¹Now when morning was come, all the chief priests and the elders of the people took counsel against Jesus to put him to death:

¹Kana phuterdilo o dies sa le rasha ai le phure kai poronchinas avile andek than, ai dinepe duma pa O Jesus ai ashshile te mudaren les.

²and they bound him, and led him away, and delivered him up to Pilate the governor.

²Phangle les, ai ningerde les ka Pilate o guvernori.

³Then Judas, who betrayed him, when he saw that he was condemned, repented himself, and brought back the thirty pieces of silver to the chief priests and elders,

³Kana O Judas kodo kai dias les ando vas, dikhlias ke shinde leske kris te mudaren les, keisailo, ai ningerdias palpale le trenda kotora rup kal rasha ai kal phure kai poronchinas.

⁴saying, I have sinned in that I betrayed innocent blood. But they said, What is that to us? see thou [to it].

⁴Ai phendias, "Bezex kerdem ke dem ando vas chache manushes, phende leske, "So si amenge kodia, chiri diela si."

⁵And he cast down the pieces of silver into the sanctuary, and departed; and he went away and hanged himself.

⁵O Judas shudias le rupune love ande tamplo, ai gelo ai mudardilo.

⁶And the chief priests took the pieces of silver, and said, It is not lawful to put them into the treasury, since it is the price of blood.

⁶Le bare rasha vazde sa le love, ai phende, "Nai mishto te thas kadala love andel love la tamplaki, ke kadala si ratvale love."

⁷And they took counsel, and bought with them the potter's field, to bury strangers in.

⁷Dinepe duma ai ashshile te chinen le lovensa ek kimpo kai busholas "Potter's field" o than kai bichinel le phiria chikake, te gropon streinon.

⁸Wherefore that field was called, the field of blood, unto this day.

⁸Anda kodia phenen leske, "O kimpo le ratesko, zhi adies."

⁹Then was fulfilled that which was spoken through Jeremiah the prophet, saying, And they took the thirty pieces of silver, the price of him that was priced, whom [certain] of the children of Israel did price;

⁹Antunchi so sas phendo katar o profeto Jeremiah pherdilo, "Line le trenda kotora rup, sode wo moldias uni Zhidovonge.

¹⁰and they gave them for the potter's field, as the Lord appointed me.

¹⁰Ai dine le te chinen o kimpo "Potter's field". Sar O Del phendias mange."

¹¹Now Jesus stood before the governor: and the governor asked him, saying, Art thou the King of the Jews? And Jesus said unto him, Thou sayest.

¹¹O Jesus sas angla guvernori Pilate: ai o guvernori Pilate phushlias les, "Tu san o amperato le Zhidovongo?" "Sar tu phendian," O Jesus phendias leske.

¹²And when he was accused by the chief priests and elders, he answered nothing.

¹²Kana phende ke doshalo lo le rasha le bare ai le phure kai poronchinas, wo chi phendias khanchi.

¹³Then saith Pilate unto him, Hearest thou not how many things they witness against thee?

¹³Antunchi o Pilate phendias leske, "Chi ashunes sa le dosha kai mothon pe tute?"

¹⁴And he gave him no answer, not even to one word: insomuch that the governor marvelled greatly.

¹⁴Numa O Jesus chi phendias khanchi ka chi iek andal dosha kai thode pe leste, anda kodia o guvernori Pilate chudisailo.

¹⁵Now at the feast the governor was wont to release unto the multitude one prisoner, whom they would.

¹⁵Sas ek zakono ka guvernori Pilate po dies o baro le Zhidivongo te mekel avri iekes ande temnitsa savo godi o narodo halola.

¹⁶And they had then a notable prisoner, called Barabbas.

¹⁶Sas phandado antunchi iek kai zhangloliaspe ke de sa nasul lo, lesko anav sas Barabbas.

¹⁷When therefore they were gathered together, Pilate said unto them, Whom will ye that I release unto you? Barabbas, or Jesus who is called Christ?

¹⁷Kana sas chidine, o Pilate phendias lenge, "Saves mangen te mekav tumenge? O Barabbas vai O Jesus kai mothon leske Kristo?"

¹⁸For he knew that for envy they had delivered him up.

¹⁸Ke wo zhanglias sostar dine les ando vas, ke le rashan sas inetsia pe leste.

¹⁹And while he was sitting on the judgment-seat, his wife sent unto him, saying, Have thou nothing to do with that righteous man; for I have suffered many things this day in a dream because of him.

¹⁹Kana beshlias po skamin te kerel e kris, leski rhomni tradias te mothon leske, "Na hamisavo ka kado chacho manush, ke adies chinuisardem but pala o suno kai dikhlem pa leste."

²⁰Now the chief priests and the elders persuaded the multitudes that they should ask for Barabbas, and destroy Jesus.

²⁰Le rasha le bare ai le phure kai poronchinas thode le narodos te mangen te mekel kodoles kai bushol Barabbas, ai te mudarel kodoles kai bushol Jesus.

²¹But the governor answered and said unto them, Which of the two will ye that I release unto you? And they said, Barabbas.

²¹O Pilate magdata phendias lenge, "Savo andal dui mangen te mekav tumenge?" Won phende, "Barabbas"

²²Pilate saith unto them, What then shall I do unto Jesus who is called Christ? They all say, Let him be crucified.

²²O Pilate phendias lenge, "So te kerav kadalesa O Jesus kai mothon leske Kristo?" Savorhe phende, "Tho les po trushul."

²³And he said, Why, what evil hath he done? But they cried out exceedingly, saying, Let him be crucified.

²³O Pilate phendias, "Sostar, che nasulimos kerdias?" Numa won mai zurales dine mui, "Tho les po trushul."

²⁴So when Pilate saw that he prevailed nothing, but rather that a tumult was arising, he took water, and washed his hands before the multitude, saying, I am innocent of the blood of this righteous man; see ye [to it].

²⁴Kana o Pilate dikhlias ke nashti kerel khanchi, ke buntuilaspe o narodo, lias pai, ai xaladias peske vas angla narodo, ai phendias, "Me chi sim doshalo anda rat kadale chache manushesko, akana zhi tumende si."

²⁵And all the people answered and said, His blood [be] on us, and on our children.

²⁵Sa le manush phende, "Lesko rat te avel pe amende ai pe amare glate."

²⁶Then released he unto them Barabbas; but Jesus he scourged and delivered to be crucified.

²⁶Antunchi meklias lenge o Barabbas, marde le Jesusos bichosa, ai dias les te thon les po trushul.

²⁷Then the soldiers of the governor took Jesus into the Praetorium, and gathered unto him the whole band.

²⁷Antunchi le ketani le Pilatoske line le Jesusos ningerde les ando kher le ketanengo, ai chidinisaile kruglom lestar ek antrego kompania ketani.

²⁸And they stripped him, and put on him a scarlet robe.

²⁸Line leske tsalia pe leste, ai thode pe leste ek loli raxami.

²⁹And they platted a crown of thorns and put it upon his head, and a reed in his right hand; and they kneeled down before him, and mocked him, saying, Hail, King of the Jews!

²⁹Kerde korona andal lunzhe kanrhe, ai thode la po lesko shero, ai thode rhai ande lesko vas o chacho, dine changa angla leste, te maren mui lestar, ai phenenas, "Lungo traio ka o amperato le Zhidovongo!"

³⁰And they spat upon him, and took the reed and smote him on the head.

³⁰Chungarde pe leste, line e rhai ai marde les pa shero lasa.

³¹And when they had mocked him, they took off from him the robe, and put on him his garments, and led him away to crucify him.

³¹Kana getosarde te maren mui lestar, line pa leste e raxami, dine leske tsalia pe leste, ai ningerde les te thon les po trushul.

³²And as they came out, they found a man of Cyrene, Simon by name: him they compelled to go [with them], that he might bear his cross.

³²Po drom kai zhanas, arakhle ieke manush anda Cyrene, kai busholas Simon: ai thode les te ningerel o trushul.

³³And they were come unto a place called Golgotha, that is to say, The place of a skull,

³³Aresle ka kodo than kai bushol Golgatha, o than kai miazol "Kokalo sheresko".

³⁴they gave him wine to drink mingled with gall: and when he had tasted it, he would not drink.

³⁴Dine les lolo shut hamime drabensa te pel, kana zumadias, ai haliardias so si, chi pelias.

³⁵And when they had crucified him, they parted his garments among them, casting lots;

³⁵Thode les po trushul, ai hulade leske tsalia pe save godi nirisardias les: te kerdiol so o profeto phendiasas, "Hulade murhe tsalia mashkar pende, ai thodepe te dikhen kon niril murhe raxami."

³⁶and they sat and watched him there.

³⁶Pala kodia beshle kote ai dikhenas pe leste.

³⁷And they set up over his head his accusation written, THIS IS JESUS THE KING OF THE JEWS.

³⁷Opral pa lesko shero amblade ek ramomos kai phenelas che dosh ankerde pe leste "KADO SI O JESUS AMPERATO LE ZHIDOVONGO."

³⁸Then are there crucified with him two robbers, one on the right hand and one on the left.

³⁸Lesa ek data dui chor sas thodine po trushul, iek ka lesko chacho vas, ai iek ka lesko stingo.

³⁹And they that passed by railed on him, wagging their heads,

³⁹Zhene kai nakhenas kotsar, kerenas anda shero ai mishkirinas les.

⁴⁰and saying, Thou that destroyest the temple, and buildest it in three days, save thyself: if thou art the Son of God, come down from the cross.

⁴⁰Ai phenenas, "Tu kai sas te xaiis e tampla, ai ande trin dies te vazdes kodia tampla, skepisar tut te san tu O Shav le Devlesko, aidi tele pa trushul."

⁴¹In like manner also the chief priests mocking [him], with the scribes and elders, said,

⁴¹Sakadia le rasha le bare, le phure kai poronchinas, ai kodola kai sikavenas le zakonuria marde mui lestar.

⁴²He saved others; himself he cannot save. He is the King of Israel; let him now come down from the cross, and we will believe on him.

⁴²Phenenas, "Skepisardias kavren, numa nashti skepil pes. Wo si O Amperato le themesko Israel, mek avel tele pa trushul, ai pachasa ame ande leste.

⁴³He trusteth on God; let him deliver him now, if he desireth him: for he said, I am the Son of God.

⁴³Wo pachalpe ando Del ai jinel pe leste, phendia ke O Shav le Devlesko lo, aven dikhas te mangela O Del te skepil les akana.

⁴⁴And the robbers also that were crucified with him cast upon him the same reproach.

⁴⁴Vi le chor kai sas thodine po trushul lesa, marde lestar mui sakadia.

⁴⁵Now from the sixth hour there was darkness over all the land until the ninth hour.

⁴⁵Kal desh u dui po mashkar le diesesko tuniariko avilo pe lumia pe kai trin chasuria.

⁴⁶And about the ninth hour Jesus cried with a loud voice, saying, Eli, Eli, lama sabachthani? that is, My God, my God, why hast thou forsaken me?

⁴⁶Karing le trin chasuria O Jesus dias mui andek baro glaso, "Eli, Eli, lama sabachthani?" Kodia si "Murho Del, Murho Del, Sostar meklian ma?"

⁴⁷And some of them stood there, when they heard it, said, This man calleth Elijah.

⁴⁷Uni anda kodola kai sas kote ashunde les, ai phende, "Po Elijah del mui."

⁴⁸And straightway one of them ran, and took a sponge, and filled it with vinegar, and put it on a reed, and gave him to drink.

⁴⁸Strazo iek anda lende grebisailo, lias ek kotor, thodias les ando lolo shut, thodias po khash ai zumadias te del ka Jesus te pel.

⁴⁹And the rest said, Let be; let us see whether Elijah cometh to save him.

⁴⁹Numa le kaver phende, "Mek les aven dikhas te avela o Elijah te skepil les."

⁵⁰And Jesus cried again with a loud voice, and yielded up his spirit.

⁵⁰Magdata O Jesus dias mui ando baro glaso, antunchi dias pesko duxo opre, ai mulo.

⁵¹And behold, the veil of the temple was rent in two from the top to the bottom; and the earth did quake; and the rocks were rent;

⁵¹Strazo o poxtan ande tamplo shindilo ande donde de opral zhi tele; e phuv izdraias. Le bax pharhale.

⁵²and the tombs were opened; and many bodies of the saints that had fallen asleep were raised;

⁵²Le greposhevuria phuterdile, but anda le Devleske manush kai mule sas, sas vazdine ka traio.

⁵³and coming forth out of the tombs after his resurrection they entered into the holy city and appeared unto many.

⁵³Avile avri andal greposhevuria. Kana O Jesus wushtilo, won gele ando swunto foro, kote but zhene dikhle le.

⁵⁴Now the centurion, and they that were with him watching Jesus, when they saw the earthquake, and the things that were done, feared exceedingly, saying, Truly this was the Son of God.

⁵⁴O fitsiri ai le ketani kai sas lesa dikhenas po Jesus, dikhle sar izdraias e phuv, ai so godi kerdiliape, daraile zurales, ai phende, "Chaches kado sas O Shav le Devlesko."

⁵⁵And many women were there beholding from afar, who had followed Jesus from Galilee, ministering unto him:

⁵⁵But zhuvlia avile pala Jesus andai Galilee te len sama lestar ai dikhenas de dural.

⁵⁶among whom was Mary Magdalene, and Mary the mother of James and Joses, and the mother of the sons of Zebedee.

⁵⁶Mashkar lende e Maria Magdalena, ai e Maria e dei le Iakovoski ai le Josefoski, ai e dei le shave le Zebedoske.

⁵⁷And when even was come, there came a rich man from Arimathaea, named Joseph, who also himself was Jesus' disciple:

⁵⁷Kana peli e riat, avilo iek manush barvalo andai Arimathaea, lesko anav sas Josef, wo sas iek anda kodola kai pachanaspe ando Jesus.

⁵⁸this man went to Pilate, and asked for the body of Jesus. Then Pilate commanded it to be given up.

⁵⁸Gelo ke o Pilate, ai manglias le Jesusosko stato. O Pilate dias ordina te den les leste.

⁵⁹And Joseph took the body, and wrapped it in a clean linen cloth,

⁵⁹Kana o Joseph lias o stato, vuluisardias les andek vuzho poxtan.

⁶⁰and laid it in his own new tomb, which he had hewn out in the rock: and he rolled a great stone to the door of the tomb, and departed.

⁶⁰Ai thodias les ande pesko nevo greposhevo kai sas shindo ando bax, ai spidias ek baro bax angla greposhevo, ai gelotar,

⁶¹And Mary Magdalene was there, and the other Mary, sitting over against the sepulchre.

⁶¹E Maria Magdalena ai e kaver Maria beshenas angla greposhevo.

⁶²Now on the morrow, which is [the day] after the Preparation, the chief priests and the Pharisees were gathered together unto Pilate,

⁶²Pe terharin, kana getolaspe, o pervo anda le diesa le bare le Zhidovongo, le rasha le bare ai le Farizeanuria gele ka Pilate.

⁶³saying, Sir, we remember that that deceiver said while he was yet alive, After three days I rise again.

⁶³Ai phende leske, "Raia, diam ame goji ke kodo xoxamno mai anglal sar te merel phendias, "Po trito dies si te zhuvindiv."

⁶⁴Command therefore that the sepulchre be made sure until the third day, lest haply his disciples come and steal him away, and say unto the people, He is risen from the dead: and the last error will be worse than the first.

⁶⁴Anda kodia de ordina te phandachen o greposhevo mishto, zhi po trito dies, ke kam zhan leske disipluria te choren lesko stato, ai mothon le manushenge, ke wushtilo andai martia: Kodo xoxaimos si te avel mai nasul sar o pervo."

⁶⁵Pilate said unto them, Ye have a guard: go, make it [as] sure as ye can.

⁶⁵O Pilate phendias lenge, "Si tume zhene, zhan, keren so zhanen."

⁶⁶So they went, and made the sepulchre sure, sealing the stone, the guard being with them.

⁶⁶Geletar, ai phandade o greposhevo zurales, ai thode vari so po bax te haliardiolpe te phutrena les, ai mekle zhene te len sama.