¹Now the feast of unleavened bread drew nigh, which is called the Passover.

¹Akana e pachiv le manrheski bi drozhdengi pasholas kai busholas 'O Dies O Baro le Zhidovongo'.

²And the chief priests and the scribes sought how they might put him to death; for they feared the people.

²Ai le bare rasha ai le Gramnoturia rodenas sar te mudaren les; ke daranas katar o narodo.

³And Satan entered into Judas who was called Iscariot, being of the number of the twelve.

³Antunchi o beng gelo ande Judas, kai akharenas les Iscariot, kai sas ek andal desh u dui disipluria.

⁴And he went away, and communed with the chief priests and captains, how he might deliver him unto them.

⁴Ai o Judas gelo kal le bare rasha ai kal le bare le ketanenge, te del les ande lenge vas.

⁵And they were glad, and covenanted to give him money.

⁵Kodola manush raduisaile, ai shinade te den les love.

⁶And he consented, and sought opportunity to deliver him unto them in the absence of the multitude.

⁶Ai o Judas shinadia te lel le love, ai rodias sar te del les ande lenge vas, bi te zhanel o narodo.

⁷And the day of unleavened bread came, on which the passover must be sacrificed.

⁷Antunchi o dies le manrhesko bi drozhdengo avilo, kana trobulas te mudaren le bakriorhan,

⁸And he sent Peter and John, saying, Go and make ready for us the passover, that we may eat.

⁸ai O Jesus tradia le Petres ai le Ioanos, phenelas, "Zhan ai lasharen amende O Dies O Baro le Zhidovongo te xas."

⁹And they said unto him, Where wilt thou that we make ready?

⁹Ai won phende leske, "Kai manges te lasharas?"

¹⁰And he said unto them, Behold, when ye are entered into the city, there shall meet you a man bearing a pitcher of water; follow him into the house whereinto he goeth.

¹⁰Wo phendia lenge, "Ashun, kana aresena ando foro, arakhena ieke manushes kai si les iek vaza paieske; len tume pala leste ando kher kai zhala.

¹¹And ye shall say unto the master of the house, The Teacher saith unto thee, Where is the guestchamber, where I shall eat the passover with my disciples?

¹¹Ai phenena le gazdaske kodole kheresko, "Amaro gazda phenel tuke, 'Kai o than kai trobul te xav O Dies O Baro le Zhidovongo murhe displonsa?'"

¹²And he will show you a large upper room furnished: there make ready.

¹²Wo sikavela tumenge iek bari soba opre kai si swako fielo andre; kotse lasharena.

¹³And they went, and found as he had said unto them: and they made ready the passover.

¹³Geletar, ai arakhle sar phendiasas lenge; ai lasharde O Dies O Baro le Zhidovongo.

¹⁴And when the hour was come, he sat down, and the apostles with him.

¹⁴Ai kana o chaso avilo, wo beshlo kai skafidi le desh u do disiplonsa.

¹⁵And he said unto them, With desire I have desired to eat this passover with you before I suffer:

¹⁵O Jesus phendia lenge, "Drago sas mange te xav kadia Dies O Baro le Zhidovongo tumensa mai anglal sar te chinuiv.

¹⁶for I say unto you, I shall not eat it, until it be fulfilled in the kingdom of God.

¹⁶Ke phenav tumenge, chi mai xava tumensa, zhi kai kerdiol ande e amperetsia le Devleski."

¹⁷And he received a cup, and when he had given thanks, he said, Take this, and divide it among yourselves:

¹⁷Lia e kuchi, ai dias naisimos, ai phendia, "Len, ai pen savorhe anda late."

¹⁸for I say unto you, I shall not drink from henceforth of the fruit of the vine, until the kingdom of God shall come.

¹⁸Ke phenav tumenge, chi mai piiava andai fruta le struguroski, zhi kai e amperetsia le Devleski avel.

¹⁹And he took bread, and when he had given thanks, he brake it, and gave to them, saying, This is my body which is given for you: this do in remembrance of me.

¹⁹Antunchi lia manrho, ai dias naisimos, phaglia les, ai dia lende, phenelas, "Kako si murho stato kai si dino tumenge; keren kadia te seren tume pa mande."

²⁰And the cup in like manner after supper, saying, This cup is the new covenant in my blood, [even] that which is poured out for you.

²⁰Sakadia kana getosarde te xan manrho, wo lia e kuchi, phenelas, "Kacha kuchi ai o nevo kontrakto ando murho rat, kai shordilo pala tumende."

²¹But behold, the hand of him that betrayeth me is with me on the table.

²¹Ashun! Kodo kai purhila ma, katse lo kai skafidi mansa.

²²For the Son of man indeed goeth, as it hath been determined: but woe unto that man through whom he is betrayed!

²²Ai chaches O Shav le Manushesko trobul te merel sar O Del manglia; numa nasul avela kodoleske kai purhila les!"

²³And they began to question among themselves, which of them it was that should do this thing.

²³Ai porme denaspe duma mashkar pende, savo si anda lende kai purhila les.

²⁴And there arose also a contention among them, which of them was accounted to be greatest.

²⁴Won marenas mui mashkar pende te zhanen savo anda lende avela o mai baro.

²⁵And he said unto them, The kings of the Gentiles have lordship over them; and they that have authority over them are called Benefactors.

²⁵O Jesus phendia lenge, "Le amperatsi kadala lumiake si le putiera pe pengo narodo, ai kodola manush bushon "Vortacha le manushenge."

²⁶But ye [shall] not [be] so: but he that is the greater among you, let him become as the younger; and he that is chief, as he that doth serve.

²⁶Numa te na avel tumenge sakadia; numa o mai baro kai si mashkar tumende musai avel sar o mai tsinorho; ai kuko kai si baro musai avel sar kuko sluga.

²⁷For which is greater, he that sitteth at meat, or he that serveth? is not he that sitteth at meat? but I am in the midst of you as he that serveth.

²⁷Kon si o mai baro, kodo kai beshel kai skafidi vai kodo kai podail? Kodo si kai skafidi numa me sim mashkar tumende sar kodo kai podail.

²⁸But ye are they that have continued with me in my temptations;

²⁸Tume san kodola kai rhevdisardian mansa kana avilo zumaimos pe mande.

²⁹and I appoint unto you a kingdom, even as my Father appointed unto me,

²⁹Anda kodia si ma e amperetsia te dav tumen, sar murho Dat dia man.

³⁰that ye may eat and drink at my table in my kingdom; and ye shall sit on thrones judging the twelve tribes of Israel.

³⁰Saxke te xan ai te pen kai murhi skafidi ande murhi amperetsia; ai te beshen pel bare skamina te den kris le desh u dui vitsi le Israelonge.

³¹Simon, Simon, behold, Satan asked to have you, that he might sift you as wheat:

³¹Ai O Jesus phendia, "Simon, Simon Ashun! O beng manglia te sai chinol tu, sar chinolpe o jiv te thol les rigate katar le suluma;

³²but I made supplication for thee, that thy faith fail not; and do thou, when once thou hast turned again, establish thy brethren.

³²Numa rhugisailem anda tute, te na rimolpe cho pachamos. Ai kana avesa palpale mande. Tu musai zhutis che phralen te aven mai zurale."

³³And he said unto him, Lord, with thee I am ready to go both to prison and to death.

³³O Petri phendia leske, "Devla, me zhav tusa, ande temnitsa, ai kai martia!"

³⁴And he said, I tell thee, Peter, the cock shall not crow this day, until thou shalt thrice deny that thou knowest me.

³⁴Ai O Jesus phendia, "Petri, phenav tuke, o kurkorsho chi bashel adies, kai tu phenesa trivar ke chi zhanes ma."

³⁵And he said unto them, When I sent you forth without purse, and wallet, and shoes, lacked ye anything? And they said, Nothing.

³⁵Ai mai phendia lenge, "Kana tradem tumen bi lovengo, bi gonesko, ai bi papuchengo, trobulsardia tume vari so?" Won phende, "Kanchi."

³⁶And he said unto them, But now, he that hath a purse, let him take it, and likewise a wallet; and he that hath none, let him sell his cloak, and buy a sword.

³⁶Antunchi phendia lenge, "Numa, akana, kodo kai si les love, lel les, ai vi lesko gono; ai kodo kai nai les sabia, mek te bichinel peske raxami, ai chinel iek sabia.

³⁷For I say unto you, that this which is written must be fulfilled in me, And he was reckoned with transgressors: for that which concerneth me hath fulfilment.

³⁷Ke phenav tumenge, o ramomos kai phenel, "Wo sas mashkar le chorenge," Musai te kerdiol vorta pa mande. Ke kadia kai sas ramome pa mande avela, chachimasa."

³⁸And they said, Lord, behold, here are two swords. And he said unto them, It is enough.

³⁸Won phende, "Devla, Dikh! Katse si dui sebi." O Jesus phendia leske, "Dosta si!"

³⁹And he came out, and went, as his custom was, unto the mount of Olives; and the disciples also followed him.

³⁹Ai avilo avri anda foro, sar kerelas butivar, gelo po Plai le Maslinenge; ai leske disipluria linepe pala leste.

⁴⁰And when he was at the place, he said unto them, Pray that ye enter not into temptation.

⁴⁰Kana areslo po than, phendia lenge, "Rhugin tume saxke te na peren ando zumaimos."

⁴¹And he was parted from them about a stone's cast; and he kneeled down and prayed,

⁴¹Ai porme durilo lendar xantsi tu sai shudes ek bax. Ai thodiape pe changende, ai rhugisailo,

⁴²saying, Father, if thou be willing, remove this cup from me: nevertheless not my will, but thine, be done.

⁴²phenelas, "Murho Dat, te sai mek te nakhel kadia kuchi mandar; numa na murhi voia, chiri voia te avel kerdi."

⁴³And there appeared unto him an angel from heaven, strengthening him.

⁴³Strazo iek angelo anda rhaio avilo leste te del les zor.

⁴⁴And being in an agony he prayed more earnestly; and his sweat became as it were great drops of blood falling down upon the ground.

⁴⁴Sar chinolas, rhugilaspe mai zurales; ai le paia kai zhanas pa leste kerdionas sar bambi rateske kai perenas pe phuv.

⁴⁵And when he rose up from his prayer, he came unto the disciples, and found them sleeping for sorrow,

⁴⁵Kana rhugisailo wushtilo opre, ai avilo palpale ka peske disipluria, ai arakhlia le sovenas, kai nekezhinas.

⁴⁶and said unto them, Why sleep ye? rise and pray, that ye enter not into temptation.

⁴⁶Ai phendia lenge, "Sostar soven? Wushten opre ai rhugin tume, te na peren ando zumaimos."

⁴⁷While he yet spake, behold, a multitude, and he that was called Judas, one of the twelve, went before them; and he drew near unto Jesus to kiss him.

⁴⁷Sar delas duma inker, o narodo avilo ai kodo kai busholas Judas, iek andal desh u dui disipluria, wo sas anglal, ai pashilo pasha Jesus te chumidel les.

⁴⁸But Jesus said unto him, Judas, betrayest thou the Son of man with a kiss?

⁴⁸Ai O Jesus phendia leske, "Judas, pala kako chumidimos purhidian O Shav le Manushesko?"

⁴⁹And when they that were about him saw what would follow, they said, Lord, shall we smite with the sword?

⁴⁹Kana kodola kai sas le Jesusosa, dikhle so kerdilia, phende leske, "Devla, trobul te das la sabiasa?"

⁵⁰And a certain one of them smote the servant of the high priest, and struck off his right ear.

⁵⁰Ai iek anda lende dia la sabiasa, o sluga le bare rashasko, ai shindia lesko chacho khan.

⁵¹But Jesus answered and said, Suffer ye [them] thus far. And he touched his ear, and healed him.

⁵¹Numa O Jesus phendia, "Aterdion! Dosta si." Ai azbadia o khan pe kodole manushesko ai sastilo.

⁵²And Jesus said unto the chief priests, and captains of the temple, and elders, that were come against him, Are ye come out, as against a robber, with swords and staves?

⁵²Antunchi O Jesus phendia le bare le rashange, ai le barenge kai poronchinas la tamplaske, ai le mai phure, kai sas lesa. "Tume avilian, sar pala iek chor, le sabiensa, ai le khashtensa?"

⁵³When I was daily with you in the temple, ye stretched not forth your hands against me: but this is your hour, and the power of darkness.

⁵³Swako dies simas tumensa ande tampla, ai chi thodian o vas pe mande; numa si tumaro chaso, ai putiera le tuniarikoski."

⁵⁴And they seized him, and led him [away], and brought him into the high priest's house. But Peter followed afar off.

⁵⁴Antunchi line les, angerde les ando kher le baro le rashasko. Ai o Petri liape pala lende de dural.

⁵⁵And when they had kindled a fire in the midst of the court, and had sat down together, Peter sat in the midst of them.

⁵⁵Kerde iag mashkar e bar, ai beshle tele andek than, o Petri beshelas tele mashkar lende.

⁵⁶And a certain maid seeing him as he sat in the light [of the fire], and looking stedfastly upon him, said, This man also was with him.

⁵⁶Ek sluga dikhlia le Petres pashai iag, ai dikhelas pe leste, ai phendia, "Vi kado manush sas lesa."

⁵⁷But he denied, saying, Woman, I know him not.

⁵⁷Numa o Petri phendia, "Zhuvlio, chi zhanav les."

⁵⁸And after a little while another saw him, and said, Thou also art [one] of them. But Peter said, Man, I am not.

⁵⁸Pala kodia aver sluga dikhlia les, ai phendia, "Vi tu sanas lensa." O Petri phendia, "Manusha, chi sim me."

⁵⁹And after the space of about one hour another confidently affirmed, saying, Of a truth this man also was with him; for he is a Galilaean.

⁵⁹Iek chaso pala kodia, aver manush phendia, "Suguro ke kado manush sas lesa; ke wo si Galilean."

⁶⁰But Peter said, Man, I know not what thou sayest. And immediately, while he yet spake, the cock crew.

⁶⁰Ai o Petri phendia, "Manusha, chi zhanav so phenes, ai strazo sar delas duma o kurkorsho bashlo.

⁶¹And the Lord turned, and looked upon Peter. And Peter remembered the word of the Lord, how that he said unto him, Before the cock crow this day thou shalt deny me thrice.

⁶¹Ai O Jesus boldinisailo, dikhlia po Petri, ai o Petri diape goji ka le vorbi kai O Jesus phendiasas leske, mai anglal sar te bashel o kurkorsho, tu phenesa trivar ke chi zhanes ma."

⁶²And he went out, and wept bitterly.

⁶²Ai o Petri anklisto avri, ai ruia zurales.

⁶³And the men that held [Jesus] mocked him, and beat him.

⁶³Ai le manush kai ankerenas le Jesusos, marenas mui lestar, ai marenas les,

⁶⁴And they blindfolded him, and asked him, saying, Prophesy: who is he that struck thee?

⁶⁴ai kana thode derza pe lesko mui, marde les palmi pe lesko mui ai phushle, "Kon mudardia tu?"

⁶⁵And many other things spake they against him, reviling him.

⁶⁵Ai phende leske but zhangale vorbi ai asanas lestar.

⁶⁶And as soon as it was day, the assembly of the elders of the people was gathered together, both chief priests and scribes; and they led him away into their council, saying,

⁶⁶Kana phuterdilo o dies, le bare rasha, ai le phure le manushenge, ai le Gramnoturia avile andek than, ai ningerde les anglai kris. Phenenas,

⁶⁷If thou art the Christ, tell us. But he said unto them, If I tell you, ye will not believe:

⁶⁷"Te san tu O Kristo? Phen amenge," O Jesus phendia lenge, "Te phenava tumenge, tume chi pachan;

⁶⁸and if I ask [you], ye will not answer.

⁶⁸Ai te phushav tumen, tume chi den atweto, vai mek ma te zhav.

⁶⁹But from henceforth shall the Son of man be seated at the right hand of the power of God.

⁶⁹Dakanara O Shav le Manushesko beshel pe rik e chachi, kai si e putiera le Devleski."

⁷⁰And they all said, Art thou then the Son of God? And he said unto them, Ye say that I am.

⁷⁰Antunchi savorhe phenenas, "Tu san O Shav le Devlesko?" Ai wo phendia lenge, "Tume phenen, ke sim me."

⁷¹And they said, What further need have we of witness? for we ourselves have heard from his own mouth.

⁷¹Ai won phende, "Chi mai trobul ame martero! Ke ame ashundiam so wo phendia anda pesko mui."