¹Evel ma oa Jezuz o tremen, e welas un den a oa dall abaoe e c'hanedigezh.

¹And as he passed on, he saw a man blind from birth.

²E ziskibien a c'houlennas digantañ: Mestr, piv en deus pec'het, hemañ pe e gerent, dre ma'z eo ganet dall?

²And his disciples asked him, saying, Rabbi, who sinned, this [man] or his parents, that he should be born blind?

³Jezuz a respontas: N'eo ket en defe hemañ pe e dud pec'het, met abalamour ma vefe oberoù Doue disklêriet ennañ.

³Jesus answered, Neither has this [man] sinned nor his parents, but that the works of God should be manifested in him.

⁴E-pad ma'z eo deiz, eo ret din kas da benn oberoù an hini en deus va c'haset; an noz a zeu, ha den ne c'hell labourat enni.

⁴I must work the works of him that has sent me while it is day. [The] night is coming, when no one can work.

⁵E-pad ma'z on er bed, ez on sklêrijenn ar bed.

⁵As long as I am in the world, I am [the] light of the world.

⁶O vezañ lavaret kement-se, e krañchas d'an douar, hag e reas fank gant e halv; neuze e frotas daoulagad an dall gant ar fank-se,

⁶Having said these things, he spat on the ground and made mud of the spittle, and put the mud, as ointment, on his eyes.

⁷hag e lavaras dezhañ: Kae, hag en em walc'h e stank Siloa (da lavarout eo: Kaset). Mont a reas di, en em walc'has, hag ez eas kuit o welout sklaer.

⁷And he said to him, Go, wash in the pool of Siloam, which is interpreted, Sent. He went therefore and washed, and came seeing.

⁸An amezeien hag ar re o devoa e welet a-raok, pa oa dall, a lavare: N'eo ket hemañ an hini en em zalc'he azezet, hag a c'houlenne an aluzen?

⁸The neighbours therefore, and those who used to see him before, that he was a beggar, said, Is not this he that was sitting and begging?

⁹Darn a lavare: Eñ eo; darn all a lavare: Heñvel eo outañ; eñ e-unan a lavare: Me va-unan eo.

⁹Some said, It is he; others said, No, but he is like him: *he* said, It is I.

¹⁰Int a lavaras eta dezhañ: Penaos eo bet digoret da zaoulagad dit?

¹⁰They said therefore to him, How have thine eyes been opened?

¹¹Eñ a respontas: Un den a c'halver Jezuz en deus graet fank, en deus eouliet gantañ va daoulagad, ha lavaret din: Kae da stank Siloa, hag en em walc'h enni. Me a zo eta aet, hag ez on en em walc'het, hag e welan.

¹¹He answered [and said], A man called Jesus made mud and anointed mine eyes, and said to me, Go to Siloam and wash: and having gone and washed, I saw.

¹²Int a lavaras dezhañ: Pelec'h emañ an den-se? Eñ a lavaras: N'ouzon ket.

¹²They said therefore to him, Where is he? He says, I do not know.

¹³Kas a rejont d'ar farizianed an hini a oa bet dall.

¹³They bring him who was before blind to the Pharisees.

¹⁴Un deiz sabad e oa, p'en devoa Jezuz graet ar fank, ha p'en devoa digoret e zaoulagad dezhañ.

¹⁴Now it was sabbath when Jesus made the mud and opened his eyes.

¹⁵Ar farizianed a c'houlenne eta digantañ ivez penaos en devoa adkavet ar gweled. Eñ a lavaras dezho: Lakaet en deus fank din war va daoulagad, hag ez on en em walc'het hag e welan.

¹⁵The Pharisees therefore also again asked him how he received his sight. And he said to them, He put mud upon mine eyes, and I washed, and I see.

¹⁶Neuze hiniennoù eus ar farizianed a lavaras: An den-se n'eo ket a-berzh Doue, peogwir ne vir ket ar sabad. Reoù all a lavare: Penaos e c'hell un den fall ober hevelep mirakloù? Hag e oant dizunvan etrezo.

¹⁶Some of the Pharisees therefore said, This man is not of God, for he does not keep the sabbath. Others said, How can a sinful man perform such signs? And there was a division among them.

¹⁷Lavarout a rejont a-nevez d'an dall: Ha te, petra a lavarez diwar e benn, p'en deus digoret dit da zaoulagad? Eñ a respontas: Ur profed eo.

¹⁷They say therefore again to the blind [man], What dost thou say of him, that he has opened thine eyes? And he said, He is a prophet.

¹⁸Met ar Yuzevien ne gredjont ket e oa bet an den-se dall, hag e oa digoret e zaoulagad dezhañ, ken ma lakajont gervel e dud.

¹⁸The Jews therefore did not believe concerning him that he was blind and had received sight, until they had called the parents of him that had received sight.

¹⁹Hag e c'houlennjont diganto, o lavarout: Hennezh eo ho mab, a lavarit eo bet ganet dall? Penaos eta e wel bremañ?

¹⁹And they asked them saying, This is your son, of whom ye say that he was born blind: how then does he now see?

²⁰E dud a respontas: Ni a oar eo hor mab, hag eo bet ganet dall;

²⁰His parents answered [them] and said, We know that this is our son, and that he was born blind;

²¹met n'ouzomp ket penaos e wel bremañ, ha n'ouzomp ket piv en deus digoret dezhañ e zaoulagad. Oad en deus, goulennit digantañ, komz a raio e-unan eus ar pezh a sell outañ.

²¹but how he now sees we do not know, or who has opened his eyes we do not know. *He* is of age: ask *him*; *he* will speak concerning himself.

²²E dud a lavare kement-se, abalamour m'o devoa aon rak ar Yuzevien; ar Yuzevien o devoa lakaet en o fenn, penaos piv bennak a anavezje Jezuz evit ar C'hrist, a vije kaset kuit eus ar sinagogenn.

²²His parents said these things because they feared the Jews, for the Jews had already agreed that if any one confessed him [to be the] Christ, he should be excommunicated from the synagogue.

²³Dre-se e dud a lavaras: Oad en deus, goulennit digantañ.

²³On this account his parents said, He is of age: ask *him*.

²⁴Gervel a rejont eta evit an eil wech an den a oa bet dall, hag e lavarjont dezhañ: Ro gloar da Zoue, ni a oar an den-se a zo ur pec'her.

²⁴They called therefore a second time the man who had been blind, and said to him, Give glory to God: we know that this man is sinful.

²⁵Eñ a respontas: N'ouzon ket hag-eñ eo ur pec'her; un dra a ouzon eo penaos e oan dall, ha penaos e welan bremañ.

²⁵He answered therefore, If he is sinful I know not. One thing I know, that, being blind [before], now I see.

²⁶Int a lavaras c'hoazh dezhañ: Petra en deus graet dit? Penaos en deus digoret da zaoulagad dit?

²⁶And they said to him again, What did he do to thee? how opened he thine eyes?

²⁷Eñ a respontas dezho: E lavaret em eus dija deoc'h, ha n'hoc'h eus ket e selaouet? Perak e fell deoc'h e glevout a-nevez? C'hoantaat a rit ivez dont da vezañ e ziskibien?

²⁷He answered them, I told you already and ye did not hear: why do ye desire to hear again? do ye also wish to become his disciples?

²⁸Neuze e tismegañsjont anezhañ hag e lavarjont: Te eo a zo e ziskibl, evidomp-ni, ni a zo diskibien Moizez.

²⁸They railed at him, and said, Thou art his disciple, but we are disciples of Moses.

²⁹Ni a oar en deus Doue komzet ouzh Moizez, met evit hemañ, n'ouzomp ket a-belec'h eo.

²⁹We know that God spoke to Moses; but [as to] this [man], we know not whence he is.

³⁰An den a respontas: Un dra souezhus eo, penaos n'ouzoc'h ket a-belec'h eo; ha koulskoude en deus digoret va daoulagad din!

³⁰The man answered and said to them, Now in this is a wonderful thing, that *ye* do not know whence he is, and he has opened mine eyes.

³¹Ha, ni a oar penaos Doue ne selaou ket ar re fall; met mar deu unan bennak da enoriñ Doue ha da ober e volontez, e selaou anezhañ.

³¹[But] we know that God does not hear sinners; but if any one be God-fearing and do his will, him he hears.

³²N'eus bet klevet biskoazh en defe den digoret daoulagad un den ganet dall.

³²Since time was, it has not been heard that any one opened the eyes of one born blind.

³³Ma ne vije ket hemañ eus Doue, ne c'hellje ober netra.

³³If this [man] were not of God he would be able to do nothing.

³⁴Int a respontas dezhañ: Te a zo bet ganet holl er pec'hed, hag e kelennez ac'hanomp! Hag e kasjont anezhañ kuit.

³⁴They answered and said to him, Thou hast been wholly born in sins, and thou teachest us? And they cast him out.

³⁵Jezuz a glevas penaos o devoa e gaset kuit, hag o vezañ en em gavet gantañ, e lavaras dezhañ: Ha krediñ a rez e Mab Doue?

³⁵Jesus heard that they had cast him out, and having found him, he said to him, Thou, dost thou believe on the Son of God?

³⁶Eñ a respontas: Piv eo Aotrou, evit ma kredin ennañ?

³⁶He answered and said, And who is he, Lord, that I may believe on him?

³⁷Ha Jezuz a lavaras dezhañ: Gwelet ec'h eus anezhañ, eñ e-unan eo an hini a gomz ouzhit.

³⁷And Jesus said to him, Thou hast both seen him, and he that speaks with thee is he.

³⁸Neuze e lavaras: Krediñ a ran, Aotrou, hag ec'h azeulas anezhañ.

³⁸And he said, I believe, Lord: and he did him homage.

³⁹Ha Jezuz a lavaras: Me a zo deuet er bed-mañ da varn, evit ma welo ar re na welont ket, ha ma teuio dall ar re a wel.

³⁹And Jesus said, For judgment am I come into this world, that they which see not may see, and they which see may become blind.

⁴⁰Hag hiniennoù eus ar farizianed a oa gantañ, o klevout kement-se, a lavaras dezhañ: Ha ni, bez' omp-ni ivez dall?

⁴⁰And [some] of the Pharisees who were with him heard these things, and they said to him, Are we blind also?

⁴¹Jezuz a lavaras dezho: Ma vijec'h dall, n'ho pije ket a bec'hed; met bremañ e lavarit: Gwelout a reomp; abalamour da gement-se ho pec'hed a chom.

⁴¹Jesus said to them, If ye were blind ye would not have sin; but now ye say, We see, your sin remains.