men ought to behave themselves in the house of God, which is the church of the living God, the pillar and ground of the truth.

¹⁵Numa te chi dikhasa ame strazo, kako lil dela tu te zhanes sar trobul te traiil pe ande familia le Devleske, kodia si ande khangeri le Devleski O Del o zhuvindo, ke wo si e kolon ai kuko kai ankerel o chachimos.

¹⁶And without controversy great is the mystery of godliness; He who was manifested in the flesh, Justified in the spirit, Seen of angels, Preached among the nations, Believed on in the world, Received up in glory.

¹⁶E khonik nashti mothol ke nai kadia o barolo o chachimos o garado amare pachamasko. O Del sikadilo sar iek manush, ai O Swunto Duxo sikadia ke chacho sas, le angeluria dikhle les. Ai phendo sas pa leste ande sa e lumia, ai le manush pachaiepe ande leste,ai porme sas lino opre ando rhaio.